තෙකෝවාහි එඬේරුන්ගෙන් කෙනකු වූ ආමෝස්ගේ වචනයයි මේ; යූදාහි රජු වූ උස්සියාගේ ද යෝවාෂ්ගේ පුත් ඉශ්‍රායෙල්හි රජු වූ යෙරොබොවම්ගේ ද දවස්හි, භූමිකම්පාවට දෙවසරකට පෙර, ඉශ්‍රායෙලය පිළිබඳ ඔහු දුටු දෑ මෙසේ පැවසේ. ඔහු මෙසේ පැවසී ය: “ස්වාමින්වහන්සේ සියොන් පුර සිට ගර්ජනා කරන සේක. යෙරුසලමේ සිට ගිගුරුම් හඬ නගන සේක. එවිට එඬේරුන්ගේ තණ බිම් වියළෙයි; කර්මෙල් කඳු මුදුන කරවී යයි.” ස්වාමින්වහන්සේ මෙසේ පවසන සේක: “දමස්කයේ අපරාධ තුනක් සහ හතරක් නිසා, මම දඬුවම අහෝසි නො කරමි. මන්ද ඔවුන් යකඩ කුළු-ගෙඩි බඳු කුළුගෙඩිවලින් ගිලියාද් තළා දමා ඇත. එබැවින් හසායෙල්ගේ මාලිගය පිට මම ගිනි බස්ස වන්නෙමි; බෙන්-හදද්ගේ බළකොටු එයින් ගිල දමනු ඇත. දමස්කයේ-පුර-දොරටු මම බිඳ හෙළන්නෙමි. ආවෙන් මිටියාවතේ සිටින වැසියා ද බෙත්-එදෙන්හි රාජ සෙංකෝලය දරන්නා ද මම සිඳ දමන්නෙමි. අරාම්හි ජනයා කීර් වෙත පිටුවහල් කරනු ලබති” යි ස්වාමින්වහන්සේ පවසන සේක. ස්වාමින්වහන්සේ මෙසේ පවසන සේක: “ගාසාහි අපරාධ තුනක් සහ හතරක් නිසා, මම දඬුවම අහෝසි නො කරමි. මන්ද ඔවුන් මුළු ජන සමාජය ම පිටුවහල් කොට ගෙන ගොස්, ඒදොම්ට පාවා දුන් බැවිනි. ගාසා පුර පවුරු පිට මම ගිනි බස්ස වන්නෙමි. එයින් එපුර බළකොටු ගිල දැමේ. මම අෂ්දෝද් වෙතින් එහි වැසියා ද අෂ්කෙලොන්හි රාජ සෙංකෝලය දරන්නා ද සිඳ දමන්නෙමි. මම මගේ අත එක්‍රෝන්වරුන්ට එරෙහිව හරවන්නෙමි. පිලිස්තිවරුන්ගේ ඉතිරි ස්වල්ප දෙනා වැනසී යනු ඇතැ” යි පරමාධිපති ස්වාමින්වහන්සේ පවසන සේක. ස්වාමින්වහන්සේ මෙසේ පවසන සේක: “තීර්හි අපරාධ තුනක් සහ හතරක් නිසා, මම දඬුවම අහෝසි නො කරමි. මන්ද ඔවුන් මුළු ජන සමාජය ම වහල්කමට ඒදොම්ට පාවා දුන් බැවිනි. සහෝදරත්වයේ ගිවිසුම ද අමතක කළ බැවිනි. තීර් පුර පවුරු පිට මම ගිනි බස්ස වන්නෙමි. එයින් එපුර බළකොටු ගිල දැමේ.” ස්වාමින්වහන්සේ මෙසේ පවසන සේක: “ඒදොම්හි අපරාධ තුනක් සහ හතරක් නිසා, මම දඬුවම අහෝසි නො කරමි. මන්ද, ඔහු තම අසිපත ඔසවා, තම සහෝදරයා ලුහුබැඳි බැවිනි. සියලු දයාවන් ඉවත දැමූ බැවිනි. ඔහුගේ කෝපය නිරන්තර ව පැසවමින් ද ඔහුගේ ක්‍රෝධය සදහට ඇවිළෙමින් ද තිබූ බැවිනි. තේමාන් පුර පවුරු පිට මම ගිනි බස්ස වන්නෙමි. බොස්රා බළකොටු එයින් ගිල දැමේ.” ස්වාමින්වහන්සේ මෙසේ පවසන සේක: “අම්මොන්ගේ අපරාධ තුනක් සහ හතරක් නිසා, මම දඬුවම අහෝසි නො කරමි. මන්ද, තම දේශ සීමා පුළුල් කර ගැනීමට ඔහු ගිලියාද්හි ගැබිනි කාන්තා උදර ඉරා දැමූ බැවිනි. රබ්බාහි පුර පවුරු පිට මම ගිනි අවුලන්නෙමි. එහි බළකොටු එයින් ගිල දැමෙන්නේ, සංග්‍රාම දවසේ යුද්ධ-ගෝරනාඩු මැද්දේ ය; කුණාටු දවසේ චණ්ඩ-සුළං මැද්දේ ය. ඔවුන්ගේ රජු ද ඔහු සමඟ ඔහුගේ අධිපතීන් ද රටින් පිටුවහල් ව යනු ඇතැ” යි ස්වාමින්වහන්සේ පවසන සේක.
ආමෝස් 1 කියවන්න
බෙදාගන්න
සියලුම අනුවාද සසඳන්න: ආමෝස් 1:1-15
5 Days
Amos is often called a prophet of doom. When you begin to read his prophecy, it doesn’t take long to realize that nickname fits. On the surface, his prophecy doesn’t sound like a happy formula for the good life. However, every condemnation he gives serves as an invitation, a cry for us to “seek God and live” (Amos 5:4). This kind of living will bring us peace and true prosperity.
8 Days
Written by the shepherd-prophet Amos, this book exposes Israel's sinful religious hypocrisy and corrupt leadership. Amos prophesies against their rejection of God's law and the terrible social injustice perpetrated against the poor and vulnerable. As Amos foretells judgment on many nations, including Israel, we are reminded of the ultimate need for restoration and the promise of greater redemption.
31 Days
Amos was a prophet on a mission to shake Israel out of their moral complacency. He prophesied during a time of great stability and prosperity when Israel had abandoned God and neglected the vulnerable in society. His no-holds-barred message is a warning and a plea to God’s people, urging them to turn back to the Lord. Matt Fuller will help you to apply the teaching of Amos to your own life.
Daily Bible Reading is designed to facilitate consistent interaction with Scripture. It includes background information on each day’s Scripture passage, key verse for meditation, reflection questions to help you dive deeper into Scripture, and a prayer and prayer concern to help you connect to God and be of spiritual support to others. Journey with us this month as we explore the theme “God’s Word of Justice.”
බයිබල් පද ලකුණු කරගන්න, අන්තර්ජාලය නොමැතිව බයිබලය කියවන්න, බයිබලය අධ්යනය කරන කුඩා වීඩියෝ පටි නරඹන්න සහ තවත් බොහෝමයක්!
නිවස
බයිබලය
සැලසුම්
වීඩියෝ
Bible App
Bible App for Kids
