रोमानियनमन 12වෙතින් ජනප්‍රිය බයිබල් පද

බෙදාගන්න

आउर इ दुनिया केर आदमीमन नियर ना बना, मगर तोहरे केर मन केर पूरा बदइल जाएक से तोहर चाइल-चलन हों बदलते जाओक, ताकि तोहरेमन परमेश्‍वर केर भला, आउर भावती, आउर सिद्ध इच्छा के अनुभव से जानते रहा।

इ लगिन हे बिसवासी भाईमन, परमेश्‍वर हमरे के अपन महान दया के देखाय हे, से लगिन मोंय तोहरेमन से बिनती करोना कि अपन जिंदगी के जिंदा आउर पवितर, आउर परमेश्‍वर के पसिंद लायक बलिदान केर रूप में, परमेश्‍वर लगिन चढ़ाय देवा, एहे परमेश्‍वर केर भक्ति करेक केर सही तरीका हेके।

जे आसरा तोहरे ठिना अहे, उकर में खुश रहा, बिपइत में धीरज धरा, रोज दिन प्रार्थना में लगल रहा।

बुराई से ना हारा मगर भलाई से बुराई के जीत लेवा।

एक दोसर से अपन परिवार केर आदमी नियर प्रेम करा, बाइढ़ चाइढ़ के एक दोसर के आदर करा।

दोसरमन के देखाएक ले प्रेम ना करा, बुराई से घिरना करा, लगातार भलाई करते रहा।

जहाँ तक होवेक पराई तोहरेमन सोउब आदमीमन संगे मेल-मिलाप से रहा।

हे दुलार भाई बहिनमन बदला ना लेवा, मगर परमेश्‍वर के दंड देवेक केर मोका देवा, काले कि पवितर किताब में लिखल अहे प्रभु कहेला, “बदला लेवेक मोर काम हेके।”

खूब मेहनइत करा आउर कोढ़िया ना होवा, अपन मन में जोश से भरल रहा, प्रभु केर सेवा मन लगाय के करा।

मोंय उ किरपा केर चलते जे मोके मिल हे तोहर में से हरेक झन से कहोना, तोहरे के जइसन समझेक चाही उकर से बाइढ़ के केऊ हों खुद के ना समझबा, मगर जइसन परमेश्‍वर हरेक के बिसवास केर मात्रा बाँइट देई हे तइसनेहें बेस बुद्धि केर संगे खुद के समझबा।

बुराई केर बदली केकरो से बुराई ना करा, जे गोइठमन सोउब आदमीमन लगिन भला अहे, ओहे गोइठमन के गोठियावा।

सोउब केर संगे एके नियर ब्यवहार करा, घमंडी ना होवा, मगर गरीब दुःखीमन केर संगे संगति रखा, अपन नजइर में बुद्धिमान ना होवा।

मगर, “अगर तोर बैरी भूखल अहे, तो उके भात खियावा, अगर पियासल अहे, तो उके पानी पियावा, काले कि एइसन करेक से तोहरे उकर मूँड़ उपरे आइग केर अंगोर के रखबा।”

अपन सताएक वालामन के आशीष देवा, सराप ना देवा। खुशी मनाएक वालामन केर संगे खुशी मनावा आउर काँदेक वालामन केर संगे काँदा।

पवितर आदमीमन के जे कोनों जरुरत होवी, उकर में उमन केर मदइत करा, परदेसीमन केर सेवा करेक लगिन अपन घर केर दुरा के खोइल देवा।

काले कि जइसन हमरे केर एगो काया में ढेइर अंगमन अहैं, आउर सोउब अंगमन केर एके नियर काम नखे। तइसनेहें हमरे जे ढेइर अही, मसीह में बिसवास करेक केर चलते मसीह केर काया केर अंगमन हेकी, आउर हमरे सोउब एक दोसर से जुड़ल अही।