Jɛ́nɛ́sì 16
16
Hégà kè Ésìméò jè
1Séwàɖà mɔ̀à Éébànàà gmààɔ̀ kɛɛ se ma ɔ bìì dyú ɖò wóɖóìn, kɛɛ ɔ ɓéɖé ma Íjè-màà-dyù ɖò mɔ̀ ma ɔ gǐì-màà kɔ̃̀ nyɛ́nɛ́ mɔ̀ ma Hégà kɛ. 2Wé ɖòɛ̀ ɓaɖaa, Séwàɖà cɛ̃ɛ ma Éébànà gbo, ké ɔ ɖá, “Dyéɛ, kà Bounɓoɔ̀ ɖǎa nyu ké ḿ se dyú ɖò ɓéɖéɛ. Ɔ jèɛɛ, ní ɓaà m̀ ní, ɖú ní gǐì-màà-dyùɔ̀ dyí. Ɔ jǔ ké ɔ dyi ná nìɛ̀ ɓɛ́ìn ní, nìí, ɓɛ́ ḿ ké dyú ɓéɖé dyììn ɖé ɔ mú.” Ké Éébànà wɔ̃́ìn ma Séwàɖà wuɖuɔ̀ gbo. 3Ɔ jèɛɛ, Séwàɖà ɖú ma Hégà mɔ̀à Íjè-nyɔ̀, mɔ̀à ɔ gǐì-mààɔ̀ kɛɛ dyí, ké ɔ nyí ma ɔ ɔ dyú-ɓǎɔ̀, ɓɛ́ ɔ ké ma ɔ gmàà jǔ. Ɖɛ nà kɛ kpá ma ti ɓɛ́ Éébànà nyu ma zɔ̃ ɓaɖa-bùè ɖé Kénà-ɓòɖòɔ̀ kɔ̃ kɛ. 4Ké Éébànà kè Hégà nì ma ɓó da, ké Hégà nì ma zùù kɔ̃. Ti ɓɛ́ ɔ dyéɛ ma kà ɔ ɖǎ ma zùù kɔ̃ nìɛɛ, ɔ dyéɖé zàìn ma ɔ gbo-nì-ɖèɔ̀ zùǔn.
5Hwɛ̀ ké Séwàɖà cɛ̃ɛ ma Éébànà gbo, ké ɔ ɖá, “Mɔ̀ mɔ̀ nyɔ nyuɛ ké ḿ nìà ɖɛ gbà nìà kɛ dyí dyéɛń nyɛ̀. Ḿ po ní gǐì-màà-dyùɔ̀ ɖé m̀ xwaún, ké kà ɓɛ́ ɔ dyuòɛ̀ dyí ɓó kàǔn kà ɔ ɖǎ zùù kɔ̃ nìɛ jèɛɛ, ɔ se ḿ kpéín dyé ɖe. Bounɓoɔ̀ mɛ po zaa nìà kɛ wɔ̃ ɓó ḿ kè mɔ̀ pṹa.”
6Ké Éébànà ɖá, “Nì gǐì-mààɔ̀ nì m̀ xwaún. M̀ mɛ nyu ɖɛ dè m̀ hwìɖǐiɛɛ ɔ bũ̌.” Hwɛ̀ ké Séwàɖà kpɔ̃ ma Hégà kànàǎ-kà. Ɔ jèɛɛ, Hégà kpá ma ɔ xwaún xwáɖáún.
7Hwɛ̀ ké Bounɓoɔ̀ zɛ̃̀ìn ma ínjà ɖò mú, ké ɔ wóɖóìn ma Hégà dyí ɓó ní-ɓì ɖò ɓɛ́ ɔ nì ma ɖé gbǎùn-fúɖúá ɖò kɔ̃ɛɛ wĩín. Ní-ɓìɔ̀ nì ma ɓó Súɔ̀-hwìèɔ̀ dyí. 8Ké ɔ diè ma ɔ dyi, ké ɔ ɖá, “Hégà, mɔ̀ mɔ̀à Séwàɖàà gǐì-mààɔ̀ kɛɛ, dɛ̌ m̀ sɔ̀ kɛ́? Ké dɛ̌ m̀ nì muɛń nyɛ́?”
Ké ɔ ɖá, “Ḿ kpá ní gbo-nì-ɖè mɔ̀à Séwàɖà kɛɛ xwaún xwáɖáún.”
9Hwɛ̀ ké Bounɓoɔ̀ cɛ̃ɛ ma ɔ gbo, ké ɔ ɖá, “Mu ɖé nì gbo-nì-ɖèɔ̀ gbo ɖe, ɓɛ́ m̀ ké ɔ wuɖu xwíɖíi nì.” 10Ké Bounɓoɔ̀ cɛ̃ɛ ma ɖe, ké ɔ ɖá, “Ní mu nì xwíníín-dyù ɓě nyuùn ɓɛ́ wa ké dúún zaìn mìɔ, nìí ɓɛ́ nyɔ ɖò ké se wa zɛɖɛɛ ɓɛ́ìn. 11M̀ nì zùù kɔ̃ ɓó kàǔn, ké nì mu gàa-dyù ɖò wóɖóìn. Ké nì mu ɔ Ésìméò-nyɛ̀nɛ̀#16:11 Ésìméò-nyɛ̀nɛ̀ɔ̀ xwíníín mɔ̀ Gèɖèpɔ́ɔ̀ wɔ̃́ dyi. jǔìn, sepóɛɖé ḿ ɖǎ nì wìì-kpě-po-wùɖùɔ̀ wɔ̃́. 12Ké ɔ mu nììn kà gana-nìmìì ɖò nìà kɛ. Ɔ mu nyɔ séín gbo vɔ̃ùn, ké nyɔ séín mu ɔ mɔ̀ùn gbo vɔ̃ùn ɖekè. Ké ɔ se gìɖìǐ mú cĩ́ɛ mu ɓó ɔ ɖíí-gàà séín ɓěɔ̀ gbo.”
13Hwɛ̀ ké Hégà jǔìn ma Bounɓo mɔ̀ nyɔ wùɖù ma kà ɔ gboɛɛ nyɛ́nɛ́ ɖò, ké ɔ ɖá, “M̀ mɔ̀ dyi-dyé-Gèɖèpɔ́ɔ̀, sepóɛɖé m̀ ɖǎ ḿ dyé dà pá nìà kɛ mú, ké ḿ se mɛ́.” 14Ɔ jèɛɛ, wa ɖáìn ma ní-ɓìɔ̀ Béè-Ɖàháí-Wòɖòì kɔ̃̀ xwíníín mɔ̀à nyɔ dyéà ḿ wɛ̃ɛ ní-ɓìɔ̀ kɛ. Ní-ɓìɔ̀ nì ɓó Káɖɛ̀-hwɔ̀ɖɔ̀ɔ̀ kè Báwɛ̀ɖɛ̀-hwɔ̀ɖɔ̀ɔ̀ pṹa.
15Sɔ̀ìn ɓóɛ gboɛɛ, Hégà wóɖóìn ma gàa-dyù ɖò ɓó Éébànà bìì. Ké Éébànà jǔìn ma ɔ Ésìméò-nyɛ̀nɛ̀. 16Éébànà nyuá ma zɔ̃ kpáɖá-nyɔ hĩinyɛ sè mɛ̀nɛ̌ìn-ɖò ti ɓɛ́ Hégà wóɖóìn ma kà ɔ bìì Ésìméò kɛ.
දැනට තෝරාගෙන ඇත:
Jɛ́nɛ́sì 16: ƁB02
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bassa Bible © Bible Society Liberia, 2002.
Jɛ́nɛ́sì 16
16
Hégà kè Ésìméò jè
1Séwàɖà mɔ̀à Éébànàà gmààɔ̀ kɛɛ se ma ɔ bìì dyú ɖò wóɖóìn, kɛɛ ɔ ɓéɖé ma Íjè-màà-dyù ɖò mɔ̀ ma ɔ gǐì-màà kɔ̃̀ nyɛ́nɛ́ mɔ̀ ma Hégà kɛ. 2Wé ɖòɛ̀ ɓaɖaa, Séwàɖà cɛ̃ɛ ma Éébànà gbo, ké ɔ ɖá, “Dyéɛ, kà Bounɓoɔ̀ ɖǎa nyu ké ḿ se dyú ɖò ɓéɖéɛ. Ɔ jèɛɛ, ní ɓaà m̀ ní, ɖú ní gǐì-màà-dyùɔ̀ dyí. Ɔ jǔ ké ɔ dyi ná nìɛ̀ ɓɛ́ìn ní, nìí, ɓɛ́ ḿ ké dyú ɓéɖé dyììn ɖé ɔ mú.” Ké Éébànà wɔ̃́ìn ma Séwàɖà wuɖuɔ̀ gbo. 3Ɔ jèɛɛ, Séwàɖà ɖú ma Hégà mɔ̀à Íjè-nyɔ̀, mɔ̀à ɔ gǐì-mààɔ̀ kɛɛ dyí, ké ɔ nyí ma ɔ ɔ dyú-ɓǎɔ̀, ɓɛ́ ɔ ké ma ɔ gmàà jǔ. Ɖɛ nà kɛ kpá ma ti ɓɛ́ Éébànà nyu ma zɔ̃ ɓaɖa-bùè ɖé Kénà-ɓòɖòɔ̀ kɔ̃ kɛ. 4Ké Éébànà kè Hégà nì ma ɓó da, ké Hégà nì ma zùù kɔ̃. Ti ɓɛ́ ɔ dyéɛ ma kà ɔ ɖǎ ma zùù kɔ̃ nìɛɛ, ɔ dyéɖé zàìn ma ɔ gbo-nì-ɖèɔ̀ zùǔn.
5Hwɛ̀ ké Séwàɖà cɛ̃ɛ ma Éébànà gbo, ké ɔ ɖá, “Mɔ̀ mɔ̀ nyɔ nyuɛ ké ḿ nìà ɖɛ gbà nìà kɛ dyí dyéɛń nyɛ̀. Ḿ po ní gǐì-màà-dyùɔ̀ ɖé m̀ xwaún, ké kà ɓɛ́ ɔ dyuòɛ̀ dyí ɓó kàǔn kà ɔ ɖǎ zùù kɔ̃ nìɛ jèɛɛ, ɔ se ḿ kpéín dyé ɖe. Bounɓoɔ̀ mɛ po zaa nìà kɛ wɔ̃ ɓó ḿ kè mɔ̀ pṹa.”
6Ké Éébànà ɖá, “Nì gǐì-mààɔ̀ nì m̀ xwaún. M̀ mɛ nyu ɖɛ dè m̀ hwìɖǐiɛɛ ɔ bũ̌.” Hwɛ̀ ké Séwàɖà kpɔ̃ ma Hégà kànàǎ-kà. Ɔ jèɛɛ, Hégà kpá ma ɔ xwaún xwáɖáún.
7Hwɛ̀ ké Bounɓoɔ̀ zɛ̃̀ìn ma ínjà ɖò mú, ké ɔ wóɖóìn ma Hégà dyí ɓó ní-ɓì ɖò ɓɛ́ ɔ nì ma ɖé gbǎùn-fúɖúá ɖò kɔ̃ɛɛ wĩín. Ní-ɓìɔ̀ nì ma ɓó Súɔ̀-hwìèɔ̀ dyí. 8Ké ɔ diè ma ɔ dyi, ké ɔ ɖá, “Hégà, mɔ̀ mɔ̀à Séwàɖàà gǐì-mààɔ̀ kɛɛ, dɛ̌ m̀ sɔ̀ kɛ́? Ké dɛ̌ m̀ nì muɛń nyɛ́?”
Ké ɔ ɖá, “Ḿ kpá ní gbo-nì-ɖè mɔ̀à Séwàɖà kɛɛ xwaún xwáɖáún.”
9Hwɛ̀ ké Bounɓoɔ̀ cɛ̃ɛ ma ɔ gbo, ké ɔ ɖá, “Mu ɖé nì gbo-nì-ɖèɔ̀ gbo ɖe, ɓɛ́ m̀ ké ɔ wuɖu xwíɖíi nì.” 10Ké Bounɓoɔ̀ cɛ̃ɛ ma ɖe, ké ɔ ɖá, “Ní mu nì xwíníín-dyù ɓě nyuùn ɓɛ́ wa ké dúún zaìn mìɔ, nìí ɓɛ́ nyɔ ɖò ké se wa zɛɖɛɛ ɓɛ́ìn. 11M̀ nì zùù kɔ̃ ɓó kàǔn, ké nì mu gàa-dyù ɖò wóɖóìn. Ké nì mu ɔ Ésìméò-nyɛ̀nɛ̀#16:11 Ésìméò-nyɛ̀nɛ̀ɔ̀ xwíníín mɔ̀ Gèɖèpɔ́ɔ̀ wɔ̃́ dyi. jǔìn, sepóɛɖé ḿ ɖǎ nì wìì-kpě-po-wùɖùɔ̀ wɔ̃́. 12Ké ɔ mu nììn kà gana-nìmìì ɖò nìà kɛ. Ɔ mu nyɔ séín gbo vɔ̃ùn, ké nyɔ séín mu ɔ mɔ̀ùn gbo vɔ̃ùn ɖekè. Ké ɔ se gìɖìǐ mú cĩ́ɛ mu ɓó ɔ ɖíí-gàà séín ɓěɔ̀ gbo.”
13Hwɛ̀ ké Hégà jǔìn ma Bounɓo mɔ̀ nyɔ wùɖù ma kà ɔ gboɛɛ nyɛ́nɛ́ ɖò, ké ɔ ɖá, “M̀ mɔ̀ dyi-dyé-Gèɖèpɔ́ɔ̀, sepóɛɖé m̀ ɖǎ ḿ dyé dà pá nìà kɛ mú, ké ḿ se mɛ́.” 14Ɔ jèɛɛ, wa ɖáìn ma ní-ɓìɔ̀ Béè-Ɖàháí-Wòɖòì kɔ̃̀ xwíníín mɔ̀à nyɔ dyéà ḿ wɛ̃ɛ ní-ɓìɔ̀ kɛ. Ní-ɓìɔ̀ nì ɓó Káɖɛ̀-hwɔ̀ɖɔ̀ɔ̀ kè Báwɛ̀ɖɛ̀-hwɔ̀ɖɔ̀ɔ̀ pṹa.
15Sɔ̀ìn ɓóɛ gboɛɛ, Hégà wóɖóìn ma gàa-dyù ɖò ɓó Éébànà bìì. Ké Éébànà jǔìn ma ɔ Ésìméò-nyɛ̀nɛ̀. 16Éébànà nyuá ma zɔ̃ kpáɖá-nyɔ hĩinyɛ sè mɛ̀nɛ̌ìn-ɖò ti ɓɛ́ Hégà wóɖóìn ma kà ɔ bìì Ésìméò kɛ.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bassa Bible © Bible Society Liberia, 2002.