1ቆሮንቶሴ ኣሳስ 13වෙතින් ජනප්‍රිය බයිබල් පද

බෙදාගන්න

ሲቆይ ዳንዳያ፥ ቃሴካ ኪያ፤ ሲቆይ ሚቃይኔና፤ ጬቄቴና፤ ኦቶሬቴና፤ ቤሶንታዝ ኦና፤ ባ ጎኣ ጻላ ጼሌና፤ ቆሆ ቆዳን ዬጌና።

ሲቆይ ኡባ ዎዴ ዳንዳዬስ፤ ኡባ ዎዴካ ኣማኔስ፤ ኡፋይስ ኦሲኔ ሚኒ ኤቄስ።

ሲቆይ ቱማንፔ ኣቲን ማካላን ኡፋዬቴና።

ሄሳ ጊሻስ ኣማኖይ፥ ሂዶታይኔ ሲቆይ ሃይቲ ሄቲ ኤቂ ዳና፤ ሃይታ ኡባፌ ኣዛይ ሲቆ።

ሲቆይ ሙሌካ ኩንዴና፤ ቲንቢቴይ ጊዲኮ ኣታና፤ ሃራ ቃላን ሃሳያይካ ኣታና፤ ኤራቴካ ሻሬታና።

ታ ኣሳ ቃላኒኔ ሳሎ ኪታንቻታ ቃላን ሃሳይኮካ ታስ ሲቆይ ባይንዳ ኣጊኮ ጮ ሜላ ቢራታ ጊሪሳ ማላ ዎይኮ ዳላ ጊሪሳ ማላ።

ቲንቢቴ ሃሳይዛ ኢሞታይ ታስ ዲኮካ፥ ዎይኮ ጹራ ዮኦታኔ ኤራቴ ዉርሳ ታ ኤሪኮካ፥ ዙማይ ኢዚ ዲዛሶፔ ቃላዳ ሃራሶ ዲጊዛ ኣማኖይ ታስ ዲኮካ ሄሳ ዉርሳካ ሲቆይ ባይንዳ ታ ኦኮ ሄሲ ሃዳ።

ታስ ዲዛዝ ዉርሳ ማንቆታስ ታ ኢሚኮካ፥ ታ ኣሳቴ ታ ታማን ጹጊኮካ፥ ሲቆይ ባይንዳ ኣጊኮ ታና ሄሲ ኣይኮካ ማዴና።

ታ ጉ ናቴቴን ዳሼ ና ማላ ሃሳያይሲኔ ና ማላ ቆፓይስ፤ ና ማላካ ዩሻ ቆፓይስ፤ ካሃ ኩንዳፔ ጉዬ ካሴ ናቴን ሃኒዛይሳ ዉርሳካ ዬጋ ኣጋዲስ።