Marko 15
15
E Isuse anen anglo Pilato
(Mt 27,1–2, 11–14; Lk 23,1–5; Jn 18,28–38)
1Thaj odma rano ande detharin ćerdine svato maškar phende e šorvale rašaja, e starešine, e učitelja palo Mojsijesko zakon thaj o sasto Baro veće. Phangline e Isuse thaj inđardine les ko Pilato savo sas rimsko upravniko.
2O Pilato phučla les: “Dali san tu o caro e Židovengo?” A o Isus phendas lešće: “Tu korkoro phenes.” 3A e šorvale rašaja došarenas e Isuse pale but godova.
4O Pilato palem phučla les: “Naj tut khanči te phenes pe akava? Dik pale so sa došaren tut.”
5Ali o Isus majbut khanči či motholas lešće, gajda kaj o Pilato but začudisajlo.
O Isus si osudime po smrto
(Mt 27,15–26; Lk 23,13–25; Jn 18,39–19,16)
6A o Pilato svako brš po prazniko mućelas andar o phanglipe jećhe manušes saves o them rodasas lestar. 7Ando phanglipe askal sas vi varesavo manuš savo akhardolas Varava zajedno e razbojnikonenca save ande pobuna ćerdine mudaripe. 8O them avilo thaj rodenas katar o Pilato te ćerel okova so vo obično ćerelas po prazniko.
9A o Pilato phučla len: “Dali kamen te mukav tumenđe e Židovsko caro?”
10Džanelas kaj e šorvale rašaja predaisardine leste e Isuse andar e zavist.
11Ali e šorvale rašaja pherdine e manušengo šoro te roden te mućel lenđe majradije e Varava.
12A o Pilato palem phučla len: “A so kamen te ćerav akalesa saves akharen caro e Židovengo?”
13A von čhutine muj: “Razapnisar les!”
14“Ali andar soste?” Phučlas o Pilato: “Sosko bilačhipe ćerda?” Ali von još majzurale čhonas muj: “Razapnisar les!”
15A o Pilato, zbog godova kaj kamlas te ugodil e themešće, mukla andar o phanglipe e Varava, a e Isuse dija te izbičujin thaj te razapnin les po trušul.
E vojnikurja maren muj e Isusestar
(Mt 27,27–31; Jn 19,2–3)
16Askal e vojnikurja inđardine e Isuse ande palata, pindžardi sago pretorijum, thaj ćida pes okote sasti četa vojnikurja. 17Dine po Isus grimizno ogrtači, a po šoro čhutine lešće khuvdi kruna katar e kangre. 18Askal marenas muj lestar thaj mothonas: “Nek trajil o caro e Židovengo!” 19Denas les dab e trskasa po šoro, čhungarenas pe leste, perenas pe koča thaj ćerenas pe kaj klanjinpe lešće. 20Kana ačhiline te maren muj lestar, askal fuljardine lestar o grimizno ogrtači thaj dine pe leste lešće drze thaj inđardine les te razapnin les po trušul.
E Isuse razapnin po trušul
(Mt 27,32–44; Lk 23,26–43; Jn 19,17–27)
21Varesavo manuš andar e Kirinija naćhelas okotar kaj boldelas pe andar e njive. Vo akhardolas Simon thaj sas dad e Aleksandresko thaj e Rufosko. E vojnikurja tradine les te inđarel e Isusesko trušul. 22Askal andine e Isuse dži ko than savo akhardol Golgota (so značil “lobanja”). 23Denas les mol hamime e smirnava te loćaren lešće e duk, ali vo či kamlas te pel. 24Askal razapnisardine les, a lešće drze razdelisardine gajda kaj čhudine kocka pale lende, te dićhen ko so lela. 25Sas inja saturja ande detharin kana razapnisardine les. 26Okote sas o natpis pe savo ramolas lešći doš: “Caro e Židovengo”. 27Zajedno lesa razapnisardine vi duje razbojnikonen, jećhe katar lešći desno rig a avres katar lešći levo rig. 28[Godolesa ispunisajlo okova so sas ramome ando Sveto lil: “Dićhenas pe leste sago pe zločincurja.”]
29E manuša kaj naćhenas okotar kušenas les. Ćerenas e šoresa pe leste thaj mothonas: “Ej, tu kaj haraves o Hramo thaj ande trin đes vazdes les, 30spasisar akana korkoro tut thaj fulji katar o trušul.”
31Gajda marenas muj lestar vi e šorvale rašaja thaj e učitelja palo Mojsijesko zakon thaj jek avrešće phenenas: “Averen spasisardas, a korkoro pes našti spasil! 32Neka akana godova Hristo, Caro e Izraelosko, fuljel katar o trušul, te dikhas thaj te paćas!”
Gajda vređonas les čak vi okola kaj sas lesa razapnime.
O Isus merel po trušul
(Mt 27,45–56; Lk 23,44–49; Jn 19,28–30)
33Ando mismeri mukla pe o tunjariko pe sasti phuv thaj sas sa dži ke trin saturja palo mismeri.
34Ande trin saturja o Isus ando baro glaso čhuta muj: “Eloi, Eloi, lama sabahtani?”, so značil: “Devla mungreja, Devla mungreja, sostar muklan man?”
35A kana varesave kaj ačhenas okote ašundine akava, phendine: “Dićhen, akharel e proroko Ilija!”
36A jek manuš prastaja te bolel o sunđer ando šut, čhuta les pe trska, dija e Isuse te pel thaj motholas: “Ažućaren te dikhas dali avela o Ilija te fuljarel les!”
37A o Isus čhuta muj andar o baro glaso, thaj mukla pesko đi.
38Askal e firanglja ande svetinja e hramošći pharadili po opaš, katar opral dži tele.
39Kana o rimsko kapetano savo ačhelas anglo Isus ašundas sar o Isus čhuta muj thaj gajda mukla pesko đi, phendas: “Akava manuš vi čače sas Čhavo e Devlesko!”
40A sa godova dadural dićhenas vi varesave manušnja. Maškar lende sas e Marija andar e Magdala, e Marija e dej e majterne Jakovešći thaj o Josije, thaj e Saloma. 41Von džanas pale leste thaj pomožinas les dok sas ande Galileja. Akate sas vi but aver manušnja save avile lesa ando Jerusalim.
E Isusesko prahope
(Mt 27,57–61; Lk 23,50–56; Jn 19,38–42)
42Kana već skoro perelas o tunjariko, pošto sas đes kana ćerenas pe e pripreme, godova sas đes majsigo o savato, 43o Josif andar e Arimateja, savo sas ugledno člano andar o Baro veće savo vi korkoro ažućarelas e Devlesko carstvo, bi darako đelo anglo Pilato thaj manglas lestar e Isusesko telo. 44O Pilato sas začudime kaj o Isus već mulo thaj akhardas e kapetano te phučel les kozom si sar o Isus mulo. 45Kana ašunda godova katar o kapetano askal dijas e Isusesko mulo telo e Josifešće. 46O Josif ćindas čaršapo, fuljarda e Isusesko telo katar o trušul, paćarda les ando čaršapo thaj čhuta les ando limori savo sas isklesime ande stena. Askal čhuta o bar po vudar e limoresko. 47A e Marija andar e Magdala thaj e Marija e dej e Josiješći dićhenas kaj čhutine e Isusesko telo.
දැනට තෝරාගෙන ඇත:
Marko 15: RČB
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Marko 15
15
E Isuse anen anglo Pilato
(Mt 27,1–2, 11–14; Lk 23,1–5; Jn 18,28–38)
1Thaj odma rano ande detharin ćerdine svato maškar phende e šorvale rašaja, e starešine, e učitelja palo Mojsijesko zakon thaj o sasto Baro veće. Phangline e Isuse thaj inđardine les ko Pilato savo sas rimsko upravniko.
2O Pilato phučla les: “Dali san tu o caro e Židovengo?” A o Isus phendas lešće: “Tu korkoro phenes.” 3A e šorvale rašaja došarenas e Isuse pale but godova.
4O Pilato palem phučla les: “Naj tut khanči te phenes pe akava? Dik pale so sa došaren tut.”
5Ali o Isus majbut khanči či motholas lešće, gajda kaj o Pilato but začudisajlo.
O Isus si osudime po smrto
(Mt 27,15–26; Lk 23,13–25; Jn 18,39–19,16)
6A o Pilato svako brš po prazniko mućelas andar o phanglipe jećhe manušes saves o them rodasas lestar. 7Ando phanglipe askal sas vi varesavo manuš savo akhardolas Varava zajedno e razbojnikonenca save ande pobuna ćerdine mudaripe. 8O them avilo thaj rodenas katar o Pilato te ćerel okova so vo obično ćerelas po prazniko.
9A o Pilato phučla len: “Dali kamen te mukav tumenđe e Židovsko caro?”
10Džanelas kaj e šorvale rašaja predaisardine leste e Isuse andar e zavist.
11Ali e šorvale rašaja pherdine e manušengo šoro te roden te mućel lenđe majradije e Varava.
12A o Pilato palem phučla len: “A so kamen te ćerav akalesa saves akharen caro e Židovengo?”
13A von čhutine muj: “Razapnisar les!”
14“Ali andar soste?” Phučlas o Pilato: “Sosko bilačhipe ćerda?” Ali von još majzurale čhonas muj: “Razapnisar les!”
15A o Pilato, zbog godova kaj kamlas te ugodil e themešće, mukla andar o phanglipe e Varava, a e Isuse dija te izbičujin thaj te razapnin les po trušul.
E vojnikurja maren muj e Isusestar
(Mt 27,27–31; Jn 19,2–3)
16Askal e vojnikurja inđardine e Isuse ande palata, pindžardi sago pretorijum, thaj ćida pes okote sasti četa vojnikurja. 17Dine po Isus grimizno ogrtači, a po šoro čhutine lešće khuvdi kruna katar e kangre. 18Askal marenas muj lestar thaj mothonas: “Nek trajil o caro e Židovengo!” 19Denas les dab e trskasa po šoro, čhungarenas pe leste, perenas pe koča thaj ćerenas pe kaj klanjinpe lešće. 20Kana ačhiline te maren muj lestar, askal fuljardine lestar o grimizno ogrtači thaj dine pe leste lešće drze thaj inđardine les te razapnin les po trušul.
E Isuse razapnin po trušul
(Mt 27,32–44; Lk 23,26–43; Jn 19,17–27)
21Varesavo manuš andar e Kirinija naćhelas okotar kaj boldelas pe andar e njive. Vo akhardolas Simon thaj sas dad e Aleksandresko thaj e Rufosko. E vojnikurja tradine les te inđarel e Isusesko trušul. 22Askal andine e Isuse dži ko than savo akhardol Golgota (so značil “lobanja”). 23Denas les mol hamime e smirnava te loćaren lešće e duk, ali vo či kamlas te pel. 24Askal razapnisardine les, a lešće drze razdelisardine gajda kaj čhudine kocka pale lende, te dićhen ko so lela. 25Sas inja saturja ande detharin kana razapnisardine les. 26Okote sas o natpis pe savo ramolas lešći doš: “Caro e Židovengo”. 27Zajedno lesa razapnisardine vi duje razbojnikonen, jećhe katar lešći desno rig a avres katar lešći levo rig. 28[Godolesa ispunisajlo okova so sas ramome ando Sveto lil: “Dićhenas pe leste sago pe zločincurja.”]
29E manuša kaj naćhenas okotar kušenas les. Ćerenas e šoresa pe leste thaj mothonas: “Ej, tu kaj haraves o Hramo thaj ande trin đes vazdes les, 30spasisar akana korkoro tut thaj fulji katar o trušul.”
31Gajda marenas muj lestar vi e šorvale rašaja thaj e učitelja palo Mojsijesko zakon thaj jek avrešće phenenas: “Averen spasisardas, a korkoro pes našti spasil! 32Neka akana godova Hristo, Caro e Izraelosko, fuljel katar o trušul, te dikhas thaj te paćas!”
Gajda vređonas les čak vi okola kaj sas lesa razapnime.
O Isus merel po trušul
(Mt 27,45–56; Lk 23,44–49; Jn 19,28–30)
33Ando mismeri mukla pe o tunjariko pe sasti phuv thaj sas sa dži ke trin saturja palo mismeri.
34Ande trin saturja o Isus ando baro glaso čhuta muj: “Eloi, Eloi, lama sabahtani?”, so značil: “Devla mungreja, Devla mungreja, sostar muklan man?”
35A kana varesave kaj ačhenas okote ašundine akava, phendine: “Dićhen, akharel e proroko Ilija!”
36A jek manuš prastaja te bolel o sunđer ando šut, čhuta les pe trska, dija e Isuse te pel thaj motholas: “Ažućaren te dikhas dali avela o Ilija te fuljarel les!”
37A o Isus čhuta muj andar o baro glaso, thaj mukla pesko đi.
38Askal e firanglja ande svetinja e hramošći pharadili po opaš, katar opral dži tele.
39Kana o rimsko kapetano savo ačhelas anglo Isus ašundas sar o Isus čhuta muj thaj gajda mukla pesko đi, phendas: “Akava manuš vi čače sas Čhavo e Devlesko!”
40A sa godova dadural dićhenas vi varesave manušnja. Maškar lende sas e Marija andar e Magdala, e Marija e dej e majterne Jakovešći thaj o Josije, thaj e Saloma. 41Von džanas pale leste thaj pomožinas les dok sas ande Galileja. Akate sas vi but aver manušnja save avile lesa ando Jerusalim.
E Isusesko prahope
(Mt 27,57–61; Lk 23,50–56; Jn 19,38–42)
42Kana već skoro perelas o tunjariko, pošto sas đes kana ćerenas pe e pripreme, godova sas đes majsigo o savato, 43o Josif andar e Arimateja, savo sas ugledno člano andar o Baro veće savo vi korkoro ažućarelas e Devlesko carstvo, bi darako đelo anglo Pilato thaj manglas lestar e Isusesko telo. 44O Pilato sas začudime kaj o Isus već mulo thaj akhardas e kapetano te phučel les kozom si sar o Isus mulo. 45Kana ašunda godova katar o kapetano askal dijas e Isusesko mulo telo e Josifešće. 46O Josif ćindas čaršapo, fuljarda e Isusesko telo katar o trušul, paćarda les ando čaršapo thaj čhuta les ando limori savo sas isklesime ande stena. Askal čhuta o bar po vudar e limoresko. 47A e Marija andar e Magdala thaj e Marija e dej e Josiješći dićhenas kaj čhutine e Isusesko telo.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න