ගීතාවලිය 142:1-7

ගීතාවලිය 142:1-7 SCV

මගේ කටහඬින් මම ස්වාමින්වහන්සේට මොර ගසමි; මගේ කටහඬින් මම ස්වාමින්වහන්සේට කන්නලව් කරමි. මගේ දුක්-ගැනවිල්ල මම උන්වහන්සේ ඉදිරියේ වගුරුවමි; මගේ කරදර මම උන්වහන්සේ ඉදිරියේ පවසමි. මගේ ආත්මය මා තුළ මැලවී, මා අධෛර්යට පත් වූ කල, මගේ මාර්ගය දන්නේ ඔබ ය. මා ගමන් ගන්නා මාවතෙහි මිනිස්සු රහසේ මට උගුලක් ඇටවූහ. මගේ දකුණු පැත්තට නෙත් හෙළා, බලන්න, මා ගැන සැලකිල්ලක් දක්වන කෙනකු නැත; පිළිසරණක් මට ඉතිරි ව නැත. මගේ ජීවිතය ගැන තකන කෙනකු නැත. මම ඔබට මොර හඬ දෙමි අහෝ ස්වාමින්වහන්ස; මා කියන්නේ, “මගේ සරණය ඔබ ය; ජීවතුන්ගේ දේශයේ මගේ උරුම කොටස ද ඔබ ය” කියා ය. මගේ මොර ගෑමට කන් දෙන්න, මන්ද, මම බෙහෙවින් වික්ෂිප්ත ව සිටිමි; මා ලුහුබඳිනාවුන්ගෙන් මා මුදා ගත මැනව, මන්ද ඔවුන් මට වඩා බොහෝ බලවත් ය. ඔබගේ නාමයට මා ස්තුති කරන පිණිස මගේ සිර ගෙයින් මා නිදහස් කළ මැනව; එවිට ඔබ මට පෑ ත්‍යාගශීලීත්වය නිසා, ධාර්මිකයෝ මා වටා රොක් වනු ඇත.

ගීතාවලිය 142:1-7 සඳහා වීඩියෝව

ගීතාවලිය 142:1-7 සම්බන්ධව නිදහස් කියවීමේ සැලසුම් සහ පූජනීයත්වය