Bǐbɛ́mɛ 21වෙතින් ජනප්‍රිය බයිබල් පද

බෙදාගන්න

Mawu Mavɔmavɔ wa ɖagbe nú Sala lě e é ɖɔ gbɔn é; é ɖe akpá e é dó n'i é.

Mawu se vǐ ɔ́ sín gbe, bɔ wɛnsagun Mawu tɔn ylɔ́ Hagáa sín jǐxwé bó ɖɔ n'i ɖɔ: “Hagáa, étɛ́ wɛ ɖo wiwa we wɛ? Ma ɖi xɛsi ó, ɖó Mawu se vǐ ɔ́ sín gbe ɖo fí e é ɖe ɔ́. Sí te; zě vǐ ɔ́ bó hɛn ɛ ganjí, ɖó un ná zé e dó bló akɔta ɖaxó ɖokpó.”

Sala mɔ xo bó ji vǐ súnnu ɖokpó nú Ablaxámu ɖo hwenu e Mawu ɖɔ dó é. Ablaxámu ka ko ɖo kpikpoxɔmɛ hwenɛ́nu.

Bɔ Sala ɖɔ: “Mawu dó nǔkiko nú mì; mɛ ɖěbǔ se ɔ́, mɛ ɔ́ ná ko mì.”

Lo ɔ́, Mawu ɖɔ nú Ablaxámu ɖɔ: “Ma nú xó énɛ́ ɔ́ e è ɖɔ dó vǐ ɔ́ kpó mɛsɛntɔ́ towe nyɔ̌nu ɔ́ kpó wú ɔ́ ní nylá nukún towe mɛ ó. Yǐ gbe nú nǔ e Sala ná byɔ́ we lɛ́ɛ bǐ, ɖó kún e sín akpá un dó nú we ɔ́, Izáki jí wɛ a nǎ gba kún ɔ́ gbɔn.

Un na bo bló mɔ̌ ɔ́, un ná bló akɔta ɖokpó gbɔn mɛsɛntɔ́ towe nyɔ̌nu ɔ́ sín vǐ súnnu lɔmɔ̌ jí, ɖó vǐ towe wɛ é nyí.”