NDS 24
24
Zuifun man Pooli zɛ̀rɛ biɛ ǹ Kii Feliksi yɔrɔ-a
1Lɛawaa sooro bɛ kio, Lawa a wúlu-bɔlen kiã Ananiasi laanka Zuifun min golen kɔnɔn nə́ yoo, ka minin boo gii-dali Tɛrtulusu ni, ǹ nə́ daa dɔ Sezaaree kiwi, màn mɛn bɛ́ toɛ, ǹ Pooli zɛ̀rɛ baa, ǹ ná a gòãn goa kii Feliksi li. 2Ǹ bɛ́ ǹ nə́ Tɛrtulusu bíi, á Pooli zɛ̀rɛbaa ǹ boo lɛ giala kɔ kɛnɛn: «Feliksi sonbore ganaa, n din barka nɛ wɔsɛn tá là nyantoro lɛ-piɛ̃ la gána kɛ nɛ. N sii yɔrɔ bɔ doɛ̃ lɛ dɔ a lɛa nɛ, sii gigiã nə́ n bɔyaa màn mɛn bɛ́ toɛ, gána lɛ wo nyɛɛnɛ. 3Biikoo tumaa waáraa ka bǎã tumaa nɛ, wɔsɛn man die n sii sonboren zɛnaa kɛ a bǐɛ̃ doɛ̃ n nɛ. 4Ma ba li ma n foo pipii ka boo gigiã-n wa, bɛ lɛ nɛ ma tá n nyankoe, ma bɛ́ re boo doron mɛn diɛ ke, n too kɔ bɛ ganaa.
5Wɔsɛn man wɔ́ yɛ wáa giĩ kɛ lɛ n zaman lɔlɔkɔn wole lɛa. Zuifun tá bǎã woo bǎã nɛ, a n boe ǹ li a tá ǹ sɔsɔmɛ. Nazarɛtin giĩ kɛ a zii dii kɛ lɛ a kɔmalɛ wole nyɛɛnaandɛnaa goon ne. 6A na á zɔɔ̃ li mà a boo baraa da wɔsɛn Lawa a kion lɛ din ganaa, yǎa wɔ kũ gɔrɔ. [Wɔ n wɔ́ goã wáa wɔ n die kiri we a ganaa, a kɔnpɛ ka wɔa landa sii ni, 7sɛnɛ, sɔraasin goledɛnaa Liziasi si wɔ la ka pàã taãn-taãn nɛ. 8Liziasi tɔ́n pɛ a zɛ̀rɛ-baalin lɛn manɛ, mà ǹ da n din yɔrɔ-a.] Bɛ̀ n dinmaa nɔ̀n da Pooli lɛ la, n din tá re doɛ̃ a lɛ gɔ́ɔ̃ ǹ boo li, mà wɔsɛn bɛ́ a zɛ̀rɛ biɛ ka siin mɛnɛn nɛ, mà sonbore ne.»
9Zuifun gialakunun kɛn tumaa nə́ n lɛ kaa kun ǹ nə́ pɛ, mà Tɛrtulusu sonbore pɛ.
Pooli nə n bɔlɔ pii kii Feliksi yɔrɔ-a
10Kii lɛ bɛ́ á zii kɔ Pooli la mà a boo da, Pooli pɛ: «Masɛ á doɛ̃ má a lɛ̀ damata ke, n nə́ gána kɛ a kiri sii yɔrɔ-bɔle lɛa. Bɛ lɛ nɛ ma foo á doa nɛ man bɔlɔ pɛ n yɔrɔ-a. 11N din ga a ganaa, a tɔn kiɛ̃ lɛawaa fulupaa la wa, masɛ woo Zeruzalɛmu, má woo Lawa guguru kɔ. 12Ǹ da masɛ yaa liere koe ka min kɔ́n nɛ Lawa a kion wa, ǹ da ma yaa zaman sɔsɔmɛ lɛsɔkɔn kion kɔ́n nɛ wa, hinlaa kiwi lɛ a bǎã kɔ́n nɛ wa. 13Minin kɛn lɛn bɛ́ soɛ diɛ masɛ la ka siin mɛnɛn nɛ, ǹ ba boe la ǹ nə ǹ kɔ́n nyaa n nɛ sonbore lɛa wa. 14Sɛnɛ, ma bɛ́ lɛ koe màn mɛn ganaa, man n die bɛ pii n ni: Masɛ n wɔ digolon Lawa kɛ guguru koe, á kɔnpii ka zii dii kɛ nɛ, ǹ bɛ́ mà Zii mɛn lɛ n soɛ lɛa. Sɛnɛ, màn mɛn tumaa bɛ́ kiɛ̃ nɛ, Muizu a landa sɛ́wɔ laanka Lawa a boo gii-dalin sɛ́wɔn nɛ, má golee bɛ tumaa li. 15Ma foo á doa-n Lawa ganaa, bɛa foo-doa kɛ lɛ tá ǹ dɔn dinin lon, min din tumaa, a sonboren laanka a baraan nɛ, ǹ tumaa yii á re kiɛ ǹ nə n bɔ gerebaa nɛ. 16Bɛ lɛ nɛ ma tá n doɛ ma á dí nyɛɛ, màn mɛn bɛ́ toɛ, ma foo baran ma zɛ̀rɛ baa Lawa laanka minbuiinin yɔrɔ-a wa.
17 #
NDS 21.17-28
Lɛ̀ gigiã á kiɛ̃ kio, má wusoo má daa dɔmalɛ ǹ màn kɔ ma tɔrɔ minin la, má daa dɔn, má *wúlu màn bɔ má kɔ Lawa la Zeruzalɛmu. 18Man má goã bɛ lɛ zɛnɛɛ, ǹ nə́ daa ma yaa Lawa a kion, bɛ̀ ma bɛ́ má *gɔ̀ bɔ ma din ganaa. Zaman dɔ din goã kun ma-n wa, n tɔn sii lɔlɔkɔn pɛ. 19Sɛnɛ, Azii gána a Zuifun kɔnɔn man nə́ goã; bɛ̀ má sã ǹ sii zɛnaa, bɛn lɛn doamaa nɛ ǹ goã kànaa, ǹ ma gòãn goa n nɛ. 20-21#NDS 23.6 Ma bɛ́ má pɛ kiri-wɔlen kuru lɛ yɔrɔ-a máa ma á waa-n la máa geren yii á re kiɛ, bɛ lɛ nɛ ǹ tá kiri we ma ganaa, kɔntan bɛa lɛa nɛ. Bɛ̀ bɛ bie wa, ǹ dinin mɛnɛn bɛ́ kànaa, bɛ̀ ǹ tá ma zɛ̀rɛbaa ǹ sii kɔsɔ yii, ǹ pɛ.»
22Kii Feliksi lɛ bɛ́ màn gigiã doɛ̃ bɛa zii kɛ lɛ wɔ gɔn la, á pɛ ǹ nɛ: «Bɛ̀ sɔraasin goledɛnaa Liziasi daa ǹ mɛn waáraa, ma á re kaa sii lɛ yɔrɔ boe.»
Bɛ a pɛ kio, á ǹ kaa. 23Sɔraasin kuru mìilandɛnaa mɛn bɛ́ giɛ Pooli walan, Kii Feliksi pɛ bɛ nɛ, mà a Pooli da kòso-n. Sɛnɛ, mà a toa a din gɔn wìi a lɛa boɛɛn nɛ, mà a toa a giaáran nə dɔmalɛ tɛn zɛnaa nɛ.
Pooli a tá kòso-n boo
24Lɛawaan kɔnɔn kiɛ̃ kio, Feliksi laanka a lɔ Druzili daa kun. A lɔ lɛ na á goã Zuifu tɔrɔ lɛa. Kii lɛ pɛ mà ǹ da ka Pooli ni, a boo da golee Yezu *Krita li lɛ wɔ gɔn la, asɛ nə n too kɔ a lon. 25Sɛnɛ, Pooli bɛ́ á yoo á boo diɛ sii pepere zɛnaa wɔ gɔn la, ka din-kuĩ ni, ka biɛ̃ ǹ kiri kɛ nɛ, nyɛ́ɛ Feliksi kũ. Á tɔ́n pɛ Pooli ni: «N lɛ tã bɔrɔ. Bɛ̀ ma biikoo kɔsɔ yɛ, ma á re n bíi.»
26Kii lɛ na á goã taasɛ, mà Pooli á re asɛ lɛ pii ka wɔrɔ nɛ, bɛ lɛ nɛ á goã lɛ diɛ la gunyin damata, mà a da sùn baa kun ka asɛ nɛ.
27Lɛ̀ paa bɛ kio, Pɔrsiisi Fɛstusu daa Feliksi a bǎã saa. Feliksi bɛ́ giɛ li a Zuifun foo kɔɔ̃n kɔ ǹ sii zɛnaa, á Pooli toa kòso-n.
දැනට තෝරාගෙන ඇත:
NDS 24: SBPE2011
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.
NDS 24
24
Zuifun man Pooli zɛ̀rɛ biɛ ǹ Kii Feliksi yɔrɔ-a
1Lɛawaa sooro bɛ kio, Lawa a wúlu-bɔlen kiã Ananiasi laanka Zuifun min golen kɔnɔn nə́ yoo, ka minin boo gii-dali Tɛrtulusu ni, ǹ nə́ daa dɔ Sezaaree kiwi, màn mɛn bɛ́ toɛ, ǹ Pooli zɛ̀rɛ baa, ǹ ná a gòãn goa kii Feliksi li. 2Ǹ bɛ́ ǹ nə́ Tɛrtulusu bíi, á Pooli zɛ̀rɛbaa ǹ boo lɛ giala kɔ kɛnɛn: «Feliksi sonbore ganaa, n din barka nɛ wɔsɛn tá là nyantoro lɛ-piɛ̃ la gána kɛ nɛ. N sii yɔrɔ bɔ doɛ̃ lɛ dɔ a lɛa nɛ, sii gigiã nə́ n bɔyaa màn mɛn bɛ́ toɛ, gána lɛ wo nyɛɛnɛ. 3Biikoo tumaa waáraa ka bǎã tumaa nɛ, wɔsɛn man die n sii sonboren zɛnaa kɛ a bǐɛ̃ doɛ̃ n nɛ. 4Ma ba li ma n foo pipii ka boo gigiã-n wa, bɛ lɛ nɛ ma tá n nyankoe, ma bɛ́ re boo doron mɛn diɛ ke, n too kɔ bɛ ganaa.
5Wɔsɛn man wɔ́ yɛ wáa giĩ kɛ lɛ n zaman lɔlɔkɔn wole lɛa. Zuifun tá bǎã woo bǎã nɛ, a n boe ǹ li a tá ǹ sɔsɔmɛ. Nazarɛtin giĩ kɛ a zii dii kɛ lɛ a kɔmalɛ wole nyɛɛnaandɛnaa goon ne. 6A na á zɔɔ̃ li mà a boo baraa da wɔsɛn Lawa a kion lɛ din ganaa, yǎa wɔ kũ gɔrɔ. [Wɔ n wɔ́ goã wáa wɔ n die kiri we a ganaa, a kɔnpɛ ka wɔa landa sii ni, 7sɛnɛ, sɔraasin goledɛnaa Liziasi si wɔ la ka pàã taãn-taãn nɛ. 8Liziasi tɔ́n pɛ a zɛ̀rɛ-baalin lɛn manɛ, mà ǹ da n din yɔrɔ-a.] Bɛ̀ n dinmaa nɔ̀n da Pooli lɛ la, n din tá re doɛ̃ a lɛ gɔ́ɔ̃ ǹ boo li, mà wɔsɛn bɛ́ a zɛ̀rɛ biɛ ka siin mɛnɛn nɛ, mà sonbore ne.»
9Zuifun gialakunun kɛn tumaa nə́ n lɛ kaa kun ǹ nə́ pɛ, mà Tɛrtulusu sonbore pɛ.
Pooli nə n bɔlɔ pii kii Feliksi yɔrɔ-a
10Kii lɛ bɛ́ á zii kɔ Pooli la mà a boo da, Pooli pɛ: «Masɛ á doɛ̃ má a lɛ̀ damata ke, n nə́ gána kɛ a kiri sii yɔrɔ-bɔle lɛa. Bɛ lɛ nɛ ma foo á doa nɛ man bɔlɔ pɛ n yɔrɔ-a. 11N din ga a ganaa, a tɔn kiɛ̃ lɛawaa fulupaa la wa, masɛ woo Zeruzalɛmu, má woo Lawa guguru kɔ. 12Ǹ da masɛ yaa liere koe ka min kɔ́n nɛ Lawa a kion wa, ǹ da ma yaa zaman sɔsɔmɛ lɛsɔkɔn kion kɔ́n nɛ wa, hinlaa kiwi lɛ a bǎã kɔ́n nɛ wa. 13Minin kɛn lɛn bɛ́ soɛ diɛ masɛ la ka siin mɛnɛn nɛ, ǹ ba boe la ǹ nə ǹ kɔ́n nyaa n nɛ sonbore lɛa wa. 14Sɛnɛ, ma bɛ́ lɛ koe màn mɛn ganaa, man n die bɛ pii n ni: Masɛ n wɔ digolon Lawa kɛ guguru koe, á kɔnpii ka zii dii kɛ nɛ, ǹ bɛ́ mà Zii mɛn lɛ n soɛ lɛa. Sɛnɛ, màn mɛn tumaa bɛ́ kiɛ̃ nɛ, Muizu a landa sɛ́wɔ laanka Lawa a boo gii-dalin sɛ́wɔn nɛ, má golee bɛ tumaa li. 15Ma foo á doa-n Lawa ganaa, bɛa foo-doa kɛ lɛ tá ǹ dɔn dinin lon, min din tumaa, a sonboren laanka a baraan nɛ, ǹ tumaa yii á re kiɛ ǹ nə n bɔ gerebaa nɛ. 16Bɛ lɛ nɛ ma tá n doɛ ma á dí nyɛɛ, màn mɛn bɛ́ toɛ, ma foo baran ma zɛ̀rɛ baa Lawa laanka minbuiinin yɔrɔ-a wa.
17 #
NDS 21.17-28
Lɛ̀ gigiã á kiɛ̃ kio, má wusoo má daa dɔmalɛ ǹ màn kɔ ma tɔrɔ minin la, má daa dɔn, má *wúlu màn bɔ má kɔ Lawa la Zeruzalɛmu. 18Man má goã bɛ lɛ zɛnɛɛ, ǹ nə́ daa ma yaa Lawa a kion, bɛ̀ ma bɛ́ má *gɔ̀ bɔ ma din ganaa. Zaman dɔ din goã kun ma-n wa, n tɔn sii lɔlɔkɔn pɛ. 19Sɛnɛ, Azii gána a Zuifun kɔnɔn man nə́ goã; bɛ̀ má sã ǹ sii zɛnaa, bɛn lɛn doamaa nɛ ǹ goã kànaa, ǹ ma gòãn goa n nɛ. 20-21#NDS 23.6 Ma bɛ́ má pɛ kiri-wɔlen kuru lɛ yɔrɔ-a máa ma á waa-n la máa geren yii á re kiɛ, bɛ lɛ nɛ ǹ tá kiri we ma ganaa, kɔntan bɛa lɛa nɛ. Bɛ̀ bɛ bie wa, ǹ dinin mɛnɛn bɛ́ kànaa, bɛ̀ ǹ tá ma zɛ̀rɛbaa ǹ sii kɔsɔ yii, ǹ pɛ.»
22Kii Feliksi lɛ bɛ́ màn gigiã doɛ̃ bɛa zii kɛ lɛ wɔ gɔn la, á pɛ ǹ nɛ: «Bɛ̀ sɔraasin goledɛnaa Liziasi daa ǹ mɛn waáraa, ma á re kaa sii lɛ yɔrɔ boe.»
Bɛ a pɛ kio, á ǹ kaa. 23Sɔraasin kuru mìilandɛnaa mɛn bɛ́ giɛ Pooli walan, Kii Feliksi pɛ bɛ nɛ, mà a Pooli da kòso-n. Sɛnɛ, mà a toa a din gɔn wìi a lɛa boɛɛn nɛ, mà a toa a giaáran nə dɔmalɛ tɛn zɛnaa nɛ.
Pooli a tá kòso-n boo
24Lɛawaan kɔnɔn kiɛ̃ kio, Feliksi laanka a lɔ Druzili daa kun. A lɔ lɛ na á goã Zuifu tɔrɔ lɛa. Kii lɛ pɛ mà ǹ da ka Pooli ni, a boo da golee Yezu *Krita li lɛ wɔ gɔn la, asɛ nə n too kɔ a lon. 25Sɛnɛ, Pooli bɛ́ á yoo á boo diɛ sii pepere zɛnaa wɔ gɔn la, ka din-kuĩ ni, ka biɛ̃ ǹ kiri kɛ nɛ, nyɛ́ɛ Feliksi kũ. Á tɔ́n pɛ Pooli ni: «N lɛ tã bɔrɔ. Bɛ̀ ma biikoo kɔsɔ yɛ, ma á re n bíi.»
26Kii lɛ na á goã taasɛ, mà Pooli á re asɛ lɛ pii ka wɔrɔ nɛ, bɛ lɛ nɛ á goã lɛ diɛ la gunyin damata, mà a da sùn baa kun ka asɛ nɛ.
27Lɛ̀ paa bɛ kio, Pɔrsiisi Fɛstusu daa Feliksi a bǎã saa. Feliksi bɛ́ giɛ li a Zuifun foo kɔɔ̃n kɔ ǹ sii zɛnaa, á Pooli toa kòso-n.
දැනට තෝරාගෙන ඇත:
:
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.