Obľúbené biblické verše z Jäqui'ves Corintoĉantyidyes 5

Zdieľať

Tyi chuc aty Cristoty yụꞌtac, muꞌ mụiꞌtyity shupqui. Mọꞌ tashches dyijyedyemꞌ aty mọtsimꞌ, yedyej qui mụiꞌsis muꞌ.

Cristo itŝity juchaj, Jenꞌ qui namꞌ jeñej buꞌyi juchajtumtyiꞌ jacaviti tsundyes paj qui tsun Cristoty tsun rụij yụꞌtac tsun Jenꞌsiꞌyaꞌ vej muꞌ.

Meꞌ tsanꞌ jambiꞌ cạvepja Jenꞌsiꞌ jedyeꞌ muꞌ, yejĉojaꞌ qui namꞌ muꞌdyes bäꞌjaꞌ ĉaĉaij na anicjeja tsun.

Jenꞌdye nash meꞌ yuꞌtyiyisinꞌ. Fáquitiĉaꞌdyemꞌ Jenꞌtum jiquej tsun, muꞌ qui Cristo jutete, paj qui muꞌ jämꞌ yuꞌbusinꞌ Jenꞌyaꞌ. Muꞌ qui yuꞌtyin tsun paj qui voroꞌtacsi muntyiꞌ tsun, jéyacsi tsun junꞌ chuc tupuj jämꞌjibun Jenꞌyaꞌ in. Jéyacsi tsun: "Muꞌ Jenꞌ jutete muꞌ Cristo, yụꞌtacsi qui jacchety muntyiꞌ in paj qui muꞌin jämꞌjibun Jenꞌtum in, muꞌ aty vayacjeyacsebi juchaj muꞌin, judyeyaꞌ yuꞌtyin tsun paj qui muꞌin voroꞌtacsi tsun ọij p̂eyacdyeꞌ muꞌ", jéyacsi tsun.

Tsun nash jutactyiꞌ Cristoty muꞌ, p̂eyacdyeꞌ tuiꞌtyiꞌ tsun, muꞌdye Jenꞌ soꞌmin tsun p̂eyacdyeꞌ muntyidyes in. Mọꞌdyes Cristoscheꞌ tịj muꞌ ferdyeꞌtum jéyac tsun miꞌin: "Meꞌ raꞌ jämꞌjibun Jenꞌyaꞌ miꞌin."

Räj muntyidyes in säñi muꞌ, paj qui tsun aty jam ĉụiꞌsiꞌ dyijyedyeꞌ cạjaꞌ, paj qui muꞌdyes mọmoꞌ bäꞌjaꞌ, muꞌ säñity tsundyes judyeyaꞌ vañinyebantyiꞌ. Q̂uinꞌ tsun yocve cạvacsi muntyiꞌ in aty jam jeñej jacchety muntyiꞌ cạvacsi tsun, junꞌ chuc dyijyi Jenꞌ, meꞌ cạvacsi tsun. Tashcheꞌ jiquej tsun chimeꞌ jacches dyijyedyeꞌ cạiꞌ cạveteyaꞌ tsun muꞌ Cristo jiquej, jeñej muntyiꞌ ĉọ́te tsun, q̂uinꞌ aty jam meꞌ cạvete tsun.

Tsun meꞌ, ĉaĉaij na mọꞌ mạꞌjitidyes Cristos muꞌ, mọꞌ bächän tsun paj qui muꞌdyes bäꞌyi tsun, ĉaĉaij na chị́yeja tsun junꞌ chuc muꞌ yirity ijac räjdyes muntyiꞌ in, judyeyaꞌ qui tsun chimeꞌ räj sänjaꞌ muꞌtum.