Priljubljene svetopisemske vrstice iz กง-โฒ่ 3

Deli

เหว่ย น้าย, เม่ย บัว อ๋อย หฒุ ก๊อย เฮญี้ยว หฑวน ต้าย ล์อ ทิน-ฮู่ง, ปุน นิ่น ซ้อด กวั่ง เม่ย บัว เญย ฒุ์ย. เฒี้ยว ฯฒฯ ปุน เม่ย บัว เญย เฮญี้ยว ม่าย เฒี่ยง โห่ เญี์ยม, ฟี้ง เจี์ย ต้าย

มป่า ปี​เต แอ๋ง ก๊อง บั๋ว นิ่น, “เจียม ญ่าน เยีย ไม้ ม่าย โอ่. มป่า เยีย ม่าย เญย, เยีย อ๋อย ปุน เม่ย. เต๊ง นา​ซา​เล้ด มู้ง เญย เย​ซู กี​ตู่ เญย บั๋ว, เจี์ย ซิน ต้าย ยั่ง เจ๊า ม่าะ!”

ปี​เต ฯฒฯ นั้น เจี๊ยน วั้ว ล่าน เมี่ยน เญย บย่าว เจี๊ยะ ปั์ว, เคน นิ่น เจี์ย ซิน ต้าย โซ้ว เจี๊ยน. เหฒา-เป๊น เหธา เหฒา-เหมว่ย เลี่ยม เฒ่ย เฮ้น ต้าย ม่าย ชะ. นิ่น ปิว เจี์ย ซิน ต้าย เจี์ย กอน ยั่ง เจ๊า อ๊ะ. นิ่น ฯฒฯ กัน ปี​เต เหธา โย​ฮัน เปียะ หฒั่ง ทิน-ฮู่ง เญย เปย๊า, ยั่ง เจี๊ยน มี่ง, ปิว เจี๊ยน มี่ง, เธง เจี๊ยน ทิน-ฮู่ง มี่ง.

เซ นิ่น เญย บั๋ว เญย ชะ ปุน น้าย ล่าน เหฒา ไบ เญย เมี่ยน เฮ้น ต้าย. เม่ย บัว ปวัด เญย เหธา ฮิ้ว เญย เยียม น้าย ล่าน เมี่ยน ธ้วด ต้าย เญย สี่ เซ เหว่ย เสียน เย​ซู เญย บั๋ว. เหว่ย เสียน เขา เย​ซู น้าย ล่าน เมี่ยน หธีง ต้าย หลง เหฑ่ง, ฮนั้ง เม่ย บัว เหยียด ฒู้ง ปวัด เจี๊ยน นอ.