ගීතාවලිය 40:1-4
මම ස්වාමින්වහන්සේගැන, ඉවසිල්ලෙන් බලා සිටියෙමි. උන්වහන්සේ මා දෙසට නැමී, මගේ හඬ ගෑම ඇසූ සේක. උන්වහන්සේ මා ගොහොරු වළෙන්, මඩ වගුරෙන්, සෙවල ගොඩෙන් එසවූ සේක්; පර්වතයක් පිට මා දෙපයින් සිටුවා, මා සිටිනා තැන සුරක්ෂිත කළ සේක. අපේ දෙවියන්වහන්සේට ප්‍රශංසාවක් වන නව ගීයක්, උන්වහන්සේ මගේ මුවේ තැබූ සේක. භය පක්ෂ ව ඒ දකිනා බොහෝ දනා, ස්වාමින්වහන්සේ තුළ තම විශ්වාසය තබනු ඇත. අහංකාරීන් දෙස නොහැරෙන, පිළිම රූප දෙවිවරුන් පසු පස නො යන, තම විශ්වාසය ස්වාමින්වහන්සේ තුළ ම තබන, තැනැත්තා භාග්‍යවත් ය.
ගීතාවලිය 40:1-4