එළිදරව් 7:4-17 - Compare All Versions
එළිදරව් 7:4-17 SCV (සිංහල කාලීන පරිවර්තනය)
එසේ මුද්රා තබනු ලැබූවන්ගේ ගණන මට ඇසිණි. ඉශ්රායෙල් පුත්රයන්ගේ ගෝත්ර සියල්ලෙන් මුද්රා තබනු ලැබූවන්ගේ ගණන එක්ලක්ෂ හතළිස්හතර දහසකි. යූදා ගෝත්රයෙන් දොළොස් දහසක් මුද්රා තබන ලදහ. රූබෙන් ගෝත්රයෙන් දොළොස් දහසක්, ගාද් ගෝත්රයෙන් දොළොස් දහසක්, ආෂෙර් ගෝත්රයෙන් දොළොස් දහසක්, නෆ්තලී ගෝත්රයෙන් දොළොස් දහසක්, මනස්සේ ගෝත්රයෙන් දොළොස් දහසක්, සිමියොන් ගෝත්රයෙන් දොළොස් දහසක්, ලෙවී ගෝත්රයෙන් දොළොස් දහසක්, ඉස්සාකර් ගෝත්රයෙන් දොළොස් දහසක්, සාබුලොන් ගෝත්රයෙන් දොළොස් දහසක්, යෝසෙප් ගෝත්රයෙන් දොළොස් දහසක්, බෙන්යමින් ගෝත්රයෙන් දොළොස් දහසක් මුද්රා තබන ලදහ. මෙයින් පසු මම බැලීමි; මෙන්න! එවිට අති විශාල ජන සමූහයක්; කිසිවකුටත් ගණන් කරන්නට බැරි තරමේ හැම ජාතියකට, හැම ගෝත්රයකට, හැම ජනතාවකට හා හැම භාෂාවකට ම අයත් වූ ඔවුහු, සුදු ලෝගු හැඳ, ඉඳි අතු අතැතිව සිංහාසනය හා බැටළු පැටවාණන් ඉදිරියේ සිටගෙන වුන්හ. ඔවුහු උස් හඬ නගා මොර ගැසුවෝ ය: “ගැලවීම අයිති සිංහාසනයේ හිඳින, අපගේ දෙවියන්වහන්සේටත්, බැටළු පැටවාණන්ටත් ය.” දේව දූත සියල්ලෝ, සිංහාසනය වටාත්, වැඩිමහල්ලන් හා ජීවමාන සත්වයන් හතරදෙනා වටාත් සිටගෙන වුන්හ. ඔවුහු සිංහාසනය අබියස මුහුණින් වැඳ වැටී, දෙවියන්වහන්සේට නමස්කාර කරමින්, මෙසේ කීහ: “ආමෙන්! ප්රශංසාව හා තේජෝ මහිමයත්, ප්රඥාව හා ස්තූතියත්, ගෞරවයත්, බලය හා පරාක්රමයත්, සදහට ම, සදාතනික ව ම අපේ දෙවියන්වහන්සේට ම වේවා. ආමෙන්!” එවිට වැඩිමහල්ලන්ගෙන් කෙනෙක් මා අමතමින්, “මේ සුදු ලෝගු හැඳ සිටින අය කවුරු ද? ඔවුන් ආවේ කොහේ සිට දැ?” යි ඇසී ය. මම ඔහුට පිළිතුරු දෙමින්, “ඔබ එය දනියි, මගේ ස්වාමිනි” යි කීවෙමි. එවිට ඔහු, “මහා පීඩාව මැදින් එන්නෝ මොවුහුයි. ඔවුන් තම සළු බැටළු පැටවාණන්ගේ ලෙයින් සෝදා සුදු කර ගෙන ඇත. එබැවින්, “ඔවුහු දෙවියන්වහන්සේගේ සිංහාසනය ඉදිරියේ, දිවා රැයේ උන්වහන්සේට, උන්වහන්සේගේ මාලිගයේ මෙහෙ කරති. සිංහාසන මත හිඳිනා තැනැන්වහන්සේ ස්වකීය අභිමුඛය, ඔවුනට ඉහළින් සෙවණක් කරන සේක. ‘ඔවුන්ට තවත් කුස ගිනි වන්නේ නැත; පිපාස වන්නේ ද නැත. හිරු කිරණ හෝ දැවෙන ගිනියමක්,’ ඔවුන්ට පහර දෙන්නේ නැත. මන්ද සිංහාසනය මැද සිටින බැටළු පැටවාණෝ, ඔවුන්ගේ එඬේරාණන් වන්නේ ය. ‘උන්වහන්සේ ජීවන දිය උල්පත් වෙත ඔවුනට මග පෙන්වන්නාහ.’ ‘දෙවියන්වහන්සේ ම ඔවුන්ගේ ඇස්වල කඳුළු හැම පිසදමන්නාහ’ යි” පැවසී ය.
එළිදරව් 7:4-17 SROV (Sinhala Revised Old Version)
තවද මුද්රාකරනු ලැබූවන්ගේ ගණන ඇසීමි, ඉශ්රායෙල් පුත්රයන්ගේ සියලු ගෝත්රවලින් මුද්රාකරනු ලැබූ අය එක්ලක්ෂ සතළිස් සාරදහසක්ය. යූදාගේ ගෝත්රයෙන් දොළොස් දහසක් මුද්රාකරනු ලැබුවෝය. රූබෙන්ගේ ගෝත්රයෙන් දොළොස් දහසක්ද, ගාද්ගේ ගෝත්රයෙන් දොළොස් දහසක්ද, ආෂෙර්ගේ ගෝත්රයෙන් දොළොස් දහසක්ද, නප්තලීගේ ගෝත්රයෙන් දොළොස් දහසක්ද, මනස්සේගේ ගෝත්රයෙන් දොළොස් දහසක්ද, සිමියොන්ගේ ගෝත්රයෙන් දොළොස් දහසක්ද, ලෙවීගේ ගෝත්රයෙන් දොළොස් දහසක්ද, ඉස්සාකර්ගේ ගෝත්රයෙන් දොළොස් දහසක්ද, සාබුලොන්ගේ ගෝත්රයෙන් දොළොස් දහසක්ද, යෝසෙප්ගේ ගෝත්රයෙන් දොළොස් දහසක්ද, බෙන්යමින්ගේ ගෝත්රයෙන් දොළොස් දහසක්ද, මුද්රාකරනු ලැබුවෝය. ඉන්පසු සියලු ජාතීන්ගෙනුත් ගෝත්රවලිනුත් සෙනඟගෙනුත් භාෂාවන්ගෙනුත් කිසිවෙකුට ගණන්කළ නොහැකි මහත් සමූහයක් සුදු සළු පැළඳ, තමුන්ගේ අත්වල තාලපත්ර ඇතුව, සිංහාසනය ඉදිරියෙහිත් බැටළුපැටවාණන් ඉදිරියෙහිත් සිටිනවා දුටිමි; ඔව්හු: සිංහාසනයෙහි වැඩහිඳින අපේ දෙවියන්වහන්සේටත් බැටළුපැටවාණන්ටත් ගැළවීම අයිතිය කියා මහත් ශබ්දයකින් හඬගැසුවෝය. සියලු දේවදූතයෝ සිංහාසනයද වැඩිමහල්ලන්ද ජීවමාන සත්වයන් සතරදෙනාද වටකර සිට, සිංහාසනය ඉදිරියෙහි මුහුණින් වැටී, දෙවියන්වහන්සේට නමස්කාරකරමින්: ආමෙන්. ප්රශංසාවද තේජසද ප්රඥාවද ස්තුතියද ගෞරවයද බලයද පරාක්රමයද සදාකාලේටම අපේ දෙවියන්වහන්සේට වේවා. ආමෙන්යයි කීවෝය. එවිට වැඩිමහල්ලන්ගෙන් එක්කෙනෙක් මට කථාකොට: සුදු සළු පැළඳ සිටින මොව්හු කවුරුද? කොතැනින් ආවෝදැයි මාගෙන් ඇසුවේය. මමද: මාගේ ස්වාමීනි, ඔබ දන්නෙහියයි ඔහුට කීමි. ඔහු කියනුයේ: මොව්හු මහත් පීඩා මැදින් එන්නෝය, ඔව්හු තමුන්ගේ සළු බැටළුපැටවාණන්ගේ ලෙයින් සෝදා සුදුකරගත්තෝය. එබැවින් ඔව්හු දෙවියන්වහන්සේගේ සිංහාසනය ඉදිරියෙහි සිටිති; උන්වහන්සේගේ මාළිගාවේ රෑ දාවල් උන්වහන්සේට සේවයකරති. සිංහාසනයෙහි වැඩහිඳින තැනන්වහන්සේ තමන්ගේ මණ්ඩපය ඔවුන්ට උඩින් විදහනසේක. ඔවුන්ට තවත් බඩගිනිවන්නේවත් පිපාසා වන්නේවත් නැත; සූර්ය රශ්මියවත් කිසි රස්නයක්වත් ඔවුන්ට පහරදෙන්නේ නැත. මක්නිසාද සිංහාසනය මැද සිටින බැටළුපැටවාණෝ ඔවුන්ගේ එඬේරා වී, ජීවන-දිය-උල්පත්වලට ඔවුන් ගෙනයනසේක. දෙවියන්වහන්සේද ඔවුන්ගේ ඇස්වලින් සියලු කඳුළු පිසදමනසේකැයි කීවේය.
එළිදරව් 7:4-17 NRSV (Sinhala New Revised Version)
තවද, මුද්රා සලකුණ ලත් අයගේ ගණන මට ඇසුණේ ය. සියලු ඉශ්රායෙල් ගෝත්රවලින් මුද්රා සලකුණු ලත් අය එක් ලක්ෂ සතළිස් සාර දහසක් වූ හ. ජූදාගේ ගෝත්රයෙන් දොළොස් දහසක් මුද්රා කරනු ලැබූ හ. රූබන්ගේ ගෝත්රයෙන් දොළොස් දහසක් ද ගාද්ගේ ගෝත්රයෙන් දොළොස් දහසක් ද ආෂෙර්ගේ ගෝත්රයෙන් දොළොස් දහසක් ද නප්තලීගේ ගෝත්රයෙන් දොළොස් දහසක් ද මනස්සේගේ ගෝත්රයෙන් දොළොස් දහසක් ද සිමියොන්ගේ ගෝත්රයෙන් දොළොස් දහසක් ද ලෙවීගේ ගෝත්රයෙන් දොළොස් දහසක් ද ඉස්සාකර්ගේ ගෝත්රයෙන් දොළොස් දහසක් ද සාබුලොන්ගේ ගෝත්රයෙන් දොළොස් දහසක් ද ජෝසෙප්ගේ ගෝත්රයෙන් දොළොස් දහසක් ද බෙන්ජමින්ගේ ගෝත්රයෙන් දොළොස් දහසක් ද මුද්රා කරනු ලැබූ හ. ඉන්පසු සියලු ජාතීන්ගෙන් ද ගෝත්රවලින් ද ජන සමූහයාගෙන් ද භාෂාවන්ගෙන් ද කිසිවෙකුට ගණන් නොකළ හැකි තරම් ඉමහත් පිරිසක්, සුදු සළු පැළඳ, තාල පත්ර අතින් ගෙන, සිංහාසනය හා බැටළු පෝතකයාණන් ඉදිරියෙහි සිටිනු මම දිටිමි. ඔව්හු මහ හඬින් මොරගසා “සිංහාසනයෙහි වැඩ හිඳින අපේ දෙවියන් වහන්සේගෙන් ද බැටළු පෝතකයාණන්ගෙන් ද ගැළවීම පැමිණේ ය”යි කී හ. සියලු දේව දූතයෝ සිංහාසනය ද කුලදෙටුවන් ද ජීවමාන සත්ත්වයන් සතර දෙනා ද සිසාරා, සිංහාසනය ඉදිරියෙහි වැඳ වැටී, දෙවියන් වහන්සේට නමස්කාර කරමින්, “ආමෙන්! ප්රශංසාව ද මහිමය ද ප්රඥාව ද ස්තුතිය ද ගෞරවය ද බලය ද පරාක්රමය ද අපේ දෙවියන් වහන්සේට සදහට ම වේ වා! ආමෙන් ය”යි කී හ. එවිට කුලදෙටුවන්ගෙන් එක් තැනැත්තෙක් මට කතා කොට, “සුදු සළු පැළඳගත් මොවුහු කවුරු ද? කොතැනින් ආවෝ දැ”යි මාගෙන් ඇසී ය. “මාගේ ස්වාමීනි, ඔබ එය දන්නෙහි ය”යි මම ඔහුට කීමි. එවිට ඔහු මා අමතා, “මොවුහු මහත් පීඩා මැදින් එන්නාහ. ඔව්හු තම සළු බැටළු පෝතකයාණන්ගේ ලෙයින් සෝදා සුදු කරගත්තෝ ය. ඔවුන් දිවා රෑ දෙක්හි දෙවියන් වහන්සේගේ මාලිගාවෙහි සේවය කරමින් උන් වහන්සේගේ සිංහාසනය ඉදිරියේ සිටින්නේ ඒ හෙයිනි. සිංහාසනයේ වැඩ හිඳින තැනැන් වහන්සේ ඔවුන් සමඟ වැඩ වසන සේක. ඔවුන්ට මින්පසු සාගින්නක් වත් පිපාසයක් වත් නැත. සූර්ය තාපය වත් දැවෙන ග්රීෂ්මය වත් ඔවුන් පෙළන්නේ නැත. මන්ද, සිංහාසනය මැද සිටින බැටළු පෝතකයාණෝ ඔවුන්ගේ එඬේරාණන් වී, ජීවන දිය උල්පත්වලට ඔවුන් ගෙනයන සේක. දෙවියන් වහන්සේ ද ඔවුන්ගේ ඇස්වලින් සියලු කඳුළු පිස දමන සේකැ”යි කී ය.
එළිදරව් 7:4-17 SNRV (Sinhala New Revised Version 2018)
තවද, මුද්රා සලකුණ ලත් අයගේ ගණන මට ඇසුණේ ය. සියලු ඉශ්රායෙල් ගෝත්රවලින් මුද්රා සලකුණු ලත් අය එක් ලක්ෂ සතළිස් සාර දහසක් වූ හ. ජූදාගේ ගෝත්රයෙන් දොළොස් දහසක් මුද්රා කරනු ලැබූ හ. රූබන්ගේ ගෝත්රයෙන් දොළොස් දහසක් ද ගාද්ගේ ගෝත්රයෙන් දොළොස් දහසක් ද ආෂෙර්ගේ ගෝත්රයෙන් දොළොස් දහසක් ද නප්තලීගේ ගෝත්රයෙන් දොළොස් දහසක් ද මනස්සේගේ ගෝත්රයෙන් දොළොස් දහසක් ද සිමියොන්ගේ ගෝත්රයෙන් දොළොස් දහසක් ද ලෙවීගේ ගෝත්රයෙන් දොළොස් දහසක් ද ඉස්සාකර්ගේ ගෝත්රයෙන් දොළොස් දහසක් ද සාබුලොන්ගේ ගෝත්රයෙන් දොළොස් දහසක් ද ජෝසෙප්ගේ ගෝත්රයෙන් දොළොස් දහසක් ද බෙන්ජමින්ගේ ගෝත්රයෙන් දොළොස් දහසක් ද මුද්රා කරනු ලැබූ හ. ඉන්පසු සියලු ජාතීන්ගෙන් ද ගෝත්රවලින් ද ජන සමූහයාගෙන් ද භාෂාවන්ගෙන් ද කිසිවෙකුට ගණන් නොකළ හැකි තරම් ඉමහත් පිරිසක්, සුදු සළු පැළඳ, තාල පත්ර අතින් ගෙන, සිංහාසනය හා බැටළු පෝතකයාණන් ඉදිරියෙහි සිටිනු මම දිටිමි. ඔව්හු මහ හඬින් මොරගසා “සිංහාසනයෙහි වැඩ හිඳින අපේ දෙවියන් වහන්සේගෙන් ද බැටළු පෝතකයාණන්ගෙන් ද ගැළවීම පැමිණේ ය”යි කී හ. සියලු දේව දූතයෝ සිංහාසනය ද කුලදෙටුවන් ද ජීවමාන සත්ත්වයන් සතර දෙනා ද සිසාරා, සිංහාසනය ඉදිරියෙහි වැඳ වැටී, දෙවියන් වහන්සේට නමස්කාර කරමින්, “ආමෙන්! ප්රශංසාව ද මහිමය ද ප්රඥාව ද ස්තුතිය ද ගෞරවය ද බලය ද පරාක්රමය ද අපේ දෙවියන් වහන්සේට සදහට ම වේ වා! ආමෙන් ය”යි කී හ. එවිට කුලදෙටුවන්ගෙන් එක් තැනැත්තෙක් මට කතා කොට, “සුදු සළු පැළඳගත් මොවුහු කවුරු ද? කොතැනින් ආවෝ දැ”යි මාගෙන් ඇසී ය. “මාගේ ස්වාමීනි, ඔබ එය දන්නෙහි ය”යි මම ඔහුට කීමි. එවිට ඔහු මා අමතා, “මොවුහු මහත් පීඩා මැදින් එන්නාහ. ඔව්හු තම සළු බැටළු පෝතකයාණන්ගේ ලෙයින් සෝදා සුදු කරගත්තෝ ය. ඔවුන් දිවා රෑ දෙක්හි දෙවියන් වහන්සේගේ මාලිගාවෙහි සේවය කරමින් උන් වහන්සේගේ සිංහාසනය ඉදිරියේ සිටින්නේ ඒ හෙයිනි. සිංහාසනයේ වැඩ හිඳින තැනැන් වහන්සේ ඔවුන් සමඟ වැඩ වසන සේක. ඔවුන්ට මින්පසු සාගින්නක් වත් පිපාසයක් වත් නැත. සූර්ය තාපය වත් දැවෙන ග්රීෂ්මය වත් ඔවුන් පෙළන්නේ නැත. මන්ද, සිංහාසනය මැද සිටින බැටළු පෝතකයාණෝ ඔවුන්ගේ එඬේරාණන් වී, ජීවන දිය උල්පත්වලට ඔවුන් ගෙනයන සේක. දෙවියන් වහන්සේ ද ඔවුන්ගේ ඇස්වලින් සියලු කඳුළු පිස දමන සේකැ”යි කී ය.
එළිදරව් 7:4-17 NIV (New International Version)
Then I heard the number of those who were sealed: 144,000 from all the tribes of Israel. From the tribe of Judah 12,000 were sealed, from the tribe of Reuben 12,000, from the tribe of Gad 12,000, from the tribe of Asher 12,000, from the tribe of Naphtali 12,000, from the tribe of Manasseh 12,000, from the tribe of Simeon 12,000, from the tribe of Levi 12,000, from the tribe of Issachar 12,000, from the tribe of Zebulun 12,000, from the tribe of Joseph 12,000, from the tribe of Benjamin 12,000. After this I looked, and there before me was a great multitude that no one could count, from every nation, tribe, people and language, standing before the throne and before the Lamb. They were wearing white robes and were holding palm branches in their hands. And they cried out in a loud voice: “Salvation belongs to our God, who sits on the throne, and to the Lamb.” All the angels were standing around the throne and around the elders and the four living creatures. They fell down on their faces before the throne and worshiped God, saying: “Amen! Praise and glory and wisdom and thanks and honor and power and strength be to our God for ever and ever. Amen!” Then one of the elders asked me, “These in white robes—who are they, and where did they come from?” I answered, “Sir, you know.” And he said, “These are they who have come out of the great tribulation; they have washed their robes and made them white in the blood of the Lamb. Therefore, “they are before the throne of God and serve him day and night in his temple; and he who sits on the throne will shelter them with his presence. ‘Never again will they hunger; never again will they thirst. The sun will not beat down on them,’ nor any scorching heat. For the Lamb at the center of the throne will be their shepherd; ‘he will lead them to springs of living water.’ ‘And God will wipe away every tear from their eyes.’”