Matiyu Ɓəsawu
Ɓəsawu
Matiyu ɓə zhni gədu gwoyi nu, əza n Dagayi Yeisu ɓə yi wo waa zhni Yeisu mwutuyi n əwo tnutnu yaya əsa ga tarukwuci. Matiyu ɓə ya awyega kpadalai ye wu shi Mariyamwu əɓyinyikwoi kwului ɓə ma Yeisu nu, a zhni wo batizima jesnu a mwu wo dna n zhabwikawu. Yeisu ɓə zhni waazi ntu əshebemi ɓo nu; kwo zhni əzahozahoyi nya nu n wo ncei pmalo wa ɓwa wyewyeyi nyalonyalo nya. Əza lodna n əbemi ye, n əsai nu n wa yeabwi ncei n əwo aleifyi jesnu waa gaiciyaga dna n Yeisu.
Matiyu, wo n Yeisu nyawui gnaya lo akwu ngwnu-atnu: 1. Alu amanai, 2. Nabagyi Manai gnamyi, 3. Aɓədogbe, 4. Jedoɓəzhni, ɓədo n 5. Shekwoyi əbemi ɓeɓei.
Matiyu Nabagyi Manai, kwo wunya ntu Yeisu fyífyi ɓo nu n əwo kalalai n əfyi, ɓədo n əgbei n wo ɓə ga aza vnyanya n ɓa kwu gaiciyaga n əwo nge ɓa gna Nabagyi Manai myi fyi laɓa n anyì vnyanya.
Nyakayi
Matiyu n a ɓə yi wo ge Levyi nyi.
Ɓətukwo
A wu Yeisu ń Ayahudiyi aba n zhni Masifu, njesnu a je wo wu ge əwo nu zhni Əsu nyalonyalo nya.
Aba n a ɓə ka pafyi ye
Dna n Palestini.
Əye n a ɓə ka pafyi ye
Əye 60–65 n Dagayi Ɓeɓe Avnu (DƁA).
Aza n a ɓa gna əɓa aye wyegye n pafyi ye
Yeisu n əwo amwutuyii, Mariyamwu, Yohana Batizimazhniyi n əwo amwutuyii, Ayahudiyi shekwoznashni atukwoda, n Byilatusui.
Əɓo kpokəloi
Kwo wu ge Yeisu ɓə kwu aɓəgbeshi nu n Shekwoyi ɓə ga n Ɓəgbeshi Kwokwoi nyi.
Aɓo adnagbmai
Pafyi ye wu aɓo ngwnu-anyi nu n Yeisu anyìgyi əsa woi ye zhni əɓyi. Njesnu kwo wu aɓəsisi ngwnu-awo n Yeisu ɓə ga, ɓədo n aɓoawowoi ngwnu-aba n wo ɓə zhni. Kwo n aɓo adnagbmai fyilo ngwnu-ciwagbmanyi n Yeisu ɓə da n azahoi. Kwo zo n aɓoi ngwnu-tnanyi n ɓa ɓə zhni n əwo znudu, n agbegai n wo ɓə ga əwo amwutuyi ntuge ɓa gna Nabagyi Manai myi fyi laɓa n anyì vnyanya.
Aɓətukwo n ɓa kafyi n pafyi ye
Yeisu anyìgyi n əwo tnutnu yaya əsai (1:1–4:25)
Nyawu tu n Əpe (5:1–7:29)
Aɓəsisi nyawu n ɓədada n azai (8:1–18:35)
Znazna lo Urishelima, n ɓəkwnukwnù kpmasnui (19:1–23:39)
Aɓəkpəkpəyawu ntu aɓo ɓo n ɓa ɓəlo n abye (24:1–25:46)
Yeisu əfyi n əwo kalalai (26:1–28:20).
දැනට තෝරාගෙන ඇත:
Matiyu Ɓəsawu: GNB
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Apmazhni n gbegai nu. Ɓəznu vnyanya wnafyi lo n anyìvnyanya.
Gbagyi Contemporary Bible™, New Testament
Copyright © 1997, 2025 by Biblica, Inc.
Used with permission. All rights reserved worldwide.
Matiyu Ɓəsawu
Ɓəsawu
Matiyu ɓə zhni gədu gwoyi nu, əza n Dagayi Yeisu ɓə yi wo waa zhni Yeisu mwutuyi n əwo tnutnu yaya əsa ga tarukwuci. Matiyu ɓə ya awyega kpadalai ye wu shi Mariyamwu əɓyinyikwoi kwului ɓə ma Yeisu nu, a zhni wo batizima jesnu a mwu wo dna n zhabwikawu. Yeisu ɓə zhni waazi ntu əshebemi ɓo nu; kwo zhni əzahozahoyi nya nu n wo ncei pmalo wa ɓwa wyewyeyi nyalonyalo nya. Əza lodna n əbemi ye, n əsai nu n wa yeabwi ncei n əwo aleifyi jesnu waa gaiciyaga dna n Yeisu.
Matiyu, wo n Yeisu nyawui gnaya lo akwu ngwnu-atnu: 1. Alu amanai, 2. Nabagyi Manai gnamyi, 3. Aɓədogbe, 4. Jedoɓəzhni, ɓədo n 5. Shekwoyi əbemi ɓeɓei.
Matiyu Nabagyi Manai, kwo wunya ntu Yeisu fyífyi ɓo nu n əwo kalalai n əfyi, ɓədo n əgbei n wo ɓə ga aza vnyanya n ɓa kwu gaiciyaga n əwo nge ɓa gna Nabagyi Manai myi fyi laɓa n anyì vnyanya.
Nyakayi
Matiyu n a ɓə yi wo ge Levyi nyi.
Ɓətukwo
A wu Yeisu ń Ayahudiyi aba n zhni Masifu, njesnu a je wo wu ge əwo nu zhni Əsu nyalonyalo nya.
Aba n a ɓə ka pafyi ye
Dna n Palestini.
Əye n a ɓə ka pafyi ye
Əye 60–65 n Dagayi Ɓeɓe Avnu (DƁA).
Aza n a ɓa gna əɓa aye wyegye n pafyi ye
Yeisu n əwo amwutuyii, Mariyamwu, Yohana Batizimazhniyi n əwo amwutuyii, Ayahudiyi shekwoznashni atukwoda, n Byilatusui.
Əɓo kpokəloi
Kwo wu ge Yeisu ɓə kwu aɓəgbeshi nu n Shekwoyi ɓə ga n Ɓəgbeshi Kwokwoi nyi.
Aɓo adnagbmai
Pafyi ye wu aɓo ngwnu-anyi nu n Yeisu anyìgyi əsa woi ye zhni əɓyi. Njesnu kwo wu aɓəsisi ngwnu-awo n Yeisu ɓə ga, ɓədo n aɓoawowoi ngwnu-aba n wo ɓə zhni. Kwo n aɓo adnagbmai fyilo ngwnu-ciwagbmanyi n Yeisu ɓə da n azahoi. Kwo zo n aɓoi ngwnu-tnanyi n ɓa ɓə zhni n əwo znudu, n agbegai n wo ɓə ga əwo amwutuyi ntuge ɓa gna Nabagyi Manai myi fyi laɓa n anyì vnyanya.
Aɓətukwo n ɓa kafyi n pafyi ye
Yeisu anyìgyi n əwo tnutnu yaya əsai (1:1–4:25)
Nyawu tu n Əpe (5:1–7:29)
Aɓəsisi nyawu n ɓədada n azai (8:1–18:35)
Znazna lo Urishelima, n ɓəkwnukwnù kpmasnui (19:1–23:39)
Aɓəkpəkpəyawu ntu aɓo ɓo n ɓa ɓəlo n abye (24:1–25:46)
Yeisu əfyi n əwo kalalai (26:1–28:20).
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Apmazhni n gbegai nu. Ɓəznu vnyanya wnafyi lo n anyìvnyanya.
Gbagyi Contemporary Bible™, New Testament
Copyright © 1997, 2025 by Biblica, Inc.
Used with permission. All rights reserved worldwide.