Zahkariq 6
6
Gyèlhêng Myî Cham Lé Myang É Shing-rán
1Ngò dum wú kat le, gyi bûm nghut é bùm í bûm gyoro mai htoq lé lo é gyèlhêng myî cham lé myang ri. 2Gyèlhêng sânghî cham lé gi, myang nê jùm lâng ri; hau é htang cham lé gi, myang noq jûm lâng ri; 3sûm cham nghû râ lé gi, myang hpyû jùm lâng ri; myî cham nghû râ lé gi, a-ká akông é myang muí jûm lâng ri; myang haû myî du gi, wúm htan é chyat nghut ri. 4Ngò gi, ngò eq dáng nyo nyi é maumang lagyo lé, “Ngá yhûmsîng ê, shí pé gi, haí jung nghut lhê lhú?” nghû myî é nghut lhê.
5Maumang lagyo haû gi, ngo lé, “Gyèlhêng shí pé gi, mingkan gón é Yhûmsing é hí má yàp nyi é mai htoq lo é, mauhkûng mâ é laì myi laî nghut ri. 6Myang noq jûm lâng é cham gi, mautsûng mau shut, myang hpyû jùm lâng é cham gi, buìwàng hkyam shut, a-ká akông é myang muí jûm lâng é cham gi, maupyî hkyam shut, e ló bum akô nghut ri.” ga tû taî ri.
7Wúm htan é myang haú pé gi, htoq e ló é hkûn, myìdàm htoq gón má ê sô lhîng râ ahkáng dûng akô; haû mù, yhang gi, “Myìdàm htoq gón má ê sô lhîng keq!” ga taî ri. Haû mù, yhángmòq gi, myìdàm htoq gón má ê sô lhîng bekô nghut ri.
8Hau htâng, yhang gi, ngo lé, “Wú keq; mautsûng mau shut e ló é pé gi, mautsûng mau má haû Yhûmsîng Garaî é Sô lé lhoqzim byi bekô nghut ri.” ga wùt taî ri.
Yoshuq É Matú Jánmaú
9Haû Yhûmsîng Garaî é mungdang ngá chyáng jé é gi, 10“Shúm zung é hui mù, Babelon mau mai taû jé lo é, Helidai, Tobiya eq Yedai-a pê chyáng mâ é ngùn hîng lé yù àq. Haú nyí má yhang, Zehpani-a é yhang zo Yosi-a é yhûm má ê àq. 11Yhángmòq chyáng mai ngùn hîng lé yù mù, jánmaú saí luî, Yozadak é yhang zo, hkyangjong mó Yoshuq é ulhum má tsung byi aq. 12Haû Wum-o a-tsam dìk shoq bò Sû Yhûmsîng Garai shî su ga taî ri nghû yhang lé taî kyo aq; haû gi, ‘Akoq ga myìng myhîng é sû lé wú aq; yhang gi, yhâng é jowò mai akoq koq htoq lô mù, haû Yhûmsîng Garaî é noqkuq yhûm lé saí râ nghut lhê. 13Gè gè yhang, yhang gi, haû Yhûmsîng Garaî é noqkuq yhûm lé saí râ nghut mù, kô làm hkìkhkâm hkyô lé mèbu dông wùt luî, yhâng é hkóhkâm tángmyhâng má zùng mù, ùp râ nghut lhê. Yhang gi, yhâng é hkóhkâm tángmyhâng má hkyangjong le kut râ nghut mù, ahko ahkáng haû í lhum lé ngón za chung jaì râ nghut lhê.’ gâ é nghut ri. 14Jánmaú haú lé gi, Helidai, Tobiya, Yedai-a eq Zehpani-a é yhang zo Hen lé hkúnggâ nyì râ matú, haû Yhûmsîng Garaî é noqkuq yhûm má xûm to masàt dông tô to râ nghut lhê. 15Mau we má nyi é bang gi, haû Yhûmsîng Garaî é noqkuq yhûm lé saî garúm kôrâ nghut lhê; haú hkûn, haû Wum-o a-tsam dìk shoq bò Sû Yhûmsîng Garai gi, ngo lé núngmòq chyáng nhang kat é hkyô lé, núngmòq sé râ nghut lhê. Núngmòq gi, núngmòq é Garai Gasang nghut é, haû Yhûmsîng Garaî é jì-no rago gyo kô é nghut jáng, shí hkyô dùt râ nghut lhê.” gâ ri.
දැනට තෝරාගෙන ඇත:
Zahkariq 6: znot
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2025, Wycliffe Bible Translators, Inc.