Улон-вылон 24වෙතින් ජනප්‍රිය බයිබල් පද

බෙදාගන්න

Со шуиз: «Кузё-Инмаре, Авраам кузёелэн Инмарез! Туннэ со нылмуртэз мынам пумитам ысты, гажа-жаля мынэсьтым Авраам кузёме

нылмуртлы мон шуи ке: ”Кунгандэ (кувшиндэ) мыкырты, мон вудэ юо”, нош нылмурт [мыным] шуиз ке: ”Ю, верблюдъёсыдлы но юыны сёто [сюзы юзматозь]”, – со нылмурт мед луоз вал Тынад Исааклы, Аслад ляльчиедлы, дасям ичименед; озьы луиз ке, мон тодо, Тон мынэсьтым [Авраам] кузёме гажаськод-жаляськод шуыса».

Соку Исаак Ревеккаез анаезлэн, Сарралэн, балаганаз пыртӥз, сое бордаз кутӥз, Ревекка солы кышно луиз, Исаак кышнозэ юн яратӥз; анаез [Сарра] кулэм бере Исаак куректыса улэ вал, нош табере со буйгатскиз.

Ревеккаез бакель карыса, солы шуизы: «Сузэрмы! Тынэсьтыд сюрсъёсын сюрсъёс мед вордскозы, тынад выжыед тушмонъёсызлэсь улон интызэс киулаз мед возёз!»

Инлэн но, музъемлэн но Инмареныз Кузё-Инмарен кыл сёт мыным: [Исаак] пиелы хананейёслэсь, кинъёс пӧлын мон али улӥсько, нылзэс кышно уд басьты шуыса; мынам дорам, вордскем музъем вылам, [мынам улы-бечеосы доры] мынод но [отысь] мынам Исаак пиелы кышно басьтод».