متى 18
18
لْإِيمَان ذ ڒْمُعْصِيّث
1ذِي ثْسَعَّات نِّي قَارّْبن-د يمحْضَارن غَار عِيْسَى نَّان-اَس: "ؤُݣ يدْجَان قَاع ذ اَمقّْرَان ذِي ڒْمُلْك وجنَّا؟"
2ئِڒَاغَا-د عِيْسَى خ يِجّن وحنْجِير ذ اَمزْيَان يسْبدّ-يث ذِي ڒْوسْط نْسن. 3ينَّا-ٱسن: "أَقَا تسْڒَام ڒْحَقّ: لَابُد إِ كنِّيو اَذ تْذوْڒم اَذ تِيڒِيم اَمشْنَاو يحنْجِيرن يمزْيَانن. مڒَا لَّا، أَتَاف عمَّارْص اَذ تَاذْفم ذِي ڒْمُلْك وجنَّا. 4ونِّي يسمْزَاين يخف نّس اَمشْنَاو اَحنْجِير-أَ، ذ نتَّا إِي غَا يِيڒِين ذ اَمقّْرَان قَاع ذِي ڒْمُلْك وجنَّا. 5ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ.
6ونِّي إِي غَا يَاوِين يجّن زݣ يمزْيَانن-أَ إِي زَّايي يتَامْنن غَار ڒْمُعْصِيّث، حْسن إِ نتَّا اَذَاس شدّن يجّن ن وزْرُو ن ثْسِيرْث س وسْغُوْن غَار يِيري نّس اَذ يتْوَاغْرق ذِي ڒَادْجغ ن ڒبْحَر. 7يَا تَمَارَا ن يِوْذَان خ سَّبَاب ن ثْمسْڒَايِين يتَاوِين غَار ڒْمُعْصِيّث. ثِمسْڒَايِين نِّي اَذ د اَسنْت، وَلَكِن يَا تَمَارَا ن بْنَاذم نِّي إِݣ يتݣّن مَانَاينِّي!
8شك فُوْس نّش نِغ ضَار نّش مڒَا يتْسبَّاب-اَش ذِي شَان ڒْمُعْصِيّث، قسّ-يث زَعْمَا نْضَر-يث. حْسن إِ شك اَذ تَاذْفذ جّنّث س يِجّن ن وفُوْس نِغ س يِجّن ن وضَار زِي مڒَا قِّيمن غَارك ثْنَاين ن يفَاسّن نِغ ثْنَاين ن يضَارن اَذ تْمنْضَارذ ذِي ثْمسِّي إِي وَار يخسِّين شَا عمَّارْص. 9شك ثِيطّ نّش مڒَا تْسبَّاب-اَش ذِي شَان ڒفْضِيحث، قْڒع-يت زَعْمَا نْضَر-يت. حْسن إِ شك اَذ تَاذْفذ جّنّث س يِجّن ن ثِيطّ زِي مڒَا قِّيمنْت غَارك ثْنَاين ن ثِيطَّاوِين اَذ تْمنْضَارذ ذِي جَهنَّامَا ن ثْمسِّي.
10غَارْوم اَذ تْحݣَّرم شَان حَدّ زݣ يمزْيَانن-أَ. قَّارغ-اَوم: لْمَلَائِكَاث نْسن ذݣ وجنَّا ڒبْدَا خزَّرنْت بَابَا يدْجَان ذݣ وجنَّا. 11{لِأَنَّا مِّيس ن بْنَاذم يُوْسَا-د اَذ ينجَّا يِنِّي يودَّارن.}
12مِين ذَاوم يمظْهَارن؟ ئِجّن غَارس مِيَّا ن يحُوْڒِيْين. مڒَا يودَّر-اَس يجّن زَّايسن، أَتَاف اَذ يجّ تسْعَا أُو تسْعِين ذݣ وذْرَار اَذ يرَاح اَذ يرْزُو خ ونِّي يودَّارن. 13أَقَا تسْڒَام ڒْحَقّ: مڒَا يُوْفِي-ث، أَتَاف اَزَّايس يفَرح كْتَار زِي مِين غَا يفَرح خ تسْعَا أُو تسْعِين نِّي وَار يودَّارن شَا! 14أَمنِّي ؤُڒَا ذ بَابَاثْوم يدْجَان ذݣ وجنَّا وَار يخس ؤُڒَا ذ يجّن زݣ يمزْيَانن-أَ اَذ يودَّر.
ؤُمَاش يخْضَا اَكِذش
15مڒَا يخْضَا اَكِذش وُوْمَاش، رُوْح غَارس نْهَا-ث غِير شك ذ نتَّا غِير س ثْنَاين إِذْوم. مڒَا يݣّ-اَش اَرَّاي، أَتَاف اَذ تِيڒِيذ مْلِيح عَاوذ اَك وُوْمَاش. 16وَلَكِن مڒَا يُوْݣِي اَغَارك يصنّط، أَوِي اَكِذش يجّن نِغ ثْنَاين حمَا اَتَاف لْغَالط نّس سّْنن-ث ثْنَاين نِغ ثْڒَاثَا ن ڒشْهُوْذ.#18.16 خْزَر اَفسَّار ن شَّرِيعَا ن مُوسَى (التثنية) 19:15. 17وَلَكِن مڒَا يُوْݣِي اَغَارْسن يصنّط، ئِنِي-ث إِ جْمَاعث ن ڒْمُوْمِنِين. أُو مڒَا يُوْݣِي اَغَارْسن يصنّط، حْسب-يث ذ ڒْكَافر نِغ ذ اَخدَّاع.#18.17 أَخدَّاع نتَّا س ثَيُوْنَانِيث، ونِّي يجمّْعن ڒَعْشُور. 18أَقَا تسْڒَام ڒْحَقّ: مَارَّا مِين غَا ثْشدّم ذِي ثْمُوْرْث اَتَاف اَذ يِيڒِي يتْوَاشدّ ذݣ وجنَّا. مَارَّا مِين غَا ثرْزْمم ذِي ثْمُوْرْث اَتَاف اَذ يِيڒِي يتْوَارْزم ذݣ وجنَّا.
19قَّارغ-اَوم عَاوذ: مڒَا ثْتَافْقم ثْنَاين زَّايْوم خ ثْمُوْرْث ثتَّارم شَان ڒْحَاجث إِ بَابَا يدْجَان ذݣ وجنَّا، أَتَاف اَذَاوم ت يسْتَاجب. 20ڒَاحقَّاش مَانِي غَا مُوْنن ثْنَاين نِغ ثْڒَاثَا خ سَّبَاب ينُو، نش اَڒ ذِين يڒِيغ ذِي ڒْوسْط نْسن."
ڒْمَعْنَا ن وخدَّام إِي ذِي وَار يدْجِي اَرَّحْمث
21ڒخْدّنِّي يقَارّب بُطْرُس غَار عِيْسَى ينَّا-ٱس: "آ سِيذِي، شْحَاڒ ن ثْوَاڒَاثِين إِي كِذِي غَا يخْضَا وُوْمَا بَاش اَذَاس سمْحغ؟ مَا سبْعَا ن ثْوَاڒَاثِين؟"
22ينَّا-ٱس عِيْسَى: "لَّا، وَار يدْجِي بُو سبْعَا ن ثْوَاڒَاثِين، أَذَاش ينِيغ سبْعِين ؤُوث-يت ذِي سبْعَا ن ثْوَاڒَاثِين! 23ڒَاحقَّاش ڒْمُلْك وجنَّا يتَاوِي-د ذݣ يِجّن ن وزدْجِيذ يرزُّو اَذ يݣّ ڒحْسَاب اَك يخدَّامن نّس. 24وَامِي يبْذَا ذِي ڒحْسَاب، ؤُوِين-د غَارس يجّن ذَايْس اَطَّاس ن ومَارْوَاس، أَم عشْرَا اَڒَاف مِيلْيَار. 25وَار غَارس مِينْزِي غَا يَرّ اَمَارْوَاس-أَ، ئِوصَّا سِيذس اَذ يمّنْز نتَّا ذ ثَمْغَارْث نّس ذ ثَارْوَا نّس ذ مَارَّا مِين غَارس حمَا اَذ يخدْجس اَمَارْوَاس نِّي. 26يُوْسَا-د وخدَّام نِّي يسجّذ-اَس إِ سِيذس ينَّا-ٱس: أَهْيَا آ سِيذِي، صْبَار خَافِي. أَذَاش خدْجْسغ مَارَّا مِين ذَايِي تَارْسذ. 27ڒخْدّنِّي يقّس-اَس إِ سِيذس يذْڒق-اَس، ئِسْمح-اَس ذݣ ومَارْوَاس نِّي.
28ئِفّغ وخدَّام نِّي يُوْفَا يجّن نّغْنِي زݣ يخدَّامن، تُوْغَا يتَارس-اَس شْوَايْت وَاهَا، أَم يِجّن ن مِيلْيُوْن. ئِطّف-يث يبْذَا يتْجيَّاف-يث يقَّار-اَس: خدْجس-اَيِي مِين ذَاش تَارْسغ! 29يوْضَا-يَاس ومدُّوْكڒ نّس غَار يضَارن ينَّا-ٱس: صْبَار خَافِي شْوَايْت اَش خدْجْسغ. 30يُوْݣِي، ئِرُوْح نتَّا ينْضَر-يث ذِي ڒحْبس اَڒ غَا يخدْجس اَمَارْوَاس نّس.
31ࢲْرِين يِنِّي كِس يخدّْمن مِين يوقْعن، ئِقّس-اَسن ڒْحَاڒ رُوْحن غَار سِيذِيثْسن عَاوْذن-اَس مِين يوقْعن. 32ئِكَّر يڒَاغَا-يَاس-د سِيذس ينَّا-ٱس: آي اَخدَّام اَعفَّان، مَايمِّي؟ نش سمْحغ-اَش ذِي مَارَّا مِين ذَاش تَارْسغ ڒَاحقَّاش ثتَّارذ-اَيِي. 33ڒَا ذ شك تُوْغَا يتْخصَّا-شك اَذ تْرحْمذ اَمدُّوْكڒ نّش اَمشْنَاو مَامّش ش رحْمغ ؤُڒَا ذ نش." 34ئِغْضب سِيذس س وَاطَّاس يسلّم اَخدَّام نِّي غَار يِنِّي إِي ث غَا يعدّْبن اَڒ غَا يخدْجس مَارَّا مِين ذَايس ذ اَمَارْوَاس.
35أَمُّو إِي كِذْوم غَا يݣّ بَابَا إِي يدْجَان ذݣ وجنَّا مڒَا وَار يسْمِيح مْكُڒ يجّن زَّايوم س وُوْڒ نّس إِ وُوْمَاس.
දැනට තෝරාගෙන ඇත:
متى 18: ريف
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
متى 18
18
لْإِيمَان ذ ڒْمُعْصِيّث
1ذِي ثْسَعَّات نِّي قَارّْبن-د يمحْضَارن غَار عِيْسَى نَّان-اَس: "ؤُݣ يدْجَان قَاع ذ اَمقّْرَان ذِي ڒْمُلْك وجنَّا؟"
2ئِڒَاغَا-د عِيْسَى خ يِجّن وحنْجِير ذ اَمزْيَان يسْبدّ-يث ذِي ڒْوسْط نْسن. 3ينَّا-ٱسن: "أَقَا تسْڒَام ڒْحَقّ: لَابُد إِ كنِّيو اَذ تْذوْڒم اَذ تِيڒِيم اَمشْنَاو يحنْجِيرن يمزْيَانن. مڒَا لَّا، أَتَاف عمَّارْص اَذ تَاذْفم ذِي ڒْمُلْك وجنَّا. 4ونِّي يسمْزَاين يخف نّس اَمشْنَاو اَحنْجِير-أَ، ذ نتَّا إِي غَا يِيڒِين ذ اَمقّْرَان قَاع ذِي ڒْمُلْك وجنَّا. 5ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ.
6ونِّي إِي غَا يَاوِين يجّن زݣ يمزْيَانن-أَ إِي زَّايي يتَامْنن غَار ڒْمُعْصِيّث، حْسن إِ نتَّا اَذَاس شدّن يجّن ن وزْرُو ن ثْسِيرْث س وسْغُوْن غَار يِيري نّس اَذ يتْوَاغْرق ذِي ڒَادْجغ ن ڒبْحَر. 7يَا تَمَارَا ن يِوْذَان خ سَّبَاب ن ثْمسْڒَايِين يتَاوِين غَار ڒْمُعْصِيّث. ثِمسْڒَايِين نِّي اَذ د اَسنْت، وَلَكِن يَا تَمَارَا ن بْنَاذم نِّي إِݣ يتݣّن مَانَاينِّي!
8شك فُوْس نّش نِغ ضَار نّش مڒَا يتْسبَّاب-اَش ذِي شَان ڒْمُعْصِيّث، قسّ-يث زَعْمَا نْضَر-يث. حْسن إِ شك اَذ تَاذْفذ جّنّث س يِجّن ن وفُوْس نِغ س يِجّن ن وضَار زِي مڒَا قِّيمن غَارك ثْنَاين ن يفَاسّن نِغ ثْنَاين ن يضَارن اَذ تْمنْضَارذ ذِي ثْمسِّي إِي وَار يخسِّين شَا عمَّارْص. 9شك ثِيطّ نّش مڒَا تْسبَّاب-اَش ذِي شَان ڒفْضِيحث، قْڒع-يت زَعْمَا نْضَر-يت. حْسن إِ شك اَذ تَاذْفذ جّنّث س يِجّن ن ثِيطّ زِي مڒَا قِّيمنْت غَارك ثْنَاين ن ثِيطَّاوِين اَذ تْمنْضَارذ ذِي جَهنَّامَا ن ثْمسِّي.
10غَارْوم اَذ تْحݣَّرم شَان حَدّ زݣ يمزْيَانن-أَ. قَّارغ-اَوم: لْمَلَائِكَاث نْسن ذݣ وجنَّا ڒبْدَا خزَّرنْت بَابَا يدْجَان ذݣ وجنَّا. 11{لِأَنَّا مِّيس ن بْنَاذم يُوْسَا-د اَذ ينجَّا يِنِّي يودَّارن.}
12مِين ذَاوم يمظْهَارن؟ ئِجّن غَارس مِيَّا ن يحُوْڒِيْين. مڒَا يودَّر-اَس يجّن زَّايسن، أَتَاف اَذ يجّ تسْعَا أُو تسْعِين ذݣ وذْرَار اَذ يرَاح اَذ يرْزُو خ ونِّي يودَّارن. 13أَقَا تسْڒَام ڒْحَقّ: مڒَا يُوْفِي-ث، أَتَاف اَزَّايس يفَرح كْتَار زِي مِين غَا يفَرح خ تسْعَا أُو تسْعِين نِّي وَار يودَّارن شَا! 14أَمنِّي ؤُڒَا ذ بَابَاثْوم يدْجَان ذݣ وجنَّا وَار يخس ؤُڒَا ذ يجّن زݣ يمزْيَانن-أَ اَذ يودَّر.
ؤُمَاش يخْضَا اَكِذش
15مڒَا يخْضَا اَكِذش وُوْمَاش، رُوْح غَارس نْهَا-ث غِير شك ذ نتَّا غِير س ثْنَاين إِذْوم. مڒَا يݣّ-اَش اَرَّاي، أَتَاف اَذ تِيڒِيذ مْلِيح عَاوذ اَك وُوْمَاش. 16وَلَكِن مڒَا يُوْݣِي اَغَارك يصنّط، أَوِي اَكِذش يجّن نِغ ثْنَاين حمَا اَتَاف لْغَالط نّس سّْنن-ث ثْنَاين نِغ ثْڒَاثَا ن ڒشْهُوْذ.#18.16 خْزَر اَفسَّار ن شَّرِيعَا ن مُوسَى (التثنية) 19:15. 17وَلَكِن مڒَا يُوْݣِي اَغَارْسن يصنّط، ئِنِي-ث إِ جْمَاعث ن ڒْمُوْمِنِين. أُو مڒَا يُوْݣِي اَغَارْسن يصنّط، حْسب-يث ذ ڒْكَافر نِغ ذ اَخدَّاع.#18.17 أَخدَّاع نتَّا س ثَيُوْنَانِيث، ونِّي يجمّْعن ڒَعْشُور. 18أَقَا تسْڒَام ڒْحَقّ: مَارَّا مِين غَا ثْشدّم ذِي ثْمُوْرْث اَتَاف اَذ يِيڒِي يتْوَاشدّ ذݣ وجنَّا. مَارَّا مِين غَا ثرْزْمم ذِي ثْمُوْرْث اَتَاف اَذ يِيڒِي يتْوَارْزم ذݣ وجنَّا.
19قَّارغ-اَوم عَاوذ: مڒَا ثْتَافْقم ثْنَاين زَّايْوم خ ثْمُوْرْث ثتَّارم شَان ڒْحَاجث إِ بَابَا يدْجَان ذݣ وجنَّا، أَتَاف اَذَاوم ت يسْتَاجب. 20ڒَاحقَّاش مَانِي غَا مُوْنن ثْنَاين نِغ ثْڒَاثَا خ سَّبَاب ينُو، نش اَڒ ذِين يڒِيغ ذِي ڒْوسْط نْسن."
ڒْمَعْنَا ن وخدَّام إِي ذِي وَار يدْجِي اَرَّحْمث
21ڒخْدّنِّي يقَارّب بُطْرُس غَار عِيْسَى ينَّا-ٱس: "آ سِيذِي، شْحَاڒ ن ثْوَاڒَاثِين إِي كِذِي غَا يخْضَا وُوْمَا بَاش اَذَاس سمْحغ؟ مَا سبْعَا ن ثْوَاڒَاثِين؟"
22ينَّا-ٱس عِيْسَى: "لَّا، وَار يدْجِي بُو سبْعَا ن ثْوَاڒَاثِين، أَذَاش ينِيغ سبْعِين ؤُوث-يت ذِي سبْعَا ن ثْوَاڒَاثِين! 23ڒَاحقَّاش ڒْمُلْك وجنَّا يتَاوِي-د ذݣ يِجّن ن وزدْجِيذ يرزُّو اَذ يݣّ ڒحْسَاب اَك يخدَّامن نّس. 24وَامِي يبْذَا ذِي ڒحْسَاب، ؤُوِين-د غَارس يجّن ذَايْس اَطَّاس ن ومَارْوَاس، أَم عشْرَا اَڒَاف مِيلْيَار. 25وَار غَارس مِينْزِي غَا يَرّ اَمَارْوَاس-أَ، ئِوصَّا سِيذس اَذ يمّنْز نتَّا ذ ثَمْغَارْث نّس ذ ثَارْوَا نّس ذ مَارَّا مِين غَارس حمَا اَذ يخدْجس اَمَارْوَاس نِّي. 26يُوْسَا-د وخدَّام نِّي يسجّذ-اَس إِ سِيذس ينَّا-ٱس: أَهْيَا آ سِيذِي، صْبَار خَافِي. أَذَاش خدْجْسغ مَارَّا مِين ذَايِي تَارْسذ. 27ڒخْدّنِّي يقّس-اَس إِ سِيذس يذْڒق-اَس، ئِسْمح-اَس ذݣ ومَارْوَاس نِّي.
28ئِفّغ وخدَّام نِّي يُوْفَا يجّن نّغْنِي زݣ يخدَّامن، تُوْغَا يتَارس-اَس شْوَايْت وَاهَا، أَم يِجّن ن مِيلْيُوْن. ئِطّف-يث يبْذَا يتْجيَّاف-يث يقَّار-اَس: خدْجس-اَيِي مِين ذَاش تَارْسغ! 29يوْضَا-يَاس ومدُّوْكڒ نّس غَار يضَارن ينَّا-ٱس: صْبَار خَافِي شْوَايْت اَش خدْجْسغ. 30يُوْݣِي، ئِرُوْح نتَّا ينْضَر-يث ذِي ڒحْبس اَڒ غَا يخدْجس اَمَارْوَاس نّس.
31ࢲْرِين يِنِّي كِس يخدّْمن مِين يوقْعن، ئِقّس-اَسن ڒْحَاڒ رُوْحن غَار سِيذِيثْسن عَاوْذن-اَس مِين يوقْعن. 32ئِكَّر يڒَاغَا-يَاس-د سِيذس ينَّا-ٱس: آي اَخدَّام اَعفَّان، مَايمِّي؟ نش سمْحغ-اَش ذِي مَارَّا مِين ذَاش تَارْسغ ڒَاحقَّاش ثتَّارذ-اَيِي. 33ڒَا ذ شك تُوْغَا يتْخصَّا-شك اَذ تْرحْمذ اَمدُّوْكڒ نّش اَمشْنَاو مَامّش ش رحْمغ ؤُڒَا ذ نش." 34ئِغْضب سِيذس س وَاطَّاس يسلّم اَخدَّام نِّي غَار يِنِّي إِي ث غَا يعدّْبن اَڒ غَا يخدْجس مَارَّا مِين ذَايس ذ اَمَارْوَاس.
35أَمُّو إِي كِذْوم غَا يݣّ بَابَا إِي يدْجَان ذݣ وجنَّا مڒَا وَار يسْمِيح مْكُڒ يجّن زَّايوم س وُوْڒ نّس إِ وُوْمَاس.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න