ئنجیل مەتا 7වෙතින් ජනප්‍රිය බයිබල් පද

බෙදාගන්න

«داوا بکەن که درێیده پێدان؛ مینه بکەن که دوینینەو؛ دەر بکوتن، که وه ڕویدان واز بود.

چوینکه هەر کەس داوا بکێ، وه دەس تیەرێد؛ هەر کەیش مینه بکێ، دوینیدەو؛ هەر کەیش دەر بکوتێ، وه ڕوی واز بود.

«جا هەر کەس ئی قسیەیلمه بشنەفێد و ئەوانه وه جا بارێ، مینێده پیاێ زاناێگ که ماڵەگەێ وەبان کوچگ درس کرد.

جا ڕێ رەوشتدان وەگەرد مەردم هەر ئەوجورە بود که تواین وەگەرددانەو بکرێد. چوینکه ئیه کوڵ و‎کوڵبڕ تەورات و نویسریایل پەێخەمەرەگانه.

وەلێ تەنگه ئەو دەر و سەخته ئەو ڕێه که وەرەو زنەیی چود و کەم کەسێگ دوینیدەوی.

«وه دەر تەنگ بچنه ناو، چوینکه دەرێ که پانه و ڕێیگ که ئاسانه وەرەو نابودی چود و فرەن کەسیلێ که وه ئەو دەره چنه ناو.

جا ئەگەر ئیوه وەگەرد گشت بەێ زاتیدان زانین که باێه وه مناڵیلدان خەڵاتییل خاس بیەین، باوگدان که ها ناو ئاسمان چەنێ فرەتر چشتیل خاس بەخشیده ئەوانه که داوا وه لێ کەن.

داوەری نەکەن تا داوەری نەکرێین. چوینکه هەر ئەو جوره که مەردم داوەری کەین، ئیوەیش داوەری کرێین، وەگەرد هەر پەێمانەێگ بکیشین، ئەڕادان کیشێید.

هەر کەیش ئی قسیەیلمه بشنەفێد و وه جا نارێ، مینێده پیاێ نە‎زانێگ که ماڵەگەێ وەبان شن درس کرد.

ئەڕا پەر کەیێگ وەناو چەو براگەد دوینید، وەلێ هوشده کوته دارێگ که ها ناو چەو خوەد، نیه؟ یا چوی تویەنێد وه براگەد بویشی: ”بیل تا ئەو پەر کەیه وەناو چەود دەر بارم،“ وەختێ کوته دارێگ ها ناو چەو خوەد؟

«هوشدانه پەێخەمەریل دروەکانی بود. ئەوانه وەناو پوس مێەگان تیەنه ئەڕا لادان، وەلێ وه ناوەو گورگێل دڕنەێگن. ئەوانه وه میوەگانێان ناسین. مەگەر بود ئەنگویر له ‎گەون بچنی یا هەنجیر له دڕگ؟

هەر ئیجوره هەر دار خاسێگ میوەێ خاس دەێده دەس، وەلێ دار خراو میوەێ خراو.

دار خاس نیەتویەنێ میوەێ خراو بێیده دەس، دار خراویش نیەتویەنی بەر خاس بێیده دەس.

هەر دارێگ بەر خاس نارێ، بڕیەد و فڕه دریده ناو ئاگر.