NDS 22
22
1«Ma dɔɔ̃nɔn lɛn ka maa diin ni, sisia, ma bɛ́ re boo mɛn diɛ ma din si ǹ wɔ lɛa, ka n too kɔ bɛ ganaa.»
2Ǹ bɛ́ Pooli lɛ miɛ boo diɛ ǹ nɛ ka *Ebrəə bɔlɔ nɛ, wɔlɔ wusoo á nyɛɛ doo á kaa li.
3 #
NDS 5.34-39
Pooli pɛ:
– Man Zuifu lɛa, man má yɛ Tarsi kiwi, Siliisii gána nɛ, sɛnɛ, man má gole kɔ kiwi kɛ lɛ nɛ kànaa, man má daraa wɔ Gamalieli lon, á kɔnpɛ taãn-taãnɛ ka wɔsɛn digolon landa nɛ. Lawa sii na á goã kaka ma gɔn parsiini, ká a bɛ́ kaka ka dɔn gɔn pelo lɔn ke. 4#NDS 8.3; 26.9-11 Man má goã yɔ boe kɔn ka Zii dii kɛ lɛ nɛ, máa ma dɛ a papaã. Bɛ lɛ gɔ́ɔ̃ nɛ, má ǹ da giĩn laanka lɔn yii ganaa ka fɔlɔ biɛn nɛ, ǹ nə́ ǹ zũzũ kòso-n. 5Wúlu-bɔlen kiã nɛ ka min golen kuru kɛ lɛ tumaa nɛ, bɛn tá boe la ǹ na a taãn pɛ. Sonbore, man má sɛ́wɔ si ka dinin lɛn la ma dɔɔ̃n Zuifun wɔ lɛa, bɛ̀ ma bɛ́ woe Damaasi kiwi ǹ mɛn waáraa. Maa dí mìi na á goã ka kɛ nɛ, man woe, Zii kɛ lɛ a kɔmalɛ wolen mɛnɛn bɛ́ walan, ma ǹ kũ ma fɔlɔ biɛn kaa ǹ ganaa, ma da ǹ nɛ Zeruzalɛmu, màn mɛn bɛ́ toɛ, ǹ dɔlɔ bɔ ǹ ganaa.
6Man má goã maa zii tɔ we woe, ma bɛ́ má diri Damaasi la, wasa a tá baã bii waáraa kɛ miã, bǎã goon ne, wɔlɔ fúlu gole bɔ lon á daa n kɔ ma lɛ. 7Má bɔ má n tɔ tán, má lɛn goon ma boo diɛ ma nɛ: «Sooli, wàa na á baa n tá fuu nyɛɛ masɛ nɛ?» 8Má a lɛ si: «Die ne, Dɛnaa?» Lɛn lɛ wusoo á pɛ: «Nazarɛtin Yezu n ka ma nɛ, n tá fuu nyɛɛ ma nɛ.» 9Maa tá kun wolen lɛn nə́ wɔlɔ fúlu lɛ sɛ yɛ, sɛnɛ, lɛn mɛn bɛ́ boo diɛ ma nɛ, ǹ bɛ ma wa. 10Má nɔ̀n da: «Dɛnaa, ma doamaa nɛ ma wàa mɛn zɛnaa kəni?» Dɛnaa ma lɛ si: «Yoo, n wo Damaasi, Lawa dí mɛn koa n wɔ lɛa, ǹ tá re bɛ nyɛɛ n nɛ walan.»
11Sɛnɛ, wɔlɔ fúlu lɛ a tɛ-pɛ bɛ́ á ma yii tã, maa tɔ wɔ kun wolen lɛn man nə́ ma kũ ma gɔn ganaa, ǹ nə́ woo ka ma-n Damaasi.
12Giĩ kɔ́n na á goã, a tɔ n Ananiasi. A na á goã nyɛ́ɛ biɛ Lawa yii ni, á n dí-pɛn lɛn bɔlɔ sii. Zuifun mɛnɛn tumaa goã walan, a tɔ sonbore na á goã bɛn tumaa lɛ-n. 13Bɛa giĩ lɛ na á daa ma yaa, á pɛ ma nɛ: «Ma dɔɔ̃n Sooli ganaa, n yii lɛ wusoo a wɔlɔ yɛ.» A din bǎã-n gɔrɔ, ma yii wusoo á n bũ á Ananiasi yɛ. 14Á pɛ ma nɛ: «Wɔ digolon Lawa lɛ na á n bɔ, mà n na asɛ foo sii dɔ̃, n yii Min Pepere kɛ yɛ, n na a boo-diɛ ma. 15Sonbore, n yii bɛ́ re siin mɛnɛn yii, n bɛ́ re ǹ mɛnɛn dɔn miɛ, n doamaa nɛ n bɛn siére baa bɛa dɛnaa kɛ lɛ a lɛa min tumaa yɔrɔ-a. 16Ma nə n yii diɛ wàa la doo? Yoo n Yezu nyankɔ, masɛ *batɛmu da n ganaa, Lawa nə n sii baraan toa n nɛ.»
17Ma bɛ́ má wusoo má daa Zeruzalɛmu, ma bɛ́ Lawa nyankoe Lawa a kion, ǹ kɔ́n pinaa, ma yii màn kɔ́n yɛ. 18Dɛnaa nɛ, á pɛ ma nɛ: «Haya! Soo fufuu n nə n bɔ Zeruzalɛmu, a giala, n bɛ́ re siérebaa ǹ boo mɛn pii masɛ lɛa ke, kiwi lɛ a minin ba re sii wa.» 19Má pɛ: «Dɛnaa, táa ǹ nə́ dɔ̃ mà masɛ din nə má goã woe lɛsɔkɔn kionən ne, min mɛnɛn bɛ́ ǹ nə́ golee n din li, bɛ̀ ma bɛn kũ má ǹ zũzũ kòso-n, ma ǹ dɛ ka bàlà nɛ. 20#NDS 7.58 Biikoo mɛn waáraa, ǹ nə́ n din a siére Itian dii giɛ̃, táa masɛ dɔ́ goã walan, má goã giɛ a dɛlen dí lɛ-a dí sonbore lɛa, masɛ din ni má goã ǹ mɔnaan lɛduĩ.» 21Sɛnɛ, Dɛnaa pɛ ma nɛ: «Woo, masɛ din ni n diɛ sɔsɔɔ, tɔrɔ kɔsɔn li.»
22Zaman lɛ nə́ n too kɔ Pooli lon, á daa dɔ bɛa boon kɛn ganaa. Ǹ nə́ tɔ́n yoo kəni, ǹ tá n lɛ dii: «Ka kɛa minbuiin kɛ tɔrɔ dɛ ka bɔ kanaa. A doamaa bie a yii goã koo wa.»
23Ǹ nə́ n lɛ dɛ, ǹ nə́ ǹ dɔnkɛn bɔ ǹ nə́ ǹ zũ, ǹ nə́ gusuũ dɔ suu lon. 24Sɔraasin goledɛnaa lɛ pɛ mà ǹ Pooli da ǹ dí nya ǹ kion lɛ nɛ, ǹ duwəə ǹ nɔ̀n da la, mà minin kɛn lɛn bɛ́ n lɛ dii a ganaa mìi mɛn-a, mà á re bɛ pii. 25Mà maǹ die Pooli naɛ tán ǹ duwəə, sɔraasin kuru mìilandɛnaa mɛn bɛ́ dí lɛ la bɛa pinaa lɛ nɛ, Pooli pɛ bɛ nɛ: «Masɛ din Rɔmu gána min, ka kiri dɔ wɔ ma ganaa wa, wàa mɛn pàã n ka lon ka ma duwəə miɛ̃?»
26Bɛa boo kɛ lɛ a diɛ gɔ́ɔ̃ nɛ, sɔraasin kuru mìilandɛnaa lɛ woo pɛ goledɛnaa lɛ nɛ: «Sii lɛ a siĩn wa koe! Táa giĩ lɛ n Rɔmu gána min lɛa.»
27Sɔraasin goledɛnaa lɛ tɔ́n daa nɔ̀n da Pooli la: «Ma n Rɔmu gána min lɛa sonbore?»
Pooli mà asɛ na a lɛa sonbore.
28Sɔraasin goledɛnaa lɛ mà asɛ na á wɔrɔ gole bɔ asɛ tɔ́n Rɔmu gána min baa.
Pooli pɛ: «Masɛ n má yɛ Rɔmu gána min lɛa.»
29Min mɛnɛn bɛ́ mà maǹ die dii ǹ nɔ̀n da la lɛn, bɛn nə́ n gɔn bɔ a ganaa fufuu. Sɔraasin goledɛnaa lɛ bɛ́ á dɔ̃ mà Rɔmu gána min ni, asɛ fɔlɔ biɛn kaa a ganaa kɛnɛn, nyɛ́ɛ kũ.
Pooli a wo kiri-wɔlen kuru yɔrɔ-a
30A lɛawaa, sɔraasin goledɛnaa lɛ bɛ́ giɛ li a Pooli zɛ̀rɛbaa ǹ mìi lɛ dɔ̃, á pɛ mà ǹ fɔlɔ biɛn lɛn bɔ a ganaa, mà wúlu-bɔlen goledɛnan laanka kiri-wɔlen kuru lɛ nə n lɛ sɔkɔn. Á pɛ mà ǹ soo ka Pooli ni, a n bɔlɔ pɛ ǹ yɔrɔ-a.
දැනට තෝරාගෙන ඇත:
NDS 22: SBPE2011
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.
NDS 22
22
1«Ma dɔɔ̃nɔn lɛn ka maa diin ni, sisia, ma bɛ́ re boo mɛn diɛ ma din si ǹ wɔ lɛa, ka n too kɔ bɛ ganaa.»
2Ǹ bɛ́ Pooli lɛ miɛ boo diɛ ǹ nɛ ka *Ebrəə bɔlɔ nɛ, wɔlɔ wusoo á nyɛɛ doo á kaa li.
3 #
NDS 5.34-39
Pooli pɛ:
– Man Zuifu lɛa, man má yɛ Tarsi kiwi, Siliisii gána nɛ, sɛnɛ, man má gole kɔ kiwi kɛ lɛ nɛ kànaa, man má daraa wɔ Gamalieli lon, á kɔnpɛ taãn-taãnɛ ka wɔsɛn digolon landa nɛ. Lawa sii na á goã kaka ma gɔn parsiini, ká a bɛ́ kaka ka dɔn gɔn pelo lɔn ke. 4#NDS 8.3; 26.9-11 Man má goã yɔ boe kɔn ka Zii dii kɛ lɛ nɛ, máa ma dɛ a papaã. Bɛ lɛ gɔ́ɔ̃ nɛ, má ǹ da giĩn laanka lɔn yii ganaa ka fɔlɔ biɛn nɛ, ǹ nə́ ǹ zũzũ kòso-n. 5Wúlu-bɔlen kiã nɛ ka min golen kuru kɛ lɛ tumaa nɛ, bɛn tá boe la ǹ na a taãn pɛ. Sonbore, man má sɛ́wɔ si ka dinin lɛn la ma dɔɔ̃n Zuifun wɔ lɛa, bɛ̀ ma bɛ́ woe Damaasi kiwi ǹ mɛn waáraa. Maa dí mìi na á goã ka kɛ nɛ, man woe, Zii kɛ lɛ a kɔmalɛ wolen mɛnɛn bɛ́ walan, ma ǹ kũ ma fɔlɔ biɛn kaa ǹ ganaa, ma da ǹ nɛ Zeruzalɛmu, màn mɛn bɛ́ toɛ, ǹ dɔlɔ bɔ ǹ ganaa.
6Man má goã maa zii tɔ we woe, ma bɛ́ má diri Damaasi la, wasa a tá baã bii waáraa kɛ miã, bǎã goon ne, wɔlɔ fúlu gole bɔ lon á daa n kɔ ma lɛ. 7Má bɔ má n tɔ tán, má lɛn goon ma boo diɛ ma nɛ: «Sooli, wàa na á baa n tá fuu nyɛɛ masɛ nɛ?» 8Má a lɛ si: «Die ne, Dɛnaa?» Lɛn lɛ wusoo á pɛ: «Nazarɛtin Yezu n ka ma nɛ, n tá fuu nyɛɛ ma nɛ.» 9Maa tá kun wolen lɛn nə́ wɔlɔ fúlu lɛ sɛ yɛ, sɛnɛ, lɛn mɛn bɛ́ boo diɛ ma nɛ, ǹ bɛ ma wa. 10Má nɔ̀n da: «Dɛnaa, ma doamaa nɛ ma wàa mɛn zɛnaa kəni?» Dɛnaa ma lɛ si: «Yoo, n wo Damaasi, Lawa dí mɛn koa n wɔ lɛa, ǹ tá re bɛ nyɛɛ n nɛ walan.»
11Sɛnɛ, wɔlɔ fúlu lɛ a tɛ-pɛ bɛ́ á ma yii tã, maa tɔ wɔ kun wolen lɛn man nə́ ma kũ ma gɔn ganaa, ǹ nə́ woo ka ma-n Damaasi.
12Giĩ kɔ́n na á goã, a tɔ n Ananiasi. A na á goã nyɛ́ɛ biɛ Lawa yii ni, á n dí-pɛn lɛn bɔlɔ sii. Zuifun mɛnɛn tumaa goã walan, a tɔ sonbore na á goã bɛn tumaa lɛ-n. 13Bɛa giĩ lɛ na á daa ma yaa, á pɛ ma nɛ: «Ma dɔɔ̃n Sooli ganaa, n yii lɛ wusoo a wɔlɔ yɛ.» A din bǎã-n gɔrɔ, ma yii wusoo á n bũ á Ananiasi yɛ. 14Á pɛ ma nɛ: «Wɔ digolon Lawa lɛ na á n bɔ, mà n na asɛ foo sii dɔ̃, n yii Min Pepere kɛ yɛ, n na a boo-diɛ ma. 15Sonbore, n yii bɛ́ re siin mɛnɛn yii, n bɛ́ re ǹ mɛnɛn dɔn miɛ, n doamaa nɛ n bɛn siére baa bɛa dɛnaa kɛ lɛ a lɛa min tumaa yɔrɔ-a. 16Ma nə n yii diɛ wàa la doo? Yoo n Yezu nyankɔ, masɛ *batɛmu da n ganaa, Lawa nə n sii baraan toa n nɛ.»
17Ma bɛ́ má wusoo má daa Zeruzalɛmu, ma bɛ́ Lawa nyankoe Lawa a kion, ǹ kɔ́n pinaa, ma yii màn kɔ́n yɛ. 18Dɛnaa nɛ, á pɛ ma nɛ: «Haya! Soo fufuu n nə n bɔ Zeruzalɛmu, a giala, n bɛ́ re siérebaa ǹ boo mɛn pii masɛ lɛa ke, kiwi lɛ a minin ba re sii wa.» 19Má pɛ: «Dɛnaa, táa ǹ nə́ dɔ̃ mà masɛ din nə má goã woe lɛsɔkɔn kionən ne, min mɛnɛn bɛ́ ǹ nə́ golee n din li, bɛ̀ ma bɛn kũ má ǹ zũzũ kòso-n, ma ǹ dɛ ka bàlà nɛ. 20#NDS 7.58 Biikoo mɛn waáraa, ǹ nə́ n din a siére Itian dii giɛ̃, táa masɛ dɔ́ goã walan, má goã giɛ a dɛlen dí lɛ-a dí sonbore lɛa, masɛ din ni má goã ǹ mɔnaan lɛduĩ.» 21Sɛnɛ, Dɛnaa pɛ ma nɛ: «Woo, masɛ din ni n diɛ sɔsɔɔ, tɔrɔ kɔsɔn li.»
22Zaman lɛ nə́ n too kɔ Pooli lon, á daa dɔ bɛa boon kɛn ganaa. Ǹ nə́ tɔ́n yoo kəni, ǹ tá n lɛ dii: «Ka kɛa minbuiin kɛ tɔrɔ dɛ ka bɔ kanaa. A doamaa bie a yii goã koo wa.»
23Ǹ nə́ n lɛ dɛ, ǹ nə́ ǹ dɔnkɛn bɔ ǹ nə́ ǹ zũ, ǹ nə́ gusuũ dɔ suu lon. 24Sɔraasin goledɛnaa lɛ pɛ mà ǹ Pooli da ǹ dí nya ǹ kion lɛ nɛ, ǹ duwəə ǹ nɔ̀n da la, mà minin kɛn lɛn bɛ́ n lɛ dii a ganaa mìi mɛn-a, mà á re bɛ pii. 25Mà maǹ die Pooli naɛ tán ǹ duwəə, sɔraasin kuru mìilandɛnaa mɛn bɛ́ dí lɛ la bɛa pinaa lɛ nɛ, Pooli pɛ bɛ nɛ: «Masɛ din Rɔmu gána min, ka kiri dɔ wɔ ma ganaa wa, wàa mɛn pàã n ka lon ka ma duwəə miɛ̃?»
26Bɛa boo kɛ lɛ a diɛ gɔ́ɔ̃ nɛ, sɔraasin kuru mìilandɛnaa lɛ woo pɛ goledɛnaa lɛ nɛ: «Sii lɛ a siĩn wa koe! Táa giĩ lɛ n Rɔmu gána min lɛa.»
27Sɔraasin goledɛnaa lɛ tɔ́n daa nɔ̀n da Pooli la: «Ma n Rɔmu gána min lɛa sonbore?»
Pooli mà asɛ na a lɛa sonbore.
28Sɔraasin goledɛnaa lɛ mà asɛ na á wɔrɔ gole bɔ asɛ tɔ́n Rɔmu gána min baa.
Pooli pɛ: «Masɛ n má yɛ Rɔmu gána min lɛa.»
29Min mɛnɛn bɛ́ mà maǹ die dii ǹ nɔ̀n da la lɛn, bɛn nə́ n gɔn bɔ a ganaa fufuu. Sɔraasin goledɛnaa lɛ bɛ́ á dɔ̃ mà Rɔmu gána min ni, asɛ fɔlɔ biɛn kaa a ganaa kɛnɛn, nyɛ́ɛ kũ.
Pooli a wo kiri-wɔlen kuru yɔrɔ-a
30A lɛawaa, sɔraasin goledɛnaa lɛ bɛ́ giɛ li a Pooli zɛ̀rɛbaa ǹ mìi lɛ dɔ̃, á pɛ mà ǹ fɔlɔ biɛn lɛn bɔ a ganaa, mà wúlu-bɔlen goledɛnan laanka kiri-wɔlen kuru lɛ nə n lɛ sɔkɔn. Á pɛ mà ǹ soo ka Pooli ni, a n bɔlɔ pɛ ǹ yɔrɔ-a.
දැනට තෝරාගෙන ඇත:
:
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.