2. Mose 12වෙතින් ජනප්‍රිය බයිබල් පද

බෙදාගන්න

Ekj woa en dee Nacht derch Ägipten gonen, un woa daut ieeschtjebuarne mank Menschen un Tieren doot moaken. Un opp aule ägiptische Jetta woa ekj mien Uadeel komen loten. Ekj sie de HAR. Daut Bloot aun june Hiesa woat een Tieekjen sennen, wua jie wonen. Wan ekj daut Bloot see, woa ekj bie junt vebie gonen. Kjeen vedoawen woat mank junt komen, wan ekj met miene Strof opp Ägipten kom.

Dis Dach es fa junt een Dach toom aundenkjen. Jie sellen dän soo hoolen aus een Fast fa däm HARN. Opp aule Tieden sell jie dän hoolen, emma wajch.

Un wan daut soo romkjemt, daut june Kjinja junt froagen: Waut bedieden junt dise Heljedoag? dan sajcht an: Dit Opfalaum es een Passafast fa däm HARN, toom aundenkjen aus de HAR bie de Hiesa von de Israeliten en Ägipten vebie jinkj. Hee jinkj derch daut Launt un schluach de ieeschtjebuarne Ägipta doot, un bie onse Hiesa jinkj hee vebie. Un daut Volkj kjneed em Jebäd.