Matayo 7වෙතින් ජනප්‍රිය බයිබල් පද

බෙදාගන්න

“Lhawani, naho muneowe, daaijani naho muneakho, bani mwuii, na kune munelhaiwa luhige.

Kwaite, elhawa etaowe nahu edaa eneakho, nahu eba muii enelhaiwa luhige.”

Kwato, kira muhe eko viome gho na kuvidarisha, etoiane na muhe elo viugho, ekwae minda kuu ana he ighamba kalo minda isirelhu.

“Vaboiyeni vahe vahali sa hucho mudumu muboiiwe, kwaite ya nicho idumu hu miku yakwe Kiumbi emuoe Musa na mahinyo ya varoto va Kiumbi.”

Mira luhige ni luchacho na kwalhi iso he uzime ni chacho, navo veiakho ka kwalhi nivaghere.”

“Buuni kwa kutakhoya he luhige luchacho. Kwaite luhige luso bamuza ni lumpana na kwalhi iso bamuza ni mhana naka veitakho ka kwalhi ni vakumure.

Kai kune bi vakusa mureile kuvao vainyi kaghu vigi vikulho. Kweri aba kaghu eaha are ana tekavao vigi vikulhosha huvo vemlhawa?

“Musivazamari vahali, kalo na kune museezamariwa ni Kiumbi, kwaite cho munevazari vahali, nire wato Kiumbi enemuzamari, nacho munevaaghatia vahali nire wato muneaghatiwa ni Kiumbi.”

“Mira muhe eko viome gho naho teviboiya nyamalo, etoyane sa muhe esilo akiri ekwae minda kuu ana he msangalagala.

Kwaakhoni uwesia kabasi keaha he iila la mbakhu kechi naho tuakho ibare liaha he iila kechi? Hile umuru kimomo kumbaya mbakhu kechi, “Hakiro nikukaa kabasi keaha he iila kechi naho ari salaghe ulo ibare he iila kechi?

“Khwani maila na varoto valame, vo velita naho ukuvawesia kwa gahana vetoe sa maalu, mira are za ni madie makusa ya maeza. Munevaila bi kwa miboire kini.” Ho, vahe vedaa zabibu he mikhatu ya milhae, hile he mhuti?

Wato oto, mkhatu mkulho usa matunda makulho, na mkhatu mkusa usa matunda makusa.

Mkhatu mkulho teumuru kusa matunda makusa, na mkhatu mkusa teumuru kusa matunda makulho.

Naho kira mkhatu usisa matunda makulho unetewe na kubibiwe he mwalha.