නික්මයාම 15:22-27

නික්මයාම 15:22-27 SCV

ඉන්පසු මෝසෙස් රතු මුහුදේ සිට ඉශ්‍රායෙල් ජනයාට මග පෙන්වී ය. මෙසේ ඔවුහු ෂූර් කාන්තාරයට පැමිණියහ. තුන් දවසක් කාන්තාරය ඔස්සේ ගමන් ගත් ඔවුනට ජලය හමු නො විණ. ඔවුන් මාරා වෙත ළඟා වූ කල, මාරාහි ජලය තිත්ත වූ නිසා, ඒවා ඔවුනට බීමට නො හැකි විය. එතැන මාරා යැයි අමතනු ලබන්නේ එබැවිනි. එනිසා ජනයා මෝසෙස්ට එරෙහිව මැසිවිලි නගමින්, “මොනවද අප බොන්නේ?” යි ඇසූහ. එබැවින් මෝසෙස් ස්වාමින්වහන්සේට මොර ගැසී ය. ස්වාමින්වහන්සේ ඔහුට ගහක් පෙන් වූ සේක. ඔහු එය දියට දැමී ය. එවිට ජලය මිහිරි විය. ස්වාමින්වහන්සේ එහිදී ඔවුන්ට නියෝගයක් ද පනතක් ද දුන් සේක. එහිදී උන්වහන්සේ ඔවුන් පරීක්ෂා කළ සේක. උන්වහන්සේ කතා කරමින්, “ඔබගේ දෙවියන්වහන්සේ වන ස්වාමින්වහන්සේගේ කටහඬට ඔබ ඕනෑකමින් සවන් දී, උන්වහන්සේගේ ඇස් හමුවේ හරි දේ කරන්නේ නම්, උන්වහන්සේගේ ආඥාවලට ඔබේ සැලකිල්ල යොමා, උන්වහන්සේගේ නියෝග සියල්ල රක්ෂා කරන්නේ නම්, ඊජිප්තුවරුන් පිටට මා පැමිණ වූ එක රෝගයකුදු මා ඔබ පිට පමුණුවන්නේ නැත. මන්ද ඔබ සුව කරන ස්වාමින්වහන්සේ මම යැ” යි පැවසූ සේක. ඉන්පසු ඔවුහු ඒලිම් වෙත ළඟා වූහ. එහි දිය උල්පත් දොළහක් ද ඉඳි ගස් හැත්තෑවක් ද තිබිණ. ජලය අද්දර ඔවුහු කඳවුරු බැඳ ගත්හ.

මෙයට අදාළ වීඩියෝ

නික්මයාම 15:22-27 සම්බන්ධව නිදහස් කියවීමේ සැලසුම් සහ පූජනීයත්වය