උත්පත්ති 30:26-31

උත්පත්ති 30:26-31 SCV

මා ඔබට මෙහෙ කර, උපයා ගත් මගේ භාර්යාවන් හා මගේ දරුවන් මට දී, මට යන්න හරින්න. මන්ද මා මොන තරම් මෙහෙවරක් ඔබට කර දුන්නාදැයි ඔබ හොඳින් දනී” යි පැවසී ය. ලාබාන් ඔහුට පිළිතුරු දෙමින්, “ඔබ මට කරුණාව දක්වනවා නම් නවතින්න. ස්වාමින්වහන්සේ මට ආශිර්වාද කර ඇත්තේ, ඔබ නිසා වග, නිමිත්තක් මගින් මට දැනගන්නට ලැබුණා” යි කීවේ ය. ඔහු තවදුරටත් කතා කරමින්, “ඔබේ ගාස්තුව නියම කරන්න; මා එය ගෙවන්නම්” යි කීවේ ය. යාකොබ් ඔහුට පිළිතුරු දෙමින්, “මා ඔබට මෙහෙ කළේ කෙසේ ද කියාත්, ඔබගේ සත්ව සම්පත, මගේ සාත්තුව යටතේ වැඩුණේ කෙසේ ද කියාත්, ඔබ හොඳින් ම දනී. මා මෙහි එන විට ඔබට තිබූ ස්වල්පය අතිශයෙන් ම වර්ධන වී ඇත. මා සම්බන්ධ වූ හැම තැනකදී ම ස්වාමින්වහන්සේ ඔබට ආශිර්වාද කර ඇත. මගේ ම දරු පවුල උදෙසා මා යමක් කරන්නේ කවරදාක දැ?” යි ඇසී ය. එවිට ලාබාන්, “මා ඔබට දිය යුත්තේ කුමක් දැ?” යි ඇසී ය. යාකොබ් පිළිතුරු දෙමින්, “ඔබ මට කිසිවක් දිය යුතු නැහැ. මා කියන මේ එක ම දේ ඔබ මට කර දෙනවා නම්, මා දිගට ම ඔබේ රංචු පෝෂ්‍ය කරමින්, රැක බලා ගන්නම්.

උත්පත්ති 30:26-31 සම්බන්ධව නිදහස් කියවීමේ සැලසුම් සහ පූජනීයත්වය