ජෙරෙමියා 3:1-18
ජෙරෙමියා 3:1-18 සිංහල කාලීන පරිවර්තනය (SCV)
“මිනිසකු තම බිරිඳ දික්කසාද කළහොත්, ඇය ඔහුගෙන් වෙන් ව, අනෙකකුගේ බිරිඳ වුණොත්, ඔහු ඇය වෙත ආපසු යයි ද? එයින් දේශය මුළුමනින් දූෂ්ය කරනු නො ලැබේ ද? ඔබ පෙම්වතුන් බොහෝ දෙනකු සමඟ වෙසඟනක සේ පෙම්කෙළිය ද දැන්, නුඹ යළි මා වෙත එනවා දැ?” යි ස්වාමින්වහන්සේ ප්රකාශ කරන සේක. “නුඹේ ඇස් ඇර, මුඩු කඳු දෙස බලනු; අපහරණයට නුඹ යොදා නො ගත් තැනක් එහි තියේ ද? කොල්ලකෑමට බලා සිටින කාන්තාර අරාබියයකු සේ, නුඹ පාර අයිනේ හිඳ, ප්රේමවන්තයන් එන තුරු මග බලා සිටියේ ය. නුඹේ නීච වේශ්යාකමින් සහ නුඹේ දුෂ්ටකමින් නුඹ දේශය දූෂ්ය කර ඇත. එබැවින් වැසි වැගිරීම වළක්වන ලදී. වසන්ත වරුසාව ද පැමිණියේ නැත. එහෙත් නුඹට ඇත්තේ වෙසඟනකගේ නළල ය. ලජ්ජා වීම නුඹ ප්රතික්ෂේප කර ඇත. දැන් නුඹ මට මෙසේ හඬ ගැසුවේ නැති ද? ‘මගේ පියාණෙනි, මගේ යෞවනයේ සිට ඔබ මගේ මිත්රයා ය. හැමදා ඔබ කෝපයෙන් සිටින සේක් ද? ඔබගේ උදහස සදහට ම පවතින්නේ ද?’ ඔන්න නුඹේ කතාව එහෙම ය. එහෙත් කළ හැකි හැම දුෂ්ටකමක් ම නුඹ කර ඇත.” යොෂීයා රජුගේ දවස්හි දී ස්වාමින්වහන්සේ මා ඇමතූ සේක්, “ඈ කළ දෑ ඔබ දුටුවා ද? අර අවිශ්වාසී එකිය, ඉශ්රායෙල්; ඈ හැම උස් කන්දක් මතට ද අතු විහිදුණු හැම ගහක් යටට ද ගොස්, එහිදී වේශ්යාකම් කළ හැටි. මා සිතුවේ ඇය ඒ සියල්ල කළ පසුව වුව ද, යළි මා වෙත හැරී එතැයි කියා ය. එහෙත් ඇය ආවේ නැත. ඇගේ ද්රෝහි සහෝදරිය, යූදා එය දුටුවා ය. ඇගේ සියලු පරදාරික අමනකම් නිසා ඒ අවිශ්වාසී එකියට, ඉශ්රායෙල්ට දික්කසාද තීන්දු ප්රකාශයක් දී, මා ඇය ඉවත යැවූ හැටි ඈ දුටුවා ය. එසේ වුව ද ඇගේ ද්රෝහි සහෝදරිය, යූදා භයක් දැක්වූයේ නැත. ඇය ද පිටත් ව ගොස්, වේශ්යාකම් කළා ය. තම දුරාචාර, ඒ සා සුළු කොට තැකූ ඈ දේශය දූෂ්ය කරමින්, ගල් හා ගස් සමඟ අනාචාරකම් කළා ය. මේ සියල්ල එසේ තිබියදීත්, ඇගේ ද්රෝහි සහෝදරිය, යූදා මා වෙත හැරී ආවේ ඇගේ මුළු හදින් නො ව, බොරු මවා පෑමෙන් යැ” යි ස්වාමින්වහන්සේ ප්රකාශ කරන සේක. ස්වාමින්වහන්සේ මා ඇමතූ සේක්, “අවිශ්වාසී ඉශ්රායෙල්, ඒ ද්රෝහි යූදාට වඩා ධර්මිෂ්ඨ වග ඈ පෙන්නුම් කළා ය. යන්න; උතුරු දෙසට මෙම වචන ප්රකාශ කරමින් මෙසේ පවසන්නැයි පැවසූ සේක. “ ‘අවිශ්වාසී ඉශ්රායෙල්, ආපසු එන්නැ’ යි ස්වාමින්වහන්සේ ප්රකාශ කරන සේක. ‘නුඹ දෙස මම කෝපයෙන් නො බලමි. මන්ද මම දයා කරුණාභරිත වෙමි’ යි ස්වාමින්වහන්සේ ප්රකාශ කරන සේක. මම සදහට ම කෝප නො වෙමි. ඔබේ වරද පිළිගන්න; එපමණක් කරන්න. ඔබගේ දෙවියන්වහන්සේ වන ස්වාමින්වහන්සේට එරෙහිව කැරලි ගැසූ ඔබ, අතු විහිදුණු හැම ගහක් යට විදෙස් දෙවිවරුනට ඔබේ සතුට බෙදා දුන් ඔබ, මගේ වචනයට කීකරු වුණේ නැතැ” යි ස්වාමින්වහන්සේ ප්රකාශ කරන සේක. “ආපසු එන්න! පසුබට ව යන පුත්රයිනි” යි ස්වාමින්වහන්සේ ප්රකාශ කරන සේක. “මන්ද මම ඔබගේ ස්වාමියාණන් වෙමි. නගරයකින් එක් කෙනකු ද වංශයකින් දෙදෙනකු ද යන වශයෙන් මම නුඹලා තෝරා ගෙන, සියොන වෙත ගෙනෙන්නෙමි. ඉන්පසු දැනගැන්මෙන් ද සිහි-නුවණින් ද යුතු ව ඔබට මග පෙන්වන, මගේ සිතට එකඟ එඬේරුන් මම ඔබට දෙන්නෙමි. දේශයේ ඔබ වර්ධන වී ගණනින් වැඩි වූ කල එදවස්හි,” ස්වාමින්වහන්සේ ප්රකාශ කරන සේක්, “ ‘ස්වාමින්වහන්සේගේ ගිවිසුම් කරඬුව යැ’ යි මිනිසුන් තවත් කියන්නේ නැත. එය ඔවුන්ගේ සිතට ඇතුළු වන්නේවත්, සිහි කරනු ලබන්නේවත් නැත. එය නැති බව සිහිවන්නේවත්, යළි එය සාදන්නේවත් නැත. එකල යෙරුසලම ස්වාමින්වහන්සේගේ සිංහාසනය යැයි අමතනු ලබන්නේ ය. සියලු ජාතීන් යෙරුසලමෙහි ස්වාමින්වහන්සේගේ නාමයට එහි එක් රැස්වනු ඇත. ඔවුන් තවදුරටත් තම දුෂ්ට හදවත්හි මුරණ්ඩුකම අනුව නො යනු ඇත. එදවස්හි යූදා වංශය, ඉශ්රායෙල් වංශය හා එකතු වී, ඔබගේ පියවරුන්ට උරුමයක් කොට මවිසින් දෙන ලද දේශයට, උතුරු දේශයක සිට එක් ව එනු ඇත.”
ජෙරෙමියා 3:1-18 Sinhala Revised Old Version (SROV)
මනුෂ්යයෙක් තමාගේ භාර්යාව අත්හැරිය කල, ඈ ඔහු වෙතින් ගොස් වෙන මනුෂ්යයෙකුට වුණොත්, ඔහු නැවත ඈ වෙතට හැරෙනවා ඇද්ද? ඒ දේශය ඉතා පිළිකුල් නොවන්නේදැයි ඔව්හු කියති. නුඹ වනාහි ආලය ඇත්තන් බොහෝදෙනෙකු සමඟ වේශ්යාකම්කෙළෙහිය; එහෙත් මා වෙතට හැරීඑන්නැයි ස්වාමීන්වහන්සේ කියනසේක. මුඩු කඳු දෙස නුඹේ ඇස් ඔසවා, නුඹ සංවාසය නොකළේ කොතැන්හිද කියා බලන්න. කාන්තාරයෙහි අරාබියා මෙන් නුඹ ඔවුන් ගැන බලා ඉඳ, නුඹේ වේශ්යාකම්වලින්ද දුෂ්ටකමින්ද දේශය කිලුටුකෙළෙහිය. ඒ නිසා වැහිවලා නැවතුණේය, අන්තිම වර්ෂාවද නොආයේය; එහෙත් නුඹ වේශ්යාවෙකුගේ නළල ඇතුව, කිසි ලජ්ජාවක් නැතුව සිටියෙහිය. මාගේ පියාණෙනි, ඔබ මාගේ තරුණ වයසේ මිත්රයාව සිටිසේකැයි නුඹ මෙවක් පටන් මට අඬ නොගසන්නෙහිද? උන්වහන්සේ තමන් උදහස සදාකාලේටම තබාගන්නාසේක්ද? එය කෙළවර දක්වා පවත්වනසේක්ද? මෙන්න, නුඹ මෙසේ කථාකළ නුමුත් නපුරු දේවල් කොට නුඹේ කැමැත්ත ඉෂ්ටකරගත්තෙහිය. තවද යොෂියා රජුගේ දවස්වලදී ස්වාමීන්වහන්සේ මට මෙසේ කීසේක: අහක්ව ගියාවූ ඉශ්රායෙල් කළ දේ නුඹ දුටුවෙහිද? ඈ උස්වූ සියලු කඳු උඩටත් සියලු අමුගස් යටටත් ගොස් එහිදී වේශ්යාකම්කළාය. ඈ ඒ සියල්ල කළායින් පසු: ඈ මා වෙතට හැරීඑනවා ඇතැයි කීවෙමි; නුමුත් ඈ හැරී ආවේ නැත. ඇගේ ද්රෝහිකාර සහෝදරීවූ යූදා එය දුටුවාය. එහෙත් ඒ සියලු කාරණා නිසා එනම් අහක්ව ගියාවූ ඉශ්රායෙල් කාමමිථ්යාචාරය කළ නිසා මම ඈ අත්හැරදමා ඇගේ අත්හැරීම් පත්රය ඈට දුන් නුමුත්, ඇගේ ද්රෝහිකාර සහෝදරීවූ යූදාත් භය නොවී ගොස් වේශ්යාකම් කරන බව දුටිමි. ඇගේ වේශ්යාකමේ නින්දිතකමින් ඈ දේශය පිළිකුල් කළාය, ඈ ගල් සහ දඬු සමඟ කාමමිථ්යාචාරය කළාය. මේ සියල්ල සිදුවූ නුමුත් ඇගේ ද්රෝහිකාර සහෝදරීවූ යූදා ඇගේ මුළු සිතින් නොව බොරුවෙන් මා වෙතට හැරී ආවායයි ස්වාමීන්වහන්සේ කියනසේක. තවද ස්වාමීන්වහන්සේ මට කථාකොට: අහක්ව ගිය ඉශ්රායෙල් ද්රෝහිකාර යූදාට වඩා තමුන් ධර්මිෂ්ඨ බව පෙන්වා තිබේ. නුඹ ගොස් උතුරු දෙසට මේ වචන ප්රකාශකරන්න: අහක්ව ගියාවූ ඉශ්රායෙල්, හැරී එන්නැයි ස්වාමීන්වහන්සේ කියන සේක; මම නුඹලා දෙස කෝපයෙන් නොබලන්නෙමි; මක්නිසාද මම කරුණාවන්තයෙමියි ස්වාමීන්වහන්සේ කියනසේක, මම සදාකාලේටම උදහස තබා නොගන්නෙමි. නුඹේ අයුතුකම පමණක් දැනගන්න, මක්නිසාද නුඹේ දෙවිවූ ස්වාමීන්වහන්සේට විරුද්ධව නුඹ කැරළිගසා, එහා මෙහා සියලු අමුගස් යට අන්යයන් ළඟට ගියෙහිය, මාගේ හඬට අකීකරුවුණෙහියයි ස්වාමීන්වහන්සේ කියනසේක. අහක්ව ගියාවූ දරුවෙනි, මා වෙතට හැරීඑන්නැයි ස්වාමීන්වහන්සේ කියනසේක; මක්නිසාද මම නුඹලාට ස්වාමිපුරුෂයෙක්ය. මම නුවරකින් එක්කෙනෙක්ද වංශයකින් දෙදෙනෙක්ද වුවත් නුඹලා පිළිගෙන සියොන්ට ගෙනෙන්නෙමි. මාගේ සිතට එකඟවූ එඬේරුන්ද නුඹලාට දෙන්නෙමි, ඔවුන් දැනගැන්මෙන්ද නුවණින්ද නුඹලා පෝෂ්යකරනවා ඇත. නුඹලා ඒ දවස්වලදී දේශයෙහි වැඩිවී සශ්රීකවෙන කල, මනුෂ්යයන්: ස්වාමීන්වහන්සේගේ ගිවිසුම් පෙට්ටියයයි තවත් කියන්නේවත්, ඒ ගැන සිහිවීමක් වන්නේවත් නැත. ඔව්හු ඒ ගැන සිහි නොකරන්නෝය; ඒක නැති බවත් නොදැනෙන්නේය; ඒක තවත් සාදනු නොලබන්නේයයි ස්වාමීන්වහන්සේ කියනසේක. ඒ කාලයෙහි යෙරුසලමට: ස්වාමීන්වහන්සේගේ සිංහාසනයයයි කියනවා ඇත; සියලු ජාතීහුද ඒක ළඟට, ස්වාමීන්වහන්සේගේ නාමය නිසා යෙරුසලමට, රැස්වන්නෝය. ඔව්හු තමුන්ගේ නපුරු සිත්වල මුරණ්ඩුකමේ හැටියට තවත් නොහැසිරෙන්නෝය. ඒ දවස්වලදී යූදා වංශය ඉශ්රායෙල් වංශය සමඟ ගමන්කර, උතුරු දේශයේ සිට මා විසින් නුඹලාගේ පියවරුන්ට උරුමකරදුන් දේශයට එක්ව එනවා ඇත.
ජෙරෙමියා 3:1-18 Sinhala New Revised Version (NRSV)
සමිඳාණන් වහන්සේ මට මෙසේ වදාළසේක: “මිනිසෙකු සිය භාර්යාව දික්කසාද කළ පසු, ඈ ඔහුගෙන් වෙන් වී ගොස් වෙන මිනිසෙකුගේ භාර්යාව වූවොත්, පළමු පුරුෂයා නැවත ඈ වෙත හැරී යනු ඇද් ද? එසේ කිරීමෙන් සහමුලින් ම දේශය අපවිත්ර නොවන්නේ ද? එහෙත්, ඉශ්රායෙලය, නුඹ පෙම්වතුන් බොහෝ දෙනෙකු සමඟ වේශ්යාකම් කෙළෙහි ය. එහෙයින් මා වෙත හැරී එන්නට නුඹට පුළුවන් ද? මෙසේ පවසන්නේ දෙවි සමිඳාණන් වහන්සේ ය. පාළු කඳු දෙසට ඇස් ඔසවා බලා, නුඹ වේශ්යාකම් නොකළ තැනක් ඇද්දැ යි බලන්න. කාන්තාරයේ බලා සිටින අරාබියෙකු සේ පෙම්වතුන් එන තෙක් නුඹ පාර අයිනේ බලා සිටියෙහි ය. නුඹේ දූෂිත වේශ්යාකම් නිසා නුඹ දේශය අපවිත්ර කෙළෙහි ය. වැහිවලා වළක්වනු ලැබුවේත්, වසන්ත කාලයේ වැසි නොවැස්සේත් ඒ නිසා ය. වේශ්යාවකගේ පෙනුම නුඹට ඇත; එහෙත්, නුඹට කිසි ලජ්ජාවක් නැත. “දැන් පවා නුඹ මට මෙසේ හඬ නොගැසුවෙහි ද? ‘පියාණෙනි, මාගේ තරුණ වියෙහි දී ඔබ වහන්සේ මට ප්රේම කළ සේක. ඔබ වහන්සේ මා සමඟ කෝප වන්නේ නැත; සදහට ම මා සමඟ උරණවන සේක් ද?’ ඉශ්රායෙලය, නුඹ එසේ කී නමුත් නුඹට හැකි නපුරුකම් සියල්ල ම නුඹ කර ඇත.” ජොෂියා රජු දවස සමිඳාණන් වහන්සේ මට මෙසේ වදාළ සේක: “අර ඉශ්රායෙල් අඟන, මට ද්රෝහි ව කළ දේ නුඹ දුටුවෙහි ද? ඈ උස් වූ සියලු කඳු උඩටත්, සියලු අතුපතර ඇති ගස් යටටත් ගොස් එහි දී වේශ්යාකම් කළා ය. ‘ඈ ඒ සියල්ල කළ පසු මා වෙත හැරී එනු ඇතැ’යි ස්වාමීන් වන මම සිතුවෙමි. එහෙත්, ඈ හැරී ආවේ නැත. ඇගේ ද්රෝහිකාර සොහොයුරී වන ජුදා අඟන එය දුටුවා ය. ඉශ්රායෙලය මට පක්ෂපාතකම අත්හැර වේශ්යාවක වූ බැවින් මා ඈ දික්කසාද කර පලවා හැරිය බව ජුදා අඟන දුටුවා ය. එහෙත්, ඉශ්රායෙල්ගේ ද්රෝහිකාර සොහොයුරිය වන ජුදා බිය නොවී ගොස් වේශ්යාකම් කළා ය. වේශ්යාකම සුළු දෙයක් කොට සලකා ගල් හා ගස්වලට නමස්කාර කිරීමේ වේශ්යාකමින් ඈ දේශය පිළිකුල් කළා ය. මේ සියල්ල කළ පසු ඉශ්රායෙල්ගේ ද්රෝහිකාර සොහොයුරිය වන ජුදා සැබෑ සිතින් නොව ව්යාජ සිතින් මා වෙත හැරී ආවා ය. මෙසේ වදාරන්නේ ස්වාමීන් වන මම ය.” එවිට සමිඳාණන් වහන්සේ මට කතා කොට, “ඉශ්රායෙල් උන් වහන්සේට ඇති පක්ෂපාතකමින් ඉවත් ව ගිය නමුත්, ද්රෝහිකාර ජුදාව තරම් වරදකාරියක් නොවූවා යැ”යි වදාළ සේක. උතුරු දෙසට ගොස් ඉශ්රායෙල්ට මෙසේ පවසන්නට යයි උන් වහන්සේ මට වදාළ සේක: “ඉවත් ව ගිය ඉශ්රායෙල් ආපසු හැරී එන්න. ස්වාමීන් වන දෙවියන් වහන්සේ මෙසේ වදාරන සේක. මම කරුණාවන්ත බැවින් නුඹ දෙස කෝපයෙන් නොබලන්නෙමි; සදහට ම උදහස තබා නොගන්නෙමි. වරද කළ නුඹ නුඹේ දෙවි සමිඳාණන් වහන්සේට විරුද්ධ ව කැරලි ගැසූ බව පිළිගන්න. මාගේ හඬට කීකරු නොවී, හැම අතුපතර ඇති ගස් යට විදේශීය දෙවිවරුන්ට නුඹේ ආදරය දුන් බව පිළිගන්න. මෙසේ වදාරන්නේ ස්වාමීන් වන මම ය. “මා කෙරෙන් වෙන් ව ගිය දරුවෙනි, මා නුඹලාගේ ස්වාමීන් වන බැවින් මා වෙත හැරී එන්න. මම නගරයකින් එක් කෙනෙකු ද වංශයකින් දෙදෙනෙකු ද නුඹලා අතරෙන් පිළිගෙන සියොන් කන්දට පමුණුවන්නෙමි. මට හිතවත් පාලකයන් නුඹලාට දෙන්නෙමි. ඔවුන් ප්රඥාවෙන් ද සිහි නුවණින් ද නුඹලා පෝෂණය කරනු ඇත. මෙසේ නුඹලා දේශයේ වැඩි වී බහුල වූ විට, ගිවිසුම් කරඬුව ගැන සෙනඟ තවත් කතා කරන්නේ වත්, ඒ ගැන සිහි කරන්නේ වත් නැත; තවත් ගිවිසුම් කරඬුවක් ඔවුන් සාදාගන්නේ වත් නැත. ඒ කාලය පැමිණි විට ජෙරුසලම සමිඳාණන් වහන්සේගේ සිංහාසනය යයි කියනු ලබන්නේ ය. සියලු ජාතීන් සමිඳාණන් වහන්සේ වැඩ සිටින ජෙරුසලමේ රැස් වනු ඇත. ඔව්හු තමන්ගේ නපුරු සිතිවිලි අනුව මුරණ්ඩුකමින් තවත් නොහැසිරෙන්නෝ ය. ඒ කාලයේ දී ජුදා වංශය ඉශ්රායෙල් වංශය සමඟ එක් වී උතුරු දේශයේ සිට මා විසින් නුඹලාගේ පියවරුන්ට උරුම කර දෙන ලද දේශයට එක් ව එනු ඇත.”
ජෙරෙමියා 3:1-18 Sinhala New Revised Version 2018 (SNRV)
සමිඳාණන් වහන්සේ මට මෙසේ වදාළසේක: “මිනිසෙකු සිය භාර්යාව දික්කසාද කළ පසු, ඈ ඔහුගෙන් වෙන් වී ගොස් වෙන මිනිසෙකුගේ භාර්යාව වූවොත්, පළමු පුරුෂයා නැවත ඈ වෙත හැරී යනු ඇද් ද? එසේ කිරීමෙන් සහමුලින් ම දේශය අපවිත්ර නොවන්නේ ද? එහෙත්, ඉශ්රායෙලය, නුඹ පෙම්වතුන් බොහෝ දෙනෙකු සමඟ වේශ්යාකම් කෙළෙහි ය. එහෙයින් මා වෙත හැරී එන්නට නුඹට පුළුවන් ද? මෙසේ පවසන්නේ දෙවි සමිඳාණන් වහන්සේ ය. පාළු කඳු දෙසට ඇස් ඔසවා බලා, නුඹ වේශ්යාකම් නොකළ තැනක් ඇද්දැ යි බලන්න. කාන්තාරයේ බලා සිටින අරාබියෙකු සේ පෙම්වතුන් එන තෙක් නුඹ පාර අයිනේ බලා සිටියෙහි ය. නුඹේ දූෂිත වේශ්යාකම් නිසා නුඹ දේශය අපවිත්ර කෙළෙහි ය. වැහිවලා වළක්වනු ලැබුවේත්, වසන්ත කාලයේ වැසි නොවැස්සේත් ඒ නිසා ය. වේශ්යාවකගේ පෙනුම නුඹට ඇත; එහෙත්, නුඹට කිසි ලජ්ජාවක් නැත. “දැන් පවා නුඹ මට මෙසේ හඬ නොගැසුවෙහි ද? ‘පියාණෙනි, මාගේ තරුණ වියෙහි දී ඔබ වහන්සේ මට ප්රේම කළ සේක. ඔබ වහන්සේ මා සමඟ කෝප වන්නේ නැත; සදහට ම මා සමඟ උරණවන සේක් ද?’ ඉශ්රායෙලය, නුඹ එසේ කී නමුත් නුඹට හැකි නපුරුකම් සියල්ල ම නුඹ කර ඇත.” ජොෂියා රජු දවස සමිඳාණන් වහන්සේ මට මෙසේ වදාළ සේක: “අර ඉශ්රායෙල් අඟන, මට ද්රෝහි ව කළ දේ නුඹ දුටුවෙහි ද? ඈ උස් වූ සියලු කඳු උඩටත්, සියලු අතුපතර ඇති ගස් යටටත් ගොස් එහි දී වේශ්යාකම් කළා ය. ‘ඈ ඒ සියල්ල කළ පසු මා වෙත හැරී එනු ඇතැ’යි ස්වාමීන් වන මම සිතුවෙමි. එහෙත්, ඈ හැරී ආවේ නැත. ඇගේ ද්රෝහිකාර සොහොයුරී වන ජුදා අඟන එය දුටුවා ය. ඉශ්රායෙලය මට පක්ෂපාතකම අත්හැර වේශ්යාවක වූ බැවින් මා ඈ දික්කසාද කර පලවා හැරිය බව ජුදා අඟන දුටුවා ය. එහෙත්, ඉශ්රායෙල්ගේ ද්රෝහිකාර සොහොයුරිය වන ජුදා බිය නොවී ගොස් වේශ්යාකම් කළා ය. වේශ්යාකම සුළු දෙයක් කොට සලකා ගල් හා ගස්වලට නමස්කාර කිරීමේ වේශ්යාකමින් ඈ දේශය පිළිකුල් කළා ය. මේ සියල්ල කළ පසු ඉශ්රායෙල්ගේ ද්රෝහිකාර සොහොයුරිය වන ජුදා සැබෑ සිතින් නොව ව්යාජ සිතින් මා වෙත හැරී ආවා ය. මෙසේ වදාරන්නේ ස්වාමීන් වන මම ය.” එවිට සමිඳාණන් වහන්සේ මට කතා කොට, “ඉශ්රායෙල් උන් වහන්සේට ඇති පක්ෂපාතකමින් ඉවත් ව ගිය නමුත්, ද්රෝහිකාර ජුදාව තරම් වරදකාරියක් නොවූවා යැ”යි වදාළ සේක. උතුරු දෙසට ගොස් ඉශ්රායෙල්ට මෙසේ පවසන්නට යයි උන් වහන්සේ මට වදාළ සේක: “ඉවත් ව ගිය ඉශ්රායෙල් ආපසු හැරී එන්න. ස්වාමීන් වන දෙවියන් වහන්සේ මෙසේ වදාරන සේක. මම කරුණාවන්ත බැවින් නුඹ දෙස කෝපයෙන් නොබලන්නෙමි; සදහට ම උදහස තබා නොගන්නෙමි. වරද කළ නුඹ නුඹේ දෙවි සමිඳාණන් වහන්සේට විරුද්ධ ව කැරලි ගැසූ බව පිළිගන්න. මාගේ හඬට කීකරු නොවී, හැම අතුපතර ඇති ගස් යට විදේශීය දෙවිවරුන්ට නුඹේ ආදරය දුන් බව පිළිගන්න. මෙසේ වදාරන්නේ ස්වාමීන් වන මම ය. “මා කෙරෙන් වෙන් ව ගිය දරුවෙනි, මා නුඹලාගේ ස්වාමීන් වන බැවින් මා වෙත හැරී එන්න. මම නගරයකින් එක් කෙනෙකු ද වංශයකින් දෙදෙනෙකු ද නුඹලා අතරෙන් පිළිගෙන සියොන් කන්දට පමුණුවන්නෙමි. මට හිතවත් පාලකයන් නුඹලාට දෙන්නෙමි. ඔවුන් ප්රඥාවෙන් ද සිහි නුවණින් ද නුඹලා පෝෂණය කරනු ඇත. මෙසේ නුඹලා දේශයේ වැඩි වී බහුල වූ විට, ගිවිසුම් කරඬුව ගැන සෙනඟ තවත් කතා කරන්නේ වත්, ඒ ගැන සිහි කරන්නේ වත් නැත; තවත් ගිවිසුම් කරඬුවක් ඔවුන් සාදාගන්නේ වත් නැත. ඒ කාලය පැමිණි විට ජෙරුසලම සමිඳාණන් වහන්සේගේ සිංහාසනය යයි කියනු ලබන්නේ ය. සියලු ජාතීන් සමිඳාණන් වහන්සේ වැඩ සිටින ජෙරුසලමේ රැස් වනු ඇත. ඔව්හු තමන්ගේ නපුරු සිතිවිලි අනුව මුරණ්ඩුකමින් තවත් නොහැසිරෙන්නෝ ය. ඒ කාලයේ දී ජුදා වංශය ඉශ්රායෙල් වංශය සමඟ එක් වී උතුරු දේශයේ සිට මා විසින් නුඹලාගේ පියවරුන්ට උරුම කර දෙන ලද දේශයට එක් ව එනු ඇත.”
ජෙරෙමියා 3:1-18 New International Version (NIV)
“If a man divorces his wife and she leaves him and marries another man, should he return to her again? Would not the land be completely defiled? But you have lived as a prostitute with many lovers— would you now return to me?” declares the LORD. “Look up to the barren heights and see. Is there any place where you have not been ravished? By the roadside you sat waiting for lovers, sat like a nomad in the desert. You have defiled the land with your prostitution and wickedness. Therefore the showers have been withheld, and no spring rains have fallen. Yet you have the brazen look of a prostitute; you refuse to blush with shame. Have you not just called to me: ‘My Father, my friend from my youth, will you always be angry? Will your wrath continue forever?’ This is how you talk, but you do all the evil you can.” During the reign of King Josiah, the LORD said to me, “Have you seen what faithless Israel has done? She has gone up on every high hill and under every spreading tree and has committed adultery there. I thought that after she had done all this she would return to me but she did not, and her unfaithful sister Judah saw it. I gave faithless Israel her certificate of divorce and sent her away because of all her adulteries. Yet I saw that her unfaithful sister Judah had no fear; she also went out and committed adultery. Because Israel’s immorality mattered so little to her, she defiled the land and committed adultery with stone and wood. In spite of all this, her unfaithful sister Judah did not return to me with all her heart, but only in pretense,” declares the LORD. The LORD said to me, “Faithless Israel is more righteous than unfaithful Judah. Go, proclaim this message toward the north: “ ‘Return, faithless Israel,’ declares the LORD, ‘I will frown on you no longer, for I am faithful,’ declares the LORD, ‘I will not be angry forever. Only acknowledge your guilt— you have rebelled against the LORD your God, you have scattered your favors to foreign gods under every spreading tree, and have not obeyed me,’ ” declares the LORD. “Return, faithless people,” declares the LORD, “for I am your husband. I will choose you—one from a town and two from a clan—and bring you to Zion. Then I will give you shepherds after my own heart, who will lead you with knowledge and understanding. In those days, when your numbers have increased greatly in the land,” declares the LORD, “people will no longer say, ‘The ark of the covenant of the LORD.’ It will never enter their minds or be remembered; it will not be missed, nor will another one be made. At that time they will call Jerusalem The Throne of the LORD, and all nations will gather in Jerusalem to honor the name of the LORD. No longer will they follow the stubbornness of their evil hearts. In those days the people of Judah will join the people of Israel, and together they will come from a northern land to the land I gave your ancestors as an inheritance.