Jɛ́nɛ́sì 25
25
Ééɓòɖòhɛ̃́ɛ̀ mɛ́ jè
1Ééɓòɖòhɛ̃́ɛ̀ kpɔ̃ ma nyɔ́nɔ́ ɖò dyi ɖe. Ɔ nyɛ́nɛ́ mɔ̀ ma Kɛ̀túwàɖà. 2Ké wa wóɖóìn ma gàa-dyù ɓě. Waà nyɛ́nɛ́ mɔ̀ ma Zímànà kè Jɔ́sàùn kè Mɛ́ɖàùn kè Míɖìàùn kè Íɓà ɔ kè Súwà. 3Ké Jɔ́sàùn wóɖóìn ma Síɓà kè Dɛ́ɖàùn. Dɛ́ɖàùn mɔ̀ ma Ásù-nyɔ̀ ɓěɔ̀ kè Ɖɛ́tù-nyɔ̀ ɓěɔ̀ ɔ kè Ɖɛ́dyùùn-nyɔ̀ ɓěɔ̀ ɓǎ. 4Ké Míɖìàùn nììn dyú-gàà ɓěɔ̀ mɔ̀ ma Éfà kè Éfɛ̀ kè Hánɔ̀ kè Àbíɖà ɔ kè Ɛ́ɖà. Nyɔ séín ɓěɛ̀ mɔ̀ ma Kɛ̀túwàɖàà dyú kè ɔ nyúà-dyú ɓěɔ̀.
5Ké Ééɓòɖòhɛ̃́ɛ̀ nyí ma ɔ kɔ̃̀ɔ̀-ɖɛ̀ séín ɓěɔ̀ Áázè. 6Kɛɛ ɔ nyɔ́nɔ́ tɔ̀ɔ̀ ɓěɔ̀ nììn dyú ɓěɔ̀, ɔ nyí ma wa nyíí-ɖɛ̀ ɓě, ti ɓɛ́ ɔ nì ma cĩ́ɛń keɛ, ké ɔ zà ma wa Áázè bũ̌, ké ɔ tò ma wa ɖé ɓóɖó ɓě nìà ɖé dyóɖó-xwáɖáún-wóɖóìn-naínɔ̀ kɛɛ kɔ̃.
7Ké zɔ̃ jĩ̀ kà ɓɛ́ Ééɓòɖòhɛ̃́ɛ̀ nyu ma ɓóɖó-kpàɔ̀ kɔ̃ɛɛ mɔ̀ ma zɔ̃ hɔ̃dɛ̀ɖɛ̀ ɖò kè kpáɖá-nyɔ tã ɓaɖa-bùè sè hm̀m̌. 8Púɛɛ, Ééɓòɖòhɛ̃́ɛ̀ zà ma ɖé fɛ̀ɛ̀. Ɔ gã̀ ma cĩ́ɛń dyi tee, ké ɔ hwòɖǒ dè dyi, hwɛ̀ ké ɔ mu ma kà ɔ nyɔ ɓěɔ̀ gboɛ̀. 9Hwɛ̀ ké ɔ dyú-gàà Áázè kè Ésìméò zà ma ɔ dyóɖóún ɖé Màpéɖà-ɓìɔ̀ mú. Ɓíɔ̀ nì ɖé Ɛ́fɔ̀nɔ̀ mɔ̀à Zóhà mɔ̀à Hítì-nyɔ̀ɔ̀ kɛɛ dyú-gàà kɛɛ páɔ̀ kɔ̃. Ɓíɔ̀ nì ɖé Máwèɖè ɓíɖí-hwɔ̀ɖɔ̀ɔ̀ wáún. 10Ɔ mɔ̀ pá ɓɛ́ Ééɓòɖòhɛ̃́ɛ̀ dɔ̃ ma kà Hítì-nyɔ̀ ɓěɔ̀ gboɛ. Ɖéɛ̀ wa zàìn ma Ééɓòɖòhɛ̃́ɛ̀ kè ɔ gmàà Seɖɔ́ dyóɖóún. 11Ti ɓɛ́ Ééɓòɖòhɛ̃́ɛ̀ ɖǎ ma mɛ́ɛ, Gèɖèpɔ́ɔ̀ po ma ɔ dyú-gàà Áázè mana kɔ̃, ké ɔ cĩ́ ma ɖé Béè-Ɖàháí-Wòɖòì-nì-ɓìɔ̀ wĩín.
Ésìméòɛ̀ dyú ɓěɔ̀
12Ésìméò mɔ̀à Ééɓòɖòhɛ̃́ɛ̀ dyú ɓɛ́ ɔ kè Hégà mɔ̀à Íjè-màà, mɔ̀à Seɖɔ́ɛ̀ gǐì-mààɔ̀ kɛɛ wóɖóìn ma kà kɛɛ dyú ɓěɔ̀ kɛà kɛ̀. 13Kà Ésìméò dyú ɓěɔ̀ wóɖó-wóɖóɔ̀ nyu ɖeín dyi deɛ̀n nyɛɛ, kǎà waà nyɛ́nɛ́ ɓěɔ̀ nyu ɖeín dyi deɛ̀n ɖekè. Ɔ nyíɔ́-dyùɔ̀ nyɛ́nɛ́ mɔ̀ Nɛ̀bádyò, ké ɔ ɖíí ɓěɔ̀ mɔ̀ Kéɖà kè Àɓéò kè Mísàùn 14kè Mímà kè Dúmà kè Másà 15kè Háɖà kè Témà kè Jɛ́tù kè Náfì ɔ kè Kèɖémà. 16Kǎà Ésìméò dyú ɓěɔ̀ nyɛ́nɛ́ ɓěɔ̀ nyu ma nìɛ̀. Waà hwɔɖɔ ɓěɔ̀ kè waà jàɖàìn-hwɔ̀ɖɔ̀ ɓěɔ̀ mùìn wa nyɛ́nɛ́ín. Wa mɔ̀ ma nyɔ vɛ̀nɛ̀ ɓaɖa-bùè sè sɔ̃́, ké xwéɖé-dù ɖò-ɖò ɓéɖé wa mú sɔ̀ǔn. 17Zɔ̃ jĩ̀ kà ɓɛ́ Ésìméò nyu ma kɛɛ mɔ̀ ma zɔ̃ hɔ̃dɛ̀ɖɛ̀ ɖò kè kpáɖá-nyɔ ɓaɖa-bùè sè mɛ̀nɛ̌ìn-sɔ̃́, ké ɔ zà ma ɖé fɛ̀ɛ̀, ké ɔ mu ma ɔ nyɔ ɓěɔ̀ gbo. 18Ésìméòɛ̀ dyú ɓěɔ̀ cĩ́-naínɔ̀ sɔ̀ìn ɖé Hàvíɖà-ɓòɖòɔ̀ kɔ̃, ké ɔ nyini ɖé Súɔ̀ Gbǎùn-fúɖúá hwɔà ɖé Íjè-ɓòɖòɔ̀ dyóɖó-xwáɖáún-wóɖóìn-naínɔ̀ dyíɛɛ kɔ̃. Waà cĩ́-naínɔ̀ nì ɖé hwìè muà ɖé Àsíwíɖíà-ɓòɖòɔ̀ kɔ̃ɛɛ kɔ̃. Wa cɛ̃ kpáún sɔ̀ìn ɓó wa ɖíí-gàà séín ɓěɔ̀ bũ̌.
Áázèɛ̀ dyú-gàà ɓěɔ̀
19Ɖɛ ɓě ɓá Áázè mɔ̀à Ééɓòɖòhɛ̃́ɛ̀ dyú-gààɔ̀ kɛ kè ɔ gbǒ-xwíníínɔ̀ jè dyíɛɛ, wa kɛà kɛ̀. Ééɓòɖòhɛ̃́ɛ̀ wóɖóìn ma Áázè. 20Ké Áázè nyuá ma zɔ̃ kpáɖá-nyɔ sɔ̃́ ti ɓɛ́ ɔ kpɔ̃ ma Wìɖìbɛ́kɔ̀ mɔ̀à Bɛ̀fúèɛ̀ dyú-mààɔ̀ kɛɛ dyi, ɓɛ́ ɔ ké ma ɔ gmàà jǔɛ. Bɛ̀fúè mɔ̀ ma Síwíɖíà-nyɔ̀ nìà ɖé Páɖàùn-Áwàɖàùn-ɓòɖòɔ̀ kɔ̃ɛ. Wìɖìbɛ́kɔ̀ mɔ̀ ma Ɖéɓɛ̀ìn mɔ̀à Síwíɖíà-nyɔ̀ɔ̀ kɛɛ ɖíí-màà. 21Ké Áázè ɓaà ma Bounɓoɔ̀ ɓó ɔ gmàà Wìɖìbɛ́kɔ̀ jè, sepóɛɖé ɔ mɔ̀ ma ɖàà-màà. Ké Bounɓoɔ̀ jǔ ma ɔ ɓaà-wùɖùɔ̀ gɔ̃̌. Ké ɔ gmààɔ̀ nì ma zùù kɔ̃. 22Ké fũ̀à-fṹá nì ma ɖé ɔ xwíɖíɔ̀ mú, ké ɔ ɖá, “Ɖɛ́ kɔ̃̀ jè ḿ nìà kà kɛ́?” Ɔ jèɛɛ, ɔ mu ma Bounɓoɔ̀ dyi dièìn.
23Ké Bounɓoɔ̀ jǔ ma ɔ gɔ̃̌, ké ɔ ɖá,
“Ɓóɖó-dù sɔ̃́ nìà ɓó m̀ xwíníín nyɛ̀.
Ɓóɖó-dù sɔ̃́ ɓě muà ɖé m̀ mú sɔ̀ùn wɛ̃ɛ mu gbo zaìn.
Ké ɖò mu kpé ɓéɖéìn ɓɛ́ ɔ ké ɖò dyí zi.
Nyɔ vɛ̀nɛ̀ɔ̀ mu nyɔ dyùwèɔ̀ gbo nììn.”
24Ti ɓɛ́ ɔ pó-tìɔ̀ ɖǎ ma ɓó nyiniɛɛ, púɛɛ, wa dyéɛ kà ní-zèɖě nì ma kà ɔ xwíɖíɔ̀ múɛ̀. 25Ké dyúɔ̀ kĩ́ín-kĩ́ín wóɖó ma kɛɛ nì ma zĩ-zã, ké ɔ bũ̌in nì ma kà ɖɔ vùɖùɛ̀-vùɖùɛ̀ nìà kɛ. Ɔ jèɛɛ, wa jǔìn ma ɔ Íìsɔ́ɔ̀-nyɛ̀nɛ̀ kɔ̃̀ xwíníín mɔ̀à mí-kpɔ̃-nyɔ̀ kɛ. 26Sɔ̀ìn ɓóɛ gboɛɛ, hwɛ̀ ké ɔ ɖíí-gààɔ̀ wóɖó ma. Ti ɔ nì ma wóɖóɛń nyɛɛ, Íìsɔ́ɔ̀ nììn ɓò-kéɖéɔ̀ nì ma ɔ xwaún. Ɔ jèɛɛ, wa jǔìn ma ɔ Jékɔ̀-nyɛ̀nɛ̀ kɔ̃̀ xwíníín mɔ̀à ɓò-kéɖé-dyi-kpɔ̃-nyɔ̀ kɛ.#25:26 Nyɔ mɔ̀à ɓò-kéɖé-dyi-kpɔ̃-nyɔ̀ɛɛ mɔ̀ nyɔ-cá-nyɔ̀. Ti ɓɛ́ Wìɖìbɛ́kɔ̀ wóɖóìn ma kà wa kɛɛ, púɛɛ, Áázè nyuá ma zɔ̃ kpáɖá-nyɔ tã.
27Ti ɓɛ́ dyú ɓěɔ̀ ɖǎ ma nyɔ vɛ̀nɛ̀ jǔɛɛ, Íìsɔ́ɔ̀ mɔ̀ ma xwáɖá-pa-nyɔ̀ vɛ̀nɛ̀. Ɔ mɔ̀ gàa ɓɛ́ ɔ nì ma xwáɖá xwíɖíi kánáá pūɛ. Kɛɛ Jékɔ̀ mɔ̀ùn mɔ̀ ma gìɖìǐ-nyɔ̀, ké ɔ nì ma ɖé hwɔɖɔún kánáá pū. 28Áázè ɖɛ̀ɓɛ̀ ma Íìsɔ́ɔ̀ mú, sepóɛɖé ɔ ɖɛ̀ɓɛ̀ ma ɔ xwáɖá-sùàɖɛ̀ɔ̀ mú jè, kɛɛ Wìɖìbɛ́kɔ̀ mɔ̀ùn ɖɛ̀ɓɛ̀ ma Jékɔ̀ mú.
29Wé ɖòɛ̀ ɓaɖaa, Jékɔ̀ nì ma deɖe-ɓɛ̀-nì ɖò pĩɛń. Ké Íìsɔ́ɔ̀ sɔ̀ ma xwáɖá xwíɖíi, ké mɔ́ nì ma ɔ nyuɛń mìɔ cá. 30Ké ɔ cɛ̃ɛ ma Jékɔ̀ gbo, ké ɔ ɖá, “Ní ɓaà m̀ ní, nyí ḿ cɔ́ɔ́ zĩ-zã nìà ɓóɛɛ ɖò, sepóɛɖé mɔ́ nì ḿ ɖáɓáuń.” Ɔ jèɛɛ, wa jǔìn ma ɔ Íɖɔ̀ùn-nyɛ̀nɛ̀ kɔ̃̀ xwíníín mɔ̀à zĩ-zã kɛ.
31Kɛɛ Jékɔ̀ ɖá, “M̀ mɛ nyí nì dúí-sè-ɖɛ̀ɔ̀ ḿ kĩ́ín hwɛ̀.”
32Ké Íìsɔ́ɔ̀ ɖá, “Dyéɛ, ḿ nìǎ mɛ́iń muɛń. Ɖɛ́ mɔ̀ kpáná ɖò ɓɛ́ dúí-sè-ɖɛ̀ɔ̀ mu ḿ dyí nyuùn wɛ̃́?”
33Ké Jékɔ̀ ɖá, “M̀ mɛ gboò ɓó ḿ dyúa kĩ́ín hwɛ̀.”
Ɔ jèɛɛ, ɔ gboò ma, ké ɔ nyí ma ɔ dúí-sè-ɖɛ̀ɔ̀ Jékɔ̀. 34Hwɛ̀ ké Jékɔ̀ nyí ma Íìsɔ́ɔ̀ bɛɖɛɛ̀ kè deɖe-ɓɛ̀-nìɔ̀ ɖò. Ké ɔ ɖiɛ ma, ké ɔ ná ma ní, ké ɔ sɔ̀ dyí, ké ɔ mu ma ɔ ɖɛ. Kǎà Íìsɔ́ɔ̀ nyu ma ɔ dúí-sè-ɖɛ̀ɔ̀ jè dyií dyi poɛ.
දැනට තෝරාගෙන ඇත:
Jɛ́nɛ́sì 25: ƁB02
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bassa Bible © Bible Society Liberia, 2002.
Jɛ́nɛ́sì 25
25
Ééɓòɖòhɛ̃́ɛ̀ mɛ́ jè
1Ééɓòɖòhɛ̃́ɛ̀ kpɔ̃ ma nyɔ́nɔ́ ɖò dyi ɖe. Ɔ nyɛ́nɛ́ mɔ̀ ma Kɛ̀túwàɖà. 2Ké wa wóɖóìn ma gàa-dyù ɓě. Waà nyɛ́nɛ́ mɔ̀ ma Zímànà kè Jɔ́sàùn kè Mɛ́ɖàùn kè Míɖìàùn kè Íɓà ɔ kè Súwà. 3Ké Jɔ́sàùn wóɖóìn ma Síɓà kè Dɛ́ɖàùn. Dɛ́ɖàùn mɔ̀ ma Ásù-nyɔ̀ ɓěɔ̀ kè Ɖɛ́tù-nyɔ̀ ɓěɔ̀ ɔ kè Ɖɛ́dyùùn-nyɔ̀ ɓěɔ̀ ɓǎ. 4Ké Míɖìàùn nììn dyú-gàà ɓěɔ̀ mɔ̀ ma Éfà kè Éfɛ̀ kè Hánɔ̀ kè Àbíɖà ɔ kè Ɛ́ɖà. Nyɔ séín ɓěɛ̀ mɔ̀ ma Kɛ̀túwàɖàà dyú kè ɔ nyúà-dyú ɓěɔ̀.
5Ké Ééɓòɖòhɛ̃́ɛ̀ nyí ma ɔ kɔ̃̀ɔ̀-ɖɛ̀ séín ɓěɔ̀ Áázè. 6Kɛɛ ɔ nyɔ́nɔ́ tɔ̀ɔ̀ ɓěɔ̀ nììn dyú ɓěɔ̀, ɔ nyí ma wa nyíí-ɖɛ̀ ɓě, ti ɓɛ́ ɔ nì ma cĩ́ɛń keɛ, ké ɔ zà ma wa Áázè bũ̌, ké ɔ tò ma wa ɖé ɓóɖó ɓě nìà ɖé dyóɖó-xwáɖáún-wóɖóìn-naínɔ̀ kɛɛ kɔ̃.
7Ké zɔ̃ jĩ̀ kà ɓɛ́ Ééɓòɖòhɛ̃́ɛ̀ nyu ma ɓóɖó-kpàɔ̀ kɔ̃ɛɛ mɔ̀ ma zɔ̃ hɔ̃dɛ̀ɖɛ̀ ɖò kè kpáɖá-nyɔ tã ɓaɖa-bùè sè hm̀m̌. 8Púɛɛ, Ééɓòɖòhɛ̃́ɛ̀ zà ma ɖé fɛ̀ɛ̀. Ɔ gã̀ ma cĩ́ɛń dyi tee, ké ɔ hwòɖǒ dè dyi, hwɛ̀ ké ɔ mu ma kà ɔ nyɔ ɓěɔ̀ gboɛ̀. 9Hwɛ̀ ké ɔ dyú-gàà Áázè kè Ésìméò zà ma ɔ dyóɖóún ɖé Màpéɖà-ɓìɔ̀ mú. Ɓíɔ̀ nì ɖé Ɛ́fɔ̀nɔ̀ mɔ̀à Zóhà mɔ̀à Hítì-nyɔ̀ɔ̀ kɛɛ dyú-gàà kɛɛ páɔ̀ kɔ̃. Ɓíɔ̀ nì ɖé Máwèɖè ɓíɖí-hwɔ̀ɖɔ̀ɔ̀ wáún. 10Ɔ mɔ̀ pá ɓɛ́ Ééɓòɖòhɛ̃́ɛ̀ dɔ̃ ma kà Hítì-nyɔ̀ ɓěɔ̀ gboɛ. Ɖéɛ̀ wa zàìn ma Ééɓòɖòhɛ̃́ɛ̀ kè ɔ gmàà Seɖɔ́ dyóɖóún. 11Ti ɓɛ́ Ééɓòɖòhɛ̃́ɛ̀ ɖǎ ma mɛ́ɛ, Gèɖèpɔ́ɔ̀ po ma ɔ dyú-gàà Áázè mana kɔ̃, ké ɔ cĩ́ ma ɖé Béè-Ɖàháí-Wòɖòì-nì-ɓìɔ̀ wĩín.
Ésìméòɛ̀ dyú ɓěɔ̀
12Ésìméò mɔ̀à Ééɓòɖòhɛ̃́ɛ̀ dyú ɓɛ́ ɔ kè Hégà mɔ̀à Íjè-màà, mɔ̀à Seɖɔ́ɛ̀ gǐì-mààɔ̀ kɛɛ wóɖóìn ma kà kɛɛ dyú ɓěɔ̀ kɛà kɛ̀. 13Kà Ésìméò dyú ɓěɔ̀ wóɖó-wóɖóɔ̀ nyu ɖeín dyi deɛ̀n nyɛɛ, kǎà waà nyɛ́nɛ́ ɓěɔ̀ nyu ɖeín dyi deɛ̀n ɖekè. Ɔ nyíɔ́-dyùɔ̀ nyɛ́nɛ́ mɔ̀ Nɛ̀bádyò, ké ɔ ɖíí ɓěɔ̀ mɔ̀ Kéɖà kè Àɓéò kè Mísàùn 14kè Mímà kè Dúmà kè Másà 15kè Háɖà kè Témà kè Jɛ́tù kè Náfì ɔ kè Kèɖémà. 16Kǎà Ésìméò dyú ɓěɔ̀ nyɛ́nɛ́ ɓěɔ̀ nyu ma nìɛ̀. Waà hwɔɖɔ ɓěɔ̀ kè waà jàɖàìn-hwɔ̀ɖɔ̀ ɓěɔ̀ mùìn wa nyɛ́nɛ́ín. Wa mɔ̀ ma nyɔ vɛ̀nɛ̀ ɓaɖa-bùè sè sɔ̃́, ké xwéɖé-dù ɖò-ɖò ɓéɖé wa mú sɔ̀ǔn. 17Zɔ̃ jĩ̀ kà ɓɛ́ Ésìméò nyu ma kɛɛ mɔ̀ ma zɔ̃ hɔ̃dɛ̀ɖɛ̀ ɖò kè kpáɖá-nyɔ ɓaɖa-bùè sè mɛ̀nɛ̌ìn-sɔ̃́, ké ɔ zà ma ɖé fɛ̀ɛ̀, ké ɔ mu ma ɔ nyɔ ɓěɔ̀ gbo. 18Ésìméòɛ̀ dyú ɓěɔ̀ cĩ́-naínɔ̀ sɔ̀ìn ɖé Hàvíɖà-ɓòɖòɔ̀ kɔ̃, ké ɔ nyini ɖé Súɔ̀ Gbǎùn-fúɖúá hwɔà ɖé Íjè-ɓòɖòɔ̀ dyóɖó-xwáɖáún-wóɖóìn-naínɔ̀ dyíɛɛ kɔ̃. Waà cĩ́-naínɔ̀ nì ɖé hwìè muà ɖé Àsíwíɖíà-ɓòɖòɔ̀ kɔ̃ɛɛ kɔ̃. Wa cɛ̃ kpáún sɔ̀ìn ɓó wa ɖíí-gàà séín ɓěɔ̀ bũ̌.
Áázèɛ̀ dyú-gàà ɓěɔ̀
19Ɖɛ ɓě ɓá Áázè mɔ̀à Ééɓòɖòhɛ̃́ɛ̀ dyú-gààɔ̀ kɛ kè ɔ gbǒ-xwíníínɔ̀ jè dyíɛɛ, wa kɛà kɛ̀. Ééɓòɖòhɛ̃́ɛ̀ wóɖóìn ma Áázè. 20Ké Áázè nyuá ma zɔ̃ kpáɖá-nyɔ sɔ̃́ ti ɓɛ́ ɔ kpɔ̃ ma Wìɖìbɛ́kɔ̀ mɔ̀à Bɛ̀fúèɛ̀ dyú-mààɔ̀ kɛɛ dyi, ɓɛ́ ɔ ké ma ɔ gmàà jǔɛ. Bɛ̀fúè mɔ̀ ma Síwíɖíà-nyɔ̀ nìà ɖé Páɖàùn-Áwàɖàùn-ɓòɖòɔ̀ kɔ̃ɛ. Wìɖìbɛ́kɔ̀ mɔ̀ ma Ɖéɓɛ̀ìn mɔ̀à Síwíɖíà-nyɔ̀ɔ̀ kɛɛ ɖíí-màà. 21Ké Áázè ɓaà ma Bounɓoɔ̀ ɓó ɔ gmàà Wìɖìbɛ́kɔ̀ jè, sepóɛɖé ɔ mɔ̀ ma ɖàà-màà. Ké Bounɓoɔ̀ jǔ ma ɔ ɓaà-wùɖùɔ̀ gɔ̃̌. Ké ɔ gmààɔ̀ nì ma zùù kɔ̃. 22Ké fũ̀à-fṹá nì ma ɖé ɔ xwíɖíɔ̀ mú, ké ɔ ɖá, “Ɖɛ́ kɔ̃̀ jè ḿ nìà kà kɛ́?” Ɔ jèɛɛ, ɔ mu ma Bounɓoɔ̀ dyi dièìn.
23Ké Bounɓoɔ̀ jǔ ma ɔ gɔ̃̌, ké ɔ ɖá,
“Ɓóɖó-dù sɔ̃́ nìà ɓó m̀ xwíníín nyɛ̀.
Ɓóɖó-dù sɔ̃́ ɓě muà ɖé m̀ mú sɔ̀ùn wɛ̃ɛ mu gbo zaìn.
Ké ɖò mu kpé ɓéɖéìn ɓɛ́ ɔ ké ɖò dyí zi.
Nyɔ vɛ̀nɛ̀ɔ̀ mu nyɔ dyùwèɔ̀ gbo nììn.”
24Ti ɓɛ́ ɔ pó-tìɔ̀ ɖǎ ma ɓó nyiniɛɛ, púɛɛ, wa dyéɛ kà ní-zèɖě nì ma kà ɔ xwíɖíɔ̀ múɛ̀. 25Ké dyúɔ̀ kĩ́ín-kĩ́ín wóɖó ma kɛɛ nì ma zĩ-zã, ké ɔ bũ̌in nì ma kà ɖɔ vùɖùɛ̀-vùɖùɛ̀ nìà kɛ. Ɔ jèɛɛ, wa jǔìn ma ɔ Íìsɔ́ɔ̀-nyɛ̀nɛ̀ kɔ̃̀ xwíníín mɔ̀à mí-kpɔ̃-nyɔ̀ kɛ. 26Sɔ̀ìn ɓóɛ gboɛɛ, hwɛ̀ ké ɔ ɖíí-gààɔ̀ wóɖó ma. Ti ɔ nì ma wóɖóɛń nyɛɛ, Íìsɔ́ɔ̀ nììn ɓò-kéɖéɔ̀ nì ma ɔ xwaún. Ɔ jèɛɛ, wa jǔìn ma ɔ Jékɔ̀-nyɛ̀nɛ̀ kɔ̃̀ xwíníín mɔ̀à ɓò-kéɖé-dyi-kpɔ̃-nyɔ̀ kɛ.#25:26 Nyɔ mɔ̀à ɓò-kéɖé-dyi-kpɔ̃-nyɔ̀ɛɛ mɔ̀ nyɔ-cá-nyɔ̀. Ti ɓɛ́ Wìɖìbɛ́kɔ̀ wóɖóìn ma kà wa kɛɛ, púɛɛ, Áázè nyuá ma zɔ̃ kpáɖá-nyɔ tã.
27Ti ɓɛ́ dyú ɓěɔ̀ ɖǎ ma nyɔ vɛ̀nɛ̀ jǔɛɛ, Íìsɔ́ɔ̀ mɔ̀ ma xwáɖá-pa-nyɔ̀ vɛ̀nɛ̀. Ɔ mɔ̀ gàa ɓɛ́ ɔ nì ma xwáɖá xwíɖíi kánáá pūɛ. Kɛɛ Jékɔ̀ mɔ̀ùn mɔ̀ ma gìɖìǐ-nyɔ̀, ké ɔ nì ma ɖé hwɔɖɔún kánáá pū. 28Áázè ɖɛ̀ɓɛ̀ ma Íìsɔ́ɔ̀ mú, sepóɛɖé ɔ ɖɛ̀ɓɛ̀ ma ɔ xwáɖá-sùàɖɛ̀ɔ̀ mú jè, kɛɛ Wìɖìbɛ́kɔ̀ mɔ̀ùn ɖɛ̀ɓɛ̀ ma Jékɔ̀ mú.
29Wé ɖòɛ̀ ɓaɖaa, Jékɔ̀ nì ma deɖe-ɓɛ̀-nì ɖò pĩɛń. Ké Íìsɔ́ɔ̀ sɔ̀ ma xwáɖá xwíɖíi, ké mɔ́ nì ma ɔ nyuɛń mìɔ cá. 30Ké ɔ cɛ̃ɛ ma Jékɔ̀ gbo, ké ɔ ɖá, “Ní ɓaà m̀ ní, nyí ḿ cɔ́ɔ́ zĩ-zã nìà ɓóɛɛ ɖò, sepóɛɖé mɔ́ nì ḿ ɖáɓáuń.” Ɔ jèɛɛ, wa jǔìn ma ɔ Íɖɔ̀ùn-nyɛ̀nɛ̀ kɔ̃̀ xwíníín mɔ̀à zĩ-zã kɛ.
31Kɛɛ Jékɔ̀ ɖá, “M̀ mɛ nyí nì dúí-sè-ɖɛ̀ɔ̀ ḿ kĩ́ín hwɛ̀.”
32Ké Íìsɔ́ɔ̀ ɖá, “Dyéɛ, ḿ nìǎ mɛ́iń muɛń. Ɖɛ́ mɔ̀ kpáná ɖò ɓɛ́ dúí-sè-ɖɛ̀ɔ̀ mu ḿ dyí nyuùn wɛ̃́?”
33Ké Jékɔ̀ ɖá, “M̀ mɛ gboò ɓó ḿ dyúa kĩ́ín hwɛ̀.”
Ɔ jèɛɛ, ɔ gboò ma, ké ɔ nyí ma ɔ dúí-sè-ɖɛ̀ɔ̀ Jékɔ̀. 34Hwɛ̀ ké Jékɔ̀ nyí ma Íìsɔ́ɔ̀ bɛɖɛɛ̀ kè deɖe-ɓɛ̀-nìɔ̀ ɖò. Ké ɔ ɖiɛ ma, ké ɔ ná ma ní, ké ɔ sɔ̀ dyí, ké ɔ mu ma ɔ ɖɛ. Kǎà Íìsɔ́ɔ̀ nyu ma ɔ dúí-sè-ɖɛ̀ɔ̀ jè dyií dyi poɛ.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bassa Bible © Bible Society Liberia, 2002.