ගීතාවලිය 36:1-6
ගීතාවලිය 36:1-6 සිංහල කාලීන පරිවර්තනය (SCV)
දුෂ්ටයින්ගේ පාපිෂ්ඨ බව ගැන දෙවියන්වහන්සේගෙන් වන පණිවුඩයක් මගේ හදවතේ වෙයි. ඔවුන්ගේ ඇස් හමුවේ දෙවියන්වහන්සේට භයක් නැත. තම පාපය සොයා දැනගැන්මත්, ඊට ද්වේෂ කිරීමත් නො පෙනෙන තරමට ඔහු තමා ගැන පුරසාරම් දොඩයි. ඔහුගේ මුවින් නික්මෙන වචන, දුෂ්ට ය; රැවටිලිකාරී ය; ඔහු ප්‍රඥාවත් වීම, හොඳ දේ කිරීම නවතා ඇත. යහනේ වැතිර පවා ඔහු කරන්නේ, නපුරු උපා සැලසුම් කිරීමයි. ඔහුගේ ඇල්ම, බැල්ම නපුර දෙසට ම ය. ඔහු නපුරට නෑ, බෑ නො කියයි. ඔබගේ නොමියෙන ප්‍රේමය, අහෝ ස්වාමින්වහන්ස, ස්වර්ගය දක්වා ව්‍යාප්ත වේ; ඔබගේ විශ්වාසවන්තකම වලාකුළු උසට නැගේ. ඔබගේ ධර්මිෂ්ඨකම මහා කඳුවැටි වැන්න; ඔබගේ විනිශ්චය සාගර මහා ගැඹුර වැන්න. අහෝ ස්වාමින්වහන්ස, ඔබ මිනිසා හා සත්වයා එක ලෙස සුරකින සේක.
ගීතාවලිය 36:1-6 Sinhala Revised Old Version (SROV)
දුෂ්ටයාගේ ඇස් හමුයේ දෙවියන්වහන්සේට භයක් නැති බව ඔහුගේ අපරාධය මාගේ සිතට හඟවා දෙයි. මක්නිසාද ස්වකීය අයුතුකම එළිදරව්වෙන්නේවත් පිළිකුල්වන්නේවත් නැතැයි ඔහු තමාගේ ඇස් හමුවෙහි තමාටම චාටුකරගනියි. ඔහුගේ මුඛයෙහි වචන අයුතුකම හා වංචාව වේ. ඔහු නුවණැතිව සිටීමෙන්ද යහපත්කම් කිරීමෙන්ද වැලකී සිටී. ඔහු තමාගේ යහනේදී අයුතුකම යොදයි; යහපත් නුවූ මාර්ගයක හැසිරෙයි; නපුරට පිළිකුල් නොකරයි. ස්වාමිනි, ඔබගේ කරුණාගුණය ස්වර්ගයෙහිය; ඔබගේ විශ්වාසකම ආකාශය දක්වා පවත්නේය. ඔබගේ ධර්මිෂ්ඨකම දෙවියන්වහන්සේගේ කඳු මෙනි; ඔබගේ විනිශ්චයෝ මහමුහුද මෙන් ගැඹුරුය. ස්වාමිනි, ඔබ මනුෂ්‍යයාද මෘගයාද ආරක්ෂාකරනසේක.
ගීතාවලිය 36:1-6 Sinhala New Revised Version (NRSV)
දුදනාගේ හද පත්ලෙහි පවට පෙළඹීම ඇත; ඔහු තුළ දේව ගරුබිය නැත. සිය අයුතුකම් හෙළි වී පිළිකුල් කරනු නොලබන්නේ යැයි ඔහු තමා ම පාරට්ටු කරගනියි. ඔහුගේ මුඛය අයුතුකම හා වංචාවෙන් පිරී ඇත; ඔහු ප්‍රඥාවට පිටුපා යහපත නොකරයි. ඔහු යහනේ සිටින විට පවා මැරවරකම් යෝජනා කරයි; අයහපත් මඟක ම හැසිරෙයි; නපුරු කිසිවකට පිළිකුල් නොකරයි. සමිඳුනි, ඔබේ නොනස්නා පෙම්කඳ අහස දක්වා නඟියි; ඔබේ විශ්වාසවන්තකම වලාකුළු ඉක්මවා යයි. ඔබේ දැහැමිකම උස් කඳුවැටි හා සමාන ය; ඔබේ විනිශ්චයයෝ මහ සයුර මෙන් ගැඹුරු ය. සමිඳුනි, ඔබ මිනිසා ද මෘගයා ද රක්නා සේක.
ගීතාවලිය 36:1-6 Sinhala New Revised Version 2018 (SNRV)
දුදනාගේ හද පත්ලෙහි පවට පෙළඹීම ඇත; ඔහු තුළ දේව ගරුබිය නැත. සිය අයුතුකම් හෙළි වී පිළිකුල් කරනු නොලබන්නේ යැයි ඔහු තමා ම පාරට්ටු කරගනියි. ඔහුගේ මුඛය අයුතුකම හා වංචාවෙන් පිරී ඇත; ඔහු ප්‍රඥාවට පිටුපා යහපත නොකරයි. ඔහු යහනේ සිටින විට පවා මැරවරකම් යෝජනා කරයි; අයහපත් මඟක ම හැසිරෙයි; නපුරු කිසිවකට පිළිකුල් නොකරයි. සමිඳාණන් වහන්ස, ඔබේ නොනස්නා පෙම්කඳ අහස දක්වා නඟියි; ඔබේ විශ්වාසවන්තකම වලාකුළු ඉක්මවා යයි. ඔබේ දැහැමිකම උස් කඳුවැටි හා සමාන ය; ඔබේ විනිශ්චයයෝ මහ සයුර මෙන් ගැඹුරු ය. සමිඳුනි, ඔබ මිනිසා ද මෘගයා ද රක්නා සේක.
ගීතාවලිය 36:1-6 New International Version (NIV)
I have a message from God in my heart concerning the sinfulness of the wicked: There is no fear of God before their eyes. In their own eyes they flatter themselves too much to detect or hate their sin. The words of their mouths are wicked and deceitful; they fail to act wisely or do good. Even on their beds they plot evil; they commit themselves to a sinful course and do not reject what is wrong. Your love, LORD, reaches to the heavens, your faithfulness to the skies. Your righteousness is like the highest mountains, your justice like the great deep. You, LORD, preserve both people and animals.