Mathew 28
28
Yr Atgyfodiad
1A’r Dydd Gorffwys drosodd, a dydd cynta’r wythnos ar wawrio, fe ddaeth Mair o Fagdala a’r Fair arall i edrych y bedd. 2A dyna ddaeargryn fawr, angel yr Arglwydd yn disgyn o’r nef, mynd at y garreg, ei rholio ymaith, ac eistedd arni. 3Roedd ei wyneb yn disgleirio fel mellten a’i wisg yn wyn fel eira. 4Fe wnaeth yr olwg arno i’r gwarchodwyr grynu gan ofn, a bod fel rhai wedi marw.
5Yna fe drodd yr angel at y gwragedd: “Amdanoch chi,” meddai, “does gennych chi ddim achos i ofni. 6Fe wn mai chwilio rydych am Iesu a groeshoeliwyd. Dydy ef ddim yma; mae ef wedi ei godi o farw’n fyw, fel y dywedodd. Dewch i weld y lle y bu’n gorwedd, 7yna, ewch ar frys i ddweud wrth ei ddisgyblion: ‘Mae ef wedi ei godi o farw’n fyw ac yn mynd o’ch blaen chi i Galilea; yno fe’i gwelwch ef.’ Dyna fi wedi dweud fy neges.”
8Fe aeth y gwragedd i ffwrdd ar frys oddi wrth y bedd, yn llawn arswyd a llawenydd mawr, gan redeg i ddweud wrth ei ddisgyblion. 9Yn ddisymwth, dyna Iesu’n eu cyfarfod ac yn eu cyfarch; a dyna nhwythau’n dod ymlaen ato, gafael yn ei draed, a’i addoli. 10Yna meddai Iesu wrthyn nhw, “Peidiwch ag ofni. Ewch a dywedwch wrth fy mrodyr am gychwyn i Galilea. Fe gânt fy ngweld i yno.”
Taenu anwiredd ar led
11Tra roedd y gwragedd ar eu ffordd, daeth rhai o’r gwylwyr i’r ddinas a dweud yr holl hanes wrth y prif offeiriaid. 12Fe aeth y rheiny’n syth at yr henuriaid i ymgynghori, yna rhoi arian mawr i’r milwyr, 13a’u siarsio, “Dywedwch fod ei ddisgyblion wedi dod yn y nos a lladrata’r corff tra roeddem ni’n cysgu. 14Os daw hyn i glustiau’r rhaglaw, fe wnawn ni bopeth yn iawn gydag ef, a gwneud yn siŵr na chewch chi eich poeni.”
15Fe gymerson nhw’r arian, a gwneud fel y siarsiwyd nhw. Fe aeth y stori hon ar led, ac fe’i clywir ymhlith yr Iddewon hyd heddiw.
Rhoi comisiwn i’r disgyblion
16Fe aeth yr un-disgybl-ar-ddeg i Galilea i’r mynydd fel y dywedodd Iesu wrthyn nhw, 17ac wedi ei weld yno dyma nhw’n plygu o’i flaen; ond fe amheuodd rhai. 18A daeth Iesu a dweud wrthyn nhw: “I mi y rhoddwyd pob awdurdod yn y nef ac ar y ddaear. 19Ewch a gwnewch ddisgyblion o’r holl genhedloedd, gan eu bedyddio yn enw’r Tad a’r Mab a’r Ysbryd Glân, 20a’u dysgu i gadw fy ngorchmynion i gyd. Ac yn wir, rydw i gyda chi bob amser hyd ddiwedd amser.”
දැනට තෝරාගෙන ඇත:
Mathew 28: FfN
සළකුණු කරන්න
බෙදාගන්න
සසඳන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© Cymdeithas y Beibl 1971
© British and Foreign Bible Society 1971