Tíntɔ́n 16වෙතින් ජනප්‍රිය බයිබල් පද

බෙදාගන්න

Izlayɛ́li ví lɛ́ɛ ɖɔ nú yě ɖɔ: “Hwenu e mǐ nɔ xá dó lanzɛ́n bó nɔ́ ɖu nǔ gɔ́ xo ɖo Ejípu ɔ́, é nyí Mawu Mavɔmavɔ ko hu mǐ hwenɛ́nu wɛ ɔ́, é nyɔ́ hú. Đó mi kplá mǐ wá gbětótló élɔ́ mɛ, bó ná jó mǐ mɛ tobutóbú élɔ́ lɛ́ɛ dó, bɔ mǐ ná kú adɔ.” Mawu Mavɔmavɔ ká ɖɔ nú Mɔyízi ɖɔ: “Đǒtó mì. Un ná bló bɔ nǔɖuɖu ná ja kɔn nyi ayǐ nú mi sín jǐxwé. Togun ɔ́ ná nɔ tɔ́n ayǐhɔ́ngbe ayǐhɔ́ngbe, bó ná nɔ́ bɛ́ nǔɖuɖu e ná kpé gbe ɖokpó é. Un ná bló mɔ̌, bó dó tɛ́n ɛ kpɔ́n, bó ná kpɔ́n ɖɔ é ná xwedó nǔ e un ɖɔ n'i ɔ́, abǐ é ná gbɔ ají?

Izlayɛ́li togun ɔ́ bǐ jɛ nǔ hlún ɖɔ dó Mɔyízi kpó Aalɔ́ɔn kpó wú jí.

Mɔyízi ɖɔ: “Égbé gbadanu ɔ́, Mawu Mavɔmavɔ ná ná lan mi, bɔ mi ná ɖu; é jɛ sɔ zǎnzǎn ɔ́, é ná ná wɔ̌xúxú mi bɔ mi ná ɖu gɔ́ xo, ɖó Mawu Mavɔmavɔ se nǔ e mi hlún ɖɔ dó wǔ tɔn é; étɛ́ wɛ mǐdɛɛ lɛ́ɛ nyí? É nyí mǐdɛɛ lɛ́ɛ jí hlún nǔ ɖɔ dó wɛ mi ɖe ǎ, Mawu Mavɔmavɔ jí hlún nǔ ɖɔ dó wɛ mi ɖe.”

“Un se nǔ e hlún ɖɔ wɛ Izlayɛ́li ví lɛ́ɛ ɖe é. Đɔ nú yě ɖɔ: ‘É jɛ égbé gbadanu ɔ́, mi ná ɖu lan, bɔ sɔ zǎnzǎn ɔ́, mi ná ɖu wɔ̌xúxú gɔ́ xo. Énɛ́ ɔ́, gbɔn nǔwiwa ce lɛ́ɛ mɛ ɔ́, mi ná tunwun ɖɔ nyɛ wɛ nyí Mawu Mavɔmavɔ mitɔn.’ ”