Tíntɔ́n 20වෙතින් ජනප්‍රිය බයිබල් පද

බෙදාගන්න

“Nyɛ wɛ nyí Mawu Mavɔmavɔ, Mawu towe e ɖe we tɔ́n sín Ejípu fí e a nyǐ kannumɔ ɖe é. Ma sɛn nǔ ɖěvo zɛ nyɛ wú ó.

Ma kpa bǒcyɔ ó; ma ka kpa nǔ e ɖo jǐnukúnsin aga lɛ́ɛ, nǔ e ɖo ayǐkúngban jí ɖo do lɛ́ɛ, nǔ e ɖo sin mɛ ɖo ayǐkúngban glɔ́ lɛ́ɛ ɖě sín akpajlɛ́ ó. Ma jɛ kpo bo ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ́, un nɔ ba gbeɖé ɖɔ a nǐ sɛn nǔ ɖěvo zɛ nyɛ wú ǎ; ényí mɛɖé gbɛ́ wǎn nú mì ɔ́, vǐ tɔn lɛ́ɛ ná sún sin tɔn, vǐvú tɔn lɛ́ɛ, vitikli tɔn lɛ́ɛ kpódó kpaba tɔn lɛ́ɛ kpó ná sún sin tɔn.

Sí tɔ́ towe kpó nɔ towe kpó, énɛ́ ɔ́, a nǎ dɔ́ ji ɖo to e nyɛ Mawu Mavɔmavɔ, Mawu towe ná ná we ɔ́ mɛ.

Ma wɔn gbɔjɛzán ɔ́ ó, nɔ sɔ́ ɖó vo nú nyɛ Mawu Mavɔmavɔ.

Ma zé nyɛ Mawu Mavɔmavɔ, Mawu towe ɔ́ sín nyǐkɔ dó da ayihún ó, ɖó nyɛ Mawu Mavɔmavɔ ɔ́ nɔ́ gɔn tó dɔn nú mɛ e ná zé nyǐkɔ ce dó da ayihún ná ɔ́ ǎ.

Azǎn ayizɛ́n wɛ ɖo te nú we ɖo aklúnɔzángbla ɖokpó mɛ, bɔ a nǎ dó wa azɔ̌ towe lɛ́ɛ bǐ ná. Lo ɔ́, azǎn tɛ́nwegɔ́ ɔ́, gbɔjɛzán wɛ; gbɔjɛzán ɔ́, nyɛ Mawu Mavɔmavɔ, Mawu towe ɔ́ tɔn wɛ. Ma wa azɔ̌ ɖěbǔ gbe énɛ́ ɔ́ gbe ó; vǐ towe súnnu kpó nyɔ̌nu kpó ɖě ní má wa azɔ̌ ó; mɛsɛntɔ́ towe súnnu kpó nyɔ̌nu kpó ɖě ní má wa ó; jǒnɔ e ɖo xwé towe gbe lɛ́ɛ ɖě ní má wa azɔ̌ ó. Kanlin towe lɛ́ɛ lɔmɔ̌ ní má wa azɔ̌ ó.

Nukún towe ma nɔ nɔzo towe sín xwé wú ó; nukún towe má nɔ asi tɔn wú ó; nukún towe má nɔ mɛsɛntɔ́ tɔn súnnu wú ó; nukún towe má nɔ mɛsɛntɔ́ tɔn nyɔ̌nu wú ó; nukún towe má nɔ nyibú tɔn wú ó; nukún towe má nɔ tócí tɔn wú ó; nukún towe má nɔ nǔ e nyí étɔn lɛ́ɛ ɖěbǔ wú ó.”

Ma ɖe kúnnu agɔ dó nɔzo towe wú ó.

Ma lɛ aga ó.

Ma hu mɛ ó.

Ma ja ajo ó.