Bǐbɛ́mɛ 18වෙතින් ජනප්‍රිය බයිබල් පද

බෙදාගන්න

Nǔɖé gló Mawu Mavɔmavɔ wɛ a? Xwe ɖě ɔ́ mɛ lěhwenu ɔ́, un ná lɛ́ wá gɔ̌n towe lě e un ɖɔ gbɔn ɔ́. Sala ná kó ɖó vǐ súnnu ɖokpó nɛ́.”

Ée Sala se xó e nya ɔ́ ɖɔ ɔ́, é ko nǔ dó ayi mɛ, bó lin ɖɔ: “Nyɛ ná ko kpo sɔ lě din, bɔ súnnu ná lɛ́ jló mì a? Sɛ́ ce lɔmɔ̌ ká ko kpo.”

Ablaxámu ná wá húzú tɔ́gbó akɔta ɖaxó hlɔ̌nhlɔ́nnɔ ɖé tɔn dandan. Éyɛ́ jí wɛ un ná gbɔn bó xo ɖɛ dó akɔta e ɖo ayǐkúngban ɔ́ jí lɛ́ɛ bǐ jí.

Ablaxámu sɛkpɔ́ ɛ, bó ɖɔ: “A nǎ sú mɛ ɖagbe kpó mɛ nyanya kpó sín kún dó ɖó kpɔ́ wɛ a? Afɔ nyɔ́ din ɔ́, mɛ ɖagbe kanɖé wǒ (50) kó sixú ɖo Sodɔ́mu; a nǎ sú yě lɔmɔ̌ sín kún dó wɛ a? A nǎ kpɔ́n dó mɛ ɖagbe kanɖé wǒ (50) e ɖo to ɔ́ mɛ lɛ́ɛ wú, bó sɔ́ hwɛ kɛ to ɔ́ ǎ cé?

Bɔ Mawu Mavɔmavɔ ɖɔ: “Nú un mɔ mɛ ɖagbe kanɖé wǒ (50) ɖo Sodɔ́mu toxo ɔ́ mɛ ɔ́, un ná kpɔ́n dó mɛ ɖagbe énɛ́ lɛ́ɛ wú, bó sɔ́ hwɛ kɛ toxo ɔ́ bǐ.”