NDS 19
19
Pooli a dɔ Efɛɛzi boo
1Apolɔɔsi bɛ́ Korɛnti kiwi, Pooli Galaasi laanka Frizii gána a kele bǎãn wɔsɔ, á daa dɔ Efɛɛzi kiwi. Pooli woo kialandɛnan kɔnɔn yaa Efɛɛzi kiwi lɛ nɛ. 2Á nɔ̀n da ǹ la: «Ka bɛ́ ka Lawa-nyankɔlen baa, Yiri Fu gisĩ ka la ke?»
Sɛnɛ, ǹ ná a lɛ si: «Wɔsɛn dinin nə Yiri Fu boo ma wa.»
3Pooli tɔ́n nɔ̀n da ǹ la: «Sɛnɛ, ka n ka *batɛmu mɛn tɔrɔ yɛ?»
Ǹ nə́ pɛ: «Zaã bɛ́ á goã ǹ mɛn diɛ minin-a, wɔsɛn man wɔ́ bɛ yɛ.»
4 #
Mat 3.11; Mar 1.4,7-8; Luk 3.4,16; Zaã 1.26-27 Pooli wusoo á pɛ ǹ nɛ: «Zaã na á goã wusoo sii baraa kio ǹ batɛmu diɛ minin ganaa, bɛ̀ á pii ǹ ni, mà min mɛn bɛ́ die asɛ kio, mà ǹ golee bɛa dɛnaa li, mà bɛ n ka Yezu ni.»
5Ǹ nə́ n too kɔ Pooli lon, ǹ nə́ batɛmu lɛ si ka Dɛnaa Yezu tɔ nɛ. 6Pooli nə́ n gɔn da ǹ la, á Lawa nyankɔ, Yiri Fu gisĩ ǹ la. Ǹ nə́ bɔlɔ soreen pɛ, ǹ nə́ Lawa a boo gii da. 7Bɛa minin lɛn nə́ dɔ min fulupaa kɛ miã.
Pooli Lawa a boo mɛn da Efɛɛzi
8Mui sɔɔ gɔ́ɔ̃ nɛ, Pooli na á goã we lɛsɔkɔn kion, bɛ̀ a boo da ka foo tãbaa nɛ *Lawa a kiibaa ǹ bǎã kɛ wɔ gɔn la. A na á goã n doɛ màn mɛn bɛ́ toɛ, a too kɔmalon wolen lɛn nə boo lɛ si taãn lɛa. 9Sɛnɛ, ǹ tɛnɛn nə́ n too kaka kɔ, ǹ lɛ kɔ ǹ nə́ boo lɛ si taãn lɛa wa. Ǹ nə́ boo baraa da Dɛnaa a zii lɛ ganaa zaman lɛ bii. Pooli nə́ ǹ toa walan, á Lawa-nyankɔlen lɛn sɛn kũ ǹ gɔrɔn, bɛ̀ a Lawa a boo lɛ pɛ ǹ nɛ baraabaraa Tiranɔɔsi a minin daraa ǹ kion. 10Bɛa sii kɛ lɛ ná a n zɛnaa yǎa lɛ̀ paa, bɛ lɛ na á toa, Azii gána minin tumaa, a Zuifun laanka a Grɛkin ni, ǹ tumaa Dɛnaa a boo kɛ ma.
Sevaa a nɛnyaanan boo
11Lawa na á goã kaãbaa ǹ sii dadaran zɛnɛɛ Pooli gɔn. 12Bɛ lɛ gɔ́ɔ̃ nɛ, minin man nə́ goã giɛ, patara laanka mɔnaa lɛkoron mɛnɛn nə n lɔ Pooli gɔ̀nɔn ganaa, ǹ bɛn goa ǹ nə ǹ da busulən ganaa. Bɛa busulən lɛn dɔn man nə́ goã kaka koe, nɔ̀ɔn baraa dɛnan nɔ̀ɔnɔn nə́ goã n boe ǹ ganaa.
13Zuifun kɔnɔn dɔn man nə́ goã n bibiĩ nɔ̀ɔnɔn lui ǹ boe minin ganaa. Ǹ ná a giala kɔ, mà maǹ die nɔ̀ɔnɔn lui ka Yezu tɔ nɛ. Ǹ nə́ pɛ nɔ̀ɔnɔn lɛn manɛ: «Pooli bɛ́ Yezu mɛn boo diɛ ke, wɔsɛn man pii ka nɛ bɛ tɔ a lɛa, wáa ka n bɔ minin ganaa.»
14Zuifu goon ne, n din biɛ wúlu-bɔlen kiã lɛa, a tɔ n Sevaa, bɛa nɛnyaan sɔbaa na á goã bɛa dí kɛ lɛ nyɛɛ. 15Nɔ̀ɔn baraan lɛn nə́ ǹ lɛ si: «Wɔsɛn tá Yezu doɛ̃, Pooli dɔ bɛ́ min mɛn lɛa, wɔsɛn tá bɛ dɔ doɛ̃. Sɛnɛ, kasɛn kɛn lɛn man dien lɛa?»
16A din bǎã-n gɔrɔ, nɔ̀ɔndɛnaa lɛ parɛ á ǹ kũ, á ǹ tumaa sɔɔ ka kaka. Ǹ bɛ́ ǹ sii la ǹ mɛn waáraa, bɛ̀ ǹ mɔnaan nə́ tɔtoɛ̃, mà bɔ ǹ dininmaan dɔn ganaa. 17Efɛɛzi kiwi minin tumaa, a Zuifun laanka a Grɛkin ni, ǹ tumaa bɛa sii kɛ lɛ a zɛnaa boo ma. Nyɛ́ɛ nə́ ǹ tumaa kũ, ǹ nə́ Dɛnaa Yezu tɔ kɛ a gugurubaa boo da. 18Min mɛnɛn nə golee Lawa li, ǹ gigiã nə́ ǹ sii-durii zɛnaan pɛ zaman yɔrɔ-a. 19Koe sii-zɛnaali gigiã daa ka ǹ sɛ́wɔn nɛ, ǹ nə́ ǹ kaa kɔn la, ǹ nə́ tɛ da ǹ ganaa min tumaa yɔrɔ-a. Ǹ bɛ́ ǹ nə́ bɛa sɛ́wɔn lɛn giɔ̀mɔ nimi ǹ nə́ kaa kun, ǹ nə́ yɛ mà á dɔ lɛawaa duu posooro dí-nya ǹ giɔ̀mɔ li. 20Bɛa yɔrɔ kɛ la, Dɛnaa din a boo kɛ na á goã n pii ka pàã nɛ, a ná a din a boo sii la kɛ nyɛɛ.
Gɔ́ɔ̃-tii mɛn yɛ Efɛɛzi kiwi
21Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»
22A ná a dí nya kun wole min paa dia Masedoanɛ gána nɛ, Timote laanka Erasti ni, bɛ̀ a dinmaa á tɔn Azii gána-n bɔrɔ.
23Bɛa biikoo kɛ lɛ nɛ, sii lɔlɔkɔn kakan nə́ n zɛnaa Lawa a zii lɛ a lɛa. 24Fuũn giĩ goon ne a tɔ n Demetrisi, ǹ goã dì mɛn bíi Artemisi, asɛ na á goã bɛa guguru kɔ ǹ kion a kɔnboe zɛnɛɛ ka wɔrɔgiala nɛ. A dɔ na á goã wɔrɔ gigiã yii a dí-nyalin manɛ bɛ lɛ ganaa. 25Demetrisi lɛ ná a dí-nyalin lɛ sɔkɔn, ka min kɔsɔn mɛnɛn dɔn dí bɛ́ kɔnboe ka ǹ wɔ nɛ, á pɛ ǹ nɛ: «Maa giaáran lɛn, ka á doɛ̃ mà wɔsɛn màn yɛ din tumaa n boe kɛa dí kɛ nɛ. 26Ka dinin yii tá a ganaa, hinlaa ka tá a boo miɛ, mà Pooli lɛ bie a dí nyɛɛ Efɛɛzi kiwi dinsɔɔ̃-n wa, a n goon Azii gána din tumaa nɛ. A n pii zaman nɛ a tá ǹ sɔsɔmɛ, ǹ bɛ́ dìn mɛnɛn zɛnɛɛ ka ǹ gɔnɔn nɛ, mà bɛn ba Lawa taãnan lɛa wa. 27Bɛa sii kɛ lɛ gɔ́ɔ̃ nɛ, barka bie re n boe wɔsɛn dí kɛ dinsɔɔ̃-n wa, sɛnɛ, wɔa dì lɔdɛnaa gole Artemisi ke, Azii gána laanka kanaa tumaa tá a guguru koe, bɛa kion kɛ n die kooro biɛ, a din a gugurubaa dɔ n die n sii la.»
28Min mɛnɛn bɛ́ n too koe a lon, bɛn bɛ́ ǹ nə́ bɛa boo kɛ ma lɔn gɔrɔ, ǹ foo yoo, ǹ nə́ yoo ǹ tá n lɛ dii mà Efɛɛzi a dì Artemisi lɛ n gole.
29Kiwi lɛ a zaman tumaa nə́ n lɔlɔkɔn, ǹ nə́ yoo kun ǹ nə́ woo lɛsɔkɔn bǎã lɛ nɛ. Ǹ bɛ́ woe, Pooli a zii tɔ-wɔ kun wolen mɛnɛn bɛ́ Masedoanɛ kiwi minin lɛa, Gayusu laanka Aristarki ni, ǹ nə́ bɛn kũ. 30A na á goã Pooli gɔ́ɔ̃ nɛ a wo lɛsɔkɔn bǎã lɛ nɛ, sɛnɛ, Lawa-nyankɔlen lɛn nə toa á zɛnaa miɛ wa. 31Azii gána nyɛɛnaandɛnan mɛnɛn bɛ́ Pooli a giaáran lɛa, bɛn dɔn nə́ minin dia, ǹ nə́ n gɔn waa nɛ, mà a baran wo lɛsɔkɔn bǎã lɛ-n wa.
32Zaman lɛ na á goã n lɛ dii, min kɔ́n dɔ a lɛ-dɛ ǹ bɔlɔ a goon ka n miã wɔ-n wa. Minbuiin lɛ bɔlɔ na á goã lɔloɛ-n kɔn taãn-taãnɛ, ǹ gigiã dɔ goã lɛsɔkɔn lɛ mìi doɛ̃ wa. 33Zuifun nə́ Alɛksandrə nyanaa ǹ nə́ da nyɛɛnɛ, yǎa minin kɔnɔn nə sii lɛ yɔrɔ pɛ nɛ. Alɛksandrə nə́ n gòon saa lon, mà a n die boo diɛ zaman lɛ nɛ, á nyɛɛ mà Zuifun nə sii kɛ lɛ la wa. 34Sɛnɛ, ǹ bɛ́ ǹ nə́ dɔ̃ mà Zuifu ni, ǹ tumaa nə́ n lɛ kaa kun, ǹ nə́ pɛ ka lɛn gole ne yǎa biikoo paa kɛ miã: «Efɛɛzi a dì Artemisi lɛ n gole.»
35Ka bɛ din yii ni, kiwi lɛ a sɛ́wɔ-kiɛ̃li boo la á zaman lɛ lɛ kuru, á pɛ: «Efɛɛzi minin lɛn ganaa, min tumaa á doɛ̃, mà Efɛɛzi kiwi kɛ n Artemisi gole kɛ a guguru kɔ ǹ bǎã kɛ lɛduĩ, ka a nyín kɛ dɔ nɛ, á bɔ lon á gisĩ tán. 36Liere bɛ́ a bie bɛa boo kɛ lɛ-a wa, ka n foo basã, ka baran toa min ka yiri sã wa. 37Sonbore, ka ǹ ka daa kànaa ka minin ni, minin mɛnɛn bɛ́ ǹ wɔsɛn dì soɛ̃ yiɛ wa, ǹ boo baraa dɔ da a ganaa wa. 38Bɛ̀ Demetrisi laanka a dí-nyalin tá zia la ka min ni, kiri-wɔ pinaan tan, ka kiin ni, ka wo dɔ kɔn nɛ walan. 39Sɛnɛ, bɛ̀ sii yɔrɔ-bɔ kɔsɔn tan, bɛ̀ ǹ nə́ ǹ nyaa, kiwi minin lɛsɔkɔn tá re bɛn yɔrɔ boe. 40Zɛ̀rɛ á boe la a wɔsɛn kũ pelo a lɛsɔkɔn kɛ lɛ a lɛa, a giala, sii banban wɔsɛn nə́ boe la wɔ nyaa pelo a lɛsɔkɔn kɛ lɛ mìi lɛa wa.»
Bɛa boo kɛ lɛ kio, á zii kɔ zaman lɛ la ǹ nə́ woo.
දැනට තෝරාගෙන ඇත:
NDS 19: SBPE2011
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.
NDS 19
19
Pooli a dɔ Efɛɛzi boo
1Apolɔɔsi bɛ́ Korɛnti kiwi, Pooli Galaasi laanka Frizii gána a kele bǎãn wɔsɔ, á daa dɔ Efɛɛzi kiwi. Pooli woo kialandɛnan kɔnɔn yaa Efɛɛzi kiwi lɛ nɛ. 2Á nɔ̀n da ǹ la: «Ka bɛ́ ka Lawa-nyankɔlen baa, Yiri Fu gisĩ ka la ke?»
Sɛnɛ, ǹ ná a lɛ si: «Wɔsɛn dinin nə Yiri Fu boo ma wa.»
3Pooli tɔ́n nɔ̀n da ǹ la: «Sɛnɛ, ka n ka *batɛmu mɛn tɔrɔ yɛ?»
Ǹ nə́ pɛ: «Zaã bɛ́ á goã ǹ mɛn diɛ minin-a, wɔsɛn man wɔ́ bɛ yɛ.»
4 #
Mat 3.11; Mar 1.4,7-8; Luk 3.4,16; Zaã 1.26-27 Pooli wusoo á pɛ ǹ nɛ: «Zaã na á goã wusoo sii baraa kio ǹ batɛmu diɛ minin ganaa, bɛ̀ á pii ǹ ni, mà min mɛn bɛ́ die asɛ kio, mà ǹ golee bɛa dɛnaa li, mà bɛ n ka Yezu ni.»
5Ǹ nə́ n too kɔ Pooli lon, ǹ nə́ batɛmu lɛ si ka Dɛnaa Yezu tɔ nɛ. 6Pooli nə́ n gɔn da ǹ la, á Lawa nyankɔ, Yiri Fu gisĩ ǹ la. Ǹ nə́ bɔlɔ soreen pɛ, ǹ nə́ Lawa a boo gii da. 7Bɛa minin lɛn nə́ dɔ min fulupaa kɛ miã.
Pooli Lawa a boo mɛn da Efɛɛzi
8Mui sɔɔ gɔ́ɔ̃ nɛ, Pooli na á goã we lɛsɔkɔn kion, bɛ̀ a boo da ka foo tãbaa nɛ *Lawa a kiibaa ǹ bǎã kɛ wɔ gɔn la. A na á goã n doɛ màn mɛn bɛ́ toɛ, a too kɔmalon wolen lɛn nə boo lɛ si taãn lɛa. 9Sɛnɛ, ǹ tɛnɛn nə́ n too kaka kɔ, ǹ lɛ kɔ ǹ nə́ boo lɛ si taãn lɛa wa. Ǹ nə́ boo baraa da Dɛnaa a zii lɛ ganaa zaman lɛ bii. Pooli nə́ ǹ toa walan, á Lawa-nyankɔlen lɛn sɛn kũ ǹ gɔrɔn, bɛ̀ a Lawa a boo lɛ pɛ ǹ nɛ baraabaraa Tiranɔɔsi a minin daraa ǹ kion. 10Bɛa sii kɛ lɛ ná a n zɛnaa yǎa lɛ̀ paa, bɛ lɛ na á toa, Azii gána minin tumaa, a Zuifun laanka a Grɛkin ni, ǹ tumaa Dɛnaa a boo kɛ ma.
Sevaa a nɛnyaanan boo
11Lawa na á goã kaãbaa ǹ sii dadaran zɛnɛɛ Pooli gɔn. 12Bɛ lɛ gɔ́ɔ̃ nɛ, minin man nə́ goã giɛ, patara laanka mɔnaa lɛkoron mɛnɛn nə n lɔ Pooli gɔ̀nɔn ganaa, ǹ bɛn goa ǹ nə ǹ da busulən ganaa. Bɛa busulən lɛn dɔn man nə́ goã kaka koe, nɔ̀ɔn baraa dɛnan nɔ̀ɔnɔn nə́ goã n boe ǹ ganaa.
13Zuifun kɔnɔn dɔn man nə́ goã n bibiĩ nɔ̀ɔnɔn lui ǹ boe minin ganaa. Ǹ ná a giala kɔ, mà maǹ die nɔ̀ɔnɔn lui ka Yezu tɔ nɛ. Ǹ nə́ pɛ nɔ̀ɔnɔn lɛn manɛ: «Pooli bɛ́ Yezu mɛn boo diɛ ke, wɔsɛn man pii ka nɛ bɛ tɔ a lɛa, wáa ka n bɔ minin ganaa.»
14Zuifu goon ne, n din biɛ wúlu-bɔlen kiã lɛa, a tɔ n Sevaa, bɛa nɛnyaan sɔbaa na á goã bɛa dí kɛ lɛ nyɛɛ. 15Nɔ̀ɔn baraan lɛn nə́ ǹ lɛ si: «Wɔsɛn tá Yezu doɛ̃, Pooli dɔ bɛ́ min mɛn lɛa, wɔsɛn tá bɛ dɔ doɛ̃. Sɛnɛ, kasɛn kɛn lɛn man dien lɛa?»
16A din bǎã-n gɔrɔ, nɔ̀ɔndɛnaa lɛ parɛ á ǹ kũ, á ǹ tumaa sɔɔ ka kaka. Ǹ bɛ́ ǹ sii la ǹ mɛn waáraa, bɛ̀ ǹ mɔnaan nə́ tɔtoɛ̃, mà bɔ ǹ dininmaan dɔn ganaa. 17Efɛɛzi kiwi minin tumaa, a Zuifun laanka a Grɛkin ni, ǹ tumaa bɛa sii kɛ lɛ a zɛnaa boo ma. Nyɛ́ɛ nə́ ǹ tumaa kũ, ǹ nə́ Dɛnaa Yezu tɔ kɛ a gugurubaa boo da. 18Min mɛnɛn nə golee Lawa li, ǹ gigiã nə́ ǹ sii-durii zɛnaan pɛ zaman yɔrɔ-a. 19Koe sii-zɛnaali gigiã daa ka ǹ sɛ́wɔn nɛ, ǹ nə́ ǹ kaa kɔn la, ǹ nə́ tɛ da ǹ ganaa min tumaa yɔrɔ-a. Ǹ bɛ́ ǹ nə́ bɛa sɛ́wɔn lɛn giɔ̀mɔ nimi ǹ nə́ kaa kun, ǹ nə́ yɛ mà á dɔ lɛawaa duu posooro dí-nya ǹ giɔ̀mɔ li. 20Bɛa yɔrɔ kɛ la, Dɛnaa din a boo kɛ na á goã n pii ka pàã nɛ, a ná a din a boo sii la kɛ nyɛɛ.
Gɔ́ɔ̃-tii mɛn yɛ Efɛɛzi kiwi
21Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»
22A ná a dí nya kun wole min paa dia Masedoanɛ gána nɛ, Timote laanka Erasti ni, bɛ̀ a dinmaa á tɔn Azii gána-n bɔrɔ.
23Bɛa biikoo kɛ lɛ nɛ, sii lɔlɔkɔn kakan nə́ n zɛnaa Lawa a zii lɛ a lɛa. 24Fuũn giĩ goon ne a tɔ n Demetrisi, ǹ goã dì mɛn bíi Artemisi, asɛ na á goã bɛa guguru kɔ ǹ kion a kɔnboe zɛnɛɛ ka wɔrɔgiala nɛ. A dɔ na á goã wɔrɔ gigiã yii a dí-nyalin manɛ bɛ lɛ ganaa. 25Demetrisi lɛ ná a dí-nyalin lɛ sɔkɔn, ka min kɔsɔn mɛnɛn dɔn dí bɛ́ kɔnboe ka ǹ wɔ nɛ, á pɛ ǹ nɛ: «Maa giaáran lɛn, ka á doɛ̃ mà wɔsɛn màn yɛ din tumaa n boe kɛa dí kɛ nɛ. 26Ka dinin yii tá a ganaa, hinlaa ka tá a boo miɛ, mà Pooli lɛ bie a dí nyɛɛ Efɛɛzi kiwi dinsɔɔ̃-n wa, a n goon Azii gána din tumaa nɛ. A n pii zaman nɛ a tá ǹ sɔsɔmɛ, ǹ bɛ́ dìn mɛnɛn zɛnɛɛ ka ǹ gɔnɔn nɛ, mà bɛn ba Lawa taãnan lɛa wa. 27Bɛa sii kɛ lɛ gɔ́ɔ̃ nɛ, barka bie re n boe wɔsɛn dí kɛ dinsɔɔ̃-n wa, sɛnɛ, wɔa dì lɔdɛnaa gole Artemisi ke, Azii gána laanka kanaa tumaa tá a guguru koe, bɛa kion kɛ n die kooro biɛ, a din a gugurubaa dɔ n die n sii la.»
28Min mɛnɛn bɛ́ n too koe a lon, bɛn bɛ́ ǹ nə́ bɛa boo kɛ ma lɔn gɔrɔ, ǹ foo yoo, ǹ nə́ yoo ǹ tá n lɛ dii mà Efɛɛzi a dì Artemisi lɛ n gole.
29Kiwi lɛ a zaman tumaa nə́ n lɔlɔkɔn, ǹ nə́ yoo kun ǹ nə́ woo lɛsɔkɔn bǎã lɛ nɛ. Ǹ bɛ́ woe, Pooli a zii tɔ-wɔ kun wolen mɛnɛn bɛ́ Masedoanɛ kiwi minin lɛa, Gayusu laanka Aristarki ni, ǹ nə́ bɛn kũ. 30A na á goã Pooli gɔ́ɔ̃ nɛ a wo lɛsɔkɔn bǎã lɛ nɛ, sɛnɛ, Lawa-nyankɔlen lɛn nə toa á zɛnaa miɛ wa. 31Azii gána nyɛɛnaandɛnan mɛnɛn bɛ́ Pooli a giaáran lɛa, bɛn dɔn nə́ minin dia, ǹ nə́ n gɔn waa nɛ, mà a baran wo lɛsɔkɔn bǎã lɛ-n wa.
32Zaman lɛ na á goã n lɛ dii, min kɔ́n dɔ a lɛ-dɛ ǹ bɔlɔ a goon ka n miã wɔ-n wa. Minbuiin lɛ bɔlɔ na á goã lɔloɛ-n kɔn taãn-taãnɛ, ǹ gigiã dɔ goã lɛsɔkɔn lɛ mìi doɛ̃ wa. 33Zuifun nə́ Alɛksandrə nyanaa ǹ nə́ da nyɛɛnɛ, yǎa minin kɔnɔn nə sii lɛ yɔrɔ pɛ nɛ. Alɛksandrə nə́ n gòon saa lon, mà a n die boo diɛ zaman lɛ nɛ, á nyɛɛ mà Zuifun nə sii kɛ lɛ la wa. 34Sɛnɛ, ǹ bɛ́ ǹ nə́ dɔ̃ mà Zuifu ni, ǹ tumaa nə́ n lɛ kaa kun, ǹ nə́ pɛ ka lɛn gole ne yǎa biikoo paa kɛ miã: «Efɛɛzi a dì Artemisi lɛ n gole.»
35Ka bɛ din yii ni, kiwi lɛ a sɛ́wɔ-kiɛ̃li boo la á zaman lɛ lɛ kuru, á pɛ: «Efɛɛzi minin lɛn ganaa, min tumaa á doɛ̃, mà Efɛɛzi kiwi kɛ n Artemisi gole kɛ a guguru kɔ ǹ bǎã kɛ lɛduĩ, ka a nyín kɛ dɔ nɛ, á bɔ lon á gisĩ tán. 36Liere bɛ́ a bie bɛa boo kɛ lɛ-a wa, ka n foo basã, ka baran toa min ka yiri sã wa. 37Sonbore, ka ǹ ka daa kànaa ka minin ni, minin mɛnɛn bɛ́ ǹ wɔsɛn dì soɛ̃ yiɛ wa, ǹ boo baraa dɔ da a ganaa wa. 38Bɛ̀ Demetrisi laanka a dí-nyalin tá zia la ka min ni, kiri-wɔ pinaan tan, ka kiin ni, ka wo dɔ kɔn nɛ walan. 39Sɛnɛ, bɛ̀ sii yɔrɔ-bɔ kɔsɔn tan, bɛ̀ ǹ nə́ ǹ nyaa, kiwi minin lɛsɔkɔn tá re bɛn yɔrɔ boe. 40Zɛ̀rɛ á boe la a wɔsɛn kũ pelo a lɛsɔkɔn kɛ lɛ a lɛa, a giala, sii banban wɔsɛn nə́ boe la wɔ nyaa pelo a lɛsɔkɔn kɛ lɛ mìi lɛa wa.»
Bɛa boo kɛ lɛ kio, á zii kɔ zaman lɛ la ǹ nə́ woo.
දැනට තෝරාගෙන ඇත:
:
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.