ගණන් කථාව 6:1-8
ගණන් කථාව 6:1-8 සිංහල කාලීන පරිවර්තනය (SCV)
ස්වාමින්වහන්සේ මෝසෙස්ට මෙසේ කී සේක; “ඉශ්රායෙල් ජනයා අමතා, ඔවුන්ට මෙසේ කියන්න: ‘යම් මිනිසෙක් හෝ කාන්තාවක් විශේෂ බාරයක් වී, නසිරීයයකු ලෙස ස්වාමින්වහන්සේට වෙන් වී, කැපවන්නේ නම්, ඒ අය මිදි යුෂ හා වෙනත් මත්පැන්වලින් වැළකී සිටිය යුතු ය. මිදි යුෂ හෝ වෙනත් මත්පැන් වර්ගයකින් තැනූ විනාකිරි කාඩි ද පානය නො කළ යුතු ය. ඒ අය මිදි යුෂ පානය නො කළ යුතු ය. අමු මිදි හෝ වියළි මිදි අහරට නො ගත යුතු ය. නසිරීයයකු වශයෙන් සිටින තාක් කල් ඒ අය මිදි වැලෙන් උපදන කිසිවක් හෝ දිව නො ගෑ යුතු ය; මිදි ගෙඩියේ ඇට හෝ ලෙල්ල හෝ පවා නො කෑ යුතු ය. “ ‘වෙන් ව සිටීමේ ඔහුගේ බාරයේ නියමිත කාල සීමාව මුළුල්ලේ ඔහුගේ හිස කෙස් නො කැපිය යුතු ය. ස්වාමින්වහන්සේට වෙන් ව, කැප ව සිටීමේ කාල සීමාව ගෙවෙන තෙක්, ඔහු ශුද්ධ ව සිටිය යුතු ය. ඔහු තම හිස කෙස් දිගට වැඩෙන්නට හැරිය යුතු ය. “ ‘ස්වාමින්වහන්සේට වෙන් ව, කැප ව සිටීමේ කාලය මුළුල්ලේ ඔහු මළ සිරුරක් අසලකට නො ගිය යුතු ය. ඔහුගේ පියා හෝ මව හෝ සහෝදර, සහෝදරියක මිය ගියේ වුව ද, ඔවුන් හේතු කොට ඔහු අපවිත්ර නො විය යුතු ය. මන්ද දෙවියන්වහන්සේට වෙන් ව කැප ව සිටීමේ සලකුණ ඔහුගේ හිසෙහි වන බැවිනි. වෙන් ව සිටීමේ ඔහුගේ කාල සීමාව පුරා ඔහු ස්වාමින්වහන්සේට කැප කරන ලදුව සිටී.
ගණන් කථාව 6:1-8 Sinhala Revised Old Version (SROV)
ස්වාමීන්වහන්සේ මෝසෙස්ට කථාකොට කියනසේක්: ඉශ්රායෙල් පුත්රයන්ට කථාකරමින් ඔවුන්ට මෙසේ කියන්න–පුරුෂයෙක් හෝ ස්ත්රියෙක් හෝ ස්වාමීන්වහන්සේට කැපවී සිටීම පිණිස භාරයක් එනම් නසරීයයෙකුගේ භාරයක් වෙන කල, ඔහු මුද්රිකපානයෙන්ද මද්යපානයෙන්ද වැලකී සිටිය යුතුය; ඔහු මුද්රික කාඩිවත් මද්යපාන කාඩිවත් නොබිව යුතුය, මුද්රික ඵලවලින් සාදන කිසි බීමක්ද නොබිව යුතුය, අමු මුද්රික ඵල හෝ වේළුණ මුද්රික ඵල හෝ නොකෑ යුතුය. ඔහු තමාගේ කැපවී සිටීමේ සියලු දවස්වල මදේ පටන් ලෙල්ල දක්වා මුද්රික වැළෙන් සාදන කිසි දෙයක් නොකා සිටියයුතුය. ඔහු තමාගේ කැපව සිටීමේ භාරයේ සියලු දවස්වල ඔහුගේ හිසෙහි කිසි දැළි පිහියක් නොතිබිය යුතුය. ඔහු ස්වාමීන්වහන්සේට වෙන්ව සිටින දවස් සම්පූර්ණවන තෙක් ශුද්ධව සිටින්නේය, තමාගේ හිසකේ වැඩෙන්ට හරින්නේය. ඔහු ස්වාමීන්වහන්සේට කැපවී සිටින සියලු දවස්වල මෘත ශරීරයක් ළඟට නොයා යුතුය. ඔහු තමාගේ පියා නුමුත් මවු නුමුත් සහෝදරයා නුමුත් සහෝදරී නුමුත් මැරුණුකල ඔවුන් නිසා අපවිත්ර නොවිය යුතුය. මක්නිසාද ඔහුගේ දෙවියන්වහන්සේට කැපවී සිටීමේ භාරය ඔහුගේ හිස පිට තිබේ. ඔහු කැපව සිටින සියලු දවස්වල ඔහු ස්වාමීන්වහන්සේට ශුද්ධය.
ගණන් කථාව 6:1-8 Sinhala New Revised Version (NRSV)
සමිඳාණන් වහන්සේ මෝසෙස්ට කතා කොට මෙසේ වදාළ සේක: “ඉශ්රායෙල් ජනයාට කතා කොට මෙසේ කියන්න: ‘යම් පුරුෂයෙකු හෝ ස්ත්රියක හෝ විශේෂ බාරයක් වී සමිඳාණන් වහන්සේට කැප වී වෙන් වන පිණිස නාසරීයයෙකුගේ බාරයක් වූ විට එවැන්නෙකු මිදියුස ද මත්පැන් ද පානය නොකළ යුතු ය. තවද, ඔහු මිදියුසේ කාඩි හෝ මත්පැනක කාඩි හෝ මිදි ගෙඩිවලින් පෙරාගත් මත් වන බීමක් හෝ පානය නොකළ යුතු ය. වියළි මිදි හෝ අමු මිදි ගෙඩි හෝ නොකෑ යුතු ය. කැප වූ මුළු කාලය තුළ ම ඔහු මිදි වැලෙන් හෝ මිදි ගෙඩියේ මදයෙන් හෝ ලෙල්ලෙන් හෝ සෑදූ කිසිවක් නොකෑ යුතු ය. ‘තවද, සමිඳාණන් වහන්සේට තමන් කැප කරගත් මුළු කාලය තුළ ම, එය අවසාන වෙන තෙක් ම ඔහු තම හිස කෙස් නොකැපිය යුතු ය. ඒ කාලයේ දී ඔහු ශුද්ධ කෙනෙකු වනු ඇත. තම කේශ කලාපය ද වැඩීමට ඉඩ දිය යුතු ය. මේ කාලය තුළ දී ඔහු කිසි ම කෙනෙකුගේ මළකඳක් සමීපයට නොපැමිණිය යුතු ය. තම පියා හෝ මව හෝ සහෝදරිය හෝ සහෝදරයා හෝ මියගිය විට පවා, තමා අපවිත්ර නොවිය යුතු ය. මන්ද, ඔහු දෙවියන් වහන්සේට කැපවීමේ ලකුණු තම හිස මත දරන බැවිනි. තමන් කැප වූ මුළු කාලය තුළ ම ඔහු සමිඳාණන් වහන්සේට කැප වූ කෙනෙකි.
ගණන් කථාව 6:1-8 Sinhala New Revised Version 2018 (SNRV)
සමිඳාණන් වහන්සේ මෝසෙස්ට කතා කොට මෙසේ වදාළ සේක: “ඉශ්රායෙල් ජනයාට කතා කොට මෙසේ කියන්න: ‘යම් පුරුෂයෙකු හෝ ස්ත්රියක හෝ විශේෂ බාරයක් වී සමිඳාණන් වහන්සේට කැප වී වෙන් වන පිණිස නාසරීයයෙකුගේ බාරයක් වූ විට එවැන්නෙකු මිදියුස ද මත්පැන් ද පානය නොකළ යුතු ය. තවද, ඔහු මිදියුසේ කාඩි හෝ මත්පැනක කාඩි හෝ මිදි ගෙඩිවලින් පෙරාගත් මත් වන බීමක් හෝ පානය නොකළ යුතු ය. වියළි මිදි හෝ අමු මිදි ගෙඩි හෝ නොකෑ යුතු ය. කැප වූ මුළු කාලය තුළ ම ඔහු මිදි වැලෙන් හෝ මිදි ගෙඩියේ මදයෙන් හෝ ලෙල්ලෙන් හෝ සෑදූ කිසිවක් නොකෑ යුතු ය. ‘තවද, සමිඳාණන් වහන්සේට තමන් කැප කරගත් මුළු කාලය තුළ ම, එය අවසාන වෙන තෙක් ම ඔහු තම හිස කෙස් නොකැපිය යුතු ය. ඒ කාලයේ දී ඔහු ශුද්ධ කෙනෙකු වනු ඇත. තම කේශ කලාපය ද වැඩීමට ඉඩ දිය යුතු ය. මේ කාලය තුළ දී ඔහු කිසි ම කෙනෙකුගේ මළකඳක් සමීපයට නොපැමිණිය යුතු ය. තම පියා හෝ මව හෝ සහෝදරිය හෝ සහෝදරයා හෝ මියගිය විට පවා, තමා අපවිත්ර නොවිය යුතු ය. මන්ද, ඔහු දෙවියන් වහන්සේට කැපවීමේ ලකුණු තම හිස මත දරන බැවිනි. තමන් කැප වූ මුළු කාලය තුළ ම ඔහු සමිඳාණන් වහන්සේට කැප වූ කෙනෙකි.
ගණන් කථාව 6:1-8 New International Version (NIV)
The LORD said to Moses, “Speak to the Israelites and say to them: ‘If a man or woman wants to make a special vow, a vow of dedication to the LORD as a Nazirite, they must abstain from wine and other fermented drink and must not drink vinegar made from wine or other fermented drink. They must not drink grape juice or eat grapes or raisins. As long as they remain under their Nazirite vow, they must not eat anything that comes from the grapevine, not even the seeds or skins. “ ‘During the entire period of their Nazirite vow, no razor may be used on their head. They must be holy until the period of their dedication to the LORD is over; they must let their hair grow long. “ ‘Throughout the period of their dedication to the LORD, the Nazirite must not go near a dead body. Even if their own father or mother or brother or sister dies, they must not make themselves ceremonially unclean on account of them, because the symbol of their dedication to God is on their head. Throughout the period of their dedication, they are consecrated to the LORD.