හිතෝපදේශ 11
11
1වංචනික තරාදි, ස්වාමින්වහන්සේට පිළිකුලකි;
එහෙත් නිවැරදි කිරුම්-මිනුම් උන්වහන්සේට ප්‍රසන්න ය.
2උඩඟුව පැමිණි කල, නින්දාව ඒ සමඟ පැමිණේ;
එහෙත් නිහතමානීත්වය සමඟ ප්‍රඥාව පැමිණේ.
3ඍජු ගති ඇත්තවුන්ගේ අවංකත්වය, ඔවුනට මග පෙන්වයි;
එහෙත් ද්‍රෝහීන් ඔවුන්ගේ වංචනිකත්වයෙන් වැනසේ.
4උදහසේ දවසේදී ධන සම්පත් පලක් නො වේ;
එහෙත් ධර්මිෂ්ඨකම මරණයෙන් නිදහස් කරයි.
5නිදොස් අයගේ දමිටුකම, ඔවුන්ට සෘජු මාවත් තනා දෙයි;
එහෙත් දුෂ්ටයින් ඔවුන්ගේ ම දුෂ්ටකමින් ඇද වැටේ.
6ඍජු ගති ඇත්තවුන්ගේ දමිටුකම, ඔවුන් නිදහස් කරයි;
එහෙත් ද්‍රෝහීහු තෘෂ්ණා උගුලට හසු වෙති.
7දුෂ්ට මිනිසා මැරුණු කල, ඔහුගේ බලාපොරොත්තු සුන් වේ;
ඔහුගේ ශක්තියෙන් ඔහු අපේක්ෂා කළ සියල්ල පහව යේ.
8දමිටු මිනිසා විපත්තියෙන් මිදේ;
ඒ වෙනුවට දුෂ්ට මිනිසා පිට විපත්තිය පැමිණේ.
9අභක්තිකයා තම මුවින්, තම අසල්වැසියා විනාශ කරයි;
එහෙත් දමිටු මිනිසා නුවණෙහි පිහිටා ඉන් ගැලවී යයි.
10දමිටුන් දියුණු වන කල නගරය ප්‍රීති වෙයි;
අදමිටුන් වැනසී යන කල, ප්‍රීති ඝෝෂා පැතිරේ.
11ඍජු ගුණ ඇත්තන්ගේ ආශිර්වාදයෙන් නගරය උසස් කෙරේ;
එහෙත් දුෂ්ටයින්ගේ මුඛයෙන් එය විනාශ කෙරේ.
12තම අසල්වැසියාට අවමන් කරන්නා අනුවණයෙකි;
එහෙත් අවබෝධය ඇත්තා නිහඬ ව සිටියි.
13ඕපාදූප කියන තැනැත්තා රහස් හෙළි කරයි;
එහෙත් විශ්වාසවන්ත මිනිසා රහසක් රැක ගනී.
14නිසි මග පෙන්වීමක් නැති විට ජාතියක් ඇද වැටේ;
එහෙත් අනුශාසකයන් බොහෝ වූ කල, ජයග්‍රහණය ඇත.
15නො දන්නා කෙනකුට ඇප වෙන්නා කරදරේ වැටෙයි;
එසේ අත තබා දිවිරීම ප්‍රතික්ෂේප කරන්නා සුරක්ෂිත ය.
16කරුණාවන්ත කාන්තාව ගෞරවය අත්කර ගනී;
එහෙත් නිර්දය මිනිසුන් අත්කර ගන්නේ ධනය පමණි.
17කාරුණික මිනිසා තමාට ම සෙතක් සලසා ගනී;
එහෙත් කුරිරු මිනිසා තමා පිට කරදර පටවා ගනී.
18දුෂ්ට මිනිසා වංචනික වේතන ලබා ගනී;
එහෙත් දමිටුකම වපුරන්නා නිසැක ත්‍යාගයක් ලබන්නේ ය.
19සැබවින් ම දමිටු මිනිසා ජීවනය අත්කර ගනී;
එහෙත් නපුර හඹායන්නා මරණය ළඟාකර ගනී.
20වංක සිත් ඇත්තන් ස්වාමින්වහන්සේට පිළිකුලක් ය;
එහෙත් නිදොස් මගෙහි යන්නන් ගැන උන්වහන්සේ ප්‍රසන්න ය.
21සහතික වශයෙන් දැනගන්න, දුෂ්ටයා දඬුවම් නො ලබා නො සිටියි;
එහෙත් ධර්මිෂ්ඨයෝ නිදහස් ව යන්නෝ ය.
22සුරූපී වුව ද, බුද්ධි හීන කාන්තාව
ඌරකුගේ හොම්බෙහි ලූ රන් මුදුවක් වැන්න.
23දමිටුන්ගේ ආශාව කෙළවර වන්නේ යහපතකිනි;
එහෙත් දුෂ්ටයින්ගේ බලාපොරොත්තුව කෙළවර වන්නේ උදහසෙනි.
24කෙනෙක් නො මසුරු ව දෙන නමුදු, බහුල ව අත්කර ගන්නේ ය;
තව කෙනෙක් මසුරු ව, දිය යුතු ව තිබූ දෑ නො දී සිටි නමුදු හිඟකමට පත් වන්නේ ය.
25ත්‍යාගශීලී මිනිසා ඉසුරුමත් වෙයි;
අන්‍යයනට පැන් වත් කරන තැනැත්තාට පැන් වත් කරනු ලබයි.
26ධාන්‍ය සඟවා තබාගන්නාට ජනයා ශාප කරති;
එහෙත් ඒවා අලෙවි කරන්නාගේ හිස පිට ආශිර්වාදයකි.
27සුබ සෙත සොයන්නාට යහපත සම්භ වේ;
එහෙත් නපුර සොයන්නා වෙත නපුර ළඟා වේ.
28තම වස්තුව පිට විශ්වාසය තබන කවුරු නමුත් වැටී යයි;
එහෙත් දමිටු මිනිසා අමු කොළයක් මෙන් සඵල වෙයි.
29තමන්ගේ ම පවුල අමාරුවේ දමන්නාට සුළඟ උරුම වෙයි;
අඥානයා ප්‍රාඥයාගේ සේවකයකු වෙයි.
30දමිටුන්ගේ පල ජීවන වෘක්ෂයකි;
මිනිසුන් දිනන්නා ප්‍රඥාවතෙකි.
31ධර්මිෂ්ඨයා මෙලොවේදී ම ඉෂ්ට විපාක ලබයි නම්,
අධර්මිෂ්ඨයා හා පව්කරුවා කොපමණ වැඩියෙන් අනිටු විපාක නො ලබත් ද?
දැනට තෝරාගෙන ඇත:
හිතෝපදේශ 11: SCV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
හිතෝපදේශ 11
11
1වංචනික තරාදි, ස්වාමින්වහන්සේට පිළිකුලකි;
එහෙත් නිවැරදි කිරුම්-මිනුම් උන්වහන්සේට ප්‍රසන්න ය.
2උඩඟුව පැමිණි කල, නින්දාව ඒ සමඟ පැමිණේ;
එහෙත් නිහතමානීත්වය සමඟ ප්‍රඥාව පැමිණේ.
3ඍජු ගති ඇත්තවුන්ගේ අවංකත්වය, ඔවුනට මග පෙන්වයි;
එහෙත් ද්‍රෝහීන් ඔවුන්ගේ වංචනිකත්වයෙන් වැනසේ.
4උදහසේ දවසේදී ධන සම්පත් පලක් නො වේ;
එහෙත් ධර්මිෂ්ඨකම මරණයෙන් නිදහස් කරයි.
5නිදොස් අයගේ දමිටුකම, ඔවුන්ට සෘජු මාවත් තනා දෙයි;
එහෙත් දුෂ්ටයින් ඔවුන්ගේ ම දුෂ්ටකමින් ඇද වැටේ.
6ඍජු ගති ඇත්තවුන්ගේ දමිටුකම, ඔවුන් නිදහස් කරයි;
එහෙත් ද්‍රෝහීහු තෘෂ්ණා උගුලට හසු වෙති.
7දුෂ්ට මිනිසා මැරුණු කල, ඔහුගේ බලාපොරොත්තු සුන් වේ;
ඔහුගේ ශක්තියෙන් ඔහු අපේක්ෂා කළ සියල්ල පහව යේ.
8දමිටු මිනිසා විපත්තියෙන් මිදේ;
ඒ වෙනුවට දුෂ්ට මිනිසා පිට විපත්තිය පැමිණේ.
9අභක්තිකයා තම මුවින්, තම අසල්වැසියා විනාශ කරයි;
එහෙත් දමිටු මිනිසා නුවණෙහි පිහිටා ඉන් ගැලවී යයි.
10දමිටුන් දියුණු වන කල නගරය ප්‍රීති වෙයි;
අදමිටුන් වැනසී යන කල, ප්‍රීති ඝෝෂා පැතිරේ.
11ඍජු ගුණ ඇත්තන්ගේ ආශිර්වාදයෙන් නගරය උසස් කෙරේ;
එහෙත් දුෂ්ටයින්ගේ මුඛයෙන් එය විනාශ කෙරේ.
12තම අසල්වැසියාට අවමන් කරන්නා අනුවණයෙකි;
එහෙත් අවබෝධය ඇත්තා නිහඬ ව සිටියි.
13ඕපාදූප කියන තැනැත්තා රහස් හෙළි කරයි;
එහෙත් විශ්වාසවන්ත මිනිසා රහසක් රැක ගනී.
14නිසි මග පෙන්වීමක් නැති විට ජාතියක් ඇද වැටේ;
එහෙත් අනුශාසකයන් බොහෝ වූ කල, ජයග්‍රහණය ඇත.
15නො දන්නා කෙනකුට ඇප වෙන්නා කරදරේ වැටෙයි;
එසේ අත තබා දිවිරීම ප්‍රතික්ෂේප කරන්නා සුරක්ෂිත ය.
16කරුණාවන්ත කාන්තාව ගෞරවය අත්කර ගනී;
එහෙත් නිර්දය මිනිසුන් අත්කර ගන්නේ ධනය පමණි.
17කාරුණික මිනිසා තමාට ම සෙතක් සලසා ගනී;
එහෙත් කුරිරු මිනිසා තමා පිට කරදර පටවා ගනී.
18දුෂ්ට මිනිසා වංචනික වේතන ලබා ගනී;
එහෙත් දමිටුකම වපුරන්නා නිසැක ත්‍යාගයක් ලබන්නේ ය.
19සැබවින් ම දමිටු මිනිසා ජීවනය අත්කර ගනී;
එහෙත් නපුර හඹායන්නා මරණය ළඟාකර ගනී.
20වංක සිත් ඇත්තන් ස්වාමින්වහන්සේට පිළිකුලක් ය;
එහෙත් නිදොස් මගෙහි යන්නන් ගැන උන්වහන්සේ ප්‍රසන්න ය.
21සහතික වශයෙන් දැනගන්න, දුෂ්ටයා දඬුවම් නො ලබා නො සිටියි;
එහෙත් ධර්මිෂ්ඨයෝ නිදහස් ව යන්නෝ ය.
22සුරූපී වුව ද, බුද්ධි හීන කාන්තාව
ඌරකුගේ හොම්බෙහි ලූ රන් මුදුවක් වැන්න.
23දමිටුන්ගේ ආශාව කෙළවර වන්නේ යහපතකිනි;
එහෙත් දුෂ්ටයින්ගේ බලාපොරොත්තුව කෙළවර වන්නේ උදහසෙනි.
24කෙනෙක් නො මසුරු ව දෙන නමුදු, බහුල ව අත්කර ගන්නේ ය;
තව කෙනෙක් මසුරු ව, දිය යුතු ව තිබූ දෑ නො දී සිටි නමුදු හිඟකමට පත් වන්නේ ය.
25ත්‍යාගශීලී මිනිසා ඉසුරුමත් වෙයි;
අන්‍යයනට පැන් වත් කරන තැනැත්තාට පැන් වත් කරනු ලබයි.
26ධාන්‍ය සඟවා තබාගන්නාට ජනයා ශාප කරති;
එහෙත් ඒවා අලෙවි කරන්නාගේ හිස පිට ආශිර්වාදයකි.
27සුබ සෙත සොයන්නාට යහපත සම්භ වේ;
එහෙත් නපුර සොයන්නා වෙත නපුර ළඟා වේ.
28තම වස්තුව පිට විශ්වාසය තබන කවුරු නමුත් වැටී යයි;
එහෙත් දමිටු මිනිසා අමු කොළයක් මෙන් සඵල වෙයි.
29තමන්ගේ ම පවුල අමාරුවේ දමන්නාට සුළඟ උරුම වෙයි;
අඥානයා ප්‍රාඥයාගේ සේවකයකු වෙයි.
30දමිටුන්ගේ පල ජීවන වෘක්ෂයකි;
මිනිසුන් දිනන්නා ප්‍රඥාවතෙකි.
31ධර්මිෂ්ඨයා මෙලොවේදී ම ඉෂ්ට විපාක ලබයි නම්,
අධර්මිෂ්ඨයා හා පව්කරුවා කොපමණ වැඩියෙන් අනිටු විපාක නො ලබත් ද?
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.