IINDUMISO 82
82
UThixo ulawula konke
Umhobe oculwayo ka-Asafu.
1UThixo uchophele intlanganiso *yoothixo;
nguye olawulayo koothixo bonke;
2uthi: “Kunini nilawula ngegobe,
nibabonelela abakhohlakeleyo!
3Khanilungiselele abaxakekileyo neenkedama,
nibonelele iintsizana namahlwempu.
4Khanikhulule abahlelelekileyo nama-athalala;
bahlanguleni abagonyamelwa zizikhohlakali.
5“Basemnyameni ombode-mbode;
bayafathula njengempumputhela,
nangona lona ihlabathi lizama-zama.
6Ndithi: Ewe kambe, ningoothixo;
nonke ningoonyana bakaPhezukonke.
7Kambe ke niya kufa njengamntu wonke,
nibhange njengamatshawe.”
8Awu, Thixo, khawulingenele ngomgwebo ihlabathi;
andithi kaloku zonke izizwe zisesandleni sakho!
දැනට තෝරාගෙන ඇත:
IINDUMISO 82: XHO96
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© Bible Society of South Africa 1996. Used with permission. All rights reserved.