Лука 17වෙතින් ජනප්‍රිය බයිබල් පද

බෙදාගන්න

Та пилы Иисус шуиз: «Султы, мын, тынад осконэд тонэ утиз».

Нунал куспын тыныд пумит сизьым пол сьӧлыказ ке, но сизьым пол тыныд вазиськыса шуиз ке: ”Сьӧлыке понна ӧпкелисько”, – сое простить кар».

Соос пӧлысь одӥгез аслэсьтыз бурмемзэ шӧдӥз но Инмарез бадӟым куараен данъяса берытскиз. Иисуслы тау кариз, пыдесъяськыса йыбырттӥз. Со Самария пи вал.

Асьтэдыз асьтэос чаклалэ. Братэд тыныд пумит сьӧлыказ ке, тон солы ваньзэ вера, сьӧлыкез понна ӧпкелиз ке, сое простить кар.

Соку Иисус шуиз: «Дасназы ик ӧз чылкыталэ-а? Нош укмысэз кытын?

Кузё-Инмар шуиз: «Горчица кидыс быдӟа гинэ осконды луыса та смоквапулы шуысалды ке: ”Вырӟы интыысьтыд но пуксьы зарезе”, со тӥлесьтыд кылзӥськысал.

Кин аслэсьтыз лулзэ утьыны кутскоз, со сое быдтоз; нош кин сое быдтоз, со сое улӟытоз.

Аслаз дышетскисьёсызлы Иисус вераз на: «Сьӧлыке пыртӥсь ужъёс лыктытэк уз кыле, но куректон-кайгу со адямилы, кин пыр соос лыкто: та пичиос пӧлысь одӥгзэ сьӧлыке пыртытозь, со адямилы умойгес луысал, чыртыяз вуко кӧ ошыса, зарезе куштысалзы ке.

Ной улон нуналъёсы кызьы луэм, озьы ик луоз Адями Пилэн нуналъёсыз дыръя но: Ной пыжаз пырытозь, сииллям, юиллям, кышнояськиллям, бызиллям, ву нюртон вуэм но ваньзэс быдтэм.