रोमानियनमन 6වෙතින් ජනප්‍රිය බයිබල් පද

බෙදාගන්න

काले कि पाप केर फल तो माउत हेके, मगर परमेश्‍वर जे बरदान हमरे के देवेला, उ हमर प्रभु मसीह यीशु में जुग-जुग केर जिंदगी हेके।

तब तोहर उपरे पाप केर शक्ति नी होवी, काले कि तोहरेमन मूसा केर नियम केर अधीन निहीं बल्कि परमेश्‍वर केर किरपा केर अधीन अहा।

से लगिन जब हमरे बपतिस्मा जल संस्कार लेली तो उकर संगे मोइर गेली आउर उकर संगे दफनाल हों गेली, ताकि जइसन मसीह आबा परमेश्‍वर केर महिमा केर शक्ति से मोरलमन में से जियाल गेलक, तइसनेहें हमरे हों नवाँ जिंदगी जियब।

आउर अपन काया केर अंगमन के बुरा काममन के करेक लगिन ना सोंपा, मगर मोरलमन में से जी उठल जाइन के खुद केर जिंदगी के परमेश्‍वर के सोंइप देवा, आउर अपन काया केर अंगमन के भला काममन के करेक लगिन परमेश्‍वर के सोंइप देवा।

काले कि हमरे जानिला कि हमर पुरना पापी स्वभाव यीशु मसीह केर संगे क्रूस उपरे चढ़ाल गेलक, ताकि हमर काया केर पापी स्वभाव नाश होई जाई आउर हमरे पाप केर गुलाम में नी रहब।

एइसनेहें तोहरेमन हों खुद के पाप केर शक्ति लगिन मोरल समझा, मगर परमेश्‍वर केर लगिन मसीह यीशु में जिंदा समझा।

तो हमरे का कहब? परमेश्‍वर हमरे केर पाप के अपन किरपा से क्षमा करेला, से लगिन हमरे के एइसन नी सोचेक चाही कि चला पाप करते रहब कि किरपा ढेइर होवोक? निहीं बिलकुल निहीं! हमरे जब पाप केर लगिन मोइर गेली तो फिन आगे हमरे के पाप करते रहेक नखे।

तोहरेमन जानाला कि जब तोहरे खुद के केकरो धांगर बनेक लगिन देई देवाला, तो उ आदमी तोहरे केर मालिक बाइन जायला आउर तोहरे के ओहे करेक होवेला जेके उ करेक कहेला, तोहरे पाप केर गुलाम बाइन जाएक पाराला जे तोहरे के माउत बटे लेगेला, चाहे तोहरे परमेश्‍वर के चुनेक पाराला जे तोहरे के धरमी जिंदगी जियेक लगिन अगुवाई करेला।

पहिले तोहरे तो पाप केर गुलाम रहा, मगर अब उ उपदेस के मानेक वाला होई गेला जेके तोहरे लगिन देवल गेलक, इकर लगिन मोंय परमेश्‍वर के धन्यबाद देवोना। परमेश्‍वर तोहरे के पाप केर शक्ति से छोड़ालक आउर अब सही काममन के करेक लगिन तोहरे उकर धांगर बाइन गेला।