Jɛ́nɛ́sì 30
30
1Ti ɓɛ́ Wéɖécà dyéɛ ma kà ɔ se ma Jékɔ̀ bìì dyú ɖò wóɖóɛ̌n nìɛɛ, púɛɛ, ɔ dyéìn ma ɔ ɖíí-mààɔ̀ hwɛ̀nɛ̌. Ɔ cɛ̃ɛ ma Jékɔ̀ gbo, ké ɔ ɖá, “Nyí ḿ dyú. Ɔ se ná nìǐn, ní mu mɛ́ìn.”
2Púɛɛ, Jékɔ̀ kpáìn ma ɔ dyoɖoún, ké ɔ ɖá, “Mɔ̄ mɔ̀ Gèɖèpɔ́ɔ̀? Gèɖèpɔ́ɔ̀ mɔ̀ nyɔ ɖǎà nì dyú wóɖóìn jè ɓɔ́í poɛ̀. Ɔ se mɔ̄.”
3Hwɛ̀ ké Wéɖécà ɖá, “Ní gbo-nì-màà Bíóhà kɛà kɛ̀. Ɖú ɔ dyí, ɓɛ́ ɔ kéɛ nyu ɓɛ́ ḿ ké dyú ɓo kɔ̃ kòìn, ɓɛ́ ḿ ké dyú-ɖɛ̌ jǔ dyììn ɖé ɔ mú.” 4Ɔ jèɛɛ, ɔ nyí ma ɔ gbo-nì-màà mɔ̀à Bíóhà kɛɛ Jékɔ̀, ké ɔ kè Jékɔ̀ nì ma ɓó da. 5Ké Bíóhà nì ma zùù kɔ̃, ké ɔ kè Jékɔ̀ wóɖóìn ma gàa-dyù ɖò. 6Hwɛ̀ ké Wéɖécà ɖá, “Gèɖèpɔ́ɔ̀ ɖǎ ní wuɖuɔ̀ wɔ̃́, ké ɔ ɖǎ ḿ gɔ̃̌ nyí. Ɔ ɖǎ ḿ gàa-dyù ɖò nyí.” Ɔ jèɛɛ, ɔ jǔìn ma ɔ Dɛ̃́ìn-nyɛ̀nɛ̀ kɔ̃̀ xwíníín mɔ̀à gɔ̃̌ɔ̀ kpá kɛ. 7Ké Wéɖécàà gbo-nì-mààɔ̀ nì ma zùù kɔ̃ ɖe, ké ɔ kè Jékɔ̀ wóɖóìn ma gàa-dyùɔ̀ sɔ̃́ nììn. 8Hwɛ̀ ké Wéɖécà ɖá, “Ḿ kè ní ɖíí-mààɔ̀ ɖǎ gbàà vɔ̃ gana-kà, ké ḿ ɖǎ ɔ ɖu.” Ɔ jèɛɛ, ɔ jǔìn ma ɔ Náfátàɖì-nyɛ̀nɛ̀ kɔ̃̀ xwíníín mɔ̀à ní vɔ̃-vɔ̃ɔ̀ kɛ.
9Ti ɓɛ́ Ɖéà dyéɛ ma kà ɔ se ma dyú wóɖóɛ̌n nì ɖeɛɛ, púɛɛ, ɔ ɖú ma ɔ gbo-nì-màà mɔ̀à Zíópà kɛɛ dyí, ké ɔ nyí ma ɔ Jékɔ̀, ɓɛ́ wa ké ma ɓó da nì. 10Ké Ɖéàà gbo-nì-màà mɔ̀à Zíópà kɛ kè Jékɔ̀ wóɖóìn ma gàa-dyù ɖò. 11Hwɛ̀ ké Ɖéà ɖá, “Ḿ ɖǎ mana dyé wà!” Ɔ jèɛɛ, ɔ jǔìn ma ɔ Gáà-nyɛ̀nɛ̀ kɔ̃̀ xwíníín mɔ̀à mana kɛ. 12Ké Ɖéàà gbo-nì-mààɔ̀ kè Jékɔ̀ wóɖóìn ma gàa-dyùɔ̀ sɔ̃́ nììn. 13Hwɛ̀ ké Ɖéà ɖá, “Ḿ kpá múàǔn mìɔ. Ní mǔè-màà ɓě muá ḿ múàǔn-kpá-nyɔ̀ ɖáìn.” Ɔ jèɛɛ, ɔ jǔìn ma ɔ Ásè-nyɛ̀nɛ̀ kɔ̃̀ xwíníín mɔ̀à múà kɛ.
14Mɔɔ́-kɔ́-ɓàɖà ɖòɛ̀ ɓaɖaa, Wuɖuɓíín mu ma ɖé geɖeɔ̀ gbo, ké ɔ dyé ma cu-ɓò kɔ̃̀ nyɛ́nɛ́ mɔ̀ mɛ́dèɖè#30:14 Mɛ́dèɖè mɔ̀ cu-ɓò ɓɛ́ wa dè hwòɖǒ kɔ̃ kà wa dyiɛ ɖi ní, ɔ muɛ nyuùn ɓɛ́ wa ké dyú wóɖóìn nyɛ. kɛ, ké ɔ dyàà ma ɔ ɖe Ɖéà gbo. Hwɛ̀ ké Wéɖécà cɛ̃ɛ ma Ɖéà gbo, ké ɔ ɖá, “Ní ɓaà m̀ ní, nyí ḿ nì dyú-gààɔ̀ mɛ́dèɖèɔ̀ ɖòe.”
15Kɛɛ Ɖéà cɛ̃ɛ ma ɔ gbo, ké ɔ ɖá, “M̀ ɖǎ ní dyú-ɓǎɔ̀ ḿ xwa zà kɛɛ, m̀ mɔ́ m̀ ké ní dyú-gààɔ̀ mɛ́dèɖèɔ̀ ḿ xwa zà ɖekèè?”
Wéɖécà cɛ̃ɛ ma, ké ɔ ɖá, “Ɔ jǔ ké m̀ dyi ḿ mɛ́dèɖèɔ̀ ɖò nyí ní, nìí, ɔ mɛ pɛ̃́ ɖé m̀ gbo ɓó máaǔn.”
16Ɔ jèɛɛ, ti ɓɛ́ Jékɔ̀ nìǎ ma geɖeín sɔ̀ǔn ɓó hwìo-kàa, Ɖéà mu ma ɔ hwìǐ, ké ɔ ɖá, “M̀ ɓéɖé ɓɛ́ m̀ ké ɖé ḿ gbo pɛ̃́ ɓó máaǔn, sepóɛɖé ḿ ɖǎ ní dyú-gààɔ̀ mɛ́dèɖèɔ̀ Wéɖécà pɛ́ɛ̀ìn, ɓɛ́ m̀ ké ɖé ḿ gbo pɛ̃́ jè.” Ké Jékɔ̀ pɛ̃́ ma ɖé ɔ gbo ɓó máaún-hwùɖùɔ̀ mú.
17Ké Gèɖèpɔ́ɔ̀ jǔ ma Ɖéàà wuɖuɔ̀ gɔ̃̌, ké Ɖéà nì ma zùù kɔ̃. Ké ɔ kè Jékɔ̀ wóɖóìn ma dyúɔ̀ hm̀m̌ nììn. 18Hwɛ̀ ké Ɖéà ɖá, “Gèɖèpɔ́ɔ̀ ɖǎ ḿ pɛ́ɛ̀ ɓó ní gbo-nì-màà ɓɛ́ ḿ nyíà ní dyú-ɓǎɔ̀ kɛɛ jè.” Ɔ jèɛɛ, ɔ jǔìn ma dyúɔ̀ Ɛ́sàkà-nyɛ̀nɛ̀ kɔ̃̀ xwíníín mɔ̀à pɛ́ɛ̀-ɖɛ̀ kɛ. 19Ké Ɖéà nì ma zùù kɔ̃ ɖe, ké ɔ kè Jékɔ̀ wóɖóìn ma dyúɔ̀ mɛ̀nɛ̌ìn-ɖò nììn. 20Hwɛ̀ ké Ɖéà ɖá, “Gèɖèpɔ́ɔ̀ ɖǎ ḿ nyíí-ɖɛ̀ kpa ɖɛ ɖò nyí. Ɓó kàǔn wɛ̃ɛ, ní dyú-ɓǎɔ̀ muá ḿ kpéín dyéìn, sepóɛɖé ḿ ɖǎ ɔ bìì gàa-dyù mɛ̀nɛ̌ìn-ɖò wóɖóìn.” Ɔ jèɛɛ, ɔ jǔìn ma ɔ Zɛ́ɓíúɖɔ̀ùn-nyɛ̀nɛ̀ kɔ̃̀ xwíníín mɔ̀à kpéín-dyé-dyé kɛ. 21Sɔ̀ìn ɓóɛ gboɛɛ, ɔ wóɖóìn ma màa-dyù ɖò, ké ɔ jǔìn ma ɔ Dánà-nyɛ̀nɛ̀.
22Ɓó tia ɓaɖaa, Gèɖèpɔ́ɔ̀ poìn ma Wéɖécà jè hwìɖǐi. Ɔ wɔ̃́ ma ɔ wuɖuɔ̀, ké ɔ nyuɛ ɓɛ́ Wéɖécà ké ma dyú wóɖóìn. 23Hwɛ̀ ké Wéɖécà nì ma zùù kɔ̃, ké ɔ wóɖóìn ma gàa-dyù ɖò. Ké ɔ ɖá, “Gèɖèpɔ́ɔ̀ ɖǎ ḿ kɔ́ìn-nyɛ́nɛ́ɔ̀ dú zà.” 24Ké ɔ jǔìn ma dyúɔ̀ Jòsé-nyɛ̀nɛ̀ kɔ̃̀ xwíníín mɔ̀à po ɖɛ kɔ̃ɛ, sepóɛɖé ɔ ɖá, “Bounɓoɔ̀ mɛ nyí ḿ gàa-dyùɔ̀ ɖò ɖe.”
Jékɔ̀ kè Ɖéɓɛ̀ìn po wuɖu ɓíín
25Ti ɓɛ́ Wéɖécà ɖǎ ma Jòsé wóɖóìn nyɛɛ, Jékɔ̀ cɛ̃ɛ ma Ɖéɓɛ̀ìn gbo, ké ɔ ɖá, “Cuò ḿ, ɓɛ́ ḿ ké ḿ ɓíɖí ɖe mu. 26Tò ní gmàà ɓěɔ̀ kè ní dyú ɓě kɔ̃̀ jè ḿ ɖǎà m̀ gbo nì kɛ, ɓɛ́ ḿ ké mu. Sepóɛɖé m̀ dyuò kũ̀à jĩ̀ kà ḿ ɖǎà m̀ bìì nyuɛɛ dyí.”
27Kɛɛ Ɖéɓɛ̀ìn cɛ̃ɛ ma ɔ gbo, ké ɔ ɖá, “Ní ɓaà m̀ ní, nì dà ḿ gbo. Ḿ ɖǎa dyé dyììn ɖé sɛ̀ɛ̀-po-po mú kà Bounɓoɔ̀ ɖǎ ḿ mana kɔ̃ po ɓó nì jèɛ. 28M̀ mɛ ɖá ɖɛ nì mɔ́ ḿ ké m̀ pɛ́ɛ̀ìn nyɛɛ nyɛ́nɛ́, ké ní muɛ tòùn.”
29Ké Jékɔ̀ jǔ ma ɔ gɔ̃̌, ké ɔ ɖá, “M̀ dyuò kà ɓɛ́ ḿ ɖǎ nì kũ̀à nyu hwòɖǒɛ̀-ɖé-hwɛ̀-kà, ké nì nyúà-ɖɛ̀ ɓěɔ̀ ɖǎ dúún zaìn ɖé ḿ xwaún wɛ̃. 30Nì ɖɛ ɓě ɓɛ́ ḿ dyɛ̀ìn ma dyiɛɛ se ma dyí vò, kɛɛ ɓó kàǔn wɛ̃ɛ, wa ɖǎ dyí vòɛ̌n zi mìɔ. Bounɓoɔ̀ ɖǎ m̀ mana kɔ̃ po ɖé nì ɖɛ séín ḿ po sɔ̃ún wɛ̃ɛ mú. Kɛɛ tiɔ̀ nyɛ́ ní mu ɖɛ ɖò nyuùn ɓó níǐn gbǒ-xwíníín-nyɔ̀ ɓěɔ̀ bììɛ́?”
31Ké Ɖéɓɛ̀ìn diè ɔ dyi, ké ɔ ɖá, “Ɖɛ́ nì mɔ́ ɓɛ́ ḿ ké m̀ nyíɛ́?”
Ké Jékɔ̀ ɖá, “Ḿ se pɛ́ɛ̀-ɖɛ̀ ɖò mɔ́, ɔ sèìn ɖɛ dyúáɖò nìà kɛ. Ɔ jǔ ké m̀ dyi ḿ bìì ɖɛ nìà kɛ nyu ní, nìí, ní mu dyúa muùn, ɓɛ́ ḿ ké nì nyúà-ɖɛ̀ ɓěɔ̀ dyí gmɔ̀ ke. 32Ɖɛɔ̀ mɔ̀, tòɛ̀ ɓɛ́ ḿ ké nì nyúà-ɖɛ̀ ɓěɔ̀ múin gmɔìn ɓó zɛ̃̌ɛ̀, ɓɛ́ ḿ ké ɓáɖáá séín ɓɛ́ wa ɓéɖé céè-dyèɖèɛ kè ɓáɖáá kpìǐ séín ɔ kè wiɖi séín ɓɛ́ wa ɓéɖé céè-dyèɖèɛɛ ɖé dyi zà, ɓɛ́ wa ké ní pɛ́ɛ̀-ɖɛ̀ jǔ. 33Nìí, nì mu ní jǎàɔ̀ dyéìn ɖé dyúa. Ti ɓɛ́ nì mu níǐn nyúà-ɖɛ̀ ɓěɔ̀ múin gmɔìn nyɛɛ, ɔ jǔ ké m̀ dyi ɖé wiɖi ɖò dyé, ké ɔ se céè-dyèɖè ɓéɖé, mɔɔ ké m̀ dyi ɖé ɓáɖáá púú ɖò dyé ɖé ní nyúà-ɖɛ̀ ɓěɔ̀ hwìɛ̀ ní, nìí, ɔ mɔ̀ dyíɖíí-ɖɛ̀.”
34Ké Ɖéɓɛ̀ìn ɖá, “Ɔ nɔ̀mɔ̀ dyíin. Kà m̀ nyuà cɛ̃ɛ kɛɛ, kǎà ɔ mɛ nì.” 35Kɛɛ ɓó wéa ɓaɖaa, Ɖéɓɛ̀ìn zà ma vã́á kè gbǎà nyɔ́nɔ́ séín ɓě ɓɛ́ wa ɓéɖé ma púú-kpà ɓěɛ kè ɓáɖáá séín ɓě ɓɛ́ wa ɓéɖé ma kpìǐ-kpà ɓěɛɛ ɖé nyúà-ɖɛ̀ ɓěɔ̀ hwìɛ̀ dyi, ké ɔ po ma wa ɔ dyú-gàà ɓěɔ̀ xwaún dyi. 36Ké ɔ tò ma wa pá kà kò ɖò mú. Pá nì ma ɓó wa kè Jékɔ̀ pṹa kɛɛ ɓɛ́ìn ma wé tã hwìè-kpà jǔɛ. Ké Jékɔ̀ gmɔ̀ ma Ɖéɓɛ̀ìn nyúà-ɖɛ̀ ɓěɔ̀ nyɔ sè ma ɓóɛɛ dyí.
37Hwɛ̀ ké Jékɔ̀ ɖú ma cu ɓě kɔ̃̀ nyɛ́nɛ́ mɔ̀ wéɖò kè ámɔ̀ ɔ kè pɛ́nɛ́ìn nyɛɛ ɖɔ́ dyɔ̀ɔ̀ ɓě dyí, ké ɔ nyu ma wa kùì-kpà ɓě mú. Ké ɔ zà ma kùì-kpà ɓěɔ̀ dà ɖíɛ́ ɓě feɖe dyi, ké cu ɓěɔ̀ púú-kpàɔ̀ wóɖó ma píé, ké wa ɓéɖé ma céè-dyèɖè púú ɓě. 38Ké ɔ nyànàìn ma kùì-kpà ɓěɔ̀ dɛ̀ ɓɛ́ nyúà-ɖɛ̀ ɓěɔ̀ dyi ma ní náùn wɛ̃ɛ dyi. Sepóɛɖé ɓó nyúà-ɖɛ̀ ɓěɔ̀ ní-náìn-naínɔ̀, ɓóɛ̀ wa ɓíɔ́ ɓěɔ̀ kpáìn wa nyɔ́nɔ́ ɓěɔ̀ kɔ̃ún. 39Nyúà-ɖɛ̀ ɓíɔ́ ɓěɔ̀ kpá ɔ nyɔ́nɔ́ ɓěɔ̀ kɔ̃ún ɓó kùì-kpà céè-céè ɓěɔ̀ dyúa jèɛɛ, wa wóɖóìn ma dyú céè-céè ɓě.
40Hwɛ̀ ké Jékɔ̀ ge ma nyúà-ɖɛ̀ ɓěɔ̀ mú. Ɔ po ma nyúà-ɖɛ̀ céè-céè ɓěɔ̀ wáká ɖò kɔ̃. Ké ɔ nyuɛ ɓɛ́ Ɖéɓɛ̀ìn nììn nyúà-ɖɛ̀ ɓěɔ̀ kè ɔ nììn nyúà-ɖɛ̀ ɓěɔ̀ ké dyéɖéín gmɔìn, ɓɛ́ Ɖéɓɛ̀ìn nììn nyúà-ɖɛ̀ ɓěɔ̀ ké dyú céè-céè wóɖóìn ɖekè. Kǎà ɔ nyu ma ɔ nììn nyúà-ɖɛ̀ ɓěɔ̀ wáká poɛ, ké ɔ se ma wa Ɖéɓɛ̀ìn nììn nyúà-ɖɛ̀ ɓěɔ̀ hwìɛ̀ po.
41Ɖekèɛɛ, ti ɓɛ́ nyúà-ɖɛ̀ɔ̀ nyɔ ɓě wóɖó múɛɛ ɓíɔ́ ɓěɔ̀ muɛ nyɔ́nɔ́ ɓěɔ̀ kɔ̃ún kpáuń nììn nyɛɛ ní, nìí, Jékɔ̀ pɛ̃́ìn kùì-kpà céè-céè ɓěɔ̀ ɖé wa ní-náìn-naínɔ̀ dyi, ɓɛ́ wa ké kɔ̃ún kpáìn ɓó kùì-kpà ɓěɔ̀ dyúa. 42Kɛɛ ɔ seɛ náa nyu ɓó nyúà-ɖɛ̀ɔ̀ nyɔ ɓě se mú wóɖóɛɛ dyúa. Ɔ jèɛɛ, nyúà-ɖɛ̀ɔ̀ nyɔ ɓě se mú wóɖóɛɛ mɔ̀ ma Ɖéɓɛ̀ìn nììn, ké nyɔ ɓě wóɖó ma múɛɛ mɔ̀ ma ɔ nììn. 43Kǎà Jékɔ̀ nyu ma kà ɓó bãa mìɔ cá. Ɔ ɓéɖé ma ɓáɖáá kè wiɖi kè gǐì-màà kè gǐì-gàà kè sǒ-nì-gbu-kɔ̃ún ɔ kè jǎkasì kúɖúú ɓě.
දැනට තෝරාගෙන ඇත:
Jɛ́nɛ́sì 30: ƁB02
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bassa Bible © Bible Society Liberia, 2002.
Jɛ́nɛ́sì 30
30
1Ti ɓɛ́ Wéɖécà dyéɛ ma kà ɔ se ma Jékɔ̀ bìì dyú ɖò wóɖóɛ̌n nìɛɛ, púɛɛ, ɔ dyéìn ma ɔ ɖíí-mààɔ̀ hwɛ̀nɛ̌. Ɔ cɛ̃ɛ ma Jékɔ̀ gbo, ké ɔ ɖá, “Nyí ḿ dyú. Ɔ se ná nìǐn, ní mu mɛ́ìn.”
2Púɛɛ, Jékɔ̀ kpáìn ma ɔ dyoɖoún, ké ɔ ɖá, “Mɔ̄ mɔ̀ Gèɖèpɔ́ɔ̀? Gèɖèpɔ́ɔ̀ mɔ̀ nyɔ ɖǎà nì dyú wóɖóìn jè ɓɔ́í poɛ̀. Ɔ se mɔ̄.”
3Hwɛ̀ ké Wéɖécà ɖá, “Ní gbo-nì-màà Bíóhà kɛà kɛ̀. Ɖú ɔ dyí, ɓɛ́ ɔ kéɛ nyu ɓɛ́ ḿ ké dyú ɓo kɔ̃ kòìn, ɓɛ́ ḿ ké dyú-ɖɛ̌ jǔ dyììn ɖé ɔ mú.” 4Ɔ jèɛɛ, ɔ nyí ma ɔ gbo-nì-màà mɔ̀à Bíóhà kɛɛ Jékɔ̀, ké ɔ kè Jékɔ̀ nì ma ɓó da. 5Ké Bíóhà nì ma zùù kɔ̃, ké ɔ kè Jékɔ̀ wóɖóìn ma gàa-dyù ɖò. 6Hwɛ̀ ké Wéɖécà ɖá, “Gèɖèpɔ́ɔ̀ ɖǎ ní wuɖuɔ̀ wɔ̃́, ké ɔ ɖǎ ḿ gɔ̃̌ nyí. Ɔ ɖǎ ḿ gàa-dyù ɖò nyí.” Ɔ jèɛɛ, ɔ jǔìn ma ɔ Dɛ̃́ìn-nyɛ̀nɛ̀ kɔ̃̀ xwíníín mɔ̀à gɔ̃̌ɔ̀ kpá kɛ. 7Ké Wéɖécàà gbo-nì-mààɔ̀ nì ma zùù kɔ̃ ɖe, ké ɔ kè Jékɔ̀ wóɖóìn ma gàa-dyùɔ̀ sɔ̃́ nììn. 8Hwɛ̀ ké Wéɖécà ɖá, “Ḿ kè ní ɖíí-mààɔ̀ ɖǎ gbàà vɔ̃ gana-kà, ké ḿ ɖǎ ɔ ɖu.” Ɔ jèɛɛ, ɔ jǔìn ma ɔ Náfátàɖì-nyɛ̀nɛ̀ kɔ̃̀ xwíníín mɔ̀à ní vɔ̃-vɔ̃ɔ̀ kɛ.
9Ti ɓɛ́ Ɖéà dyéɛ ma kà ɔ se ma dyú wóɖóɛ̌n nì ɖeɛɛ, púɛɛ, ɔ ɖú ma ɔ gbo-nì-màà mɔ̀à Zíópà kɛɛ dyí, ké ɔ nyí ma ɔ Jékɔ̀, ɓɛ́ wa ké ma ɓó da nì. 10Ké Ɖéàà gbo-nì-màà mɔ̀à Zíópà kɛ kè Jékɔ̀ wóɖóìn ma gàa-dyù ɖò. 11Hwɛ̀ ké Ɖéà ɖá, “Ḿ ɖǎ mana dyé wà!” Ɔ jèɛɛ, ɔ jǔìn ma ɔ Gáà-nyɛ̀nɛ̀ kɔ̃̀ xwíníín mɔ̀à mana kɛ. 12Ké Ɖéàà gbo-nì-mààɔ̀ kè Jékɔ̀ wóɖóìn ma gàa-dyùɔ̀ sɔ̃́ nììn. 13Hwɛ̀ ké Ɖéà ɖá, “Ḿ kpá múàǔn mìɔ. Ní mǔè-màà ɓě muá ḿ múàǔn-kpá-nyɔ̀ ɖáìn.” Ɔ jèɛɛ, ɔ jǔìn ma ɔ Ásè-nyɛ̀nɛ̀ kɔ̃̀ xwíníín mɔ̀à múà kɛ.
14Mɔɔ́-kɔ́-ɓàɖà ɖòɛ̀ ɓaɖaa, Wuɖuɓíín mu ma ɖé geɖeɔ̀ gbo, ké ɔ dyé ma cu-ɓò kɔ̃̀ nyɛ́nɛ́ mɔ̀ mɛ́dèɖè#30:14 Mɛ́dèɖè mɔ̀ cu-ɓò ɓɛ́ wa dè hwòɖǒ kɔ̃ kà wa dyiɛ ɖi ní, ɔ muɛ nyuùn ɓɛ́ wa ké dyú wóɖóìn nyɛ. kɛ, ké ɔ dyàà ma ɔ ɖe Ɖéà gbo. Hwɛ̀ ké Wéɖécà cɛ̃ɛ ma Ɖéà gbo, ké ɔ ɖá, “Ní ɓaà m̀ ní, nyí ḿ nì dyú-gààɔ̀ mɛ́dèɖèɔ̀ ɖòe.”
15Kɛɛ Ɖéà cɛ̃ɛ ma ɔ gbo, ké ɔ ɖá, “M̀ ɖǎ ní dyú-ɓǎɔ̀ ḿ xwa zà kɛɛ, m̀ mɔ́ m̀ ké ní dyú-gààɔ̀ mɛ́dèɖèɔ̀ ḿ xwa zà ɖekèè?”
Wéɖécà cɛ̃ɛ ma, ké ɔ ɖá, “Ɔ jǔ ké m̀ dyi ḿ mɛ́dèɖèɔ̀ ɖò nyí ní, nìí, ɔ mɛ pɛ̃́ ɖé m̀ gbo ɓó máaǔn.”
16Ɔ jèɛɛ, ti ɓɛ́ Jékɔ̀ nìǎ ma geɖeín sɔ̀ǔn ɓó hwìo-kàa, Ɖéà mu ma ɔ hwìǐ, ké ɔ ɖá, “M̀ ɓéɖé ɓɛ́ m̀ ké ɖé ḿ gbo pɛ̃́ ɓó máaǔn, sepóɛɖé ḿ ɖǎ ní dyú-gààɔ̀ mɛ́dèɖèɔ̀ Wéɖécà pɛ́ɛ̀ìn, ɓɛ́ m̀ ké ɖé ḿ gbo pɛ̃́ jè.” Ké Jékɔ̀ pɛ̃́ ma ɖé ɔ gbo ɓó máaún-hwùɖùɔ̀ mú.
17Ké Gèɖèpɔ́ɔ̀ jǔ ma Ɖéàà wuɖuɔ̀ gɔ̃̌, ké Ɖéà nì ma zùù kɔ̃. Ké ɔ kè Jékɔ̀ wóɖóìn ma dyúɔ̀ hm̀m̌ nììn. 18Hwɛ̀ ké Ɖéà ɖá, “Gèɖèpɔ́ɔ̀ ɖǎ ḿ pɛ́ɛ̀ ɓó ní gbo-nì-màà ɓɛ́ ḿ nyíà ní dyú-ɓǎɔ̀ kɛɛ jè.” Ɔ jèɛɛ, ɔ jǔìn ma dyúɔ̀ Ɛ́sàkà-nyɛ̀nɛ̀ kɔ̃̀ xwíníín mɔ̀à pɛ́ɛ̀-ɖɛ̀ kɛ. 19Ké Ɖéà nì ma zùù kɔ̃ ɖe, ké ɔ kè Jékɔ̀ wóɖóìn ma dyúɔ̀ mɛ̀nɛ̌ìn-ɖò nììn. 20Hwɛ̀ ké Ɖéà ɖá, “Gèɖèpɔ́ɔ̀ ɖǎ ḿ nyíí-ɖɛ̀ kpa ɖɛ ɖò nyí. Ɓó kàǔn wɛ̃ɛ, ní dyú-ɓǎɔ̀ muá ḿ kpéín dyéìn, sepóɛɖé ḿ ɖǎ ɔ bìì gàa-dyù mɛ̀nɛ̌ìn-ɖò wóɖóìn.” Ɔ jèɛɛ, ɔ jǔìn ma ɔ Zɛ́ɓíúɖɔ̀ùn-nyɛ̀nɛ̀ kɔ̃̀ xwíníín mɔ̀à kpéín-dyé-dyé kɛ. 21Sɔ̀ìn ɓóɛ gboɛɛ, ɔ wóɖóìn ma màa-dyù ɖò, ké ɔ jǔìn ma ɔ Dánà-nyɛ̀nɛ̀.
22Ɓó tia ɓaɖaa, Gèɖèpɔ́ɔ̀ poìn ma Wéɖécà jè hwìɖǐi. Ɔ wɔ̃́ ma ɔ wuɖuɔ̀, ké ɔ nyuɛ ɓɛ́ Wéɖécà ké ma dyú wóɖóìn. 23Hwɛ̀ ké Wéɖécà nì ma zùù kɔ̃, ké ɔ wóɖóìn ma gàa-dyù ɖò. Ké ɔ ɖá, “Gèɖèpɔ́ɔ̀ ɖǎ ḿ kɔ́ìn-nyɛ́nɛ́ɔ̀ dú zà.” 24Ké ɔ jǔìn ma dyúɔ̀ Jòsé-nyɛ̀nɛ̀ kɔ̃̀ xwíníín mɔ̀à po ɖɛ kɔ̃ɛ, sepóɛɖé ɔ ɖá, “Bounɓoɔ̀ mɛ nyí ḿ gàa-dyùɔ̀ ɖò ɖe.”
Jékɔ̀ kè Ɖéɓɛ̀ìn po wuɖu ɓíín
25Ti ɓɛ́ Wéɖécà ɖǎ ma Jòsé wóɖóìn nyɛɛ, Jékɔ̀ cɛ̃ɛ ma Ɖéɓɛ̀ìn gbo, ké ɔ ɖá, “Cuò ḿ, ɓɛ́ ḿ ké ḿ ɓíɖí ɖe mu. 26Tò ní gmàà ɓěɔ̀ kè ní dyú ɓě kɔ̃̀ jè ḿ ɖǎà m̀ gbo nì kɛ, ɓɛ́ ḿ ké mu. Sepóɛɖé m̀ dyuò kũ̀à jĩ̀ kà ḿ ɖǎà m̀ bìì nyuɛɛ dyí.”
27Kɛɛ Ɖéɓɛ̀ìn cɛ̃ɛ ma ɔ gbo, ké ɔ ɖá, “Ní ɓaà m̀ ní, nì dà ḿ gbo. Ḿ ɖǎa dyé dyììn ɖé sɛ̀ɛ̀-po-po mú kà Bounɓoɔ̀ ɖǎ ḿ mana kɔ̃ po ɓó nì jèɛ. 28M̀ mɛ ɖá ɖɛ nì mɔ́ ḿ ké m̀ pɛ́ɛ̀ìn nyɛɛ nyɛ́nɛ́, ké ní muɛ tòùn.”
29Ké Jékɔ̀ jǔ ma ɔ gɔ̃̌, ké ɔ ɖá, “M̀ dyuò kà ɓɛ́ ḿ ɖǎ nì kũ̀à nyu hwòɖǒɛ̀-ɖé-hwɛ̀-kà, ké nì nyúà-ɖɛ̀ ɓěɔ̀ ɖǎ dúún zaìn ɖé ḿ xwaún wɛ̃. 30Nì ɖɛ ɓě ɓɛ́ ḿ dyɛ̀ìn ma dyiɛɛ se ma dyí vò, kɛɛ ɓó kàǔn wɛ̃ɛ, wa ɖǎ dyí vòɛ̌n zi mìɔ. Bounɓoɔ̀ ɖǎ m̀ mana kɔ̃ po ɖé nì ɖɛ séín ḿ po sɔ̃ún wɛ̃ɛ mú. Kɛɛ tiɔ̀ nyɛ́ ní mu ɖɛ ɖò nyuùn ɓó níǐn gbǒ-xwíníín-nyɔ̀ ɓěɔ̀ bììɛ́?”
31Ké Ɖéɓɛ̀ìn diè ɔ dyi, ké ɔ ɖá, “Ɖɛ́ nì mɔ́ ɓɛ́ ḿ ké m̀ nyíɛ́?”
Ké Jékɔ̀ ɖá, “Ḿ se pɛ́ɛ̀-ɖɛ̀ ɖò mɔ́, ɔ sèìn ɖɛ dyúáɖò nìà kɛ. Ɔ jǔ ké m̀ dyi ḿ bìì ɖɛ nìà kɛ nyu ní, nìí, ní mu dyúa muùn, ɓɛ́ ḿ ké nì nyúà-ɖɛ̀ ɓěɔ̀ dyí gmɔ̀ ke. 32Ɖɛɔ̀ mɔ̀, tòɛ̀ ɓɛ́ ḿ ké nì nyúà-ɖɛ̀ ɓěɔ̀ múin gmɔìn ɓó zɛ̃̌ɛ̀, ɓɛ́ ḿ ké ɓáɖáá séín ɓɛ́ wa ɓéɖé céè-dyèɖèɛ kè ɓáɖáá kpìǐ séín ɔ kè wiɖi séín ɓɛ́ wa ɓéɖé céè-dyèɖèɛɛ ɖé dyi zà, ɓɛ́ wa ké ní pɛ́ɛ̀-ɖɛ̀ jǔ. 33Nìí, nì mu ní jǎàɔ̀ dyéìn ɖé dyúa. Ti ɓɛ́ nì mu níǐn nyúà-ɖɛ̀ ɓěɔ̀ múin gmɔìn nyɛɛ, ɔ jǔ ké m̀ dyi ɖé wiɖi ɖò dyé, ké ɔ se céè-dyèɖè ɓéɖé, mɔɔ ké m̀ dyi ɖé ɓáɖáá púú ɖò dyé ɖé ní nyúà-ɖɛ̀ ɓěɔ̀ hwìɛ̀ ní, nìí, ɔ mɔ̀ dyíɖíí-ɖɛ̀.”
34Ké Ɖéɓɛ̀ìn ɖá, “Ɔ nɔ̀mɔ̀ dyíin. Kà m̀ nyuà cɛ̃ɛ kɛɛ, kǎà ɔ mɛ nì.” 35Kɛɛ ɓó wéa ɓaɖaa, Ɖéɓɛ̀ìn zà ma vã́á kè gbǎà nyɔ́nɔ́ séín ɓě ɓɛ́ wa ɓéɖé ma púú-kpà ɓěɛ kè ɓáɖáá séín ɓě ɓɛ́ wa ɓéɖé ma kpìǐ-kpà ɓěɛɛ ɖé nyúà-ɖɛ̀ ɓěɔ̀ hwìɛ̀ dyi, ké ɔ po ma wa ɔ dyú-gàà ɓěɔ̀ xwaún dyi. 36Ké ɔ tò ma wa pá kà kò ɖò mú. Pá nì ma ɓó wa kè Jékɔ̀ pṹa kɛɛ ɓɛ́ìn ma wé tã hwìè-kpà jǔɛ. Ké Jékɔ̀ gmɔ̀ ma Ɖéɓɛ̀ìn nyúà-ɖɛ̀ ɓěɔ̀ nyɔ sè ma ɓóɛɛ dyí.
37Hwɛ̀ ké Jékɔ̀ ɖú ma cu ɓě kɔ̃̀ nyɛ́nɛ́ mɔ̀ wéɖò kè ámɔ̀ ɔ kè pɛ́nɛ́ìn nyɛɛ ɖɔ́ dyɔ̀ɔ̀ ɓě dyí, ké ɔ nyu ma wa kùì-kpà ɓě mú. Ké ɔ zà ma kùì-kpà ɓěɔ̀ dà ɖíɛ́ ɓě feɖe dyi, ké cu ɓěɔ̀ púú-kpàɔ̀ wóɖó ma píé, ké wa ɓéɖé ma céè-dyèɖè púú ɓě. 38Ké ɔ nyànàìn ma kùì-kpà ɓěɔ̀ dɛ̀ ɓɛ́ nyúà-ɖɛ̀ ɓěɔ̀ dyi ma ní náùn wɛ̃ɛ dyi. Sepóɛɖé ɓó nyúà-ɖɛ̀ ɓěɔ̀ ní-náìn-naínɔ̀, ɓóɛ̀ wa ɓíɔ́ ɓěɔ̀ kpáìn wa nyɔ́nɔ́ ɓěɔ̀ kɔ̃ún. 39Nyúà-ɖɛ̀ ɓíɔ́ ɓěɔ̀ kpá ɔ nyɔ́nɔ́ ɓěɔ̀ kɔ̃ún ɓó kùì-kpà céè-céè ɓěɔ̀ dyúa jèɛɛ, wa wóɖóìn ma dyú céè-céè ɓě.
40Hwɛ̀ ké Jékɔ̀ ge ma nyúà-ɖɛ̀ ɓěɔ̀ mú. Ɔ po ma nyúà-ɖɛ̀ céè-céè ɓěɔ̀ wáká ɖò kɔ̃. Ké ɔ nyuɛ ɓɛ́ Ɖéɓɛ̀ìn nììn nyúà-ɖɛ̀ ɓěɔ̀ kè ɔ nììn nyúà-ɖɛ̀ ɓěɔ̀ ké dyéɖéín gmɔìn, ɓɛ́ Ɖéɓɛ̀ìn nììn nyúà-ɖɛ̀ ɓěɔ̀ ké dyú céè-céè wóɖóìn ɖekè. Kǎà ɔ nyu ma ɔ nììn nyúà-ɖɛ̀ ɓěɔ̀ wáká poɛ, ké ɔ se ma wa Ɖéɓɛ̀ìn nììn nyúà-ɖɛ̀ ɓěɔ̀ hwìɛ̀ po.
41Ɖekèɛɛ, ti ɓɛ́ nyúà-ɖɛ̀ɔ̀ nyɔ ɓě wóɖó múɛɛ ɓíɔ́ ɓěɔ̀ muɛ nyɔ́nɔ́ ɓěɔ̀ kɔ̃ún kpáuń nììn nyɛɛ ní, nìí, Jékɔ̀ pɛ̃́ìn kùì-kpà céè-céè ɓěɔ̀ ɖé wa ní-náìn-naínɔ̀ dyi, ɓɛ́ wa ké kɔ̃ún kpáìn ɓó kùì-kpà ɓěɔ̀ dyúa. 42Kɛɛ ɔ seɛ náa nyu ɓó nyúà-ɖɛ̀ɔ̀ nyɔ ɓě se mú wóɖóɛɛ dyúa. Ɔ jèɛɛ, nyúà-ɖɛ̀ɔ̀ nyɔ ɓě se mú wóɖóɛɛ mɔ̀ ma Ɖéɓɛ̀ìn nììn, ké nyɔ ɓě wóɖó ma múɛɛ mɔ̀ ma ɔ nììn. 43Kǎà Jékɔ̀ nyu ma kà ɓó bãa mìɔ cá. Ɔ ɓéɖé ma ɓáɖáá kè wiɖi kè gǐì-màà kè gǐì-gàà kè sǒ-nì-gbu-kɔ̃ún ɔ kè jǎkasì kúɖúú ɓě.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bassa Bible © Bible Society Liberia, 2002.