Bǐbɛ́mɛ 27වෙතින් ජනප්‍රිය බයිබල් පද

බෙදාගන්න

Mawu ní sɛ́ amyɔsun dó we sín jǐxwé; ní ná we ayǐkúngban ɖagbe lɛ́ɛ; ní ná we jinukún kpó vɛ̌ɛn yɔ̌yɔ́ kpó kɔn nyi kpɔ́. Togun ɖě lɛ́ɛ ní nɔ glɔ̌ towe; akɔta ɖě lɛ́ɛ ní nɔ́ ɖe kɔ́ nú we! Nyǐ gǎn nú nɔví towe lɛ́ɛ, nɔ towe xomɛ ví lɛ́ɛ ní nɔ́ ɖe kɔ́ nú we. Mɛ ɖěbǔ dó nu we ɔ́, è nǎ dó nu mɛ ɔ́; mɛ ɖěbǔ xo ɖɛ dó jǐ we ɔ́, è nǎ xo ɖɛ dó mɛ ɔ́ jí.”

Énɛ́ ɔ́, Esawu ɖɔ: “Jakɔ́bu jɛ́n é nyí nǔgbó, ɖó azɔn we nɛ́ é kó táfú mì nɛ́. É kó yí nukɔngbéví sín acɛ e un ɖó ɔ́, bó kó lɛ́ wá yí ɖɛ ce din!” É ká wá kanbyɔ́ tɔ́ tɔn ɖɔ: “Đɛ ɔ́ ɖě sɔ́ kpo ɖo así towe bɔ a nǎ xo nú mì ǎ cé?”

Tɔ́ tɔn ka ɖɔ n'i ɖɔ: “Ayǐkúngban e jí a nǎ yi nɔ ɔ́ ná nɔ́ ná jinukún ǎ, amyɔsun ka ná nɔ́ ja sín jǐxwé d'é jí ǎ. Dǎka xixo towe wɛ a nǎ ɖu. A nǎ nɔ nɔví towe glɔ́. Amɔ̌, a ɖo flúflú wɛ bó ɖo yiyi wɛ káká ɔ́, a nǎ zlɔ́n agban kpinkpɛn e é ɖíɖá we é.”

Esawu ka ɖɔ nú tɔ́ tɔn ɖɔ: “Daá! Đɛ ɖokpó énɛ́ ɔ́ jɛ́n a ɖǒ a? Xo ɖɛ nú nyɛ lɔ.” Ée é ɖɔ mɔ̌ ɔ́, é wlí avǐ.