2 රාජාවලිය 18:5-8

හෙසකියා, ඉශ්‍රායෙල්ගේ දෙවියන්වහන්සේ වන ස්වාමින්වහන්සේ තුළ විශ්වාසය තැබී ය. යූදා රජුන් සියල්ලන් අතරේ හෙසකියාට සමාන කෙනකු ඔහුට පෙර හෝ පසුව හෝ සිටියේ නැත. ඔහු ස්වාමින්වහන්සේට ඇලුම් ව සිටිමින් උන්වහන්සේ අනුව යෑම අත්හැරියේ නැත. ස්වාමින්වහන්සේ මෝසෙස්ට දුන් ආඥා ඔහු රක්ෂා කළේ ය. තවද ස්වාමින්වහන්සේ ඔහු සමඟ වූ සේක; ඔහු කළ හැම දේකදී ම ඔහු සඵලවත් විය. ඔහු අසිරියාවේ රජුට එරෙහිව කැරලි ගසා, ඔහුට සේවය කිරීම නතර කළේ ය. ඔහු මුර කොටුවේ සිට බළකොටු පුරවරයට, ගාසා සහ එයට අයත් පළාත් දක්වා පිලිස්තිවරුන් පරාජය කළේ ය.