යෝබ් 29:7-12

“මා පුර දොරටු ප්‍රජා පොළ වෙත ගොස්, ජන හමුවෙහි මට හිමි තැන අසුන් ගත් කල, තරුණයෝ මා දැක මුලු ගැසුණෝ ය; වැඩිමහල්ලෝ නැගිට සිටගත්තෝ ය. අධිපතීහු කතාව නවත්වා, තම අත්වලින් තම මුව වසාගත්තෝ ය. නායකයෝ නිහඬ වූවාහු, ඔවුන්ගේ දිව ඔවුන්ගේ උඩු තල්ලේ ඇලුණි. මා ගැන ඇසුවෝ මගේ ගුණ වැනූහ; මා දුටු ඇත්තෝ මා වර්ණනා කළෝ ය. මන්ද උපකාර ඉල්ලා හැඬූ දුප්පතා ද සරණයට කිසිවකුදු නො වූ පියා නැති අනාථයා ද මම මිදු වෙමි.