Паволонь сёрмазо Римев 3වෙතින් ජනප්‍රිය බයිබල් පද

බෙදාගන්න

Эдь весе совасть пежетьс ды арась эйсэст Пазонь иневалдонть сияждома. Ды ялатеке, Пазонь чанстенть коряс, весенень максови казнекс чумовтомочи Христос Иисус вельде, кона сынст идинзе-раминзе олячис.

Те чумовтомочись казеви ломантненень Иисус Христоснэнь кемемаст кисэ. Сон сы весе лангс ды весенень, кить кемить Тензэ, киньгак апак яво.

Сонзэ аравтызе Пазось улемс ладямонь аноксокс: Сонзэ верьсэ ванськавтовить весе, конат кемить Тензэ. Истя Пазось невти Эсь видечинзэ. Сон эзь пандо чумо икелень теевть пежетнень кисэ, Эсь куватень кирдеманзо коряс. А вана неень шкасто Сон невти Эсь видечинзэ: Сон Сонсь виде ды лови видекс-чумовтомокс эрьванть, кие кеми Иисуснэнь.

Эдь вейкеяк ломань Коень топавтоманть вельде а ловови Пазонть икеле чумовтомокс. Коенть вельде ломантне ансяк кармить содамо-чарькодеме эсест пежетест.

Тенде ёвтазь Сёрмадовкссо истя: «Ве ломаньгак арась чумовтомо, вейкеяк арась чарькодиця, ды кияк а вешни Пазонть. Весе велявтсть Пазонть эйстэ, весе колазь. Арась паронь теиця – арась вейкеяк.

Секскак минь кемекстатано: ломанентень максови Пазонть икеле чумовтомочи ансяк кемеманть вельде, допрок аволь Коень топавтоманть вельде.

Нама, арась! Пазось свал ашти Эсь валонзо лангсо, мик сестэяк, бути “весе ломантне кенгелицят”. Сёрмадовксонть эйсэ Паздонть ёвтазь истя: «Тонь Валот свал кармить лововомо видекс, ды Тон изнясыть сетнень, конат чумондыть Тонь».