Juan 16වෙතින් ජනප්‍රිය බයිබල් පද

බෙදාගන්න

Da tsai ẽ batu yuiya. Euxũ sharakui ma shinanu. Da bai aduax ma ubiskuiwaidaka. Naskawiax ma shinasharatiru. Ẽ yura chakawu winukĩ abis keskawakĩ”, Jesúspa auxũ tapibiswu atu wadi.

Espíritu Santo ikũkui uxũ naatu batu yuikuinupukui ikũkuina. Naskatari kayakawikui ma ipaxanu batu yuiyunupukui. Awẽ shina batu yuinupukuiba. Epa Diospa awẽ shina batu yuinupukui. Na awara inupukuwai.

Datiã ewẽ adeuxũ awa ma ñukakabeaba. Ñukakabekawe ewẽ Epa batu inanu idibakuixikakĩ”.

Naskake ẽ batu yuikui ẽ kayabake Espíritu Santo batuki utiruba. Ẽ kaxu batuki Espíritu Santo nichinupukui. Espíritu Santouxũ naatu da bai adua yurawu tapibanupukui yura chakabiswu ita yura chakabisba watura wetsawu Epa Diospa atu ubiskuibaxiwi”.

Datiã maariwi naskai shinachakakĩ. Naskawiax ẽ ana chipu batuki uadu matu uĩti mera ma idibaxiwi. Tsuã batu xatebatiruba na ma idibaiyai”. “Naskaidu da pedata. Ana ea ma awa ñukawaidakaba. Ẽ batu yuikuinu ewẽ adeuxũ. Ewẽ Epa awara ma ñukaitu batu inaxiwi.

Ẽ batu yuikuinu. Ma siaiwaidaka. Naskata ma shinabetsawaidaka yura chakawu idibaiwudu. Naskaweke ma shinabetsawiax ma idibaxiwi”.