Лука 11වෙතින් ජනප්‍රිය බයිබල් පද

බෙදාගන්න

Бути натой тыньгак, берянь ломанть, машттадо эсь эйкакшонк туртов вадря казнень макснеме, нама, менелень Тетянк седеяк максы Иневанькс Оймеялтонть сетненень, кить вешить кедьстэнзэ».

Секскак Мон кортан тыненк: вешеде ды максозь ули тенк; вешнеде ды мутадо; вачкоеде ды панжить тенк.

Эдь эрьва вешицянтень – максови; вешницясь – муи; вачкоицянтень – панжозь ули.

Иисус мерсь тенст: «Ознодо вана истя: Менелень минек Тетянок, иневаньксэкс улезэ Тонь леметь! Сазо Тонь Инязорксчить, топавтовост Тонь мелеть-арсемат масторлангсояк, кода менельсэ!

Нолдыть минек теевть пежетенек, эдь миньгак нолдтнетяно минек икеле чумосотненень. Илямизь нолда снартнемас-варчавтнемас, мекевланк – менстямизь Апародонть».

Макст миненек эрьва чистэ эрявикс кши-сал.

Тонь сельмесь – рунгот туртов валдонь максыця. Секскак улиндеряй тонь сельмесь шумбра, сестэ весе рунготкак ули пештязь валдосо. Улиндеряйть сельметне сэредицят, сестэ рунготкак ули пештязь чоподасо.

«Кияк кирвазтезь лампанть а кекшсы каськас эли кедьге алов. Мекевланк, путсы лампань кирдема таркас, кадык весе совицятне неить валдонть.