Mihka 5
5
Betlehem Wà Mai Zau Htoq Lô Râ Matú Htûm Tô É Danghtum
1Ahkuî, gyè hpúng pé nyi é wà ê, náng é gyè hpúng pé lé hen to aq;
hkâsu mù gâ le, gye pé gi, ngá-mòq lé lóm to bê nghut ri.
Yhángmòq gi, Isira-elaq é zau lé,
dumbáng èq boshi má bàt byi kôrâ nghut lhê.
2“Nghut kôlhang, Betlehem Ehprahta ê,
Yudaq a-myû koq pé má, nàng gi, je tiq é nghut kôle,
náng chyáng mai, Ngá é matú,
Isira-elaq byu pé lé ùp râ byù rayùq htoq lô râ nghut lhê;
haú yùq gi, a-nham sûm nham mai nyi htoq lô sû nghut ri.” ga,
haû Yhûmsîng Garai taî ri.
3Haû mù, Isira-elaq byu pé gi, zo hkû nò no é sû,
yùqzo rayùq hkû râ ahkyíng jé shoq, tô pyâm tô é hui râ nghut lhê;
haú hkûn, yhâng é gu-mang wuì góbang gi,
Isira-elaq byu pé eq rahá taû lo bùm kôrâ nghut lhê.
4Haú yùq gi, yàp to mù, haû Yhûmsîng Garaî é wum-o a-tsâm èq le,
yhâng é Garai Gasang nghut é, haû Yhûmsîng Garaî é myìng kô làm hkìkhkâm hkyo èq le,
yhâng é sau hpúng lé wú zúng râ nghut lhê.
Haú hkûn, yhángmòq le, gè gè yhang, chyungxe dui nyì kôrâ nghut lhê;
hkâsu mù gâ le, yhâng é kô làm hkìkhkâm hkyô gi, myìdàm htoq htáng shoq jé ló râ nghut lhê.
5Haú yùq gi, Asuri mau byu pé mai ngá-nhúng lé lé chyîn wàng mù,
ngá-nhûng é gingtíng jowò pé lé, lé nâng pyeq yán bùm kô é hkûn,
ngá-nhûng é nguì ngón hkyô dùt râ nghut lhê.
Ngá-nhúng gi, sau zúng bang nyhit yùq eq
gyèzaû pé shit yùq èq yhángmòq lé lhom htuqhtíng râ nghut lhê.
6Haú bang gi, Asuri mau eq Nimrot é mau lé,
sham èq ùp râ nghut lhê.
Yhang gi, Asuri byu pé mai ngá-nhûng é mau má chyîn wàng mù,
ngá-nhûng é maukyo pé lé, lé nâng pyeq yán bùm kô é hkûn,
yhángmòq é lòq mai ngá-nhúng lé hkyi xe yù râ nghut lhê.
7Yakup mai nyi myìt gyó tô é bang gi,
byù myo myô é agùng má,
Yhûmsîng Garaî chyáng mâ é nghân su le,
ó yùq lé le a láng râ é eq byù lé le a lùm râ é,
mhan yô má wo é mau su le, dùt kôrâ nghut lhê.
8Yakup mai nyi myìt gyó tô é bang gi,
gótû byù myû wui é agùng, byù myo myô é hí má,
yòso mâ é tân jung yòsô zè pé mâ é hkanghkyi su le,
sau hpúng pé mâ é hkanghkyi râm zo su le, dùt kôrâ nghut lhê;
hkanghkyi râm zo haû lé é hkûn, ó yùq le a wó hkyi htoq yû loshoq,
nâng zìng luî lâng myhâ zô pyám râ nghut lhê.
9Isira-elaq byu pé gi, yhángmòq é gye pé lé wó ung pyâm é lòq tu toq mù,
yhángmòq é gyè bànshoq lé lhoqhtên pyám kôrâ nghut lhê.
10Haû Yhûmsîng Garai taî pyo é gi,
“Haú buìnyì má, Ngò gi, núngmòq chyáng mai,
núngmòq é myang pé lé lhoqhtûm pyám byi mù,
núngmòq é gyèlhêng pé lé lhoqhkyop pyám byi râ nghut lhê.
11Ngò gi, núngmòq é mau mâ é wà pé lé lhoqhtên pyám mù,
núngmòq é gingtíng jowò bànshoq lé lhoqhpyoq pyám byi râ nghut lhê.
12Ngò gi, núngmòq chyáng mâ é mhántán lòklèq kut é hkyô lé lhoqhtûm pyám byi râ nghut mù,
núngmòq gi, gumhpân hpân bang wó râ a nghut lo.
13Ngò gi, núngmòq é hparà hpôlhô pé lé le,
núngmòq chyáng mâ é núngmòq é chyoiyúng lùqzìng pé lé le,
lhoqhtên pyám byi râ nghut lhê.
Núngmòq gi, yhûmsing lòq èq saî é zè lé,
hkyîhput htuq paí lo kôrâ a nghut.
14Ngò gi, núngmòq é wà pé lé lhoqhten lhoqhpyoq pyám byi mù,
núngmòq chyáng mai núngmòq é Ashera hparà zìng pé lé le
nùt htoq pyám byi râ nghut lhê.
15Ngò gi, Ngá é jì-no a gyô é byù myû wuì lé,
nhikjum yô é eq nhikmó-yô é mai lató hpuq râ nghut lhê.” gâ ri.
දැනට තෝරාගෙන ඇත:
Mihka 5: znot
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2025, Wycliffe Bible Translators, Inc.