නික්මයාම 19:9-25
නික්මයාම 19:9-25 සිංහල කාලීන පරිවර්තනය (SCV)
ස්වාමින්වහන්සේ මෝසෙස් ඇමතූ සේක්, “මෙන්න! මම ඝන වලාවකින් ඔබ වෙත එන්නෙමි. එසේ කරන්නේ, මා ඔබ සමඟ කතා කරනු ජනයා අසා සිටින පිණිසත්, හැම කල්හි ම ඔවුන් ඔබ මත විශ්වාසය තබන පිණිසත් යැ” යි පැවසූ සේක. මෝසෙස් ජනයා කී දෑ ස්වාමින්වහන්සේට පැවසුවේ ය. ස්වාමින්වහන්සේ යළි මෝසෙස් අමතමින්, “ජනයා වෙත ගොස්, අදත්, හෙටත් ඔවුන් පවිත්ර වීමට සලසන්න; ඔවුන් තම ඇඳුම් සෝදාගෙන, තුන් වන දවසට සූදානම් ව සිටිය යුතු ය. මන්ද තුන් වන දවසේ ස්වාමින්වහන්සේ මුළු ජනතාවගේ ඇස් හමුවේ සීනයි කන්ද පිටට බැස එන සේක. කන්ද වටා ජනයාට සීමා පනවා, ඔවුන් දැනුවත් කරමින්, ‘කන්දට නො නගින්නටත්, කඳු පාමුල ස්පර්ශ නො කරන්නටත් වග බලා ගන්න. කන්දේ ස්පර්ශ වන කවරකු වුව නියතයෙන් ම මරණයට පත් කෙරේ. කිසිවකුත් ඔහුට අත නො තැබිය යුතු ය; ගල් ගසා හෝ හී විද හෝ ඔහු මැරිය යුතු ය. ඒ මිනිසකු වුව ද, සතකු වුව ද ජීවත් වන්නට ඉඩ නො තැබිය යුතු යැ’ යි කියන්න. ඔවුනට කන්ද වෙත ආ හැක්කේ හොරණෑව දීර්ඝ ස්වරයෙන් හැඬවෙන කල පමණකැ” යි කී සේක. මෝසෙස් කන්දෙන් බැස ජනයා වෙත ගොස්, ඔවුන් පවිත්ර වීමට සැලැස්වී ය. ඔවුහු තම ඇඳුම් සෝදා ගත්හ. ඉන්පසු ඔහු ජනයාට කතා කොට, “තුන් වන දවස උදෙසා පේවී සිටින්න. ස්ත්රී සේවනයෙන් වළකින්නැ” යි පැවසී ය. තුන් වන දවසේ උදෑසන, මේඝ ගර්ජනා හා විදුලි අකුණු ද විය. කන්දට ඉහළින් ඝන වලාවක් හා මහ හඬ නැංවූ හොරණෑ නාදයක් වූයෙන්, කඳවුරේ වූ සියල්ලෝ වෙවුලන්නට වූහ. එවිට මෝසෙස් කඳවුරෙන් පිටතට ජනයා කැඳවාගෙන, දෙවියන්වහන්සේ මුණගැසෙන පිණිස ගියේ ය. ඔවුහු කඳු පාමුල නැවතී සිටගත්හ. සීනයි කන්ද දුමින් වැසී ගියේ ය. එසේ වූයේ ස්වාමින්වහන්සේ ගින්නෙන් කන්ද මතට බැස ආ බැවිනි. දුම් ඉහළ නැගුණේ උදුනකින් නැගෙන දුමක් සේ ය. මුළු මහත් කන්ද අධික ලෙස දෙදරුම් කැවිණ. හොරණෑ නාදය වඩ වඩා උස් හඬ නගත් ම, මෝසෙස් කතා කළේ ය. එවිට දෙවියන්වහන්සේ ඇසෙන හඬකින් ඔහුට පිළිතුරු දුන් සේක. ස්වාමින්වහන්සේ සීනයි කන්දට, එම කඳු මුඳුනට, බැස අවුත්, කඳු මුඳුනට මෝසෙස් කැඳවූ සේක. එබැවින් මෝසෙස් එහි නැගුණේ ය. ස්වාමින්වහන්සේ මෝසෙස් ඇමතූ සේක්: “පහළට බැස ගොස්, ස්වාමින්වහන්සේ දකින්නට තම සීමා බිඳ, බලෙන් නො එන ලෙසට ජනතාවට අනතුරු අඟවන්න; නැතහොත් ඔවුන් බොහෝ දෙනකු විනාශ වනු ඇත. ස්වාමින්වහන්සේ වෙත ළඟා වන පූජකයින් පවා තමන් ම පවිත්ර ව, පේවී සිටිය යුතු ය. නැතහොත් ස්වාමින්වහන්සේ ඔවුන්ට එරෙහිව නැගී එනු ඇතැ” යි පැවසූ සේක. මෝසෙස් ස්වාමින්වහන්සේට පිළිතුරු දෙමින්, “ඔබවහන්සේ ම අපට අනතුරු අඟවමින්, ‘කන්ද වටා සීමා පනවා, එය ශුද්ධ ව වෙන් කර තබන්නැ’ යි කී බැවින්, ජනතාවට සීනයි කන්දට නැග ආ නො හැකි යැ” යි කීවේ ය. එවිට ස්වාමින්වහන්සේ කතා කරමින්, “යන්න! පහළට බැස ගොස්, ඔබ සමඟ ආරොන් උඩට කැඳවාගෙන එන්න. එහෙත්, පූජකයින් හා ජනයා තමන්ගේ සීමා බිඳ, බලෙන් ස්වාමින්වහන්සේ වෙත නො පැමිණිය යුතු ය; නැතහොත් උන්වහන්සේ ඔවුන්ට එරෙහිව නැගී එනු ඇතැ” යි පැවසූ සේක. එබැවින් මෝසෙස් පහළට බැස ගොස්, ජනතාවට ඒ වග පැවසී ය.
නික්මයාම 19:9-25 Sinhala Revised Old Version (SROV)
ස්වාමීන්වහන්සේ ද: බලව, මා නුඹ සමඟ කථාකරන කල සෙනඟ අසන පිණිසත් සෑම කල්හිම නුඹ කෙරෙහිද විශ්වාසකරන පිණිසත් ඝන වලාකුළකින් නුඹ වෙතට එමියි මෝසෙස්ට කීසේක. මෝසෙස් සෙනඟගේ වචන ස්වාමීන්වහන්සේට දැන්නුවේය. ස්වාමීන්වහන්සේ මෝසෙස්ට කථාකොට: නුඹ සෙනඟ ළඟට ගොස් අදත් හෙටත් ඔවුන් පවිත්රකරව, ඔව්හු තමුන්ගේ ඇඳුම් අපුල්ලා තුන්වෙනි දවසට සෑදී සිටිත්වා. මක්නිසාද තුන්වෙනි දවසේදී ස්වාමීන්වහන්සේ මුළු සෙනඟගේ ඇස් හමුවෙහි සීනයි කන්ද පිටට බසිනසේක. නුඹ සෙනඟට හාත්පසින් සීමා තබා: නුඹලා කන්දට නොනගින හැටියටත් එහි අද්දර ස්පර්ශනොවන හැටියටත් බලාගන්නැයි කියන්න. කන්දේ හැපෙන කවරෙක් නුමුත් සැබවින් මරනු ලබන්නේය. කිසි අතක් ඔහුට ස්පර්ශ නොවන්නේය, ඔහු සැබවින් ගල්ගසනු ලබන්නේය, නොහොත් විදදමනු ලබන්නේය; මෘගයෙක් වුවත් මනුෂ්යයෙක් වුවත් ජීවත්නොවන්නේය. හොරණෑව බොහෝ වේලා ශබ්දකරන කල්හි ඔව්හු කන්දට පැමිණෙත්වයි කීසේක. මෝසෙස් කන්දෙන් සෙනඟ ළඟට බැස අවුත් ඔවුන් පවිත්රකෙළේය; ඔව්හු තමුන්ගේ වස්ත්ර අපුල්ලාගත්තෝය. ඔහුද: තුන්වෙනි දවසට සෑදී සිටින්න. ස්ත්රියෙකු කරා නොපැමිණෙන්නැයි සෙනඟට කීය. තුන්වෙනි දින උදය වූ කල ගිගිරුම්ද විදුලිද කන්ද පිට ඝන වලාකුළක්ද ඉතා තද හොරණෑ ශබ්දයක්ද විය; එවිට කඳවුරෙහි සිටිය මුළු සෙනඟ වෙවුලුවෝය. දෙවියන්වහන්සේට අභිමුඛවන පිණිස මෝසෙස් සෙනඟ කඳවුරෙන් පිටතට ගෙනායේය; ඔව්හුද කන්ද පහළ සිටියෝය. ස්වාමීන්වහන්සේ සීනයි කන්ද පිටට ගින්නෙන් බැස්ස බැවින් ඒක මුළුල්ල ධූමයෙන් වැසී තිබුණේය. එහි ධූමය උදුනක ධූමයමෙන් නැගුණේය, මුළු කන්ද බොහෝසෙයින් කම්පාවිය. හොරණෑ ශබ්දය වැඩි වැඩිව පැවතුණු විට මෝසෙස් කථාකෙළේය, දෙවියන්වහන්සේ ශබ්දයකින් ඔහුට උත්තරදුන්සේක. ස්වාමීන්වහන්සේ සීනයි කඳු මුදුනට බැස අවුත් කඳු මුදුනට මෝසෙස් කැඳවූසේක; මෝසෙස්ද නැගී ගියේය. ස්වාමීන්වහන්සේ මෝසෙස්ට කථාකොට: බැස යව, බලන පිණිස සෙනඟ ස්වාමීන්වහන්සේ වෙතට සීමා බිඳගන අවුත් ඔවුන්ගෙන් බොහෝදෙනෙක් නොනස්නා පිණිස සීමාව ඉක්මවා නොයනලෙස ඔවුන්ට අණකරව. ස්වාමීන්වහන්සේ ළඟට එන පූජකයෝද ස්වාමීන්වහන්සේ ඔවුන්ට පහර නොදෙන පිණිස තමන්ම පවිත්රකරගනිත්වයි කීසේක. මෝසෙස්ද: සෙනඟ සීනයි කන්දට නැගෙන්ට නොහැකිවෙති. මක්නිසාද: කන්ද වටකර සීමා තබා ඒක කැපකරව්ය කියා ඔබ අපට අණකළසේකැයි ස්වාමීන්වහන්සේට කීවේය. ස්වාමීන්වහන්සේ ද: යන්න, පහළ බසින්න; නුඹද නුඹ සමඟ ආරොන්ද නැගී එන්න. නුමුත් ස්වාමීන්වහන්සේ ඇවිත් පහරනොදෙන පිණිස පූජකයෝද සෙනඟද උන්වහන්සේ වෙතට නැග එන්ට සීමාව බිඳගන නොයෙත්වයි ඔහුට කීසේක. එවිට මෝසෙස් සෙනඟ ළඟට බැස ඔවුන්ට එසේ කීවේය.
නික්මයාම 19:9-25 Sinhala New Revised Version (NRSV)
නැවත සමිඳාණන් වහන්සේ මෝසෙස්ට කතා කොට, “බලන්න, මා නුඹ සමඟ කතා කරන විට සෙනඟට ඇසෙන පිණිසත්, ඔවුන් නිතර ම නුඹ විශ්වාස කරන පිණිසත් මම නුඹ වෙත ඝන වලාකුළක් මඟින් එන්නෙමි”යි වදාළ සේක. මෝසෙස් සෙනඟ දුන් පිළිතුර සමිඳාණන් වහන්සේට දැන්වී ය. සමිඳාණන් වහන්සේ මෝසෙස්ට කතා කොට, “සෙනඟ වෙත ගොස් අදත්, හෙටත් නමස්කාරය පිණිස ඔවුන් සූදානම් කරන්න. ඔවුන් තම වස්ත්ර සෝදා, තුන් වන දවසට සූදානම් ව සිටිය යුතුයි. තුන් වන දවසේ දී මුළු සෙනඟ බලාගෙන සිටින විට සමිඳාණන් වහන්සේ වන මම සීනයි කන්ද මත බැස එන්නෙමි. නුඹ කන්ද වට කර සෙනඟ මායිමේ සිටුවා, ‘කන්දට නොනඟින හැටියටත්, කන්ද පාමුල ස්පර්ශ නොකරන හැටියටත් පරෙස්සම් වන්නැ’යි ඔවුන්ට කියන්න. යමෙකු කන්ද ස්පර්ශ කළොත් ඔහු ඇත්තෙන් ම මරනු ලැබේ. එහෙත්, ඒ තැනැත්තාට අත නොතබා, ඔහුට ගල් ගසනු ලැබිය යුතුයි. නැත්නම් ඔහු ඊගසින් විදදැමිය යුතුයි. මෘගයකු වුවත්, මනුෂ්යයෙකු වුවත් ජීවත් නොවිය යුතු ය. හොරණෑව දීර්ඝ ස්වරයක් නංවන විට ඔවුන් කන්ද වෙත පැමිණිය යුතු ය”යි වදාළ සේක. මෝසෙස් කන්දෙන් බැස සෙනඟ වෙත පැමිණ නමස්කාරය සඳහා ඔවුන් සූදානම් කෙළේ ය. ඔව්හු ද තමන් වස්ත්ර සෝදාගත්හ. ඔහු සෙනඟට කතා කරමින්, “තුන් වන දවසට සූදානම් වී සිටින්න; ස්ත්රී සේවනයෙන් වළකින්නැ”යි කීවේ ය. තුන් වන දවස උදා වූ විට කන්ද මත මේඝ ගර්ජනා හා විදුලි කෙටීම් ද, ඝන වලාකුළක් ද, තද හොරණෑ හඬක් ද විය. කඳවුරේ සිටි සියලු සෙනඟ වෙව්ලන්නට වූ හ. එවිට මෝසෙස් දෙවියන් වහන්සේ හමු වන පිණිස සෙනඟ කඳවුරින් පිටතට ගෙනාවේ ය. ඔව්හු කන්ද පාමුල සිටගත්හ. සමිඳාණන් වහන්සේ ගිනි ජාලාවකින් කන්ද මත බැස වදාළ බැවින් එය සම්පූර්ණයෙන් ම දුමින් වැසී තිබිණි. එහි දුම, උදුනක දුමක් මෙන් නැංගේ ය. තවද, මුළු කන්ද ම වේගවත් ලෙස දෙදරන්නට විය. හොරණෑ හඬ ද දිගට ම නද දෙමින් එන්න එන්න වැඩි විය. මෝසෙස් කතා කළ විට දෙවියන් වහන්සේ ගිගුරුම් හඬකින් උත්තර දුන් සේක. සමිඳාණන් වහන්සේ එවිට සීනයි කඳු මුදුනට බැස වදාළ සේක. උන් වහන්සේ මෝසෙස් කඳු මුදුනට කැඳවූ බැවින්, ඔහු ද එහි නැඟී ගියේ ය. උන් වහන්සේ මෝසෙස්ට කතා කොට, “නුඹ බැස ගොස් සමිඳාණන් වහන්සේ වන මා බැලීමට මායිම් බිඳගෙන නොඑන පිණිස සෙනඟට අණ කරන්න. නැත්නම් බොහෝ දෙනෙකු නසින්න පුළුවන. සමිඳාණන් වහන්සේ වන මා සමීපයට එන පූජකවරුන් ද පවිත්ර වීමේ වත්පිළිවෙත් ඉටු කළ යුතු ය. නැත්නම් මම ඔවුන්ට පහර දෙමි”යි වදාළ සේක. එවිට මෝසෙස් සමිඳාණන් වහන්සේට කතා කොට, “සෙනඟට සීනයි කන්දට නැඟිය නොහැකි ය. මන්ද, ‘කන්ද වට කර මායිම් සිටුවා එය ශුද්ධ භූමියක් ලෙස කැප කරන්නැ’යි කියා ඔබ අපට අණ කළ බැවිනැ”යි කීවේ ය. උන් වහන්සේ ඔහු අමතමින්, “යන්න, බැස ගොස්, නුඹ ද නුඹ සමඟ ආරොන් ද කැඳවා ගෙන නැඟී එන්න. එහෙත් පූජකවරුන් ද සෙනඟ ද සමිඳාණන් වහන්සේ වන මා වෙත නැඟී ඒමට මායිම් නොබිඳිය යුතු ය. එසේ වුණොත් මම ඔවුන්ට පහර දෙමි”යි වදාළ සේක. පසුව මෝසෙස් ද සෙනඟ වෙත බැස ගොස් ඔවුන්ට එලෙස දැන්වී ය.
නික්මයාම 19:9-25 Sinhala New Revised Version 2018 (SNRV)
නැවත සමිඳාණන් වහන්සේ මෝසෙස්ට කතා කොට, “බලන්න, මා නුඹ සමඟ කතා කරන විට සෙනඟට ඇසෙන පිණිසත්, ඔවුන් නිතර ම නුඹ විශ්වාස කරන පිණිසත් මම නුඹ වෙත ඝන වලාකුළක් මඟින් එන්නෙමි”යි වදාළ සේක. මෝසෙස් සෙනඟ දුන් පිළිතුර සමිඳාණන් වහන්සේට දැන්වී ය. සමිඳාණන් වහන්සේ මෝසෙස්ට කතා කොට, “සෙනඟ වෙත ගොස් අදත්, හෙටත් නමස්කාරය පිණිස ඔවුන් සූදානම් කරන්න. ඔවුන් තම වස්ත්ර සෝදා, තුන් වන දවසට සූදානම් ව සිටිය යුතුයි. තුන් වන දවසේ දී මුළු සෙනඟ බලාගෙන සිටින විට සමිඳාණන් වහන්සේ වන මම සීනයි කන්ද මත බැස එන්නෙමි. නුඹ කන්ද වට කර සෙනඟ මායිමේ සිටුවා, ‘කන්දට නොනඟින හැටියටත්, කන්ද පාමුල ස්පර්ශ නොකරන හැටියටත් පරෙස්සම් වන්නැ’යි ඔවුන්ට කියන්න. යමෙකු කන්ද ස්පර්ශ කළොත් ඔහු ඇත්තෙන් ම මරනු ලැබේ. එහෙත්, ඒ තැනැත්තාට අත නොතබා, ඔහුට ගල් ගසනු ලැබිය යුතුයි. නැත්නම් ඔහු ඊගසින් විදදැමිය යුතුයි. මෘගයකු වුවත්, මනුෂ්යයෙකු වුවත් ජීවත් නොවිය යුතු ය. හොරණෑව දීර්ඝ ස්වරයක් නංවන විට ඔවුන් කන්ද වෙත පැමිණිය යුතු ය”යි වදාළ සේක. මෝසෙස් කන්දෙන් බැස සෙනඟ වෙත පැමිණ නමස්කාරය සඳහා ඔවුන් සූදානම් කෙළේ ය. ඔව්හු ද තමන් වස්ත්ර සෝදාගත්හ. ඔහු සෙනඟට කතා කරමින්, “තුන් වන දවසට සූදානම් වී සිටින්න; ස්ත්රී සේවනයෙන් වළකින්නැ”යි කීවේ ය. තුන් වන දවස උදා වූ විට කන්ද මත මේඝ ගර්ජනා හා විදුලි කෙටීම් ද, ඝන වලාකුළක් ද, තද හොරණෑ හඬක් ද විය. කඳවුරේ සිටි සියලු සෙනඟ වෙව්ලන්නට වූ හ. එවිට මෝසෙස් දෙවියන් වහන්සේ හමු වන පිණිස සෙනඟ කඳවුරින් පිටතට ගෙනාවේ ය. ඔව්හු කන්ද පාමුල සිටගත්හ. සමිඳාණන් වහන්සේ ගිනි ජාලාවකින් කන්ද මත බැස වදාළ බැවින් එය සම්පූර්ණයෙන් ම දුමින් වැසී තිබිණි. එහි දුම, උදුනක දුමක් මෙන් නැංගේ ය. තවද, මුළු කන්ද ම වේගවත් ලෙස දෙදරන්නට විය. හොරණෑ හඬ ද දිගට ම නද දෙමින් එන්න එන්න වැඩි විය. මෝසෙස් කතා කළ විට දෙවියන් වහන්සේ ගිගුරුම් හඬකින් උත්තර දුන් සේක. සමිඳාණන් වහන්සේ එවිට සීනයි කඳු මුදුනට බැස වදාළ සේක. උන් වහන්සේ මෝසෙස් කඳු මුදුනට කැඳවූ බැවින්, ඔහු ද එහි නැඟී ගියේ ය. උන් වහන්සේ මෝසෙස්ට කතා කොට, “නුඹ බැස ගොස් සමිඳාණන් වහන්සේ වන මා බැලීමට මායිම් බිඳගෙන නොඑන පිණිස සෙනඟට අණ කරන්න. නැත්නම් බොහෝ දෙනෙකු නසින්න පුළුවන. සමිඳාණන් වහන්සේ වන මා සමීපයට එන පූජකවරුන් ද පවිත්ර වීමේ වත්පිළිවෙත් ඉටු කළ යුතු ය. නැත්නම් මම ඔවුන්ට පහර දෙමි”යි වදාළ සේක. එවිට මෝසෙස් සමිඳාණන් වහන්සේට කතා කොට, “සෙනඟට සීනයි කන්දට නැඟිය නොහැකි ය. මන්ද, ‘කන්ද වට කර මායිම් සිටුවා එය ශුද්ධ භූමියක් ලෙස කැප කරන්නැ’යි කියා ඔබ අපට අණ කළ බැවිනැ”යි කීවේ ය. උන් වහන්සේ ඔහු අමතමින්, “යන්න, බැස ගොස්, නුඹ ද නුඹ සමඟ ආරොන් ද කැඳවා ගෙන නැඟී එන්න. එහෙත් පූජකවරුන් ද සෙනඟ ද සමිඳාණන් වහන්සේ වන මා වෙත නැඟී ඒමට මායිම් නොබිඳිය යුතු ය. එසේ වුණොත් මම ඔවුන්ට පහර දෙමි”යි වදාළ සේක. පසුව මෝසෙස් ද සෙනඟ වෙත බැස ගොස් ඔවුන්ට එලෙස දැන්වී ය.
නික්මයාම 19:9-25 New International Version (NIV)
The LORD said to Moses, “I am going to come to you in a dense cloud, so that the people will hear me speaking with you and will always put their trust in you.” Then Moses told the LORD what the people had said. And the LORD said to Moses, “Go to the people and consecrate them today and tomorrow. Have them wash their clothes and be ready by the third day, because on that day the LORD will come down on Mount Sinai in the sight of all the people. Put limits for the people around the mountain and tell them, ‘Be careful that you do not approach the mountain or touch the foot of it. Whoever touches the mountain is to be put to death. They are to be stoned or shot with arrows; not a hand is to be laid on them. No person or animal shall be permitted to live.’ Only when the ram’s horn sounds a long blast may they approach the mountain.” After Moses had gone down the mountain to the people, he consecrated them, and they washed their clothes. Then he said to the people, “Prepare yourselves for the third day. Abstain from sexual relations.” On the morning of the third day there was thunder and lightning, with a thick cloud over the mountain, and a very loud trumpet blast. Everyone in the camp trembled. Then Moses led the people out of the camp to meet with God, and they stood at the foot of the mountain. Mount Sinai was covered with smoke, because the LORD descended on it in fire. The smoke billowed up from it like smoke from a furnace, and the whole mountain trembled violently. As the sound of the trumpet grew louder and louder, Moses spoke and the voice of God answered him. The LORD descended to the top of Mount Sinai and called Moses to the top of the mountain. So Moses went up and the LORD said to him, “Go down and warn the people so they do not force their way through to see the LORD and many of them perish. Even the priests, who approach the LORD, must consecrate themselves, or the LORD will break out against them.” Moses said to the LORD, “The people cannot come up Mount Sinai, because you yourself warned us, ‘Put limits around the mountain and set it apart as holy.’ ” The LORD replied, “Go down and bring Aaron up with you. But the priests and the people must not force their way through to come up to the LORD, or he will break out against them.” So Moses went down to the people and told them.