Послание к Римлянам 6වෙතින් ජනප්‍රිය බයිබල් පද

බෙදාගන්න

Оброцы бо греха смерть: дарование же Божие живот вечный о Христе Иисусе Господе нашем.

Грех бо вами да не обладает. несте бо под законом, но под благодатию.

Спогребохомся убо ему крещением в смерть, да якоже воста Христос от мертвых славою Отчею, тако и мы во обновлении жизни ходити начнем.

ниже представляйте уды вашя оружия неправды греху: но представляйте себе Богови яко от мертвых живых, и уды вашя оружия правды Богови.

сие ведяще, яко ветхии наш человек с ним распятся, да упразднится тело греховное, яко ктому не работати нам греху.

Такожде и вы помышляйте себе мертвых убо быти греху, живых же Богови, о Христе Иисусе Господе нашем.

Что убо речем, пребудем ли во гресе, да благодать преумножится? Да не будет. Иже бо умрохом греху, како паки оживем о нем?

Не весте ли, яко емуже представляете себе рабы в послушание, раби есте, егоже послушаете, или греха в смерть, или послушания в правду?

Благодарим убо Бога, яко бесте раби греху, послушасте же от сердца, в оньже и предастеся образ учения. Свобождшеся же от греха, поработистеся правде.