ᑎᐱᑦ ᐅᓂᑭᒧᐅᓇ 2
2
Psalm 2 (Transfiguration Year A)
1ᒐᒂᔪᐤ ᐛᒋ ᐊᐧᑯᔪᐛᓯᒡ ᐊᑲ ᐊᔭᒥᐊᒡ:
ᑭᔭ ᒐᒂᔪᐤ ᐛᒋ ᓂᑐᐎᔾ ᒐᒂᔪᐤ ᒪᒥᑐᓇᔨᑕᒥᐃᑯᒡ ᐃᔪᒡ ?
2ᒋᓴᐅᒋᒪᐅᒡ ᐊᔅᒋᒡ ᐊᔨᒋᑲᐳᐎᐃᑐᐅᒡ,
ᑭᔭ ᐅᑎᐸᔨᒋᒐᐅᒡ ᓯᒋᒥᑐᐅᒡ ᐊ ᐎ ᓂᔅᑯᔅᑐᐛᒡ ᑎᐸᔨᒋᒐᓱᐛ,
ᑭᔭ ᐅᑦ ᐊᐱᒋᐊᑭᓂᔪᐛ ᐊ ᐃᔅᒋᔄᒡ,
3“ᐊᑯᔅ ᐱᑯᐱᑎᒺᑕᐤ ᐅᒪᒋᒂᐱᔅᑲᐃᑭᓄᐛᐛ,
ᑭᔭ ᐛᐱᓂᒺᑕᐤ ᐅᒪᐧᑯᐱᒋᑭᓇᔭᐱᐛᐛ᙮”
4ᐊᓐ ᑲ ᐊᐱᑦ ᒋᒋᒋᓯᑯᒡ ᒋᑭ ᐸᐳᐤ:
ᑎᐸᔨᒋᒐᓱᐤ ᒋᑭ ᐅᓯᓄᐛᐤ᙮
5ᐊᑯ ᒐ ᐃᔨᒪᐊᑦ ᐊᐧᑯᔪᐛᓯᑦ,
ᑭᔭ ᒋᑭ ᒥᑯᔅᑲᒋᐊᐤ ᐅᑦ ᐊᐧᑯᐎᔭᔅᑕᔨᑎᒧᐅᓂᒡ:
6“ᐃᔭᐱᒡ ᒪᒃ ᓂᒋ ᑕᑕᔭᐤ ᓂᒋᓴᐅᒋᒪᒻ ᓂ ᐸᔭᒋ ᐱᔅᑯᑎᓇᒥᒡ ᓴᐃᔭᓂᒡ᙮”
7ᓂᑭ ᐎᑕᓐ ᐃᑎᓱᐛᐅᓐ:
“ᑎᐸᔨᒋᒐᓱᐤ ᓂᒋ ᐃᑎᒄ, ᒋᔾ ᓂᑯᔅ;
ᐊᓄᒡ ᑲᓯᑲᒡ ᔅᒋ ᓂᑕᐅᒋᐃᑎᓐ᙮
8ᓂᑐᑎᒧᐎ, ᐊᑯ ᒐ ᒥᔨᑕᓐ ᐊᑲ ᐊᔭᒥᐊᒡ ᒐᒋ ᑎᐱᔨᐛᐅᓯᔨᓐ,
ᑭᔭ ᐊ ᐃᔎᔅᑭᒥᑲᒡ ᒐᒋ ᑎᐸᔨᑎᒥᓐ᙮
9ᒋᑭ ᐱᒂᐛᐅᒡ ᐃᔨᓴᒄ ᐱᓯᔅᑕᐃᑭᓂᔪᐤ ᐅᒡ;
ᒋᑭ ᐱᐱᓴᐛᐅᒡ ᒧᔭᒻ ᐊᓯᔅᒋᔾ ᐎᔭᑭᓂᒐᐤ ᐎᔭᑭᓂᔪᐤ᙮”
10ᐊᐅᒄ ᐅᒡ ᑭᒐᑕᐛᔨᑎᒧᒄ, ᐅ ᒋᔨᐛᐤ ᒋᓴᐅᒋᒪᑐᒄ:
ᒋᔅᒋᓄᐊᒪᑯᓯᒄ, ᒋᔨᐛᐤ ᑲ ᑎᐸᔅᑯᓂᒐᔭᒄ ᐊᔅᒋᒡ᙮
11ᐊᑐᔅᒐᔅᑐᐎᐧᒄ ᑎᐸᔨᒋᒐᓱᐤ ᐊ ᓇᓂᒋᔭᒄ,
ᒥᔽᔨᑎᒧᒄ ᒪᒃ ᐊ ᓴᒋᓯᔭᒄ᙮
12ᓱᐛᔨᒥᐧᒄ ᐅᑯᓯᓯᒪᐤ, ᒐ ᐊᑲ ᒋ ᒋᔄᓯᑦ,
ᒐ ᐊᑲ ᒋ ᓂᓱᐅᓇᑎᓯᔭᒄ ᒪᔅᑭᓇᒡ ᐅᒡ,
ᐃᔅᐱ ᐊᐱᓯᔅ ᒥᒄ ᐊᐧᑯᔪᐛᓯᑦ᙮
ᓱᐛᔨᑕᑯᓱᐅᒡ ᒥᓯᐛ ᐊᓐᒡ ᑲ ᒪᒥᓯᑐᑐᐛᒡ᙮
දැනට තෝරාගෙන ඇත:
ᑎᐱᑦ ᐅᓂᑭᒧᐅᓇ 2: ᓇᔅᑲᐱ
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada