එසකියෙල් 40
40
නව දේව මාලිගය
1අප වහල් ව යෑමේ විසිපස් වන අවුරුද්දේ, එනම් පුරවරය වැටී ගිය පසු දහහතර වන වසරේ වසර මුල, හරියට ම මාසයේ දස වන දින, ස්වාමින්වහන්සේගේ හස්තය මා පිට පැමිණ, මා එහි ගෙන ගිය සේක. 2දෙවියන්වහන්සේගේ දර්ශනවලින් ඉශ්‍රායෙල් දේශයට මා ගෙන ගිය උන්වහන්සේ, උස් කන්දක් මත මා සිට වූ සේක. එහි දකුණු පැත්තේ පුරවරයක් සේ පෙනෙන ගොඩනැගිලි දක්නට තිබිණ. 3උන්වහන්සේ එතැනට මා පැමිණ වූ කල, පෙනුමින් ලෝකඩ බඳු මිනිසකු මම දිටිමි. හණ ලණුපටක් හා කෝදුවක් අතැතිව ඔහු දොරටුව ළඟ සිටගෙන සිටියේ ය. 4ඒ මිනිසා මා අමතමින්, “මනුෂ්‍ය පුත්‍රය, ඔබගේ ඇස්වලින් බලා, ඔබගේ කන්වලින් අසා, මා ඔබට පෙන්වන හැම දෙයක් ගැන ම අවධානය යොමු කරන්න. ඔබ මෙහි ගෙන එන ලද්දේ ඒ සඳහා ය. ඔබ දකින හැම දෙයක් ම ඉශ්‍රායෙල් වංශයට පවසන්නැ” යි කීවේ ය.
පෙරදිග දොරටුව
5ගෘහ භූමිය මුළුමනින් ම වට වූ තාප්පයක් විය. ඒ මිනිසා අත වූ කෝදුව, දිගින් දිග්-රියන් හයකි. දිග්-රියනක් යනු රියනකුත් අල්ලකි. ඔහු තාප්පය මැන්නේ ය. එය කෝදු මිම්මක් ගනකමින් ද කෝදු මිම්මක් උසින් ද යුතු විණ.
6ඉන්පසු ඔහු නැගෙනහිරට මුහුණ ලා ඇති දොරටුව වෙත ගියේ ය. ඔහු එහි පිය ගැට නැග, දොරටුවේ එළිපත්ත මැන්නේ ය. එය කෝදු මිම්මක් ගැඹුරු ය. 7එහි මුර කුටි, කෝදු මිම්මක් දිගින් හා කෝදු මිම්මක් පළලින් යුතු ය. මුර කුටි අතර පරතරය පස් රියනකි. ගෘහයට මුහුණ ලා පිහිටි බරාඳයට යාව වූ දොරටුවේ එළිපත්ත ද කෝදු මිම්මකි.
8ඉන්පසු ඔහු දොරටු-බරාඳය මැන්නේ ය. 9එය රියන් අටක් ගැඹුරින් යුතු විණ. එහි උළුවහු කණු රියන් දෙකක් ගන ය. දොරටු-බරාඳය, ගෘහයට මුහුණ ලා තිබිණ.
10නැගෙනහිර දොරටුව ඇතුළත දෙපසෙහි ම එක හා සමාන මුර කුටි තුන බැගින් විය. දෙපසෙහි එකිනෙකට මුහුණ ලූ මුර කුටි හා කුටි අතර වූ බිත්ති කණු ද එක හා සමාන විය. 11ඉන්පසු ඔහු දොරටුව පිවිසුමේ පළල මැන්නේ ය. එය දස රියනකි. එහි දිග දහතුන් රියනකි. 12එක් එක් මුරකුටිය ඉදිරිපිට රියනක් උස තාප්පයක් විය. මුර කුටි, හය-රියන් සමචතුරස්‍රාකාර ය. 13ඉන්පසු, ඔහු එක් මුර කුටියක පිටුපස බිත්ති මුඳුනේ සිට, ඊට ප්‍රති විරුද්ධ එකේ මුඳුන දක්වා දොරටුව මැන්නේ ය. එක් බිත්ති විවරයක සිට ඊට විරුද්ධ පැත්තේ විවරය දක්වා ඇතුළත මුළු දිග, රියන් විසිපහකි. 14ඔහු, මුළු ඇතුළු දොරකඩ වටා වූ බිත්ති කණු දිගේ මැන්නේ ය. එය හැට රියනකි. මෙම මිනුම මළුවට මුහුණ ලා වූ බරාඳය දක්වා ය. 15දොරටුව පිවිසුමේ සිට, එහි බරාඳයේ ඈත කෙළවර දක්වා දුර ප්‍රමාණය පනස් රියනකි. 16දොරටුව ඇතුළත වටා මුර කුටිවල හා කුටි අතර බිත්ති කණුවල ද බරාඳයේ සේ ම ඇතුළතට මුහුණ ලූ කවුළු තිබිණ. බිත්ති කණු මුහුණත ඉඳි ගස් සැරසිලි කර තිබිණ.
පිට මළුව
17ඉන්පසු ඔහු පිට මළුවට මා ගෙන ආවේ ය. එහි කාමර ද මළුව වටා ඉදි කෙරුණු පාදිකාවක් ද මම දිටිමි. ඒ පාදිකාව දිගේ කාමර තිහක් විණ. 18දොරටු පැතිවලට යාව තිබූ පාදිකාව, දොරටුවල ප්‍රමාණයට ම පළලින් යුතු විණ. මෙය පහළ පාදිකාව ය. 19ඉන්පසු ඔහු පහළ දොරටුවේ ඇතුළත සිට ඇතුළු මළුවේ පිටත දක්වා මැන්නේ ය. එහි උතුරු පැත්ත මෙන් ම නැගෙනහිර පැත්ත ද රියන් සියයකි.
උතුරු දොරටුව
20ඉන්පසු ඔහු පිටත මළුවට දිවෙන උතුරට මුහුණ ලූ දොරටුවේ දිගත්, පළලත් මැන්නේ ය. 21එහි දෙපසෙහි ම මුර කුටි තුන බැගින් විය. ඒ කුටි අතර බිත්ති කණු හා බරාඳය පළමු දොරටුවේ මිමි හා සමාන විය. එය පනස් රියනක් දිගින් ද විසිපස් රියනක් පළලින් ද යුතු විණ. 22එහි කවුළු, එහි බරාඳය හා එහි ඉඳි ගස් සැරසිලි නැගෙනහිර දිග දොරටුවේ වූ මිමිවලට සමාන විණ. පිය ගැට හතකින් එය නැග යා යුතු විය. එහි බරාඳය එය ඉදිරිපිටින් විණ. 23නැගෙනහිර දොරකඩ සේ ම, උතුරු දොරටුවට මුහුණ ලා ඇතුළු මළුවට දොරටුවක් එහි විණ. ඔහු එක් දොරටුවක සිට ප්‍රති විරුද්ධ දොරටුව දක්වා මැන්නේ ය. එය රියන් සියයකි.
දකුණු දොරටුව
24ඉන්පසු ඔහු දකුණු දිගට මා කැඳවාගෙන ගියෙන්, දකුණු දිගට මුහුණ ලා ඇති දොරටුව මම දුටිමි. ඔහු එහි කුලුනු ද එහි බරාඳය ද මැන්නේ ය. ඒවායේ මිමි, සෙසු ඒවා හා සමාන ය. 25දොරටුව හා බරාඳය වටා පටු කවුළු වූයේ සෙසු ඒවායේ පරිද්දෙනි. එය පනස් රියනක් දිගින් ද විසිපස් රියනක් පළලින් ද යුතු විය. 26ඊට නැගී යන පිය ගැට හතක් විය. එය ඉදිරිපිට එහි බරාඳය විය. එහි දෙපස බිත්ති කණු මුහුණත ඉඳි ගස් සැරසිලි තිබිණ. 27ඇතුළු මළුවේ ද දකුණ දිගට මුහුණ ලා දොරටුවක් විය. ඔහු එම දොරටුවේ සිට දකුණු දිග පිටත දොරටුව දක්වා මැන්නේ ය. එය රියන් සියයකි.
ඇතුළු මළුව
28ඉන්පසු ඔහු දකුණු දිග දොරටුව තුළින් ඇතුළු මළුවට මා කැඳවාගෙන ගියේ ය. ඔහු දකුණු දොරටුව මැන්නේ ය. එහි මිමි සෙසු ඒවායේ ප්‍රමාණය ම ය. 29එහි මුර කුටි ද එහි බිත්ති කණු ද එහි බරාඳය ද සෙසු ඒවායේ මිම්මෙන් යුතු විය. එහි දොරකඩ හා එහි බරාඳය වටා කවුළු තිබිණ. එය පනස් රියනක් දිගින් ද විසිපස් රියනක් පළලින් ද යුතු විය. 30ඇතුළු මළුව වටා දොරටුවල බරාඳ විසිපස් රියනක් පළලින් හා පස් රියනක් ගැඹුරින් ද යුතු විය. 31එහි බරාඳය පිටත මළුවට මුහුණ ලා තිබිණ. එහි කුලුනු, ඉඳි ගස් සැරසිල්ලෙන් යුතු විණ. ඊට පිය ගැට අටක් තිබිණ.
32ඉන්පසු ඔහු නැගෙනහිර ඇතුළු මළුවට මා කැඳවාගෙන ආයේ ය. ඔහු එහි දොරටුව මැන්නේ ය. ඊට තිබුණේ සෙසු ඒවායේ මිම්ම ය. 33එහි මුර කුටි ද එහි බිත්ති කණු ද එහි බරාඳය ද සෙසු ඒවායේ මිම්මෙන් යුතු විය. එහි දොරකඩ හා එහි බරාඳය වටා කවුළු තිබිණ. එය පනස් රියනක් දිගින් ද විසිපස් රියනක් පළලින් ද යුතු විය. 34එහි බරාඳය පිටත මළුවට මුහුණ ලා තිබිණ. එහි කුලුනු දෙපසෙහි ම ඉඳි ගස් සැරසිල්ලෙන් යුතු විය. ඊට ද පිය ගැට අටකි.
35ඉන්පසු ඔහු උතුරු දොරටුවට මා කැඳවාගෙන ගොස්, එය මැන්නේ ය. එහි මිමි ද සෙසු ඒවාට සමාන විය. 36එහි මුර කුටි ද එහි බිත්ති කණු ද එහි බරාඳය හා එහි වටේට වූ කවුළු සියල්ල ද සෙසු ඒවායේ මිමිවලට සමාන ය. එය පනස් රියනක් දිග ය. විසිපස් රියනක් පළල ය. 37එහි බරාඳය පිටත මළුවට මුහුණ ලා තිබිණ. එහි කුලුනු දෙපසෙහි ම ඉඳි ගස් සැරසිල්ලෙන් යුතු විය. ඊට ද පිය ගැට අටකි.
යාග පූජා
38බරාඳය පසෙක එක් එක් ඇතුළු දොරටුවක දොරකඩක් සහිත කාමරයක් විය. දවන යාග පූජා සෝදනු ලබන්නේ එහි ය. 39දොරටු-බරාඳය දෙපසෙහි ම මේස දෙකක් විය. දවන යාග පූජා, පාප පූජා හා වරද පහ කිරීමේ පූජා සඳහා සතුන් මරනු ලබන්නේ ඒ මත ය. 40දොරටු බරාඳයේ පිටත බිත්ති පසෙක උතුරු දොරටු පිවිසුමේ පිය ගැට අසල මේස දෙකකි. පිය ගැට අනෙක් පැත්තේ ද මේස දෙකකි. 41මෙසේ දොරටු එක් පසෙක මේස හතරකි. අනෙක් පස ද හතරකි. යාග සතුන් මරනු ලබන මුළු මේස ගණන අටකි. 42තවද දවන යාග පූජා සඳහා කැපූ ගලින් නිම වූ ගල් මේස හතරක් එහි විය. ඒවා දිගින් ද පළලින් ද රියන් එකහමාර බැගින් විය. උසින් එක් රියනකි. දවන යාග පූජා සහ අනෙකුත් පූජා සඳහා සතුන් මරන උපකරණ ද ඒ මත තැබේ. 43තවද අල්ලක් දිගින් යුතු දැති දෙකකින් යුත් කොකු, බිත්ති මුළුල්ලෙහි සවි කර තිබිණ. මේස, පූජා මස උදෙසා ය.
පූජක කුටි
44ඇතුළු මළුවෙහි ඇතුළු දොරටුවට පිටතින් (ගායන-ශිල්පීන් සඳහා) කාමර දෙකක් විය. ඉන් එකක් දකුණට මුහුණ ලා උතුරු දොරටුව දෙසින් ද අනෙක උතුරට මුහුණ ලා දකුණු දොරටුව දෙසින් ද විය. 45ඔහු මා අමතා, “දකුණට මුහුණ ලූ කාමරය, ගෘහ සේවා-කටයුතු බාර පූජකයින් සඳහා ය. 46උතුරට මුහුණ ලූ කාමරය, පූජාසනයේ සේවා-කටයුතු බාර පූජකයින් සඳහා ය. මොවුහු ලෙවී වංශිකයින් අතරින් ස්වාමින්වහන්සේ ඉදිරියෙහි තේවා කටයුතු සඳහා උන්වහන්සේ වෙත ළඟා වීමට අවසර තිබූ එක ම තැනැත්තන් වූ සාදෝක් පුත්‍රයෝ යැ” යි කී ය.
47ඔහු මළුව ද මැන්නේ ය. එය රියන් සියයක් දිග, රියන් සියයක් පළල සමචතුරස්‍රයකි. පූජාසනය, ගෘහය අබියස විය.
නව දේව මාලිගය
48ඉන්පසු ඔහු, ගෘහ බරාඳයට මා කැඳවා අවුත්, බරාඳයේ කුලුනු මැන්නේ ය. එහි එක් එක් පැත්ත පස් රියනක් පළල ය. එහි පිවිසුම පළලින් රියන් දාහතරකි. බිත්ති කණු, එක් එක් පැත්ත රියන් තුනක් පළල ය. 49බරාඳය, පළලින් රියන් විස්සකි. ඉදිරිපස සිට පසු පසට රියන් දොළසකි. එතැනට නැගෙන්නේ පිය ගැට පෙළකිනි. කුලුනු දෙපසෙහි ම පැති කණු තිබිණ.
දැනට තෝරාගෙන ඇත:
එසකියෙල් 40: SCV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
එසකියෙල් 40
40
නව දේව මාලිගය
1අප වහල් ව යෑමේ විසිපස් වන අවුරුද්දේ, එනම් පුරවරය වැටී ගිය පසු දහහතර වන වසරේ වසර මුල, හරියට ම මාසයේ දස වන දින, ස්වාමින්වහන්සේගේ හස්තය මා පිට පැමිණ, මා එහි ගෙන ගිය සේක. 2දෙවියන්වහන්සේගේ දර්ශනවලින් ඉශ්‍රායෙල් දේශයට මා ගෙන ගිය උන්වහන්සේ, උස් කන්දක් මත මා සිට වූ සේක. එහි දකුණු පැත්තේ පුරවරයක් සේ පෙනෙන ගොඩනැගිලි දක්නට තිබිණ. 3උන්වහන්සේ එතැනට මා පැමිණ වූ කල, පෙනුමින් ලෝකඩ බඳු මිනිසකු මම දිටිමි. හණ ලණුපටක් හා කෝදුවක් අතැතිව ඔහු දොරටුව ළඟ සිටගෙන සිටියේ ය. 4ඒ මිනිසා මා අමතමින්, “මනුෂ්‍ය පුත්‍රය, ඔබගේ ඇස්වලින් බලා, ඔබගේ කන්වලින් අසා, මා ඔබට පෙන්වන හැම දෙයක් ගැන ම අවධානය යොමු කරන්න. ඔබ මෙහි ගෙන එන ලද්දේ ඒ සඳහා ය. ඔබ දකින හැම දෙයක් ම ඉශ්‍රායෙල් වංශයට පවසන්නැ” යි කීවේ ය.
පෙරදිග දොරටුව
5ගෘහ භූමිය මුළුමනින් ම වට වූ තාප්පයක් විය. ඒ මිනිසා අත වූ කෝදුව, දිගින් දිග්-රියන් හයකි. දිග්-රියනක් යනු රියනකුත් අල්ලකි. ඔහු තාප්පය මැන්නේ ය. එය කෝදු මිම්මක් ගනකමින් ද කෝදු මිම්මක් උසින් ද යුතු විණ.
6ඉන්පසු ඔහු නැගෙනහිරට මුහුණ ලා ඇති දොරටුව වෙත ගියේ ය. ඔහු එහි පිය ගැට නැග, දොරටුවේ එළිපත්ත මැන්නේ ය. එය කෝදු මිම්මක් ගැඹුරු ය. 7එහි මුර කුටි, කෝදු මිම්මක් දිගින් හා කෝදු මිම්මක් පළලින් යුතු ය. මුර කුටි අතර පරතරය පස් රියනකි. ගෘහයට මුහුණ ලා පිහිටි බරාඳයට යාව වූ දොරටුවේ එළිපත්ත ද කෝදු මිම්මකි.
8ඉන්පසු ඔහු දොරටු-බරාඳය මැන්නේ ය. 9එය රියන් අටක් ගැඹුරින් යුතු විණ. එහි උළුවහු කණු රියන් දෙකක් ගන ය. දොරටු-බරාඳය, ගෘහයට මුහුණ ලා තිබිණ.
10නැගෙනහිර දොරටුව ඇතුළත දෙපසෙහි ම එක හා සමාන මුර කුටි තුන බැගින් විය. දෙපසෙහි එකිනෙකට මුහුණ ලූ මුර කුටි හා කුටි අතර වූ බිත්ති කණු ද එක හා සමාන විය. 11ඉන්පසු ඔහු දොරටුව පිවිසුමේ පළල මැන්නේ ය. එය දස රියනකි. එහි දිග දහතුන් රියනකි. 12එක් එක් මුරකුටිය ඉදිරිපිට රියනක් උස තාප්පයක් විය. මුර කුටි, හය-රියන් සමචතුරස්‍රාකාර ය. 13ඉන්පසු, ඔහු එක් මුර කුටියක පිටුපස බිත්ති මුඳුනේ සිට, ඊට ප්‍රති විරුද්ධ එකේ මුඳුන දක්වා දොරටුව මැන්නේ ය. එක් බිත්ති විවරයක සිට ඊට විරුද්ධ පැත්තේ විවරය දක්වා ඇතුළත මුළු දිග, රියන් විසිපහකි. 14ඔහු, මුළු ඇතුළු දොරකඩ වටා වූ බිත්ති කණු දිගේ මැන්නේ ය. එය හැට රියනකි. මෙම මිනුම මළුවට මුහුණ ලා වූ බරාඳය දක්වා ය. 15දොරටුව පිවිසුමේ සිට, එහි බරාඳයේ ඈත කෙළවර දක්වා දුර ප්‍රමාණය පනස් රියනකි. 16දොරටුව ඇතුළත වටා මුර කුටිවල හා කුටි අතර බිත්ති කණුවල ද බරාඳයේ සේ ම ඇතුළතට මුහුණ ලූ කවුළු තිබිණ. බිත්ති කණු මුහුණත ඉඳි ගස් සැරසිලි කර තිබිණ.
පිට මළුව
17ඉන්පසු ඔහු පිට මළුවට මා ගෙන ආවේ ය. එහි කාමර ද මළුව වටා ඉදි කෙරුණු පාදිකාවක් ද මම දිටිමි. ඒ පාදිකාව දිගේ කාමර තිහක් විණ. 18දොරටු පැතිවලට යාව තිබූ පාදිකාව, දොරටුවල ප්‍රමාණයට ම පළලින් යුතු විණ. මෙය පහළ පාදිකාව ය. 19ඉන්පසු ඔහු පහළ දොරටුවේ ඇතුළත සිට ඇතුළු මළුවේ පිටත දක්වා මැන්නේ ය. එහි උතුරු පැත්ත මෙන් ම නැගෙනහිර පැත්ත ද රියන් සියයකි.
උතුරු දොරටුව
20ඉන්පසු ඔහු පිටත මළුවට දිවෙන උතුරට මුහුණ ලූ දොරටුවේ දිගත්, පළලත් මැන්නේ ය. 21එහි දෙපසෙහි ම මුර කුටි තුන බැගින් විය. ඒ කුටි අතර බිත්ති කණු හා බරාඳය පළමු දොරටුවේ මිමි හා සමාන විය. එය පනස් රියනක් දිගින් ද විසිපස් රියනක් පළලින් ද යුතු විණ. 22එහි කවුළු, එහි බරාඳය හා එහි ඉඳි ගස් සැරසිලි නැගෙනහිර දිග දොරටුවේ වූ මිමිවලට සමාන විණ. පිය ගැට හතකින් එය නැග යා යුතු විය. එහි බරාඳය එය ඉදිරිපිටින් විණ. 23නැගෙනහිර දොරකඩ සේ ම, උතුරු දොරටුවට මුහුණ ලා ඇතුළු මළුවට දොරටුවක් එහි විණ. ඔහු එක් දොරටුවක සිට ප්‍රති විරුද්ධ දොරටුව දක්වා මැන්නේ ය. එය රියන් සියයකි.
දකුණු දොරටුව
24ඉන්පසු ඔහු දකුණු දිගට මා කැඳවාගෙන ගියෙන්, දකුණු දිගට මුහුණ ලා ඇති දොරටුව මම දුටිමි. ඔහු එහි කුලුනු ද එහි බරාඳය ද මැන්නේ ය. ඒවායේ මිමි, සෙසු ඒවා හා සමාන ය. 25දොරටුව හා බරාඳය වටා පටු කවුළු වූයේ සෙසු ඒවායේ පරිද්දෙනි. එය පනස් රියනක් දිගින් ද විසිපස් රියනක් පළලින් ද යුතු විය. 26ඊට නැගී යන පිය ගැට හතක් විය. එය ඉදිරිපිට එහි බරාඳය විය. එහි දෙපස බිත්ති කණු මුහුණත ඉඳි ගස් සැරසිලි තිබිණ. 27ඇතුළු මළුවේ ද දකුණ දිගට මුහුණ ලා දොරටුවක් විය. ඔහු එම දොරටුවේ සිට දකුණු දිග පිටත දොරටුව දක්වා මැන්නේ ය. එය රියන් සියයකි.
ඇතුළු මළුව
28ඉන්පසු ඔහු දකුණු දිග දොරටුව තුළින් ඇතුළු මළුවට මා කැඳවාගෙන ගියේ ය. ඔහු දකුණු දොරටුව මැන්නේ ය. එහි මිමි සෙසු ඒවායේ ප්‍රමාණය ම ය. 29එහි මුර කුටි ද එහි බිත්ති කණු ද එහි බරාඳය ද සෙසු ඒවායේ මිම්මෙන් යුතු විය. එහි දොරකඩ හා එහි බරාඳය වටා කවුළු තිබිණ. එය පනස් රියනක් දිගින් ද විසිපස් රියනක් පළලින් ද යුතු විය. 30ඇතුළු මළුව වටා දොරටුවල බරාඳ විසිපස් රියනක් පළලින් හා පස් රියනක් ගැඹුරින් ද යුතු විය. 31එහි බරාඳය පිටත මළුවට මුහුණ ලා තිබිණ. එහි කුලුනු, ඉඳි ගස් සැරසිල්ලෙන් යුතු විණ. ඊට පිය ගැට අටක් තිබිණ.
32ඉන්පසු ඔහු නැගෙනහිර ඇතුළු මළුවට මා කැඳවාගෙන ආයේ ය. ඔහු එහි දොරටුව මැන්නේ ය. ඊට තිබුණේ සෙසු ඒවායේ මිම්ම ය. 33එහි මුර කුටි ද එහි බිත්ති කණු ද එහි බරාඳය ද සෙසු ඒවායේ මිම්මෙන් යුතු විය. එහි දොරකඩ හා එහි බරාඳය වටා කවුළු තිබිණ. එය පනස් රියනක් දිගින් ද විසිපස් රියනක් පළලින් ද යුතු විය. 34එහි බරාඳය පිටත මළුවට මුහුණ ලා තිබිණ. එහි කුලුනු දෙපසෙහි ම ඉඳි ගස් සැරසිල්ලෙන් යුතු විය. ඊට ද පිය ගැට අටකි.
35ඉන්පසු ඔහු උතුරු දොරටුවට මා කැඳවාගෙන ගොස්, එය මැන්නේ ය. එහි මිමි ද සෙසු ඒවාට සමාන විය. 36එහි මුර කුටි ද එහි බිත්ති කණු ද එහි බරාඳය හා එහි වටේට වූ කවුළු සියල්ල ද සෙසු ඒවායේ මිමිවලට සමාන ය. එය පනස් රියනක් දිග ය. විසිපස් රියනක් පළල ය. 37එහි බරාඳය පිටත මළුවට මුහුණ ලා තිබිණ. එහි කුලුනු දෙපසෙහි ම ඉඳි ගස් සැරසිල්ලෙන් යුතු විය. ඊට ද පිය ගැට අටකි.
යාග පූජා
38බරාඳය පසෙක එක් එක් ඇතුළු දොරටුවක දොරකඩක් සහිත කාමරයක් විය. දවන යාග පූජා සෝදනු ලබන්නේ එහි ය. 39දොරටු-බරාඳය දෙපසෙහි ම මේස දෙකක් විය. දවන යාග පූජා, පාප පූජා හා වරද පහ කිරීමේ පූජා සඳහා සතුන් මරනු ලබන්නේ ඒ මත ය. 40දොරටු බරාඳයේ පිටත බිත්ති පසෙක උතුරු දොරටු පිවිසුමේ පිය ගැට අසල මේස දෙකකි. පිය ගැට අනෙක් පැත්තේ ද මේස දෙකකි. 41මෙසේ දොරටු එක් පසෙක මේස හතරකි. අනෙක් පස ද හතරකි. යාග සතුන් මරනු ලබන මුළු මේස ගණන අටකි. 42තවද දවන යාග පූජා සඳහා කැපූ ගලින් නිම වූ ගල් මේස හතරක් එහි විය. ඒවා දිගින් ද පළලින් ද රියන් එකහමාර බැගින් විය. උසින් එක් රියනකි. දවන යාග පූජා සහ අනෙකුත් පූජා සඳහා සතුන් මරන උපකරණ ද ඒ මත තැබේ. 43තවද අල්ලක් දිගින් යුතු දැති දෙකකින් යුත් කොකු, බිත්ති මුළුල්ලෙහි සවි කර තිබිණ. මේස, පූජා මස උදෙසා ය.
පූජක කුටි
44ඇතුළු මළුවෙහි ඇතුළු දොරටුවට පිටතින් (ගායන-ශිල්පීන් සඳහා) කාමර දෙකක් විය. ඉන් එකක් දකුණට මුහුණ ලා උතුරු දොරටුව දෙසින් ද අනෙක උතුරට මුහුණ ලා දකුණු දොරටුව දෙසින් ද විය. 45ඔහු මා අමතා, “දකුණට මුහුණ ලූ කාමරය, ගෘහ සේවා-කටයුතු බාර පූජකයින් සඳහා ය. 46උතුරට මුහුණ ලූ කාමරය, පූජාසනයේ සේවා-කටයුතු බාර පූජකයින් සඳහා ය. මොවුහු ලෙවී වංශිකයින් අතරින් ස්වාමින්වහන්සේ ඉදිරියෙහි තේවා කටයුතු සඳහා උන්වහන්සේ වෙත ළඟා වීමට අවසර තිබූ එක ම තැනැත්තන් වූ සාදෝක් පුත්‍රයෝ යැ” යි කී ය.
47ඔහු මළුව ද මැන්නේ ය. එය රියන් සියයක් දිග, රියන් සියයක් පළල සමචතුරස්‍රයකි. පූජාසනය, ගෘහය අබියස විය.
නව දේව මාලිගය
48ඉන්පසු ඔහු, ගෘහ බරාඳයට මා කැඳවා අවුත්, බරාඳයේ කුලුනු මැන්නේ ය. එහි එක් එක් පැත්ත පස් රියනක් පළල ය. එහි පිවිසුම පළලින් රියන් දාහතරකි. බිත්ති කණු, එක් එක් පැත්ත රියන් තුනක් පළල ය. 49බරාඳය, පළලින් රියන් විස්සකි. ඉදිරිපස සිට පසු පසට රියන් දොළසකි. එතැනට නැගෙන්නේ පිය ගැට පෙළකිනි. කුලුනු දෙපසෙහි ම පැති කණු තිබිණ.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.