උත්පත්ති 32:22-26

ඒ රැයේ නැගුටුණු යාකොබ් තම බිරින්දෑවරුන් දෙදෙනා ද තම සේවිකාවන් දෙදෙනා ද තම පුතුන් එකොළොස් දෙනා ද කැටිව, යබ්බොක් තොටින් එතෙර වූයේ ය. ඔහු ඇළෙන් එගොඩට ඔවුන් යවා, තමා සතු ව තිබූ සියල්ල ද එතෙර කරවී ය. මෙසේ යාකොබ් හුදකලා විය. එවිට මනුෂ්‍යයෙක් පහන් වන තෙක් ඔහු සමඟ පොර බැදී ය. තමාට ඔහු පැරදවිය නො හැකි වග දුටු ඒ තැනැත්තා, යාකොබ්ගේ උකුල් සන්ධියට ගැසී ය. එවිට ඒ තැනැත්තා සමඟ පොරබදද්දී ඔහුගේ උකුල් ඇටය පැන්නේ ය. එවිට ඒ මනුෂ්‍යයා, “එළි වේගෙන එන නිසා මට යන්නට දෙන්නැ” යි පැවසී ය. එහෙත් යාකොබ්, “ඔබ මට ආශිර්වාද කරන තෙක්, මා ඔබට යන්නට දෙන්නේ නැහැ” යි කීවේ ය.