ගීතාවලිය 67
67
ඉශ්රායෙල් කරණකොටගෙන ලෝකයාට ආශීර්වාද ඉල්ලීම
නායක වාද්යකරුටයි; වීණා ඇතුව ගායනාකිරීමට කාව්ය ගීතයකි.
1පොළොවෙහි ඔබගේ මාර්ගයද සියලු ජාතීන් අතරේ ඔබගේ ගැළවීමද ප්රකාශවෙන පිණිස
2දෙවියන්වහන්සේ අපට කරුණා කරනසේක්වා, ආශීර්වාදකරනසේක්වා, ස්වකීය මුහුණ අප කෙරෙහි බබළවනසේක්වා.
3දෙවියන්වහන්ස, මනුෂ්ය වර්ගයෝ ඔබට ප්රශංසාකෙරෙත්වා;
සියලු මනුෂ්ය වර්ගයෝ ඔබට ප්රශංසාකෙරෙත්වා.
4ජාතීහු සන්තෝෂව ප්රීතියෙන් ගී කියත්වා.
මක්නිසාද ඔබ යුක්තියෙන් මනුෂ්ය වර්ගයන් විනිශ්චයකරනසේක, පොළොවේ ජාතීන් පාලනය කරනසේක.
5දෙවියන්වහන්ස, මනුෂ්ය වර්ගයෝ ඔබට ප්රශංසාකෙරෙත්වා;
සියලු මනුෂ්ය වර්ගයෝ ඔබට ප්රශංසාකෙරෙත්වා.
6පොළොව ස්වකීය වර්ධනය දී තිබේ.
දෙවියන්වහන්සේ, එනම් අපේම දෙවියන්වහන්සේ, අපට ආශීර්වාද කරනසේක.
7දෙවියන්වහන්සේ අපට ආශීර්වාද කරනසේක;
පොළොවේ සියලු සීමාවෝද උන්වහන්සේට භයවන්නෝය.
දැනට තෝරාගෙන ඇත:
ගීතාවලිය 67: SROV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Ceylon Bible Society