ගීතාවලිය 135
135
මැවිල්ලෙන් ප්‍රකාශ වන සමිඳාණන් වහන්සේගේ ගුණ වැණුම
1සමිඳාණන් වහන්සේට ප්‍රශංසා කරන්න.
සමිඳුන්ගේ මෙහෙකරුවෙනි, සමිඳුන්ගේ නාමයට ප්‍රශංසා කරන්න.
2සමිඳුන්ගේ මාලිගාවෙහි, අපේ දෙවිඳුන්ගේ මාලිගාවෙහි මණ්ඩපවල සිටින්නෙනි, එතුමාණන්ට ප්‍රශංසා කරන්න.
3සමිඳුන්ට ප්‍රශංසා කරන්න.
එතුමාණෝ යහපත් ය.
එතුමාණෝ කරුණාබර වන සේක.
එතුමාණන්ගේ නාමයට ගී ගයන්න;
4සමිඳාණෝ තමන්ට ම ජාකොබ්ගේ පෙළපත ද තමන්ගේ විශේෂ උරුමය කොට ඉශ්රායෙල් සෙනඟ ද තෝරාගත් සේක.
5සමිඳාණන් අති උතුම් බවත්, වෙනත් සියලු දෙවිවරුන්ට වඩා අපේ සමිඳාණන් උසස් බවත් දනිමි.
6සමිඳාණෝ, යමක් කරන්නට කැමැති සේක් නම්, අහසෙහි ද පොළොවෙහි ද මුහුදුවල සහ හැම ගැඹුරු තැන්වල ද එය ඉටු කරන සේක.
7එතුමාණෝ දෙරණ සීමාවෙන් වලාකුළු නංවන සේක;
වර්ෂාව සඳහා විදුලිය හටගන්වන සේක;
සිය ගබඩාවලින් සුළඟ නික්මවන සේක;
8එතුමාණෝ මිසර වැසියන්ගේත්, මෘගයන්ගේත් කුලුඳුලන්ට පහර දුන් සේක.
9එම්බා මිසරය!
තී මැදට, පාරාවෝට සහ ඔහුගේ සියලු මෙහෙකරුවන්ට එරෙහි ව එතුමාණෝ අරුමපුදුම දේ හා හාස්කම් පැමිණෙවු සේක.
10එතුමාණෝ බොහෝ විජාතීන්ට පහර දී, බලවත් රජුන් ඝාතනය කළ සේක.
11අමෝරිවරුන්ගේ රජ වූ සීහොන් ද බාෂාන්හි රජ වූ ඕග් ද කානාන්හි සියලු රාජ්‍යයන් ද වැනසූ සේක.
12ඔවුන්ගේ දේශය උරුම කොට, ස්වකීය සෙනඟ වූ ඉශ්රායෙල්ට උරුම කොට දුන් සේක.
13සමිඳුනි, ඔබේ නාමය සදාකල් පවත්නේ ය.
සමිඳුනි, ඔබේ මහිමය සියලු පරම්පරාවන්ට පැතිර යන්නේ ය.
14මන්ද, සමිඳාණෝ තමන් සෙනඟට යුක්තිය ඉටුකර දෙන සේක.
ස්වකීය මෙහෙකරුවන්ට අනුකම්පා කරන සේක.
15 #
ගීතා 115:4-8; එළිද 9:20 විජාතීන්ගේ රූප රනින් හා රිදීයෙන් ය, ඒවා මිනිස් අතින් සෑදූ දේ ය.
16ඒවාට කටවල් ඇත, එහෙත්, කතා නොකරයි;
ඇස් ඇත, එහෙත්, නොදකියි;
17කන් ඇත, එහෙත්, නොඇසෙයි;
නාස් පුඩු ඇත, එහෙත්, හුස්මක් නැත.
18ඒවා සාදන්නෝත්, එමෙන් ම ඒවා විශ්වාස කරන සියල්ලෝත් ඒවාට සමාන වන්නෝ ය.
19එම්බා ඉශ්රායෙල් වංශය!
සමිඳුන්ට ප්‍රශංසා කරන්න.
එම්බා ආරොන්ගේ වංශය!
සමිඳුන්ට ප්‍රශංසා කරන්න.
20එම්බා ලෙවී වංශය!
සමිඳුන්ට ප්‍රශංසා කරන්න.
සමිඳුන්ට ගරුබිය ඇත්තෙනි, සමිඳුන්ට ප්‍රශංසා කරන්න.
21සියොන්හි, ජෙරුසලමෙහි වැඩ වසන සමිඳාණෝ ප්‍රශංසා ලබන සේක් වා!
සමිඳුන්ට ප්‍රශංසා කරන්න.
දැනට තෝරාගෙන ඇත:
ගීතාවලිය 135: SNRV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
ගීතාවලිය 135
135
මැවිල්ලෙන් ප්‍රකාශ වන සමිඳාණන් වහන්සේගේ ගුණ වැණුම
1සමිඳාණන් වහන්සේට ප්‍රශංසා කරන්න.
සමිඳුන්ගේ මෙහෙකරුවෙනි, සමිඳුන්ගේ නාමයට ප්‍රශංසා කරන්න.
2සමිඳුන්ගේ මාලිගාවෙහි, අපේ දෙවිඳුන්ගේ මාලිගාවෙහි මණ්ඩපවල සිටින්නෙනි, එතුමාණන්ට ප්‍රශංසා කරන්න.
3සමිඳුන්ට ප්‍රශංසා කරන්න.
එතුමාණෝ යහපත් ය.
එතුමාණෝ කරුණාබර වන සේක.
එතුමාණන්ගේ නාමයට ගී ගයන්න;
4සමිඳාණෝ තමන්ට ම ජාකොබ්ගේ පෙළපත ද තමන්ගේ විශේෂ උරුමය කොට ඉශ්රායෙල් සෙනඟ ද තෝරාගත් සේක.
5සමිඳාණන් අති උතුම් බවත්, වෙනත් සියලු දෙවිවරුන්ට වඩා අපේ සමිඳාණන් උසස් බවත් දනිමි.
6සමිඳාණෝ, යමක් කරන්නට කැමැති සේක් නම්, අහසෙහි ද පොළොවෙහි ද මුහුදුවල සහ හැම ගැඹුරු තැන්වල ද එය ඉටු කරන සේක.
7එතුමාණෝ දෙරණ සීමාවෙන් වලාකුළු නංවන සේක;
වර්ෂාව සඳහා විදුලිය හටගන්වන සේක;
සිය ගබඩාවලින් සුළඟ නික්මවන සේක;
8එතුමාණෝ මිසර වැසියන්ගේත්, මෘගයන්ගේත් කුලුඳුලන්ට පහර දුන් සේක.
9එම්බා මිසරය!
තී මැදට, පාරාවෝට සහ ඔහුගේ සියලු මෙහෙකරුවන්ට එරෙහි ව එතුමාණෝ අරුමපුදුම දේ හා හාස්කම් පැමිණෙවු සේක.
10එතුමාණෝ බොහෝ විජාතීන්ට පහර දී, බලවත් රජුන් ඝාතනය කළ සේක.
11අමෝරිවරුන්ගේ රජ වූ සීහොන් ද බාෂාන්හි රජ වූ ඕග් ද කානාන්හි සියලු රාජ්‍යයන් ද වැනසූ සේක.
12ඔවුන්ගේ දේශය උරුම කොට, ස්වකීය සෙනඟ වූ ඉශ්රායෙල්ට උරුම කොට දුන් සේක.
13සමිඳුනි, ඔබේ නාමය සදාකල් පවත්නේ ය.
සමිඳුනි, ඔබේ මහිමය සියලු පරම්පරාවන්ට පැතිර යන්නේ ය.
14මන්ද, සමිඳාණෝ තමන් සෙනඟට යුක්තිය ඉටුකර දෙන සේක.
ස්වකීය මෙහෙකරුවන්ට අනුකම්පා කරන සේක.
15 #
ගීතා 115:4-8; එළිද 9:20 විජාතීන්ගේ රූප රනින් හා රිදීයෙන් ය, ඒවා මිනිස් අතින් සෑදූ දේ ය.
16ඒවාට කටවල් ඇත, එහෙත්, කතා නොකරයි;
ඇස් ඇත, එහෙත්, නොදකියි;
17කන් ඇත, එහෙත්, නොඇසෙයි;
නාස් පුඩු ඇත, එහෙත්, හුස්මක් නැත.
18ඒවා සාදන්නෝත්, එමෙන් ම ඒවා විශ්වාස කරන සියල්ලෝත් ඒවාට සමාන වන්නෝ ය.
19එම්බා ඉශ්රායෙල් වංශය!
සමිඳුන්ට ප්‍රශංසා කරන්න.
එම්බා ආරොන්ගේ වංශය!
සමිඳුන්ට ප්‍රශංසා කරන්න.
20එම්බා ලෙවී වංශය!
සමිඳුන්ට ප්‍රශංසා කරන්න.
සමිඳුන්ට ගරුබිය ඇත්තෙනි, සමිඳුන්ට ප්‍රශංසා කරන්න.
21සියොන්හි, ජෙරුසලමෙහි වැඩ වසන සමිඳාණෝ ප්‍රශංසා ලබන සේක් වා!
සමිඳුන්ට ප්‍රශංසා කරන්න.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න